belleeeeloo的个人专页

係沙田附近做完嘢去咗最近嘅新城市廣場覓食，個日睇咗幾間泰菜，見呢間裝修都幾有泰feel就同朋友入座，估唔到啲菜式都真係唔差！—————————————————————📍 Here Thai Market (沙田)地址: 香港沙田沙田正街2-8號新城市廣場三期2樓A216號舖✍🏻/食評/◍ 泰式蟹肉奄列 $168老實講一開頭見到佢嘅賣相同以往食開嘅蟹肉奄列好唔同，偏濕，以為口感會麻麻地，但一上枱已經聞到陣陣蛋香，金黃厚身嘅奄列切開後見到滿滿蟹肉，咖哩汁淋得夠多。入口蛋香滑溜，蟹肉鮮甜唔腥，咖哩汁帶微辣同椰香，層次感好豐富，唔會搶走蟹肉味，反而令整體更加突出，真係俾到我surprise！◍ 羅氏蝦煲仔粉絲 $148羅氏蝦煲仔粉絲都做得唔錯，蝦隻隻都夠大隻，蝦肉爽彈，d粉絲吸晒蝦汁同sauce，入口鹹香夠味但去到最後會有啲偏鹹，如果配白飯一齊食會更好。個煲keep到熱，食到最後粉絲都唔會腍晒◍ 泰式豬肉碎生菜包 $88+10其實呢個菜式本身係豬肉碎，但我特別加個生菜變成生菜包食落感覺冇咁heavy，豬肉碎炒得粒粒分明，香料味重，有洋蔥、香茅、辣椒同酸汁，幾開胃。生菜新鮮爽脆，包住豬肉一齊食，食落去清新又有層次，唔會膩。…查看更多

來自醬油蟹迷嘅推薦2.0！最近同朋友去咗「韓脈 Han Mat」試下佢哋主打嘅韓式料理。餐廳主打醃製海鮮同韓牛燒肉，早已聽聞佢哋嘅醬油蟹同韓牛係招牌，今次終於有機會一試。—————————————————————📍 韓脈 (尖沙咀)地址: 香港尖沙咀麼地道68號帝國中心UG樓UG43號舖✍🏻/食評/一定一定要推介嘅絕對係醬油蟹拌飯（간장게장 비빔밥）。蟹肉醃得入味，鹹香適中，仲帶住濃厚嘅海鮮鮮味。最特別係佢哋用上牛油紫菜飯，熱飯撈埋牛油之後更加香滑，紫菜嘅鹹香同蟹膏、生蟹肉融為一體，每一啖都層次分明。醬汁充分滲入每粒飯，味道細膩又唔會膩。如果你本身鍾意生醃韓式海鮮，呢碗真係唔可以錯過。除咗拌飯，佢哋嘅韓式人參雞湯都值得一試。湯底夠濃郁，雞肉嫩滑唔鞋口，入面有糯米、紅棗、人參同蒜頭，飲落去即刻覺得暖胃又滋補。即使係夏天飲，都唔會覺得燥熱，反而有種養生嘅感覺。韓牛方面，主打韓牛肉眼同西冷牛扒。無論肉眼定西冷，油花分布都靚，入口嫩滑多汁。肉眼牛扒油脂豐富，煎香後外層微脆，內裡保留住牛肉鮮甜；西冷牛扒則肉質結實帶嚼勁，同樣牛味突出。兩款牛扒都可以配埋蔬菜一齊燒，亦有員工幫手燒肉，完全唔使自己動手，氣氛真係好似置身韓國燒肉店，幾有情調。蒸雞蛋都帶來驚喜，質感特別滑溜，蛋香濃郁，鹹度適中，無論配飯定單食都一樣好味。上枱時熱辣辣，食落口有家常溫暖感，簡單但充滿誠意。環境方面，餐廳裝修簡約，座位寬敞舒服，服務員都幾有禮貌。今次叫咗幾款主菜加小食，埋單千二幾蚊，價錢雖然唔算十分平價但以香港地段同食材質素嚟講，性價比算唔錯。尤其對鍾意醃製海鮮嘅朋友，佢仲有韓式醃蟹放題～所以都值得推薦呢間韓式餐廳…查看更多

呢間「小甜頭」係網上都被人推介過，經過大圍終於忍唔住同朋友入去試下。今次叫咗特濃朱古力冰、開心果碎麻糬同埋蜂蜜檸檬愛玉寒天。特濃朱古力冰真係幾有驚喜好夠濃！啲冰好幼滑，唔會一食就溶晒，朱古力味夠濃，唔係嗰啲假甜，反而帶少少苦味，幾有層次。開心果奶蓋沾醬麻糬口感煙煙韌韌，唔會太實。佢提供咗開心果碎同開心果奶蓋醬，開心果碎好香脆，有堅果香，開心果奶蓋醬又唔會太膩，質地滑身但唔膩，仲帶有啲微鹹，令成件事冇咁單調。呢個配搭幾中意，食完都唔覺滯。見到Menu都有唔同口味嘅奶蓋沾醬，下次會試埋其他！蜂蜜檸檬愛玉就清新得嚟有啲台式風味，愛玉啫喱夠爽口，唔會太硬一舊嘢，有微微嘅蜂蜜味，檸檬酸度啱啱好，好適合夏天！…查看更多

啱啱喺中環搵到間主打泰式船麵嘅餐廳，環境唔算豪華，但氣氛好chill，啱晒放工同朋友hea住食。呢間餐廳概念是同泰國thongsmith一樣同各種地道泰國街頭美食而入面9成食材都係由泰國直接入口，可謂泰味十足。—————————————————————📍 泰排檔 (中環)地址: 香港中環士丹頓街6-8號地舖✍🏻/食評/最吸引係佢哋個 mango & passion fruit smoothie，頂層仲有半個 passion fruit同 mint做garnish，打卡一流。入口果香濃郁，唔會太甜，仲有啲微酸，啱晒香港人鍾意嗰種清新口味。重點係，喺中環呢個地段，呢個價錢真係算平，唔使幾十蚊就飲到一杯有水準嘅 tropical smoothie，抵到爛。和牛牛肉船麵湯底濃郁得嚟唔會太鹹，有啲香料味但唔會搶味。牛肉切得厚薄適中，肉質唔算超腍，但咬落去有口感。仲有炸豬皮、肉丸、青菜，啖啖都好豐富。碗麵唔算大，但配埋個 smoothie，飽到啱啱好。蟹肉奄列真係有啲驚喜。外層煎到金黃色，微脆，入面係滑蛋混埋蟹肉，啖啖都食到鮮味。蟹肉唔係嗰啲碎到唔見樣嗰種，係真材實料，有口感。底下墊住塊蕉葉，視覺上加分，仲有啲泰式醬汁配埋，酸酸辣辣，幾開胃。燒豬頸肉外皮燒得香脆，肉汁鎖得好好，唔會乾。佢個dipping sauce係重口味嗰種，有辣、有酸、有香草，食落去有啲似喺曼谷街邊食嗰啲小食，真係好泰式整體嚟講，呢餐唔算平價街坊，但以中環嚟講，食物質素高，環境舒服，仲有啲地道泰式風味，絕對值得一試。…查看更多

來自醬油蟹迷嘅推薦！話說我試過好幾次食完醬油蟹都肚痾，所以每次都睇咗評價先去食！畢竟冇理由俾錢買難受😌呢間韓國餐廳係韓國人主理，環境都好乾淨衛生，而且呢個價錢任食醬油蟹黎講真係抵到爛！叫埋韓國二攤比叫嘅烤牛腸，好似去咗韓國地攤咁好有feel，韓國人店員都可以用韓文同英文溝通！—————————————————————📍 Bingo & Cook (銅鑼灣)地址: 香港銅鑼灣駱克道491-499號京都廣場2樓✍🏻/食評/◍雌蟹醬油蟹任食套餐 $348 (1小時)雌蟹係有蟹膏而雄蟹係冇嘅，睇個人鍾唔鍾意食生蟹膏，第一round就上雌蟹，好多膏而且蟹肉晶瑩剔透好新鮮，醬油汁係偏甜連帶少少少少辣，鹹度亦唔高，就咁單食都唔會覺得好鹹。醬油蟹不嬲都係米飯神偷，配埋韓國香米一齊撈埋嚟食更加食得出鮮味！就算encore店員都比咗8舊我哋，平均每個人一個鐘都食咗7-8舊蟹件！！唔好生蟹嘅話仲有熟蟹可以叫～除咗醬油蟹之外，仲有炸雞、年糕腸仔同紫菜米飯可以任叫！見隔籬枱都有叫烤牛腸所以都叫埋，牛腸洗得好乾淨好好味，仲要比唔少份量嘅韓牛塊同年糕，年糕口感煙靭好有米香味😈嘢飲仲要任飲任君選擇 Cp值好高！！推薦～…查看更多

同朋友係社交平台搵到呢間係銅鑼灣嘅「日式小巷」裡面嘅日式餐廳,見條reel都好似幾好味就入去試下。見到餐廳做緊割引,其中部分串燒$38/2串價錢都幾抵，下次行開呢邊可以再黎食～—————————————————————📍 赤(香港)地址: 香港銅鑼灣百德新街66-72號地下A號舖✍🏻/食評/◍ 燒原隻魷魚筒 $128原隻魷魚筒中型size, 賣相好吸引,醬汁同燒魷魚好夾，唔會搶咗炭烤味，就算3-4人都夠食，份量好多！◍龍蝦沙律 $78唔好睇個樣以為好細冇咩餡，其實入面滿滿都係龍蝦肉，而且係細龍蝦肉而唔係龍蝦碎粒，肉質有咬口啖啖肉🤤◍ 玉子燒 $58呢個玉子燒可以做到外皮都好嫩滑，成舊都唔鞋涮涮,外皮邊有少少焦香味！◍味醂魚乾 $88調味調得好好，味道唔會過鹹，好適合做送酒小食…查看更多

粟米愛好者表示搵到用粟米製成嘅蛋糕表示興奮😚🤣事緣係Ig見到朋友post呢個蛋糕，即刻問係邊度訂，居然有粟米味整成嘅蛋糕！決定訂一個試下過黎觀塘呢度自取！拎嘅時候因為冇帶冰袋，所以店員都提醒我哋要半個鐘內食用😌見到呢間舖頭都有買其他軟曲奇同埋盒子蛋糕，下次散水餅或者拎去high tea都可以試下🤏🏻—————————————————————📍 Kiuki Sweet Bakery(香港)地址: 香港觀塘成業街19-21號成業工業大廈4樓17室✍🏻/食評/◍ 灸燒甜粟蛋糕呢個蛋糕整體都好驚喜，最頂層係金黃帶點焦香嘅粟米塊，粟米今期好鮮甜而且忌廉都好輕盈畢竟cream係蛋糕都係好重要嘅ēlement,要食曬成個嘅話cream係唔可以好膩😭特登影咗個橫切面～香草蛋糕體係戚風蛋糕所以好鬆軟，中間夾心層係自家調配嘅甜粟醬仲食到有少少芝士味，味道兩者都好夾，加埋中間有牛奶麻糬都幾重奶香味，質感滑捋捋唔結實可以做到拉絲效果！！蛋糕整體黎講評價係等於阿正所講「香港人對甜品最高評價-唔甜！」呢個蛋糕甜度適中，唔會食一件就覺得好飽唔想食落去，味道好清新🌽最欣賞蛋糕入邊嘅粟米粒都係用上新鮮粟米而唔係罐裝粟米粒！…查看更多

最近食意粉prefer食handmade手工意粉,一直都食開Vol.1,朋友一講手工意粉我都會推佢哋黎呢度食～呢度環境好啱幾個朋友係度chit chat,呢個天氣可以坐入面，成個氛圍都好cozy✨—————————————————————📍 Vol.1 Cafe(香港)地址: 香港銅鑼灣景隆街3號2樓✍🏻/食評/◍ 自家製龍蝦汁蟹肉手工寬麵條手工寬麵條每條麵嘅粗幼都有少少分別，睇得出係人手製，麵質Q彈～好有彈性同嚼勁，而且自家製嘅龍蝦汁味道好濃郁，蟹肉碎嘅份量都唔少，好有鮮味！◍ 番紅花蟹肉配手工意大利餃手工義大利餃皮薄餡多，蟹肉一樣俾得唔手軟，加埋番紅花點綴成個菜式presentation好有美感✨◍ 炙燒白松露雞翼 獨特白松露嘅香味同炙燒雞翼完美融合，整體口感外脆內嫩，雞翼表皮上面都會有啲松露碎，兩者相輔相成，唔會搶味！◍ 荔枝玫瑰寒天梳打打卡able嘅選擇😋新鮮荔枝肉配上大量玫瑰花花瓣好girly，梳打味道好清新加埋寒天好有咬口，推！◍ 黑糖鮮奶米麻糬米麻糬好濃郁，質感唔會太痴住杯底吸唔起，滑嘟嘟好Q彈，黑糖用慢火熬煮帶有焦香濃厚風味，黑糖甜度同奶香好夾唔會過甜～…查看更多

我嘅餃子愛店🙂‍↕️不過次次黎都係去舊店，第一次黎隔離街嘅新店，新店環境比舊店闊落，舊店就坐得多人d,呢間就有少少文青cafe feel🤭每次黎都必叫巴斯克蛋糕，自家製真係好好味好smooth，今次叫咗小食就冇叫，但極度推薦要食埋巴斯克蛋糕🙂‍↕️🙂‍↕️🙂‍↕️—————————————————————📍 家後2.0地址: 深水埗汝州街131號地舖✍🏻/食評/◍灼餃 $40·韭菜豬肉餃·菠菜豬肉餃·是日特色餃子韭菜同菠菜都係個人喜好，餡料好足料，豬肉比例都好多，皮薄餡鮮，而是日特色餃係麻辣白菜豬肉，好新奇，麻辣係偏椒麻但唔係真係十分辣，好惹味！湯底係西洋菜湯，唔重味精，飲曬成碗都唔怕！◍上海麵 $16豬骨湯都幾入味，上海麵麵質好滑好細仲好煙韌👍🏻◍油菜 $20$20大大碟🤣好新鮮,加埋少少甜豉油好好味～◍沙薑雞翼 $30沙薑汁唔算杰但係都重沙薑味，雞翼都大隻，幾入味！…查看更多

上次同屋企人過黎食過lunch口味已經好啱我，但散叫關係冇一一紀錄叫咗咩菜式，今次係二訪可以寫低食評講下呢個套餐，同朋友叫咗個2 Good 2 Chill ($528 Set),份量對我哋兩個都算飽肚，而且呢間餐廳係pet friendly有主人會帶小寵物入黎一齊食野！！🤤🤣—————————————————————📍 Chill Pill地址: 太子洗衣街167-175A號嘉德大廈地舖✍🏻/食評/◍ Soup + Drink | 南瓜湯+白桃芒果冰茶唔知係咪錯覺😂南瓜湯好濃，陣味有D似日式燉蛋😂口感好滑身都有飽足感～～白桃芒果冰茶好清新，本身個set包咗唔使加錢◍Snack |柚子蜜糖雞翼雞翼外皮香脆，裡面肉質嫩滑，淋上柚子蜜糖食落去唔會油膩，而且單骨雞翼方便食用( ´▽｀)◍Carb |日式鰻魚丼鰻魚表面上光，配以特製蒲燒醬色澤誘人！鰻魚外層香滑，略帶焦脆，內裡柔嫩多汁，入口即化。蒲燒醬增添咗表層黏稠感，味道更加濃郁！◍Main | 香煎美國Prime牛小排香煎牛小排真係好正！每一啖都充滿肉香，牛小排的油花分布得好均勻，唔會過於油膩，好有層次感！加上少少海鹽同黑胡椒，已經可以突出牛小排原汁原味◍Sweet Tooth | 宇治抹茶牛角窩夫牛角窩夫外觀整得好似雞蛋仔咁幾趣緻🤭🤭，配埋濃郁抹茶醬同煙韌丸子，口感豐富，同朋友share一人一塊啱啱好👍🏻…查看更多

去完迪士尼睇埋煙花已經好夜超肚餓，即刻拿拿臨去東薈城搵嘢食🙂‍↕️同朋友都想食片皮鴨所以target咗呢間餐廳，大家都係第一次試🙂‍↕️本身已經諗住係叫半隻鴨，咁啱員工話係佢哋5週年，有更加抵嘅套餐包埋半隻鴨，望一望menu真係好抵食，仲有主食主菜甜品，2人套餐埋單都係6百，很可以！！🤣🤣—————————————————————📍 羲和雅苑地址: 東涌達東路20號東薈城名店倉4樓417號舖✍🏻/食評/◍ 羲和馳名烤鴨連八寶盒classic嘅片皮鴨居然配新式食法，分左三碟：鴨胸皮、鴨胸肉同鴨腿肉，之後職員比咗張卡仔我哋，入面係解釋唔同部位嘅食法同步驟，鴨皮夠脆又有油香！最最最surprise 到我嘅食法係跳舞的烤鴨🤣🤣就係點藍莓醬之後再爆炸糖，冇諗過鹹甜都咁好味！出奇地好夾喎😭◍ 宮保雞丁宮保雞丁肉質鮮嫩，用咗梅子汁所以唔辣，唔好比個名fake到😌送飯食一流～◍ 松露蠔仔煎蛋+瑤柱蛋白炒飯呢個combination好味，蠔仔好肥美，唔乾柴，松露味夠香，而炒飯粒粒分明，味道不錯！◍楊枝甘露&薑汁紅棗小桃膠食飽仲有飯後甜品🥹兩樣都好足料，薑汁煮得好好，好重薑味！呢個價錢食到咁多嘢真係算高性價比，同埋職員都好快手執嘢，服務不錯…查看更多

今日收工約咗朋友係Yoho等,排咗間台式火鍋店半個鐘後真係太肚餓決定過去對面街睇睇有冇得打邊爐，結果真係搵到呢間巴打火鍋，見到隔離有埋大排檔，以為係分開營業原來係打通咗，而且係越夜越多人，去到9點9埋單嗰時兩邊都就黎坐滿曬～我哋都好鍾意食海鮮所以呢晚係成餐海鮮餐🤤埋單先知原來火鍋有88折🙈—————————————————————📍 巴打火鍋館地址: 元朗鳳攸東街9號好順意大廈B座地下33號舖✍🏻/食評/🌟好味指數：8.5/10◍貴妃蚌 $88我哋都鍾意食貝類海鮮～貝類海鮮最容易煮但亦都最怕有沙，呢次兩種貝類都冇沙粒係入面，洗得好乾淨！貴妃蚌煮3分鐘撈上黎，肉質同時做到鮮嫩又爽口，下次會encore～◍沙白 $8810幾粒都肥美飽滿，一早放D沙白落湯底完全吸收曬豬骨湯汁嘅鮮味～餐廳好貼心俾埋個撈我哋煮蜆◍海中蝦 $98次次叫蝦都驚伏，驚D蝦肉係淋pat pat梅晒🥲😮‍💨😮‍💨好彩呢個冇🥹🙏🏻蝦肉爽口彈牙，蝦頭d膏都唔腥，好好食～◍大肉蟹 $198廚房已預先幫我哋扑定殼等煮完之後一拆開就食得！蟹鉗好多肉，蟹肉眼見都係一絲絲好新鮮😌…查看更多

Inn系列嘅餐廳都去過好多次，之前都有寫過下review不過兩間都係九龍區分店，港島銅鑼灣呢間分店係第二次黎，感覺都同其他分店一樣裝修得好grand，中間有個噴水池好華麗，見到都幾多人拎曬cam過去打卡就知呢間嘢有幾attractive～—————————————————————📍 ROYAL INN地址: 銅鑼灣告士打道311號皇室堡3樓313-314號舖✍🏻/食評/◍ Lobster Seafood Paella $358近呢幾次去inn都會叫呢個，極力推薦比鍾意酸味味嘅人士🤣🤣呢個paella蕃茄味好重，而且半邊龍蝦都係蝦膏！龍蝦肉唔霉好新鮮，仲有好多貝殼類🙂‍↕️🙂‍↕️一個paella可以分到2-3個人嘅份量，除返開幾抵食！◍ Pork Rack $248叫餐嗰時職員已講明因為慢煮嘅關係，豬鞍會偏粉紅。慢煮能夠充分鎖汁令到豬鞍保留咗大量肉汁，裡面肉質偏粉嫩，配搭埋燒汁好惹味🙌🏻🙌🏻…查看更多

臨去旺角之前見到ins follow緊嘅foodie介紹咗旺角呢間新開嘅餐廳居然有$98嘅威靈頓牛扒,要知道beef wellington普遍出面餐廳嘅價錢起碼$300up，主要係因為烹調做法工序繁複，呢個$98真係要過去試下咩味道🫥—————————————————————📍 Luna Kaffe地址: 旺角通菜街25號地舖✍🏻/食評/◍ 威靈頓牛柳 $98叫咗5成熟，本身酥皮就會焗住牛柳，切出黎其實已經係7成，牛柳好厚肉，夠重牛味，不過放咗十幾廿分鐘左右就開始冇咁嫩，基本上一上檯要儘快食用，呢個價錢性價比還可以一試。◍紐西蘭肉眼 $148肉眼扒比較薄身，juicy多d，配燒汁幾搭，冇咩肥膏位連帶少少筋，肉質都唔錯。◍牛肉餅&焦糖燉蛋+$28 x2 跟餐+$28，即叫即炸牛肉餅，熱辣辣上檯好酥脆；焦糖燉蛋可以後上，燉蛋蛋身口感嫩滑，加埋上面焦糖脆脆真係好夾！◍益力多沙冰好大杯，口感好綿滑～～都重益力多味，啱晒而家嘅天氣！…查看更多

最近超級忙,連約咗朋友都唔記得,好彩佢已經book咗餐廳唔使出街先慢慢諗食咩好🥲🥲係open rice睇過環境,估唔到一上黎成個裝修咁有格調,播住soft music燈光偏暗,比較適合同朋友兩個靜靜地係度食飯—————————————————————📍 Ciclo地址: 銅鑼灣霎東街15-21號Oliv 4樓✍🏻/食評/◍Crispy beef short rib牛扒煎香左再拎去烤，外脆內軟，牛肉味好重而sauce用咗肉桂、紅棗、紅酒，好入味，底層嘅薯蓉好smooth好幼滑，食得出好重奶香味，好想encore🥹🥹◍ Drunken Crab Pasta 將花雕酒加入意粉入面，意外地好夾，帶出咗蟹肉嘅鮮味，呢度嘅墨魚意粉硬度較爽口，口感一流～◍ Butter sake clams pot係用本地既蛤去烹製，特別鮮甜，每一隻蛤都大大隻又無沙，好新鮮！入面仲有一片片韓式年糕，煙煙韌韌，同牛油煮蛤好夾😗◍lobster arancini 賣相一流！risotto變咗兩粒龍蝦炸飯球🤣份量不算多，不過飯球配上半溶的芝士的確令整體味道提升，雖然價錢上有少少進取🥶◍ Koko Ringo $120有coconuts moose，椰汁味甜中帶班蘭香味，後勁仲有酸酸甜甜的青檸和清新羅勒味，成個感覺好fresh，酒味相對偏濃◍ Sake Sour入口感受檸檬酸香味，裡面混入咗清酒、菠蘿同蛋白泡泡，比起koko ringo,呢杯酒精濃度相對冇咁高,好容易入口～…查看更多