成間餐廳最靚張枱
竟然唔比客人坐
留做員工休息嘅地方
我哋坐卡位
四個女仔坐
都覺得「有啲親密」
我哋叫咗個四人餐
海鮮袋上枱嘅時候好吸睛
除咗雞翼麻麻哋之外
其他食物嘅質素都係中等嘅
上枱嘅時候夠熱
粟米片都整得好食
訂枱嘅時候同餐廳講咗係同朋友慶祝生日
上甜品嘅時候
餐廳亦為朋友準備生日祝賀詞及蠟燭
用餐嘅時候係12月尾
而家寫食評
諗返其實連甜品都算幾好味
唔知點解無再去幫襯嘅衝動
一來可能係座位唔太舒適
二來每樣食物都中規中矩
無特別大嘅誘因
再返去幫襯
相信主要係因為呢個價錢
都仲有好多其他更好嘅選擇
