tamwincy的个人专页

朋友話呢間Pizza餐廳係必試嘅見到佢平日有set lunch所以就過咗嚟試我12pm就嚟到係第一位客人所以可以揀門口呢張舒服枱之前喺OpenRice食評見到有set lunch不過只係星期三至星期五所以我揀咗星期四過嚟食但問返店員原來星期一至五(公眾假期之外)都係有 set lunch嘅頭盤選擇咗加$10嘅 Vitello Tonnato可能我實在太肚餓覺得好好食呀「小」牛肉、吞拿魚 Mayonnaise 及類似橄欖粒再配埋 Focaccia 麵包簡直係絕配再加埋呢支橄欖辣油回味無窮其實食完個頭盤都已經飽咗一半但我哋每人揀咗一個Pizza跟返之前OpenRice食評推介一個叫白色底一個叫紅色底喺Menu都揀兩個有星嘅餐廳推介白色底係加$50嘅 La Camburrata正常餐牌11吋嘅Pizza係要$228 set lunch $120 Pizza 係8吋加$50食到真係好抵將嚿 burrata 芝士切開搽上Pizza面同 Spanish ham享用另外紅色底跟OpenRice推介叫咗 LA CALABRESE有辣肉腸呢個唔使加錢嘅辣辣地幾好味食到最後仲有甜品不過我就覺得唔係咁好食唔知點形容Tiramisu 嘅用料食落口都好似全部分開晒咁我哋食唔哂兩個Pizza每款食剩一半加$4買咗個盒同個袋攞咗返屋企整返熱之後當晚餐食反而更加好味 😋…查看更多

之前嚟食過lunch omakase今日臨時臨急打去問餐廳有無位真係好彩啱啱有客人取消咗訂枱所以我哋可以去食lunch不過只係得table枱其實有時覺得反而坐table枱仲舒服同朋友傾偈嘅時候又唔使驚好似好無禮貌咁忽略位師傅之前見其他客人食過12款壽司套餐見到好似幾吸引決定今日試吓套餐跟沙律同蒸蛋蒸蛋裏面有我唔鍾意食嘅芫荽好彩可以撩到出嚟侍應先上6件壽司見我哋差唔多食完就上埋另外果6件正當諗住食完之際就上咗海膽加魚子再食完之後有一碗麵豉湯飲完湯之後就上埋甜品或咖啡我同朋友都揀咗芝麻雪糕雖然好似好多嘢食咁但唔知點解食晒全部嘢之後都覺得唔係好夠飽 每一款食物都好新鮮美味不過下次都係食返 Omakase ，係好抵食嘅…查看更多

麗晶酒店嘅服務真係好非常之難訂枱相信職員每日都聽好多個電話要應付好多訂唔到位嘅客人但佢哋喺電話嘅態度係非常之值得嘉許當一入到酒店就感覺到職員真係用心咁歡迎您好多酒店嘅自助餐無論門口排咗幾多位客人點都要等到準時先開始帶客人入座Harbourside 會早10分鐘比客人預先入座其實根本對餐廳都唔會有太大影響相對客人嘅感覺就好好多可以預先安頓同埋可以去影吓相 日式食物除咗有甜蝦、三文魚，拖羅、油甘魚同帶子之外仲有三文魚個仔 - 三文魚籽 第一次去 Harbourside食自助晚餐嘅時候食咗太多海鮮無位食中式食物今次留返啲位食蒸魚同花膠味道都唔錯好唔爭氣咁食咗兩片麵包因為見到支黑醋真係實在太好味唧出嚟好似蠔油咁非常有「質感」另外蒸龍蝦係好出色嘅蒸完唔會嚡仲好鮮甜6pm就入座食自助晚餐嘅我除咗可以欣賞到本身嘅夜景之外仲有少少日頭嘅景色可以欣賞到雖然到最後都無乜位食甜品但見到甜品嘅部門都係會好開心朋友叫咗個任飲嘅package見佢飲得好享受配合「醉人景色」而我就繼續享受我嘅凍檸茶擺盞燈喺後面影到好似發光一樣 …查看更多

成日都見客人喺門口排晒隊等入座相信食物製作認真係多回頭客嘅主要原因下午茶嘅份量並無因為係下午茶而變得細份好多好似我哋咁當晚餐食份量都好足夠先嚟一個咖喱牛筋腩飯有少少辣牛腩炆得好琳都有好幾嚿牛筋再嚟一個乾炒牛河牛肉嘅份量都頗多比較油不過叫得呢碟都要豁出去 凍檸茶質素高檸檬同茶都一樣咁香灣仔區又一抵食嘅下午茶唯一要改善嘅地方就係衛生問題每次去幫襯個地下都比較污糟相信係之前客人跌落地下嘅食物明白呢啲多係客人質素嘅問題希望餐廳都可以多加清理…查看更多

屋企附近喺建設銀行舊址開咗間新冰室今次已係第三次幫襯之前兩次都唔記得影相所以今次至第一次寫食評過嚟試佢嘅早餐11:30am 前都仲可以食到冰室有紙巾提供餐具亦非常乾淨我哋叫咗火腿煎雙配菠蘿包跟餐可揀餐包、多士或菠蘿包我諗好少客人會揀多士 😂雪菜肉絲米夠足料熱奶茶反而較普通另一個餐叫咗牛仔腸煎蛋都係配菠蘿包沙嗲牛肉麵又幾好食喎牛肉薄薄哋唔嚡口 👍之前我試過兩次凍檸茶茶香濃帶少少苦澀味今次試凍華田沖得夠濃係我鍾意嘅重口味順流自家製嘅辣椒油好惹味大家千祈唔好錯過每個餐 $40 左右跟埋菠蘿包抵食之選…查看更多

嚟海港薈飲茶幾次今次係第一次喺下午茶時段入座竟然安排到窗口嘅卡位坐得舒適不過唯一缺點就係比較難搵到服務員 叫咗個燒腩仔湯瀨粉估唔到燒腩仔嘅質素喺下午茶時段都唔馬虎燒得好香脆XO醬蘿蔔糕就無話非常特別炸兩嘅油炸鬼就有少少硬鹹水角有一個賣相唔係咁OK 蒸鳳爪好味馬拉糕夠軟熟鳳爪排骨蒸飯d飯夠淋啱哂我見到有蜜糖雞翼即刻叫一份又幾好味喎最後連豬手都試埋嚿骨夠哂斤量 😂我哋盡量揀d大點嚟叫因為下午茶時段小點、中點同大點統統都係計「小點」嘅費用…查看更多

灣仔一間微型酒店裏面有意大利式嘅Semi Sunday brunch咁鍾意食自助餐嘅我哋點可以唔試吓？頭盤同甜品係用自助餐嘅形式海鮮及某些頭盤就每枱一份自助式頭盤嘅食物大部份都係經過醃製可能唔係咁啱我哋口味普遍覺得偏鹹好彩果汁係任飲嘅我哋都飲咗好多杯去解渴主菜每位一份每一款都做得好精緻味道都係非常好去到甜品嘅時間永遠都係最開心意大利式嘅甜品真係好好味仲有任食嘅雪糕總算彌補到自助頭盤唔係咁啱口味嘅遺憾我哋同行有一個小童除雪糕同果汁以外其他食物都唔啱佢嘅口味好彩餐廳有位員工同佢玩令佢無不停問「走得未」 😂🤣…查看更多

Argo 採光度夠高一入到去就有好舒服嘅感覺唔知而家訂位嘅情況係咪都係咁誇張我上次係兩個月之前訂定嘅我嫌餐廳裏面啲冷氣比較凍所以訂位嘅時候特別request坐Gallery窗邊嘅位置呢個位幾好又唔係遠離食物位置好遠非常近我最鍾意嘅甜品區食物種類想食嘅都有甜品嘅擺盤係好靚嘅見到都有心花怒放嘅感覺呢碟係我自己精挑細選之下攞返位食嘅食到尾聲職員會每人派一杯Movenpick雪糕餐飲我揀咗好味嘅凍朱古力大家下次都可以試吓…查看更多

我哋又想食小籠包又想食片皮鴨又想食酸菜魚上網搵到呢間霸王川莊見到窗邊位嘅景色非常吸引其實每次去一間餐廳食飯之前都一定會上嚟OpenRice度睇吓啲食評做足功課就唔使嘥咗啲卡路里見到有啲「飯友」好好嘅會post埋張單出嚟所以我記得嘅話都會影低post埋上嚟因為見到有一次張枱窗外嘅景色好靚於是乎跟book同一樣嘅枱原來係有最低消費嘅不過唔記得咗幾多錢但我哋四個人相信都會食到個最低消費我哋餐廳一開夜市就入座喇正式由天光食到天黑夜晚仲睇到幻彩詠香江估唔到佢哋嘅百寶茶都咁好飲最意想不到嘅係越飲係越好飲我哋叫咗以下嘅食物每一樣都係中上嘅水準除咗個黑木耳百合炒萵筍平平無奇見到啲甜品好吸睛身為甜品控嘅我點都要叫返兩個擂沙湯丸擺喺呢一隻碟度好有feel 個拔絲香蕉睇相都已經覺得好靚一上枱嘅時候都忍唔住嘩一聲我哋四個女仔由夜市一開門食到人哋閂門叫我哋走渡過咗一個好開心嘅晚上…查看更多

見佢喺上環開咗分店即刻急不及待過嚟試之前幫襯開灣仔店記得好似無set lunch 見到呢度有就更加抵食訂枱嘅時候請佢比張好少少嘅枱因為係同朋友慶祝生日餐廳都比咗個舒服嘅梳化位食物方面都係好唔錯嘅不過我每次嚟親必要幫襯嘅就係佢嘅奶昔真係非常好味聽講係用雪糕打出嚟我自己就最鍾意士多啤梨朋友就試曲奇佢都覺得非常好味最後食甜品嘅時候幫我哋寫咗生日碟同跟咗支蠟燭見到啲字寫得好靚食都食得開心啲寫到呢度 已經好想再返去飲杯奶昔……查看更多

住喺呢頭附近好多時都會去幫襯馬泰佢嘅下午茶大碟又抵食喇沙參參配海南雞雞件夠滑醬汁惹味喇沙香濃想要辣啲可以問佢攞多少少喇沙醬青咖喱雞扒飯係我每次都會點嘅食物咖喱裏面有無花果、茄子等蔬菜一齊食係好夾嘅另外青咖喱好夠辣我超鍾意飲品方面今次叫咗嘅龍眼冰就比較甜泰式檸檬茶就正正常常以前曾經試過椰青同椰汁斑斕冰都係好味之選每人都會派一張濕紙巾喺疫情嘅時候有埋紙袋裝口罩餐廳用嘅木碟都刻上咗自己嘅名字馬泰捱過咗疫情希望佢生意可以越做越好…查看更多

朋友好鍾意食啲花膠類嘅食物所以佢好鍾意JW Cafe嘅自助餐中式食物嘅選擇確係好吸引西式嘅食物就好睇唔好食我成日都覺得JW Marriott已經放棄咗佢哋嘅甜品部門我係一個甜品控每次嚟食自助餐都只係會食雪糕見到啲蛋糕已經唔開胃凍檸茶就沖得幾好嘅當日係同朋友慶祝生日酒店都準備咗生日碟同蠟燭用恒生信用卡有85折優惠以每位$530嚟計淨係食中菜嘅話出面午餐應該有好多其他嘅選擇…查看更多

朋友推介呢間法式餐廳見佢有 set lunch諗住碰吓運氣即日打去睇吓有無位非常好彩可能有客人取消令我哋可以喺當日品嚐到呢餐美味嘅法式午餐首先要行一條頗斜嘅斜路先去到餐廳門口一到達就比佢深深吸引餐廳裏裏外外都營造住一個好舒適嘅氣氛服務亦好好仲有張櫈仔比我個袋坐我哋叫咗set lunch 所有食物都好睇又好食唯一美中不足嘅係份量比較細連女仔食完都只係得七成飽如果想搵一間舒服嘅餐廳當日又唔係太肚餓嘅話非常推介呢間餐廳比大家見佢週末好似有早午餐提供下次都可以去試吓…查看更多

朋友生日揀咗呢間餐廳食飯慶祝成間餐廳最靚張枱竟然唔比客人坐留做員工休息嘅地方我哋坐卡位四個女仔坐都覺得「有啲親密」我哋叫咗個四人餐海鮮袋上枱嘅時候好吸睛除咗雞翼麻麻哋之外其他食物嘅質素都係中等嘅上枱嘅時候夠熱粟米片都整得好食訂枱嘅時候同餐廳講咗係同朋友慶祝生日上甜品嘅時候餐廳亦為朋友準備生日祝賀詞及蠟燭用餐嘅時候係12月尾而家寫食評諗返其實連甜品都算幾好味唔知點解無再去幫襯嘅衝動一來可能係座位唔太舒適二來每樣食物都中規中矩無特別大嘅誘因再返去幫襯相信主要係因為呢個價錢都仲有好多其他更好嘅選擇…查看更多

幫襯過馬祖幾次每一次嘅體驗都係非常滿意食物新鮮不在話下員工彬彬有禮大部份都面掛笑容透過WhatsApp訂位員工都係非常好禮貌飲品嘅選擇都有好多除咗自家製嘅一啲飲品之外亦有個暖櫃好貼心咁為一啲唔飲凍飲嘅客人提供多一個選擇醬料方面都有好多選擇麻油好香每一次我都會落大量餐廳亦都準備好多壺湯比客人自助加湯之用湯裏面有杞子絕對唔馬虎湯底有好多種類每款都好吸引試過咁多款都係椰子雞最吸引牛肉質素好高海鮮方面亦有好多選擇特別鍾意佢嘅羽衣甘藍蔬菜都算多選擇至於甜品就唔係任食嘅每人只可以揀一款雪糕如果可以食多一款就更加完美 佢係無限時任飲任食我哋試過由2pm坐到6pm 😂好似7:30pm前離座仲有8折真係一個朋友聚會嘅好地方…查看更多