kaka128's Profile

最近片皮鴨做緊半價優惠，非常抵食👍🏻鴨皮好有油脂香，幾乎每咬一啖就有少少油逼出來而鴨肉都好有咬口～餅皮嘅厚度適中，最岩用來包裹着鴨皮、鴨肉、青瓜值得一讚係青瓜將片皮鴨嘅油膩程度降低，整體變得幾清新😚…Read More

咁早排咁岩做野經過大埔，就黎試左呢間café。咁本人對千層麵情有獨鍾，咁就決定試一試，但出到黎都略有失望，因為佢整個千層麵都係偏向過濕咁，無左平時好有芝士焗肉醬個種煙煙un un的feel，我比分的話，十分可能比五分，只是緊緊合格，但份量方面係足夠的，都食得飽，係價錢略為有點貴(對比附近餐廳的價錢)，如下次再去，可能試下佢個甜品，因為都見到多人叫，可能呢間餐廳係出名食甜品飲品個種。…Read More

因為近排開始係呢邊做gym，所以都多左係呢頭附近食晚飯，每次經過見到都好多人等緊外賣，所以就決定試下。佢menu上的選擇都唔選，有肉燥、滷肉、扒飯等等，而且又有唔同麵食，唔怪得咁多幫襯，咁我今次就叫左淨肉燥飯，送上黎個時發現佢個肉燥係同飯分開上，而肉燥的份量亦都非常之多，夠曬我送飯有特，而肉燥下面仲有D椰菜咁，令到撈飯個時都可以豐富到個口感。最後埋單40蚊唔洗，仲包凍飲，呢個價錢可能真係屋村鋪仔先做到，真係唔怪得次次腔過都大排長龍。…Read More

每次黎親呢度食，都會見到長長的人龍，因為呢間泰國菜價錢親民，CP值幾高。今次雖然係兩個人黎食，但因為樣樣餸都幾平，所以叫下叫下都叫左幾多碟下^^。大概就係黃咖哩牛肉、炒金邊粉、蝦醬通菜同燒豬頸肉，埋單都係二百幾蚊，非常抵食。咁多樣食物之中，我就最滿意個黃咖哩，因為個汁夠曬香，係食得出用左好多香料個種正的咖哩。另外，蝦醬通菜亦都夠曬惹味，蝦醬的咸香同通菜真係好襯，獲氣亦都好夠，唯一美中不足的地方係通菜無咩葉的部分，搞到食落差咁D野咁。而炒金邊粉我地就一致覺得麻麻地，因為唔夠獲氣之餘，又比人感覺係撈金邊粉多過炒，所以下次應該都唔會再叫呢個。整體黎講，食物中規中舉，但勝在價錢平，食物質素又唔會太差，下次都會再黎。…Read More

上次講完長沙灣果間台灣小店，咁今次就講下佢附近的一間飲品店，酸奶君。咁我今次就叫左吃米特濃酸奶，佢係由oero碎同酸奶攪拌而成，初初叫係純粹貪玩角度，但飲落先發現原來呢個配搭係幾夾，oero碎令到佢有咬口之餘，又會令到個酸奶唔會太單調，同埋佢仲有得比我地選擇常溫的溫度，方便一D係生理期而有想飲野的女士，呢點絕對抵攢 !…Read More

早排疫症期間，因為聽到呢間台灣小店有份派口罩比市民的新聞而對佢有所認識，咁今次放工咁岩經長沙灣個頭就決定上黎試一試，咁呢間餐廳係位於工廠大廈入面，所以個位置係比較難搵，但食完之後發現一切都係值得。咁我地就叫左個手工滷肉飯，咁佢仲可以選擇番肥肉定瘦肉，識食的我緊係叫左肥肉。飯黎到個時發現，就算係叫左肥肉，佢個滷肉的肥瘦比例都係維持在一半一半左右，呢個絕對係滷肉的黃金比例，唔會太瘦之餘，又有咬口。同埋，落單個時仲可以同店員講聲加飯，咁佢就會由細碗轉做大碗，飯量應該仲多過平時便當咁，以三十幾蚊可以有咁大碗飯黎講，絕對係抵食，下次經過會再黎。…Read More

早排咁岩係元朗行開，見到呢間立哥麵家，而佢食物又係開正我個範，係日式飯類麵食個D，所以係門口個餐牌睇左陣已經決定行入去試下。因為佢個鰻魚飯實在太吸引的關係，最後就叫左一份。黎到個時都幾驚訝，因為佢個份量唔算小，差唔多有大半條的鰻魚份量，而且仲跟左一份炒蛋(雖然炒蛋同鰻魚個食落唔係好Zmatch，但佢比的份量真係夠曬大方)。而鰻魚送到上黎個時仲係熱辣辣，而且食落油脂感幾重，集肥美、重口味於一身，唯一美中不足的地方係飯的份量唔係好夠(可能太多鰻魚^^)，咁本身諗住加錢叫多碗飯，因為鰻魚真係好岩送飯，點知發現原來加飯係唔洗另外加錢的，所以真係岩曬大食的我。…Read More

好欣賞點一龍嘅菊花鐵觀音，飲落有淡淡嘅菊花味，但又唔會搶咗鐵觀音嘅清香，兩者平衡得好好龍蝦湯嘅味道濃郁，而龍蝦肉嘅size正常咬落去軟軟地之餘又帶有口感，表現不錯👍🏻…Read More

麵包的質地比較硬之餘又帶小小小脆黑糖包的黑糖味好濃，味道唔錯👍🏻洋蔥湯味道濃郁意粉嘅份量好大碟，麵條食落有濃濃的芝士味而且帶有微辣雞粒的份量好多，食落好有咬口🤣…Read More

最近見到好多人試呢個Frosty Garden Afternoon Tea Set ，所以忍唔住買咗返來試試😂可能係買返嚟後唔係即刻食嘅關係，啲糕點食落有點點硬，如果可以鬆軟啲會更加好但整體味道正常，伯爵茶曲奇餅幾好味😚…Read More

之前係呢頭咁岩學完車，就開openrice搵到呢間漢堡店。咁佢個價錢的計法就好似mos burger咁，先單叫一個包，再加錢轉做餐咁。咁我今次就叫左芝士牛堡($39)，令我驚喜的係佢係即叫即做，見住店員收到order再即刻煎個塊牛個時真係流曬口水，漢堡食落好juicy，而且個汁同個牛亦都幾match，配埋D生菜一齊食真係幾正，係有心機之作。咁跟餐就可以選薯餅同薯條，我見好多人都叫薯條所以就決定試下，佢係粗薯個種，而且外脆內軟，岩曬我呢D薯魔怪。…Read More

之前有一排迷上左呢間餐廳，因為好小西式餐廳做到呢個價錢。以我今次食的板燒鑊仔牛柳為例，盛惠$64，但個份量真係好豐富，有三塊牛柳仔，幾舊薯角，一份沙律菜同埋可以選擇配飯或者意粉。值得一提的係牛柳煎我唔錯，7成熟岩岩好可以lock住入面D肉汁，但又唔會太多血水，正。飲品方面，跟餐包左一杯熱飲，佢另外的特色係可以加$2轉樽仔凍奶茶，店家係一早沖定調好味的奶茶，再放落雪櫃正凍佢，咁樣可以解決平時飲凍飲個時，愈飲愈淡的問題，誠意分十足。…Read More

平時咁岩係屯門又想食日本野的話，通常都會黎呢間餐廳，因為價錢唔算太貴之餘，食物質素又有番咁上下水平。今次因為太耐無食過刺身的關係，就叫左個海膽鮮帶子杯飯($62)，本身我同朋友都expect可能一人一啖就食曬，但黎到先發現個份量其實都唔小，淨係帶子都分開左六七片，非常襟食，而海膽亦都好新鮮，食完個口仲有陣回甘味令人難而忘懷。另外，我地亦叫左碗博多豚肉拉麵($58)，但食落味道正正常常，沒有太大驚喜，唯一勝在叉燒煮得幾lum身，而且夠曬入味。…Read More

呢間米線鋪之前已經成日聽屯門的朋友仔提起，今次咁岩經過終於可以試一試。呢次食大概係晚餐時段，七至八點左右，門口已經有幾台客等緊，大約等左十分鍾左右就可以入座。咁我就叫左個熱拌米線配豬頸肉，豬頸肉係燒個種，而且佢係剪到一條條咁，食落好脆口，個味醃得唔錯，食落好惹味。而熱拌米線個配菜都好足料，有肉醬，花生，酸菜等等，整體感覺好豐富，下次經過會再過黎試下。…Read More

之前已經聽人講過呢間成日有人排隊，今次終於可以試到。咁我就叫左粟米香菇豬肉，碗野一送到上黎個時已經發現每粒餃都大到好跨張，係平時的兩倍左右，食量細D的朋友仔其實叫粒已經夠曬，唔好好似我咁叫左八粒。首先，粟米香菇豬肉餃呢個組合出奇地配搭，食落幾重口味之餘，粟米又好令到個口感好豐富，十分滿分我會比八分。…Read More