wallace0o0的个人专页

話說一心諗住去東薈城個Outlet行街，睇下有無野岩買咁山長水遠一場去到，梗係順便食埋餐飯啦之前睇過條片係寶欣介紹有間隱世小店，咁就一於過黎試試啦但係佢真係太隱世既關係，我開車過黎係Miss過一次既，再掉頭行多次先搵到我黎到先發現原來係外國人開架喎，好有外國風味仲要只係得我地一台，個感覺好似有少少中伏咁咁但係一場黎到點都要試下啦我地一坐低佢就擺低左幾個包俾我地食~免費！一拎上手，熱辣辣，真係辣手果隻，個包個質感同Pizza好似真係好好食，一食完呢個包我就覺得呢間野唔簡單見到佢有d set dinner，一個Pizza 加個 Burger + 2罐汽水 $2xx再叫左1個咖哩雜菜飯 + 肉醬千層闊條麵等左一陣Pizza就到喇！個Pizza即焗起即食真係好正，熱辣辣，Pizza底又好鬆軟，超好食真係同果D連鎖既掙10條街呢個包個Size都好大個，塊牛肉都好Juicy2百幾蚊可以有一個大Pizza + 呢個Burger真係好抵食呢個肉醬千層闊條麵都好好食好食在佢D肉醬真係超多，好足料！最後仲有呢個咖哩雜菜飯真係好有印度風味，食得出裡面有好多香料連個白飯裡面佢都mix左D香料係入面而且個咖哩唔辣的，大人小朋友都岩食總括黎講，呢個隱世小店真係好得，絕對值得Encore唯一缺點就係地點有D偏遠啦…查看更多

朋友同我慶祝生日，請我食自助餐慶祝早幾年前都有黎過呢度食Buffet今次黎度覺得佢地環境好似靚左D佢地今次個主題係蒸海鮮，現場即叫即蒸自己D海鮮夾落個籠度，有師父會幫你蒸蒸完仲會直接送去你張台度，真係唔錯有樣野真係唔可以錯過，就係鮑魚都係任食架！D鮑魚須然唔係好大隻，但係勝在都幾鮮味，而且係任食丫嘛我地蒸左幾籠鮑魚食，真係好過引，配埋D辣椒豉油無得彈其他既話我最鐘意就係蒸成條魚食，佢係細細條倉魚仔，都好鮮味除左蒸海鮮之外，仲有鐵板燒D羊架都好正，唔係好羶，仲有蝦不得不提下D刺身，D三文魚好厚切架，我朋友都夾左2,3轉仲有D熱盤賣相都幾好，我好鐘意食果個冬陰公青口，真係好有泰式風味仲有個龍蝦湯又係不得不試最後甜品其實都唔係好食得落，但係有芝士蛋糕我真係忍唔到手好好食呀~ 食埋杯雪糕真係要收工，飽到上心口。…查看更多

早幾日同朋友去食晚飯，朋友住附近，成日都過黎食飯的佢覺得唔錯所以今次叫埋我一齊黎食飯餐廳而家做緊大江南北美食，意思即係集合左好多中國唔同地方的美食例如有廣東、杭州、敦煌、北京、重慶、海南等等等既美食，各有特色一講起大江南北，我個腦就響起一首歌，拿啦喇喇拿啦喇, 拿啦喇喇拿啦喇，哈哈Youtube竟然搵到呢首歌，真係洩露年齡講返呢餐飯先，真係有好多好多選擇，每樣都想試下好彩我地有4個人，都可以試多幾個菜式。江西五彩手絲羊手撕雞就食得多，手撕羊就真係第一次喇，小小辣辣地，配埋調味，真係好開胃，而且有芝麻，真係好香安徽墨魚大(火靠)墨魚大大件，但係完全唔覺得un，真係好好食~上海銀芽炒鱔糊我好鐘意食鱔糊，呢個味道好好，如果有菜飯配黎食就更好譚家干燒海參呢碟海參都係開胃菜，海參煮得岩岩好，個汁有少少辣辣地，配上有大量既蔥，菇粒，真係好搶飯北京黃燒魚肚魚肚真係好厚，我未試過食魚肚係有咁既口感，仲有個汁唔會太濃味，配起魚肚一齊食真係好Match順德大良炒鮮奶真心覺得呢個好好食，印像中炒鮮奶好難炒得好食，D奶炒到脹卜卜，裡面仲有蟹肉，配埋松子仁真係好好食，而且一D都唔會覺得膩真心覺得呢餐大江南北好特別，一次過可以食到咁多唔同地方既菜式，岩晒我呢D為食既朋友。…查看更多

同老婆做完檢查，諗住過黎村爺爺食餐飯啦之前都有黎過架喇，不過就係食龍蝦湯飯都好好味~ 跟住上次見到好多人都係食雞煲翅望一望，原來只係$68，有成半隻雞，仲要有花膠相當抵食咁既樣，於是咪諗住今次就去試下啦點知一去到就知出事喇，點解多人左咁多之前都唔駛排隊既，今次有條長龍跟住發現原來之前黃秋生黎過試呢個雞煲翅搞到出晒名就係咁一直等等等，等左成個鐘終於可以有位喇梗係就係叫呢個花膠縲頭雞煲翅啦好快就送到上台佢好細心，仲俾埋手套我食始終食呢d雞，都係落手食會方便好多既不過我都第一啖都係要試下個湯底先一飲真係不得了好濃既雞湯味，真係唔係hea你喎花膠老實講就唔係太出色喇，咁$68又無得要求太多，算ok隻雞先好野，我開頭都會驚隻雞會唔會鞋呀佢又完全出乎我意料咁嫩滑喎而且都幾好肉將個飯放埋落個湯度真係一流呢個湯飯真係高級…查看更多

其實呢間餐廳都開左段時間一直都想試下，但係又覺得佢價錢set得有d貴所以一直都未去幫襯過有一次同老婆未諗到食乜，又岩岩經過間餐廳見佢8:30後有折喎，於是就入去試下啦~好多野食都好想試最終點左2樣野炒貴刁 + 軟殼蟹咖哩包先講炒貴刁一睇個賣相就知不得了啦竟然咁有心機整個蛋膜包住個貴刁而且面頭果隻蝦一D都唔欺場呀味道好好食，唔會太油膩！讚跟住到呢個軟殼蟹咖哩包我一見到真係嘩左出聲個賣相真係好吸引個包基本上已經索左好多咖哩汁軟殼蟹又炸得岩岩好而且真係唔細個我諗3,4個人share都得2個人食就真係飽左d淨係食呢2樣野已經覺得好好食遲d真係要試下其他野先~…查看更多

同幾個同事過黎食Buffet原來都有成半年無黎食過喇之前好似多少少呢期做龍蝦同燕窩我地6點半未到就去到喇但係未有得食佢地要6點半先開始所以我地幾個係度等夠鐘所以見到d相既野食都好整齊咁一夠鐘我地就出去拎野食啦一開始都係要掃下沙律先見到呢個菇菇沙律真係好吸引好有新鮮既菇味~岩晒我呢個菇王！有幾款刺身~睇落去都幾新鮮但係我最愛都係三文魚，食左好多~仲有D冷盤~都幾好D翡翠螺好大隻~仲有d蟹腳都ok新鮮師傅即場煎既鐵板燒，夠晒新鮮熱辣尤其係蝦同羊架！勁正~~~羊架一D都唔So...以前呢度做魚翅湯既~而家無左魚翅變左做燕窩仲好啦！食少d翅好d燕窩仲可以養顏tim~呢個牛扒唔會太熟，所以都唔un喎最驚果d咬到傻果d牛扒我地行左出去幾次都拎唔到d龍蝦因為太多人拎了d職員見到主動話陣間拎俾我地抵讚！最後就到甜品時間~我見到呢個好靚~忍唔住拎返黎又估唔到個班蘭蛋糕都幾好食喎讚讚！最後食埋杯雪糕~勁飽！…查看更多

上海菜真係我既至愛！今次第一次試呢間南小館都幾有驚喜佢既裝修都幾西化, Modern既個感覺都好舒服，同翡翠XX / 霸王XX / 小南X / 家沙X 個感覺唔一樣而且價錢合理但係我地得2個人叫唔到太多野雞絲粉皮我覺得一般唔夠麻醬味，偏淡蔥油拌麵好好食！雖然好簡單咩送都無但係個麵本身個汁既味道好好麵質爽口！正~生煎包用個Pan上台新鮮熱辣！咬落去十分Juicy~隔離台見到都即刻落Order炸豬扒擔擔麵豬扒炸得岩岩好，唔會"鞋"仲嫩的！而且炸粉唔厚豬扒都算新鮮擔擔麵湯底辣度適中濃度適中，但係都係掙d 麻醬既味道不過係好食既！呢個蒸燒賣賣相精緻，味道ok唔算太特出~低價上海菜，抵食，適合2-6人傾偈環境舒適…查看更多

話說星期6同女朋友過開中環(因為好日都唔會過去的)當然要去搵D好野食下啦咁我女朋友就建議不如去食蘭芳園啦(真係失禮~本人真係未食過 -_-")於是就去左果度一去到我見到個門口檔已經覺得好有風味搞到我仲以為要坐街邊食tim點知原來有得坐入去既~裡面真係人頭湧湧呀~不過又好彩喎，我地入到去就岩岩有位坐因為已經餓到死既關係~所以第一時間叫野食需然我已經知道呢道有咩最出名，但係都要拎個Menu望下既原來都幾多野食架喎，仲有飯食tim不過其實望下D價錢，呢間野都算唔平無計~鬼叫呢度出名！野食未到周圍望望啦~除左見到好多人之外D牆上面貼左好多校長既舊舊舊CD Poster係度喎呢度到底同校長有咩關係呢？？？第一樣到既呢個咖央西多咁樣睇落去同普通西多無咩分別但係食落去之後就發現裡面果層咖央好香而且唔係太甜同一般既花生醬比係幾特別既！跟住就到主角出場喇！蔥油雞扒撈丁講起撈丁其實係唔同既地方都有食過尖沙咀既芝士撈丁都好讚架！講返呢個先！佢蔥油既味道好香~我本身都好鐘意食蔥岩晒我~再配埋佢個汁~真係好好味佢唔係普通既鼓油~應該係佢地既秘方黎既再配埋塊外脆內嫩既雞扒真係無得輸呀！至於呢個心多多撈丁都有佢既特色麵附其名！岩晒心多多既人一個麵，有蛋，有雞翼，有五香肉丁同頭先果個有d唔同呢個個麵無咁多汁既佢係利用五香肉丁既味道佢做個靈魂D雞翼就一般啦~ok既總括值得一試！以茶餐廳計,價錢我覺得.......有d偏貴不過可能一分錢一分貨既！…查看更多

之前約左幾個朋友食Buffet知道呢度有龍蝦食既~~好似好吸引咁我慣性一開始食沙律先既都有幾多選擇，有成10款左右啦我試左少少，勁鐘意個茄子，好好味另外個椒絲三文魚沙律都幾有口感，好特別跟住到刺身環節原本出面擺得都幾靚架但係俾人夾左一陣就無咁靚喇~所以無影到選擇唔算太多~但係基本都有三文魚，劍魚，墨魚…… 好新鮮~仲有少少壽司選擇本身我都無乜興趣架喇但係竟然有我最鐘意既牛油果壽司~~我至愛不過提一提，呢度無生蠔，有少少可惜食完一輪頭盤，終於到主角出場喇芝士焗龍蝦~~每人可以憑張卡去拎半隻好好味~~芝士味好香~啖啖肉唯一唔好既......就係得半隻~唔夠喉好彩~~原本個翅湯都有龍蝦..........仔~補返數個盪好好味呀~配埋塊Garlic Bread~仲正！跟住再拎左D熱盤食下我鐘意個免治羊薯容，好好味，羊唔會太"So"我個人都係鐘意食羊架喇，所以....我都好鐘意個羊架好好味~~都係唔"So"Kekekeke~~最後到Dessert Time佢有個燕窩燉蛋架，不過我無食到，因為唔太大興趣不過聽朋友講話都幾好食既我就揀左Blue Berry Cheese cake同埋 Dreyer's 既開心果味雪糕第一次食咋真係好開心果味架喎~~…查看更多

約左2個朋友話想放假前食Buffet~見有都一段時間無黎過九龍維景食而且今期有燕窩~好似幾好咁於是過黎試下啦最鐘意呢度D刺身任你自己夾想夾幾多都可以而且呢度D魚生勁厚切呢度D沙律都算多選擇我食左幾款最鐘意佢有一個有D生洋蔥，有D菇，有D椒果個沙律好特別好好食~食左無耐就有Waiter拎份海參俾我地喇每人一份佢用蕃茄蛋花配上海參呢個配搭真係好特別，我以前都未試過咁食加上條海參都算幾大條，而且有D嚼頭幾好~呢個畫面好勁咁佢每碗翅裡面都有一隻龍蝦仔個翅既味道係海鮮濃湯勁好味~不過隻龍蝦我就無食喇~嫌麻煩~~佢既鐵板燒我都係最鐘意食羊架真係好好食架~記得要落埋D 薄荷醬超好食~~呢個芝士夾餅熱辣辣~~裡面勁多芝士好香~仲要配埋我最鐘意既牛油果醬真係好Match呀最後食甜品時間~um.....個布甸一般但係個Cheese Cake勁好食不得了仲有主打燕窩雙皮奶燕窩份量都算ok個雙皮奶就拍得住義順好香奶味~呢度有橙汁、蘋果汁、咖啡、茶任飲記得上Openrice download張Coupon有"電視框"架!!…查看更多

同爺爺慶祝生日今次我地一大班人黎左城景呢度因為知道果度有蠔食喎6點半就可以開始食喇咁一開始梗係要去食頭盤先啦D火腿都幾好味~選擇又多又有水牛芝士食~不過我個人就一般鐘意仲有煙三文魚tim~不過我就幾鐘意佢D醬瓜~~酸酸地幾開胃架喎跟住就梗係去拎......每人每次最多拎3隻比想像中好~開頭以為會係細細地果D但係見到都幾大隻而且都幾新鮮以呢個價錢黎有蠔食都算唔錯~而且Refill得都幾快~呢度既三文魚都好好味每一塊都幾厚可惜要等師傅分發呢碟係2人份量我都係鐘意自己出去夾多D呢個不得不推介既法國"高"蟹 真係勁多"高"其實我本身都唔係特別鐘意食蟹因為嫌麻煩但係最好既係佢可以request要蟹蓋佢個蟹蓋真係多"高"到呢好味道~~~~掛住食蠔呀~三文魚呀~呢D都無乜點食到haha~~不過睇落去都好似幾好咁可惜呢度既熱盤就比較少選擇而且無乜特別~有即場煮麵檔煮韓國麵~我開頭以為會辣既點知........個湯底無乜味道失敗左呢度有橙汁、黑加倫子汁、咖啡、茶、仲有酒任飲Good~仲有呀~呢度D雪糕好好味呀~但係呢度無Cake食只有細細件，細細件果D無我鐘意食既Cheese Cake不過都ok架~環境都算唔錯~呢度都可以Encore架!!記得去Facebook Print Coupon會有"電視框"架如果有人生日仲有蛋糕送tim…查看更多

兒童節約左幾個朋友去玩咁梗係先要搵個地方食飽飽先出發啦佢地話黎呢度~我本人之前黎都黎未過本住無乜所謂既心態就去試試啦一入到餐廳已經覺得裡面既裝橫都幾舒服而且佢都有幾多窗既關係，所以裡面都幾光猛再講返D野食~我同女朋友一人叫左一樣野食我就叫左個鮮蝦咖哩配白飯佢個咖哩味道非常之香濃又唔會太辣~而且仲有少少甜味D蝦都有成5,6隻，肉質爽口彈牙~仲有D傻仔(薯仔)完全入晒味無得彈~~而我女朋友就叫左個鮮露荀煙肉忌廉汁扁意粉我試左少少呢個意粉OMG~~一試便知愛上了佢個忌廉汁勁Creamy個感覺同食卡邦尼意粉好似真係好好好好好好好好好食呀佢個Menu全日都一樣架~所以我會Perfer夜晚黎食多D:)…查看更多

呢次係第二次黎呢度食飯上一次係朋友介紹下黎過呢度一試就愛上了所以今次同女朋友黎食首先提提大家如果想黎食既話，最好都係早少少打電話黎做Booking事關我成日打黎Book都話要去到Waiting List我仲Book左坐出面Tim~環境好好多架呢度雖然係放題任食但係同出面其他既放題唔同喎呢度主打都係食日式西餐但係就無得刺生任食囉 (如果鐘意食刺身既朋友呢度要諗諗)門口有Salad Bar任食咁講返D正經野食先呢個頭盤以牛油果配吞拿魚加埋佢個醬，真係好清新好開胃呀呢個豆腐配上個汁，仲有個茄子，吸晒D汁味道一流咖哩炸耦片，真係好特別呀呢個之前我無諗到耦片原來可以咁整既係日式咖哩，唔會太辣加上耦片既爽口，真係好好食呀佢地既日本菜都鐘意整溫泉蛋所以有幾款菜式都係有溫泉蛋既出現至於呢個意粉~食落好Creamy同卡邦尼個意粉好似好味道~~呢個菜式我將個重點放係菠菜度咁樣煮出黎既菠菜，吸晒個汁D味道反而件三文魚，太過實，味知係咪煮得太耐既關係 呢個紅酒燴牛利不得了味道之好不在話下佢真係好林，真係未食過咁林既牛利 讚!!um.....對於呢個漢堡扒既印像味道都算唔錯但係就.......太漏了食日式放題第一次食三文魚佢用咁既配搭做一個沙律D菜好新鮮~加上配隻溫泉蛋真係好特別~成碟清晒lu以我所知~佢個Menu應該會係間唔中都會有少少改動既因為上次我食左個炸咖哩苦瓜勁好食~但係今次無得叫~變左做耦片但係都係果句~真係好好食呢間餐廳基本上有好多日本Staff而且仲有好多日本既客人~個感覺有少少去左日本咁tim~…查看更多

之前係團購買左Coupon$99 食 $250餐 (未包加一)其實都買左成半年架喇一係之前Book極都Book唔到一係我又抽唔到時間去因為就黎到期既關係所以拿拿臨去食左佢，好彩佢話有好多人都未用所以延長左半個月時間最終都可以食到喇黎到坐低先選湯底~我地選左 「香茜皮蛋 + 沙嗲」湯香茜皮蛋就無乜味~但係個沙嗲就唔錯，都幾夠沙嗲味既跟住就有D配料俾我地自己搞喇我地食呢個團購呢，會有個拼盤跟餐俾我地架都幾足料架~有蝦呀，嚮鈴呀，靚牛~~~等等等等等跟住我地自己可以再畫其他野食最尾我地都食到好飽飽咁走P.S. 我地加左每人$10，可以任飲汽水D野食都算新鮮既，但唔知係咪團購既關係可以選擇既種類我覺得都幾少但係其實食完佢個拼盤，都飽左6,7成架喇ok啦~~不過其實加埋一計計埋埋每個人都要差唔多$140喇係咪真係好抵呢??…查看更多

我同女朋友兩個人黎到德福諗左好耐都諗唔到食乜開頭諗住食拉麵既但係又八卦，想睇下附近仲有D乜野好食於是行下行下就發現原來德福都有間Super Sandwiches係個咁隱閉既地方因為有太多野想食~但係我地又得2個人所以企係門口睇左個Menu好耐先決定到好似快餐咁~都係要俾錢落Order先，不過會佢會送野食去你個位等左15分鐘左右~D野食就到喇我地叫左個肉醬焗薯肉醬味道岩岩好，唔會太酸，唔會太咸個薯仔亦焗得岩岩好~連皮都可以食埋正!!仲有個三文魚汁燴扁意粉三文魚汁味道唔錯，同白汁相近但係三文魚就比較醉，唔夠三文魚味扁意粉軟硬度適中燒雞 配 薯條話說佢地話D薯條賣晒所以幫我地轉左呢個焗薯，都幾好食好似將D薯容整成條狀再焗咁隻雞本身都唔錯，開頭擔心會唔會得好細隻但係出到黎個Size都算ok啦唯獨係個雞脾位有少少唔夠熟雞肉本身就好嫩~讚仲叫左2杯Drink~(無乜特別) 總括呢度都唔錯既，可以舒舒服服咁食返餐…查看更多