Miffytam001's Profile

作為鰂魚涌嘅上班族，想搵一間餐廳可以同同事一齊chill住吹下水👭🏻，食物好味之餘，CP值又高👑，選擇真係唔多，而呢間餐廳 Black Bear 🐻就滿足曬我哋嘅願望啦！餐廳裝潢以日式木系為主，有唔少黑熊相關嘅小裝飾🐾，整體感覺安靜舒適，非常適合OL lunch time 過嚟放個break🌿，或者買杯咖啡坐底工作～Menu入面菜式都幾豐富，主菜除咗有西式意粉🍝、日式定食🍱外，仲有健康沙律🥗、All day breakfast🫐；甜品有芭菲🍨、自家製蛋糕🍰、Croffle🥐等等，令我有選擇困難症！主食：🔸照燒牛肉高湯稻庭烏冬 $82🔸鰻魚飯定食 $108定食包括味噌湯同核桃小女子➕肥美嘅鰻魚🟰辛苦工作半天嘅自己得到幸福嘅感覺😌甜品：🔸士多啤梨乳酪餡密 $78水果太豐富，日式丸子軟糯，加埋雪糕同乳酪，真係可以當作健康嘅輕食🔸藍莓忌廉芝士牛角包窩夫 $88甜品必點Croffle，香脆酥軟，沾上Cream Cheese 味道㫒華咗，甜而不膩飲品：🔸朱古力拿鐵（凍） $45🔸熱情果檸檬核打 $50～清爽解膩…Read More

沙田新城市廣場地下宏集眾多餐廳，今次我就聽朋友推介嚟咗塚田農場😆！我就揀咗燒肉定食🥩（$98），可以試齊牛肉➕豚肉，份量十足，配埋BBQ汁，好滿足☺️！午餐套餐包咗一杯飲品，我就升級+$15選擇佢地特飲——日向夏橙梳打🍹，炎炎夏日配翻一杯夏日風情嘅梳打，先夠爽心㗎嘛！最後，當然要食翻個日式甜品🍨先至完滿㗎嘛！長崎蛋糕法式多士（$58）配上甜甜嘅楓糖漿，完全係perfect match🤍！菜式由美人鍋、刺身壽司、燒肉、甜品都一應俱全，而且平日午市套餐價錢相宜，$70左右都有交易👍🏻…Read More

大埔小巷後有一間隱世藝術西餐廳，主打各款意式美食同手工意粉🍝！同時裝潢都好有藝術風格，有各種拼色跳脫嘅傢具、畫作🖼️等等，晚餐時段氣氛都幾適合同朋友一齊閑聊👭🏻！除咗單點item之外，Dinner Set 完全係高性價比之選✨，$148起就有齊前菜、主菜同飲品！🍲前菜方面，我哋叫咗秘製法式龍蝦濃湯（+$18）🦞，味道一絕，口腔充滿住濃濃龍蝦嘅精髓，湯入面仲要真係有龍蝦肉，絕對真材實料🫶🏻！🥘主菜方面，就叫咗烏克蘭獵人豬肩肉燉飯，同埋墨西哥芝士餡餠（雞肉）。燉飯整體不過不失，唔會太膩；餡餅就有驚喜，估唔到做到拉絲嘅效果🧀，配埋牛油果醬同酸忌廉，完美perfect match😋！🦪小食方面，額外加咗香草牛油白酒煮青口（+$58），雖然份量都幾大，但底下嘅醬汁相對而言係清淡咗啲，唔係好食得岀牛油同白酒嘅香氣😅🌼飲品方面，超級推薦大家叫皇胎菊（套餐+$19），賣相好打卡之餘，菊花味超香，好養生🩷！食完一餐豐富嘅晚餐，飲一杯有消滯嘅感覺添啊🤣…Read More

近排，大圍開咗好幾間火鍋🍲、烤魚店🐟，多咗選擇比大家揀！如果想吃到刺身➕海鮮➕牛肉➕火鍋，咁呢間十二少海鮮刺身牛肉火鍋專門店就絕對岩曬你了😉！一坐底，店員就會先放醬油、配料上枱，任你配塔專屬自己口味嘅醬料❣️湯底方面，我地想食清淡啲，所以就點咗下火芫茜皮蛋鍋（$98）♨️。之後，上菜速度都好快，鋪滿咗成張枱🤣刺身：🔸三文魚刺身（六切) ($68)海鮮：🔸新鮮花甲王 ($78)🔸新鮮鯇魚片（$48）肉類：🔸西班牙黑毛豬腩片（$98）🔸鮮牛骨髓（$68）其他火鍋配料：🔸餃餃震拼盤（$78）：鮮韮菜餃、鮮蝦雲吞、魚皮餃🔸嫩滑豬紅（$38）🔸台式蜜巢豆腐（$38）🔸萵筍（$42）食材都幾新鮮，選擇又多，住附近嘅朋友仔可以同屋企人一齊撐吓枱腳🤣！…Read More

往係大埔太和嘅朋友仔，想食德國菜，唔一定要去尖沙咀、銅鑼灣嘅🤣！太和德國餐廳岩曬Happy Friday嘅打工仔，收工後同朋友仔飲啤酒傾下計🍻最推薦一定係餐廳招聘菜式👍🏻：德國咸豬手配酸菜及薯仔沙律（$238）🐽，完全係3～4人嘅超巨型份量，CP值超高，我同frd一齊食最後都剩好多，要打包翻屋企😂餐廳特色小食：德國香腸拼盤（$172），份量同樣相當驚人🙊，味道都好地道！因為我同frd 習慣正餐要有澱粉質落肚，所以就叫多咗一個2人份嘅西班牙海鮮飯（$198）🦐，海鮮都好豐富，包括有青口、蜆肉、大蝦、魷魚等等，飯底好香口，令人好有食慾✨！總括而言，太和呢間德國餐廳係超抵食，價錢合理，每一道菜份量都超多，最好叫多幾個朋友仔一齊食啦😂！…Read More

平日嘅夜晚收工後，約咗朋友仔係旺角附近行下街食飯～因為朋友仔想食拉麵🍜，就揀咗呢間餐廳試下！睇餐牌先發現餐廳除咗拉麵之外，仲有日式串燒，而且選擇都幾多～🤩因為我未算好肚餓，所以就同朋友仔share一碗拉麵同一啲小食🤣！🦀北海道蟹湯拉麵（$138）：採用由北海道直送到港嘅花咲蟹熬製湯底，配上鮮味十足嘅蟹肉，蟹味清香而濃郁👍🏻，完全不油膩！🦑汁燒原隻魷魚筒（$108）：原條魷魚直上，份量十足！推薦點埋薑蒜蓉一齊食，口感清爽彈牙，層次豐富😋！🐷鹽燒五花腩（$48）：簡單以鹽作調味，味道並不單調，反而試到食材嘅鮮味！…Read More

位於金馬倫道嘅日式居酒屋——黑木亭，以日本街景為主題，就連碗碟都係可愛嘅小櫻花🌸，環境氣氛完全充滿住日式風情🇯🇵！一場嚟到，當然必點餐廳嘅招牌菜：日本啤酒拉麵（$98）🍺🥢，冷麵嘅口感爽滑彈牙，撈埋上層綿密嘅忌廉奶蓋一齊食，滿滿嘅滿足感❤️；而且又有半熟流心蛋、紫菜、蘿蔔蓉、芥末、蔥花作配料，多種口味任你配搭。雖然係用咗個巨型啤酒杯裝住，但係又唔洗擔心，完全冇酒精，未成年嘅小朋友都食得㗎🤪。餐廳嘅A5宮崎和他他配洋蔥及特製酸汁（$199）🐂都同樣非常岀色，入口即融，油脂係口腔入面爆曬岀嚟；配埋生雞蛋同洋蔥一齊食，又係另一種滋味🤤！我自己都鍾意濃煮鮑魚豚角（$128）🤎，食落去有啲似東坡肉咁🙈，非常軟淋，一咬即散，而且都非常入味👍🏻！鍾意食生蠔嘅朋友仔，就唔好錯過佢哋嘅海產細味六杯（$199）🦪！用Tequila shot嘅小酒杯裝住咗3️⃣種唔同口味：泰式酸辣醬、雞尾酒醬、經典日式酸汁，一杯一啖，生蠔新鮮又Creamy，值得一試！飲品方面，我哋就試咗芒果烏龍熊茶（$58）🥭🐻同埋北海道士多啤梨牛乳乳酪（$48）🍓🥛，完全打卡一流之選，顏值勁高，而且水果非常豐富！…Read More

想係銅鑼灣食韓式烤肉，唔知揀邊間好🤔？相信喜來稀肉係唔少香港人嘅選擇，每次晚飯時間過去，都幾爆場㗎！皆因佢嘅特色之一窩邊蛋🍳，係免費無限添加嘅，一次過可以試到芝士同泡菜兩款口味🤤，想食幾多都得，真心正啊👍🏻！自助沙律吧枱亦都係🆓無限任拎嘅，有生菜、蔥、泡菜、醬汁等等，配上燒肉一齊係超地道嘅韓式食法👍🏻！燒肉方面，今次我哋點咗餐廳必食推薦嘅喜來豬五花肉（$150）、牛護心肉（$160），同埋牛助骨肉（$150）😋！喜來豬五花肉油脂非常豐富，肉質柔嫩多汁，非常Juicy💦！至於另一個招牌菜，牛護心肉非常爽滑彈牙，肉質軟腍，絕對係必食之選‼️牛助骨肉肉味就好濃郁，同時油脂岩岩好，唔會太膩。熟食方面，我哋就叫咗炒年糕（$75），年糕同魚糕都煙韌軟糯，而且唔食得嘅朋友仔都岩食，完全唔辣！…Read More

炯記嘅太子鵝油撈麵一直係我心目中嘅 Top List❤️，麵條柔軟而有咬口，油而不膩，非常適合配埋烔記招牌燒味、手撕雞一齊食🤤！因為太多嘢都想食，我同朋友仔直接揀咗佢哋嘅二人套餐，可以試勻晒佢哋幾款招牌，非常抵食👍🏻，絕業飽肚仲有突😂！二人滿足套餐（$198）：🔸鹽焗手撕雞🔸秘製醬皇豬手（4隻）🔸酸辣蒜香雲耳🔸麻辣雞腎🔸野外油菜🔸太子鵝油撈麵（2碟）🔸凍菜蜜 & 凍奶茶🔸餐湯（2碗）…Read More

之前行街已經試過這間吸吸杯，所以今天特意進店試試他們的甜品 店舖雖小但環保有文青感覺，環境舒服 椰皇桃膠燉雙皮奶，雙皮奶相當滑溜，桃膠配上椰汁，感覺十分滋補，桃膠份量十足，而椰皇肉也很清甜，十分飽肚 榴槤湯圓內裡的榴槤十分濃郁，一口咬下榴槤流心的爆裂在口腔內，對於十分喜歡榴槤的我是非常驚喜，好小甜品舖會做到這個滿滿的感覺 芒椰木蓮凍是必定要點的甜品，份量一樣十足，配料多到數不完，底部是仙草即是涼粉，上面放上椰果，芋圓，芒果肉和芒果冰，夏天食最適合亦打卡一流…Read More

呢個平凡嘅工作日，有個係附近做嘢嘅朋友仔臨時約我一齊食lunch🤣～其實一到lunch hour都幾難搵到位，想食嘅幾間餐廳都冇曬位🥲，門口見紅葉茶屋有D位剩，就即刻沖咗入去🏃🏻‍♀️一打開Menu就明白咁繁忙嘅時段點解會有位剩低，因為主食嘅價錢都偏貴💸，普通嘅日式拉麵、鳥冬等主食都離唔開$100，另外仲要收加一服務費😢。如果你抱住咁貴嘅價錢，食物嘅質素應該都唔差，呢個諗法真係大錯特錯🙅🏻‍♀️我今次就叫咗Menu上最平嘅其中一款主食——🍗炸雞定食（$98），附送兩個小菜同一碗麵豉湯。老實講，炸雞口感偏乾同無味😂，要靠他他醬嚟調味同中和吓；米飯都偏黐身，做唔到粒粒分明，口感一般。我朋友就叫咗呢碗🍜黑麻油濃厚豚骨湯拉麵（$98），佢覺得正正常常，不過不失，但呢個價錢可以吃到更好嘅拉麵😅雖然餐廳正餐主食就麻麻哋，但佢D甜品做得都尚算岀色，而且價錢合理，拉翻唔少分😌。首選要試吓佢招牌嘅鎌倉紅葉茶屋抹茶提拉米蘇🍵，口感非常軟滑，帶有抹茶口甘之味，值得一試👍🏻最後，我哋揀埋🍨自選特製芭菲（$75），包括牛奶軟雪糕、朱古力雪糕球、抹茶蕨餅、藍莓芝士忌廉、黑蜜糖等配搭食材，雪糕配上黑蜜糖甜而不膩😋，入口即融，加上🫐藍莓芝士忌廉滿腔清新健康嘅感覺，大家不妨自製配搭鍾意嘅芭菲味道～💕…Read More

聽朋友講佢屋企附近開咗間隱世小店，主打係鐵板燒🔥，CP值都幾高，令人有D心動，邀請我一齊去試吓🤣餐廳格局比較細，裝潢設計以💙暗藍色作主調，都幾有氣氛。除咗單點項目外，仲提供廚師發辦套餐，價錢$588起，至少有6️⃣道菜，選擇困難症嘅朋友就唔洗揀得咁辛苦啦🫢我哋兩個一樣揀咗最平嘅入門版嚟試吓先🤣，落單後師傅就即刻準備好曬所有食材放係我哋面前，即叫即做，食材都幾新鮮✨首先，先品嘗第一道菜式——沙律🥗，加入黑醋汁後，味道酸香，好fresh；🍍菠蘿都幾Juice，好甜又唔酸，會想吃多幾舊😌喺我哋吃緊沙律菜期間，師傅着手烹調緊海鮮鐵板燒，🌬香氣已經撲鼻而來，逼不及待想開餐啦！🦐越南特大虎蝦肉質厚實，配上佢哋秘製醬汁更加惹味😋；🦪南非孔雀鮑魚一定係首選必試菜式，口感柔軟鮮美，唔會太韌，配上蒜蓉汁，同埋鹹鹹哋嘅蝶豆花泡泡🫧，味道真係一流👍🏻至於另一道主食，我哋分別揀咗豬扒同雞扒，試下兩款唔同味道。🐽豬扒方面，餐廳挑選咗宮崎黑豚扒，肉質豐厚，配上菠蘿汁，清新解膩，非常適合夏天嘅氣息🏖。🐤雞扒肉質嫩滑，煎得香脆酥軟，好啱我口味😝其實，吃完以上主菜後，我已經飽咗一半🙈，吃埋一碗鮮蝦蛋炒飯就啱啱好～ 炒飯粒粒分別之餘，又唔會太乾身！至於甜品時間，就係呢款🍷法式紅酒雪梨，紅酒經過處理後，酒精已經揮發晒了，但仍然保留了葡萄香氣🍇，清甜滋潤，美容養顔🌟最後，在餐飲方面，燚有多款日本酒任你挑選，環境都適合小酌一兩杯🥂。我哋額外點咗一枝🍶岩戶之舞特別本釀世（$138），雖然酒精濃度有15%，但味道清淡易入口，一D都唔會嗆喉；另一杯係🥃美人梅酒（$93），味道近似蘋果汁咁，甜甜哋幾適合女士們🤣…Read More

踏入霉雨季節，無時無刻都落緊雨，心情隨之而然都幾鬱悶😢，吃咗幾日外賣嘅我哋終於都頂唔順！唔理會橫風橫雨嘅天氣☔️，直接沖去🏃🏻‍♀️隔幾街口比較就腳嘅Cafe放個lunch break～Cafe正處於荃灣與大窩口交界，人流相對較少，造就這片寧靜之地✨，而且環境舒適，聽住音樂，同朋友仔吹下水，好悠閑咁享受短暫嘅小休🫧。整體價錢合理，冇service charge，值得支持嘅良心小店💪🏻今次我就試咗芝士炒蛋煙肉帕尼尼（$75），🥯麵包軟硬適中，🥚炒蛋整到有D似日式玉子咁，而且份量十足👍🏻我朋友就分別點咗🥪牛油果配炒蛋三文治（$85）、🍔芝士牛肉竹炭漢堡配薯角（$105），同樣非常足料，相當有份量。牛油果控一定必試，完全係原隻牛油果🥑咁比你！…Read More

自從上個月初嚐Coffeelin☕️之後，我就成為咗呢間Cafe嘅常客🧡。今個星期週末，知道Coffeelin喺灣仔開咗新分店後，就約埋朋友仔去試吓👯‍♀️灣仔店好特別咁有提供Pasta Combo Set🍝，免費配一杯飲品。可惜嘅係，呢個分店就冇本身Coffeelin招牌Gelato雪糕😢成為回頭客必點菜式就係Tridente 風乾火腿茄子配布拉塔芝士佐羅勒醬 ($55)😍，味道非常特別，一啖咬落去先係風乾火腿嘅煙燻感，卻完全吃唔到茄子🍆嘅味道，都幾難以形容，真係令我一試難忘，絕對令人有驚喜🤩我哋點嘅另一款Italian Toastie就係呢個Gallia 火腿配梵提娜芝士（$55），味道中規中矩，🍞麵面皮同樣烘得好岀色，外脆內鬆，完全唔會口乾😋飲品方面，只需要點任何Italian Sandwich / Toastie，即可享Combo Set優惠，➕$25就有一杯飲品✨～我哋就點咗Hojicha Latte (Cold)同埋Matcha Latte (Hot)🍵，兩杯Latte都係偏甜多奶，不過焙茶嘅茶味會更重一D🙈最後嚟到甜品時間，🫗Coffeelin Tiramisu（$65）咖啡味重，中間餅乾部分未完全淋晒，所以吃落層次感幾豐富🙌🏻🍋Lemon Cake ($21)嘅水準都令人幾驚喜😆，檸檬帶D柚子香氣，味道超fresh，好有夏日嘅感覺，而且價錢好抵，絕對一試❗️…Read More

又係同事帶我食好西系列🙈：喺千色匯入面呢間東南亞菜系連鎖餐廳，即使係下午茶時段，都需要等一等位，意料之外幾受街坊歡迎👏🏻我同事就推薦必試佢哋嘅馬六無骨海南雞飯（$60），絕對有驚喜咁話喎🙌🏻！事實上，的而且確非常岀色，雞肉鮮甜嫩滑，油飯十分香口，配上一碗清甜東瓜湯，消滯解暑👍🏻，一定回頭再幫襯‼️除此之外，餐廳嘅喇沙湯底都幾岀名，味道濃厚，非常惹味😋。而且，麵嘅款式可以揀東南亞特色嘅摻摻，姐係油麵➕米線，我同事都幾鍾意🤣Menu菜式選擇都豐富，價錢亦都幾公道合理，而且下午茶時段包一杯飲品，推薦比各位喺荃灣嘅打工仔😆…Read More