illyy的个人专页

係銅鑼灣time square入面有間裝修得好靚嘅韓式居酒屋，環境有別於平時嘅韓國餐廳，感覺高級同安靜啲，好適合同朋友嚟傾計聚會🎈☑️Set B $655呢個set包含咗好多前菜，唔似普通韓國餐廳甘得泡菜同芽菜，前菜種類多到我都up唔出佢個名🤣仲有炒粉絲添，我覺得佢個泡菜都幾好食😋主食我就揀咗炭烤八爪魚🐙醬油帶子同紅蝦🦐薯仔排骨湯🥔仲有拌飯添❗️炭烤八爪魚廚房已經烤好先拎出嚟，八爪魚好軟滑，裹滿咗辣椒味，仲食到一陣陣嘅炭烤味🐙醬油帶子同紅蝦都好大隻，醬汁鹹鹹甜甜好入味，你食得出佢好新鮮😋薯仔排骨湯嘅精華係紫蘇葉既味，上枱嗰陣滿滿嘅紫蘇粉就知呢個薯仔排骨湯一定唔會錯☺️佢哋連埋gas爐一齊上，唔驚食食吓會凍咗🥶入面有好多舊大大舊嘅排骨，索晒湯底嘅味，仲有軟綿綿嘅薯仔🥔我鍾意加啲湯落飯度一齊食，一碗飯都唔係好夠🥺拌飯有好多種唔同嘅蔬菜，可以因應自己口味加辣椒醬入去🌶️成個set幾百蚊包咗好多嘢食，環境亦都好舒服，性價比好高👍🏻…查看更多

正直大閘蟹既季節，眼見好多朋友社交平台都po左大閘蟹，搞到我又心思思，甘岩行街見到里間打邊爐放題，仲可以爆食大閘蟹，好似好抵食同吸引😱☑️爆膏大閘蟹套餐 $398熱辣辣啱啱蒸好嘅大閘蟹，雖然唔算大隻，但入面真係有好多膏，啲膏好香，我地一人食左5隻🤣火鍋方面，里到係採用一人一煲嘅方式，唔使驚朋友會搶你嘅嘢食🤣湯底有九款可以揀，我哋就揀咗海老濃湯完熟蕃茄同麻辣味噌湯🍲蕃茄湯底一定唔會錯，好濃郁放咩入去都啱既感覺🤣麻辣味噌湯雖然味噌味唔算好濃郁，麻辣湯底都唔算好辣，小辣人士都食到🌶️坐低就會有兩盆高質嘅牛，分別係和牛胸腹眼同埋安格斯牛小排🐮雖然呢兩款唔係任食，但仲有好多唔同種類任食嘅牛，我個人就好鍾意牛胸爽🥰出面仲有好多唔同種類嘅蔬菜同丸類，都係想食幾多都得😀除咗呢啲打邊爐一定有嘅嘢之外，仲有啲前菜可以拎，例如關東煮，玉子蛋等等，包你捧住個肚走☺️…查看更多

今天帶係香港住既韓國朋友試下我最鍾意既outdark😆☑️半份炸雞（香蒜蜜糖炸雞）$138炸雞係outdark既招牌，又點可以唔試，除左炸雞佢地仲好多唔同種類既炸薯條🍟配埋我最鍾意既茄汁🥫即炸即食好香脆😆雖然係半份，但份量都有好多，兩個人都食唔晒。炸雞我最鍾意食蜜糖味，甜甜嘅表皮，加埋啲蒜味，食到停唔到口👍🏻☑️海鮮煎餅 $138海鮮煎餅切成岩岩好一口既size， 煎餅外脆內軟， 配料方面都好足， 有大大件魷魚🦑 蝦🦐韭菜， 點埋佢地個秘製醬汁👍🏻☑️炸醬麵 $108哩到既炸醬麵同平時食開既有少少唔同，炸醬好香濃，麵既軟硬程度適中， 每一條麵都裏滿左炸醬， 除左有好多五花肉之外🐷仲有我最鍾意既鵪鶉蛋🥚☑️蜜桃梳打 $38大熱天時叫返杯ice既野飲，濃烈既桃味，用黎refresh一流🍑…查看更多

好耐之前帶韓國朋友食過一次😬一直都忘記唔到個味，甘岩經過佐敦見佢新開左分店，即刻入去食🏃🏻‍♀️.☑️清湯牛腩河 $50我轉左崩沙腩(+$8)同加左雲吞(+$8)🤓湯底就甘望落去好似好清冇咩味甘，但飲左一啖之後就好有驚喜🧐湯底十分清甜，完全冇味精既味，因為我之後都冇覺得頸渴🤤崩沙腩肥瘦均匀，咬落去完全唔會鞋，輕輕就咬得開👍🏻上次叫左佢地成份雲吞食唔哂，但又覺得好好食🤤好彩佢地有得就甘加兩粒，雲吞係用菜心同豬肉，皮薄得黎料好充實。一定會再無限回頭，性價比好高🤩…查看更多

成日想都好想係香港搵一間可以食韓國牛腸既舖，見到哩間有得食就梗係去試下啦😆依到有室內同室外位，室內係韓式餐廳既風格，室外就係西式餐廳既風格。一坐底店員就會比小菜，有韓國魚糕、西蘭配香腸同辣醃蘿蔔。依個牛腸鍋除咗有3款唔同部位既腸，仲有牛心同好多配料，包括韭菜、年糕、薯仔🥔洋蔥🧅菇🍄泡菜。年糕煎到脆脆地好好食😋牛腸方面，有牛小腸、牛大腸同牛大腸頭。三款腸都十分之爽口，又唔會有牛腥味。牛大腸就有好多油脂，一開始都驚會油膩，但係夾埋韭菜一齊食岩岩好。至於牛心真係第一次食，以為會好腥，點知又唔會喎😲反而好有牛香🐮…查看更多

身邊有啲大食既朋友，成日食完都話唔夠飽🤣今日同佢黎食哩種任食既台式火鍋😲就唔驚佢食唔飽啦😀☑️火鍋Level 3 $358Level 3可以任食海鮮，牛小排，黑毛豬等等…湯底有成8款可以簡，我簡左酸菜白肉鍋同番茄鍋，酸菜白肉鍋入面有好多酸菜，湯底有酸味😆 番茄鍋入面除左有蕃茄肉，仲有啲菇菌類🍄夠哂味😆海鮮既選擇都幾多，我咩都叫左啲黎試下😲個人推薦手工蟹子鮮蝦滑🦐蝦滑爽口彈牙，碌耐左都唔會變到好鞋👍🏻巨大帆立貝都好出色☺️即使滾完個size都仲令人好感動，肉質都好實在😆另外仲有我好鍾意食既牛柏葉同牛胸爽，出面冇咩地方會有🥹豬牛我都差唔多叫哂每款黎試，個人最鍾意牛小排，牛味出得黎又嫩滑🐮除左用QR code落單既食物之外，出面仲有好多唔同種類既蔬菜，菇同丸類，都可以無限任拎👍🏻野飲櫃都有好多選擇😋最後食完野之後拎返杯雪糕做甜品，重點哩到有movenpick😍都係任食🥰🥰…查看更多

同朋友黎尖沙咀行街， 想食韓國野第一下反應又係黎outdark🤣☑️炸醬麵 $108炸醬好香濃，麵既軟硬程度適中， 每一條麵都裏滿左炸醬， 除左有好多五花肉之外🐷仲有我最鍾意既鵪鶉蛋🥚☑️辣豆腐湯烏冬 $198用石鍋上既烏冬熱辣辣，烏冬輕輕煮一煮就可以閂左火先😗入面有好多唔同既配料， 八爪魚🐙蜆🐚豆腐，金針菇， 冬菇🍄八爪魚仔有好多隻大大隻， 爽口彈牙😍 湯底唔會太辣， 食開小辣既人都一定食到😎☑️海鮮煎餅 $138海鮮煎餅切成岩岩好一口既size， 煎餅外脆內軟， 配料方面都好足， 有大大件魷魚🦑 蝦🦐韭菜， 點埋佢地個秘製醬汁👍🏻☑️Green Apple Ade / Grapefruit Ade $38大大杯既梳打外型好吸精，梳打唔係個種人造味道，亦唔會太甜，食左甘多辣野飲返杯梳打中和下就岩哂啦🤤…查看更多

同朋友黎銅鑼灣行街，見世貿中心近期重新裝修緊，黎八下裝成點🤣見到呢間餐廳環境睇落去唔錯，就入咗去試下😆☑️日式紅酒燉牛肉蛋包飯 $145蛋包飯嘅賣相好吸引，同行朋友一上枱未食已經話一定會好食🤣雞蛋係半熟狀態，十分嫩滑同有蛋香😋底下係炒飯，粒粒分明，牛肉用燉嘅方式處理，燉到入哂味，而且又軟又嫩，完全唔驚牛會咬唔開👍🏻☑️鰻魚玉子蓋飯 $98好大條鰻魚喺面，中間係厚厚嘅玉子，底下既飯係用珍珠米，粒粒分明😆☑️日式炸雞翼 $75雞翼係細細隻嘅雞全翼🍗出面炸到脆脆地，食得出有蜜糖味🍯食落甜甜地，面頭灑咗白芝麻，令到整體味道更加香😋☑️伯爵茶戚風蛋糕 $51好濃烈嘅伯爵茶味，戚風蛋糕質地鬆軟，甜度適中，好適合作為飯後甜品🍰☑️白桃梳打 $45 / 抹茶麻薯沙冰 $52白桃梳打好香既桃味，都唔會太甜🍑朋友叫嘅抹茶麻薯沙冰好出色，沙冰打到好幼細，有好大舊麻薯，抹茶味香濃，十分推介💯…查看更多

同媽咪係YOLO行完街，見哩間上海野既價錢好抵食，平日夜晚黎到都唔洗等位，一於就試下🏃🏻‍♀️☑️秘製豬扒上海粗炒 (晚市套餐配紅油韮菜餃) $72上海粗炒既source係偏甜，粗炒質地唔會太硬或者太淋，豬扒肉質都幾滑，但味道都係甜既，整體我覺得麻麻地😣紅油韮菜餃因為媽咪唔食得辣既關係我叫左走辣，味道中規中矩😶☑️上海排骨擔擔麵 $64擔擔麵麵質適中，叫左小辣，麵索哂湯底既味道，香辣入味。排骨份量都多，肉質都滑。…查看更多

係尖沙咀想搵間未食過既打邊爐試下，見好多人都介紹哩間，一入門口放左啲龍袍可以著黎影相🤣☑️雍穆公主·花膠雞湯鍋 $318花膠雞湯好似對女仔好養身甘，職員黎到你面前先將花膠落落鍋到，花膠份量都幾多😲因為個湯底係用真雞湯熬出黎，職員會叫你飲左少少雞湯先再落啲雞落去煮，雞湯好濃郁，雞肉都好嫩滑🐥☑️手切本地牛肉 $298牛肉既色澤睇得出好新鮮，牛肉油脂均勻，肉質嫩滑同充滿牛香🐮☑️伊比利亞橡果豬 $178食橡果大既黑毛豬🐷所以食落肉既香味十足，肉質嫩滑，個人認為哩款豬性價比好高😆☑️蟹黃餃 $78入面係滿滿既蟹肉，好香蟹黃味🦀☑️即炸黃金炸響鈴 $88響鈴就食得多，蛋黃響鈴就真係第一次，哩到既響鈴可以即食，而我就鍾意碌十秒左右😬黃金響鈴好香蛋黃味，如果你平時係鍾意食黃金炸物既人，你一定會鍾意哩個😋☑️香香宮煮雜菜拼盤 $98食左甘多肉我要食返啲菜中和下🤣雜菜拼盤入面有好多唔同種類既菜，生菜，油麥菜，娃娃菜，金針菇，木耳，蕃茄等等😆☑️竹蔗茅根 $78新鮮既竹蔗茅根可以中和返打邊爐既上火，甜度適中。…查看更多

今日黎到奧運食野，朋友話想食中式小炒，於是搵到哩間樂天經典，樂天皇朝既七色小籠包就聽得多，一於試埋佢地啲小炒好唔好食🤨☑️大蝦米線湯 $78因為係用蝦熬成既湯底，湯底好結身濃郁，米線掛哂啲蝦湯，好入味，面頭仲有兩隻大蝦🦐大蝦肉質新鮮爽口🤤☑️蝦味魚子蝦球炒飯 $78炒飯好貼心甘可以根據個人食量簡大份定細份，我地簡左細個size，但其實份量都好多😲炒飯粒粒分明，加埋雞蛋同魚子好香，蝦球爽口彈牙🍤連蝦腸已經挑埋，食得好舒服😬☑️阿婆苦瓜炒蛋 $68最近冇點食過綠色食物，見到有我好鍾意食既苦瓜真係忍唔住叫🤣苦瓜整到唔會太苦，怕苦既人都絕對食到，苦瓜炒完都仍然口感清脆，連埋雞蛋一齊食好香🤤☑️砂鍋豆腐蝦 $108今日差唔多係全蝦宴🤣用砂鍋上超級熱辣辣，豆腐用左秘製既醬汁，好結身濃稠，豆腐外層煎到香香脆脆，入面軟滑，而且吸哂啲汁好入味，應該可以食兩碗飯🍚蝦同樣都係爽口彈牙🍤…查看更多

餐廳面積都幾大，裝修都好高級，餐具哩啲細節位都睇得出係精挑細選，啲staff見到你冇水又會主動加，食物未黎到之前已經對哩間餐廳既感覺唔錯😄☑️泰式船麵 $128同出面食開既船麵既味有少少唔同，應該係香料上有唔同，個人更加鍾意平時食開既味😣配料方面就好豐富，有魚皮，扎肉，豬肉丸，豬潤，芽菜，通菜😋佢既扎肉係仲有一粒粒個種，我鍾意哩隻，好有口感。豬潤都冇臭味，仲好滑，我覺得佢啲配料唔錯，不過份量有啲少，女仔食完都唔係好飽🥺☑️虎蝦炒金邊粉 $168金邊粉面頭有兩隻大大既虎蝦🦐虎蝦肉質新鮮爽口，金邊粉既味道同出面既大同小異，酸酸甜甜，金邊粉都炒得幾香。整體我覺得雖然味道上唔錯，但價錢唔係平，份量都唔大，如果你想搵一間環境好既泰國餐廳既話都不坊一試😮…查看更多

見網上話哩間係泰北菜，同泰國菜好似有啲唔同❔於是黎左試下，比起泰國餐廳，佢更似一間bar，直頭有bar位🤣☑️GAI YANG 泰北香烤雞扒配特製酸辣醬汁 $158哩個可以話係必叫??!!其他泰國餐廳唔一定會有既餐式，雞扒烤到都幾香口🐤但我認為雞扒唔算滑，一定要點埋佢地個秘製source, 酸酸辣辣甘，唔係個雞扒冇咩味，可能我對佢期望有啲高，反而有少少失望😔☑️SOM DTUM THAI 青木瓜沙律 $108我食泰國野通常都會簡青木瓜沙律作為前菜，爽口既青木瓜絲配埋泰式既soure，酸酸甜甜，開胃一流😆☑️PHAD THAI 泰式大蝦豆腐炒金邊粉 $148金邊粉炒得好香，酸酸甜甜好入味，入面仲有好多隻大蝦🦐蝦肉質都爽口彃牙😌☑️PAK POONG FAI MAI DANG 泰式鑊炒通菜 $98炒通菜正正常常，通菜有少少老😶☑️ROTI GLUAY 香脆香蕉煎餅 $88泰式香蕉煎餅應該冇咩人唔like，煎到好香脆既餅底包住滿滿既Nutella同香蕉，雖然佢個賣相同我地出面食開既唔同，但味道係冇咩分別😋☑️KHAO NIAW MAMUANG 泰式芒果糯米飯 $88芒果鮮甜🥭糯米都裹滿左椰香。整體佢既食物份量比較細份，我地叫既野飲催左最少5次，係食完成餐飯終於黎左🥹睇得出員工既數目唔足夠，不過佢地唔洗收加一，所以係服務質素上都反映返出黎🫠…查看更多

好多年前黎食過燒肉，宜家裝修之後轉左形式，一個價錢有燒肉·火鍋·刺身，啱晒啲大胃王🙊所有食物都係自己喺出面拎，好似食自助餐咁🥰冷盤前菜，壽司嘅種類都唔少，仲有刺身，我最鍾意食帶子，好鮮甜🥰燒肉肉類嘅選擇都有超多款，牛雞豬魚魷魚乜都有，好多肉都已經調味好，可以試到好多唔同嘅口味。竟然仲有我最鍾意嘅燒牛油金針菇同牛油粟米😍火鍋方面都有三款唔同嘅湯底可以揀，仲有啲菜菇🍄仲有一啲熟食小炒，中式點心等等。。。嘢飲甜品嘅選擇都有好多，除左有幾個大雪櫃，仲有清酒梅酒，重點仲有好少見既支裝既熱維他奶😍…查看更多

之前元朗分店已經試過，覺得好唔錯🙂今日經過荃灣分店見過，決定又食多次🤣每枱都有一個九宮格既醬料，可以根據自己口味調醬汁，又唔使出去拎，好方便💕☑️玲瓏浮凸·花膠雞湯鍋 $318呢個好似係佢哋嘅招牌湯底，職員會係你面前落啲花膠落去，水滾咗就可以食，花膠嘅份量有好多，厚身彈牙😋職員叫我哋飲啖雞湯同食咗花膠先至落啲雞，雞湯好濃郁😌半隻雞嘅份量都幾多，雞肉質厚實得黎嫩滑🐤☑️頂級雪花牛肉 $338一上枱啲牛肉出晒乾煙，超級吸精😍牛肉嘅紋路好靚，牛味十足同嫩滑🐮☑️伊比利亞橡果豬 $168見到海報介紹哩款豬，食橡果大既黑毛豬🐷肉香十足得黎又嫩滑，哩個價錢黎講性價比好高😆☑️菜苗帶子餃 $78餃子皮好薄，帶子打成咗膠既質地，爽口彈牙，仲食到好香既菜味🥬☑️手打黑松露墨魚滑 $108墨魚滑超級爽口彈牙，加埋黑松露既香味，十分推薦😋☑️大滾友雜菜拼盤 $98食左甘多肉叫左個雜菜拼盤中和返先🤣雜菜拼盤入面有好多唔同種類既菜，生菜🥬油麥菜，娃娃菜，金針菇，木耳，蕃茄🍅粟米🌽等等。。。☑️竹蔗茅根 $78新鮮嘅竹蔗茅根用黎中和打邊爐既上火岩岩好，甜度亦適中👍🏻…查看更多