mouse_with_mouse的个人专页

去到太子又係「潮洲人」時間，呢間湯飯真係好正架!因為湯底真係好。之前食果大蜆湯飯，個湯鮮得黎又甜，甜得黎又鮮!蜆肉爽口又唔腥，所以我今日又黎食。今日我就點左醉蝦湯飯，其實呢，碗飯一上我其實有點失望，因為蝦望落唔係太大隻，呢-就係無逼爆碗的感覺。可能我太天真勒，俾幾廿蚊想要上得床又要有張被，講番個味道先，醉醉地但又唔係好醉，我平時唔係太酒，但有少少掉味成件事就好完美，我就係要呢種感覺。隻蝦身就一般，肉地就唔係好爽口彈牙，但係呢，可以狂啜佢蝦殼與蝦身的酒味湯味，我覺得好正下!要比較蜆同蝦，我覺得蜆係鮮甜，所以我投蜆一票，飯黎講，食得出係靚米，煮飯黎講，睇下佢煮得腍定硬，湯就唔洗講係出名好飲。最後要讚下支參蜜，講左自家製無添加，又潤又好味！…查看更多

在太子站出來無幾耐之後見到有間店裝修幾好，門口明亮闊落，因為個人好攰，見到佢用餐環境舒適，就一個人膽粗粗入去試下。眼見每張桌子都有兩三台客人而我自己得一個，所以都諗緊食咩好，結果原來有一人餐牌!張一人餐牌包括:前菜:一客小食，主食，甜品再黎一杯飲品，$138 個人套餐。其實成個餐都幾飽，小食有春卷、雞翼、蝦餅，呢幾樣小食係無咩特別，仲有一塊三角形的東西，我食到口感好似係魚餅同有內面好似見到有魷魚鬚，個口感會比較特別同有驚喜。到個主菜炒蝦金邊粉上了，見到擺盤好靚!而最引我注目呢就係碟上拌住既香料，香料好好味，花生碎都好香口。我碟金邊粉有蝦4隻，係爽口唔霉的蝦，金邊粉就有甜酸辣三種口味，而我自己覺得辣左少少，而個人平時都唔係好辣!但佢拌碟個豆乾好好味呀！好煙韌！最後，其實我已經好飽，但當然都要黎個甜品做HAPPY ENDING! 見到佢用小膠杯上甜品，老實講我眉頭一皺， 因為我係環保小士，所以對這些器具比較敏感，其實就係椰青大菜糕，普普通通無話特別驚喜，我覺得甜品的誠意可以多啲。但成件事要最抵讚0既都真係個食用環境，食飯0既空間好闊落，有些少裝飾，非常的無壓力，成件事真係令人好舒服。最後因為我銀包不足夠CASH ，想俾信用卡，但原來要食夠200蚊先可以用CARD，最後埋單158 ，老細都係照收信用卡。…查看更多

今日去到澳門氹仔學下人地養生之道，去食下健康菜，呢間店賣的食物同糕點都好養生美顏。入到店內，店面不算大，左手邊有兩張小卡位，中間係兩張小桌，右手邊係幾個石磨同收銀處，果幾台重石磨感覺都好堅。我叫左紫薯淮山糕，细细件，它是漸層的白色、紫色，顏色非常漂亮，我就係因為顏色而點左，成件糕形成左綿密嘅口感，食到紫薯蓉同淮山蓉，而且一點也清淡不甜膩，雖然口感並非動L果種，但好似雪糕的綿密讓人喜愛。再黎叫左紅棗千層糕，今次口感就係動L勒，但我覺得如果再做得鬆軟些會更好，味道方面，食到有红棗同蔗糖味，但味道上無咩驚喜，如果有加上薑汁，其實會再特別些。因為要完成食得飽而又30蚊有找的壯舉，我整多左件蘿蔔糕同芋頭糕，呢兩件糕喺上枱前無翻叮，無翻熱，無翻煎，所以係凍食，我就表示食不慣了，蘿蔔糕味道淡，而又係糕粉多，冬菇，蝦米，臘肉都無見到。相反，芋頭價錢可能平些，所以無太受成本所限，芋頭糕內芋頭粒都清楚被見到，咬落口感好多了，但冬菇，臘肉呢D可以話係零。…查看更多

日本拉麵相信都係唔少人杯茶。記得早十年八載香港興起日本拉麵店黎香港熱潮，豚王一開唔知幾多間，然後個個去朝聖，當然我都係其中一個啦😬隊就排完，入去逼逼喼喼，又老馮同人搭枱，放低100蚊，其實都唔係平，但食完永遠都係爭D爭D。到一蘭開，條隊咩事呀，生意唔憂做，又係人貼人食，食完根本都無驚喜，嘥氣，而我係冇0係日本當地食一蘭。當我之後去左日本玩，因為我中意幫襯日本街頭小店，見位就坐，而我去親旅行都係自由到無得再自由，根本香港果D咩王呀，幾多蘭都好，點解就係唔好食，所以而家係無人會追棒，熱潮無左，你係咪真材實料企得穩先講太多勒，去番澳門揾洗米華，sorry ,係黑桂華先真，呢間拉麵店老闆好有heart ,佢真心想客人食到地道日本拉麵，雖然開左無幾耐，但傳媒好多好評，又時不時換下款，真心講，你食過真係會讚，淨係睇間店個門面佈局，你就知食得好舒服， 仲有店員真係好有禮貌，好温柔，見到老闆好花心機，真係少D心思同誠意都做唔到。睇番個餐牌，佢有好幾款主打拉麵，柚子鹽味拉麵58蚊就食到，同一個grade 的拉麵店起碼收係98，自己仲可以選擇追加，加多塊叉燒又得，加多個麫底又行，加多個面只係10元，而家講緊加正宗拉麵，唔係出前一丁，超值。我就食柚子鹽味，見個碗細細，夠唔夠食架，加多個面底先，原來一碗都夠食，利申，我食量驚人，我係男人食量。碗拉麵好美美呀，比相片還美，欣賞完，影相完，見到湯底好清見底，夠唔夠味架?結果，grapefruit so fresh , 再黎傳有有海鹽的香味，無味精，無味精係好重要，今次味蕾享福了。菜好深綠，而我不知道自己食緊咩菜，我只可以講係嫰菜，就係雲吞面店的油菜，用簡水灼熟的鮮嫰👍我係唔知佢係咪用簡水，叉燒有碳燒味，係厚身，雖然塊肉係半肥瘦，但我就嫌腍左少少同多左肥膏，好似不夠爽囗，認為肥膩左少少，漏漏地。…查看更多

澳門盛記白粥喺澳門有幾十年歷史，全澳門一共有三間分店，雖則網路上好多朋友俾左好高評，但well and honestly 我認為得個平字，喺澳門百物騰貴下，可能係好清泉的清泉叫左件只需8元的蘿蔔糕，外型就好正常，糕面上有綠綠的葱花，就咁睇無覺得中伏。一野差落去，好結實下，即係好多粉下，臘肉，臘腸咩都無，8蚊塞飽你個肚。然後我叫左件6蚊嘅千層糕，佢係單一的庶糖味，而且都係好結實，你食到糕邊好似結左塊，完全係唔掂當啦。呢間装修老實講叫ok ，但又不要太大期望，你都總會望到下地上灰塵，呀姐服務，語氣就還可以啦。…查看更多

得閒去馬交，探下０係賭場澳門ＧＡＬＡＸＹ番工朋友lunch 下，又會有意想不到的驚喜。朋友在銀河番工，就地取材，捨遠就近，就去位於銀河百老匯大街，決定番桌呢間外表一d 都唔起眼而且個名好「娘」——好彩海鮮酒家。間酒樓門面係極普通０既一間酒樓，卻有好多精緻巧手點心，但你唔試味真唔知佢料到，間酒樓唔應該太低「掉」。首先，一定要點幾隻可愛豬豬叉燒包。籠中有支小旗仔，貼心提醒客人小心熱。其實豬０既外層係鬆軟，但個內餡就無咩特別，０係出面普通質素，但勝在三隻小豬太可愛，粉紅粉紅，未食先自拍十張八張。黑金流沙包係必點，外型已經好搶眼，黑加閃金，真係好ＬＶ格局，食左食完都覺得尊貴，而且個包真係堅好食架。佢上黎０既時侯係熱辣辣，如果你心急擺進口，係會燙到你個咀仔。而佢就算放凍左，佢都依舊好流沙，而且奶黃餡ＫＥＥＰ住湧出黎。呢籠黑金，睇得又食得，係必點。呢個動物系列，仲有籠中鵝同馬蓉回歸，佢地個樣呢就好精緻，有曬眼耳口鼻架。鵝同龜０既外層都係乾乾硬硬，味道一般般啦，因為係麻蓉餡，有Ｄ甜。幾隻荔芋鴨其實佢係咸水角，我覺得內面Ｄ料唔夠，而錎料主要集中係肚腩，又係一口先咬頭先﹔唔夠芋蓉，可以豐富Ｄ，但咬落唔油口，但美中不足，係唔夠香酥脆。我最中意係馬蹄糕，馬蹄糕冇玩造型，佢０既ＳＩＺＥ　係平常食開０既３／４，份量剛剛好，平時酒樓一件要食係一開二，而家唔洗劏開，一件件金黃金黃，賣相真係好精緻，件糕外層有食用糯米紙包住，所以真係一Ｄ都唔油口，係乾爽０既！成件糕口感層次豐富，主要因為馬啼偏大粒，咬下索索聲，好有咬口。最後果碟肥牛腸，係好滑，內面有油炸鬼，令腸粉香口，又增加口感，但係搶左肥牛風頭，唔係好食到牛味！６月前只要０係到食點心，而且分享到朋友圈就有６折優惠，堅優惠！…查看更多

時不時都在北角活動，又到肚餓時間，兩點左右，都唔知食咩好!路經見佢新開張，就試一試吧。先品評下食用環境，因為新裝關係，其實店面和內面都係幾乾淨，有小桌也有卡位，但香港地寸金尺土，如果撞正人多都幾逼下，但呢間車仔麪店呢，樓底都算高，所以感覺係舒服，呢部分0既評分係唔錯。而點餐流係自己先買票、等叫、自己捧麵，但我對呢個安排都有意見，因為間店唔大，客人自己捧0係小巷都穿插，都危險下。價錢方面，車仔麵黎講，價錢中上，每樣8元以上，但份量都算OK，呢間都有特別食物，例如咖哩魷魚，係店內招牌菜，但我就無咩興趣，可是佢\麵0既份量係唔差。結果呢，我就點了豬紅+蘿蔔+魚蛋+油麵+不辣。豬紅入味唔腥，但口感就無咩驚喜，豬紅外層「衣」無爆破效果。蘿蔔甜但少左鮮味都無咩起渣，份量都有好幾粒，咖喱魚蛋黎講，食得出係咸辣同咖哩和油味，但唔夠彈牙。但係呢，人地又唔係淋身，一句到尾，就係隨街都買到的質素。油麪其實不錯，唔會話好「張」住個口，係爽身。湯底呢，我就有少少失望，因為好多油，甜味比重幾高下，所以唔係太合我個人口味。其實，無咩特別、普普通通、OK 啦 就係呢間店特色，佢價錢唔平又唔貴，趕時間快食、想慳D 食個LUNCH ，可以黎呢度。…查看更多

來到澳門，感覺還是要嘗試下葡式料理～一餐葡菜都唔平，所以都怕中伏，既然唔熟路，那就邀請在地朋友帶路，來到新馬路小巷弄裏的這家Boa Mesa~朋友說，這家是地道澳葡人先回到0既地方，進入店內，果然沒什麽陸客，有不少都是外藉人仕，服務生都是全英文，其實很多葡國菜館都是這樣，不要話我祟洋，但這些氣氛很讚！從收費方面，要知道，葡菜價錢是不會便宜，也沒有最貴，只有更貴，所以呢，綜觀平時都有食下葡菜的經驗去評價ＢＡＯ　ＭＥＳＡ的收費，都算係合理。我地叫左三個ＤＩＳＨ，蕃茄沙律８０左右，鴨飯８０左右，燒豬肉２００左右。而最最最要提醒大家係食葡菜呢，飲品係必叫，所以水都係需要自己ＯＲＤＥＲ，去其他店食葡菜也無例外。講番食果部分先，其實只要你一落完單，就會有香噴噴麫包送上，而我真係好中意呢間０既面包，果種微暖而外脆內軟又ＱＱ的口感，整個面包充滿小麥香，沾上清香檻欖油，同香而微酸的黑醋，真係正菜架，而雖則佢葡菜份量真係唔算大碟，但有好味的面包，就令你不經不覺地填飽肚子，係出面再貴的面包店都無得比，所以呢餐飯，我同朋友最終係食唔曬。先講個燒豬仔，我會用香港酒席乳豬去比較，咁樣會具體化少少，香港一般乳豬係食薄身，無咩肉食，係食個脆口感，面果層愈薄愈正，中間要有層肥膏隔一隔，有少少油香味，加埋劈豬汁，為之正菜！但葡國燒豬食法完全唔同，外面果層會厚身些，主要以硬口感為主，脆口感次之。咁你會問咁係咪唔好食？我會用「勁好味」黎形容葡豬，因為葡豬肉係好厚身，但係又可以「ＬＯＮ」骨，口感豐富又不油，Ｄ骨脆卜卜，一口接一口，一舊接一舊，根本唔需要再有其他醬汁已經夠曬正！再講個鴨飯，ＢＡＯ　的鴨飯，我會話係唔中我個人口味，鴨飯可以話係葡菜餐館必備菜單，但烹煮方法有好多種，ＢＡＯ　係用主要乾炒鴨絲方法，但鴨絲份量唔算多，都加左一兩片鴨肉，所以口感以略為硬身米飯為主，配煙薰鴨肉味同油香味，個人口味我係中意食濕口感燴鴨飯，佢碟飯味道普普通通，煙薰、油、鹽味為主，我覺得質素不過不失，因為冇咩驚喜。廣東人唔慣食葡菜最少選擇係菜類，主要都係點沙律和清炒菜為主，而因為呢餐太多肉類，炒飯經已有油，所以我想食得清爽Ｄ，所以叫左個蕃茄沙律，ＢＡＯ　的沙律其實都係以食原汁原味為考慮要點，所以唔會有咩沙律醬、芝麻醬，取而代之以檻欖油做簡單調味，蕃茄鮮甜、瓜爽、洋蔥我就無食，我把洋蔥用用黎提下味，其實成碟沙律都好可口。綜合講，ＢＡＯ　ＭＥＳＡ　用餐都屬中高質素，但澳門葡菜選擇好多，要找質素再好０既，價錢再高都唔係咩難事。…查看更多

黎到澳門去完金沙玩廿一點，肚餓餓去搵食，皇朝區0既餐店都好多選擇，茶餐廳、咖啡店、日、美、意式都有。但如果你玩０既時間有限，要快得黎又想試下特別０既澳葡菜，重點係要想平平地，就可以去位於金沙賭場後面的冼星海大馬路，的星海茶餐廳，茶餐廳澳葡菜必食係乾免牛，乾免豬，乾免雞飯，乾免食時就脆口Ｄ，薯仔係煎炸左，所以係好香口﹔有乾就有濕，如果食濕０既呢，就會有多劈肉醬，以我對身邊人訪問，乾免治０既係受歡迎Ｄ。「免治」（Minchi）這個名稱源自英文「Mince」（剁碎）的諧音，指經攪碎後的豬肉或牛肉。以前的土生葡人十分喜愛這道菜色，是當代家傳戶曉的土生美食之一。現在，許多澳門茶餐廳都會供應免治豬肉或牛肉飯，但做法與傳統的土生葡人免治不同，大多會加太陽蛋或三色菜。好可惜，呢間海星０既乾免豬飯，係整得「唔好食」，因為太油了，D 油令到個咀濕淋淋，口感好不爽，明明乾免豬飯變左油濕免牛，果種濕係油住濕囉，太陽蛋熟曬，熟到實呀，無左果種用筷子一介下去會有軟既快感之餘，亦都無左撈埋蛋汁一起食0既味道。飯量係好多，份量黎講係好底食，但係多白飯有咩用呢，薯仔炸左但不香脆，三色豆又只係普通超市包裝貨，即係粟米唔會甜，青豆唔會鮮，甘旬唔會爽，最最最大問題係，洋蔥多到呢，真係有人咁中意食洋蔥，食完成口洋蔥味，超唔中意，食剩絕對係比正常更正常。一碟有質素0既乾免治飯，係油少少，口感香脆又不油不膩，有洋蔥香但又不嗆口，太陽蛋、薯仔、肉、飯、什豆係呈現完美配搭而形成非常豐富0既口感。食用環境方面，0係得茶餐廳食，我就唔會要求靚裝，呢間係呈現舊舊地但係乾淨0既!而服務員都以禮相待。 自己煮都係好簡單，乾又得，濕又得，任你喜歡！…查看更多

穿梭在澳門旅遊區，位於澳門其中一條好受遊客歡迎，充滿歐陸風情的手信小街，官也街是也。今次會試呢間椰雞黃，係某日在我澳門朋友FACEBOOK 上睇到，見佢有LIKE 個粉PAGE，再望望個價錢，嘩!點解會0係官也街出現晚餐四十蚊有找0既一碗麫，雖則飲野另計，澳門地食晚餐都唔會包飲品，澳門葡菜餐館連水都要俾錢叫，而家普普通通出街無要求，求奇食都貴到屎，所以呢，一個字「平」係好震撼，而呢個平字更出現 0係威尼斯人、銀河附近而且係咩咩魚翅、物物葡菜林立的遊客區，以後終於有個地方係可以負擔成日去食。椰雞黃雖則位於大街上，但其實佢個門口 有D細，白天去就留心D，夜晚去你就會見到佢個勁量發光招牌，好SHARP。一打開門，你會見到店面設計，配合番椰汁咖喱呢個THEME，所以店面主色係黃色設計，以快餐店模式黎講，又有電視睇，佢算係坐得舒服。睇下個MENU，佢係「食材果幾樣 一汁走天下」，個椰汁沙爹汁底先係鎮店之寶，湯底可以玩大、小、中、不辣，而食材不離豬牛、雞翼，但有90幾樣配搭，所以個MENU 就好長下，粉麪、包類、小食。早、午、下午、晚餐，其實都可以玩到幾多花款下，仲有米、河、油麪、米線、泰國米粉等麪底俾客人選擇。其實都覺得自己幾玩野，因為我唔太想食辣，我都知食呢D點都有少少辣，你係無法去避。果則，EVEN 我叫不辣，都係有辣的。如圖吧，湯底可以再加料，椰汁味多D，沙爹再香D，一定無得輸。由於我上次食左椰汁雞米，本身以為食材係一舊舊0既雞肉，但其實係雞翼黎，所以大家唔好俾個MENU THICK 左。由於本人本身一般雞翼，而上次覺得雞翼內不夠味，所以我飛走椰汁雞。另外，我上次有俾錢加大，但後尾我食到好好飽，所以如果你係男士，可以諗下要唔要加大。所以今次我叫椰汁豬扒湯泰米，泰米質地比廣東米幼身，而且腍身些。今次食豬扒呢，係算厚身、有口感果種，豬肉一咬就能斷。而且係本身煎香左，好有家庭菜油香味道，我估應該都係簡單用鹽、黑椒等腌左再煎。佢其實俾到SURPRISE 我係果幾舊油炸鬼，油炸鬼半脆半腍，因為放左係湯上，但可以想像到，油炸鬼索曬D湯再放口內果種FEEL...軟軟腍腍，多重口感。本身油香再加個湯底，其實成碗米最好味係呢幾舊。雖則椰雞黃可以再做好D，但我已經係佢0既粉絲，因佢CP 值 太勁爆。而且0係果條街，無論食店好唔好食都好，有唔有名都好，當旁邊都係開高價時，幾多間食店會關心街坊本地人，而做呢D 良心價錢。…查看更多

今日去間星開0既餅店食軟曲奇 , 講開呢種曲奇，0係地鐵站、火車站紅噹噹果間，15蚊一塊左右，其實已經係貴，但呢d野，價錢開得再高都仲得! 邊間曲奇可以賣成廿幾三十幾蚊塊餅，好多人都話，唔係呀，貴到咁，搵鬼食咩，唔好意思，係又有人keep 住買。我呢d平人百姓，有時都會買當獎勵自己，但買一兩塊餅就走，不過三，但我真係不時見到d 人半打、一打買走，有米得太捨得!呢間門口黑白設計0既，走咖啡書店風，用粉筆0係黑板上塗鴉餐牌果D菜單，感覺係好平易近人0既設計。佢間店一開始係賣軟曲奇起家，而家愈玩愈多，兩塊曲奇配球大雪糕呀，魚旦曲奇，可以講老闆娘都好有創意，但見到呢D 配搭，真係聽到都漏，加上個人保守，所以我都乖乖食基本款曲奇就可以。講番佢家0既曲奇，老闆娘話佢整曲奇都真係整左超過10年，好有紅驗，味道係根據番香港人口味，另外，佢係標榜用料上成，健康不加人造料，所以有佢目標群眾，仲有至至至重要，就可以賣貴些囉，因為本身用料都貴些。佢推出0既曲奇有十款左右，我今次要推0既係覆盆子白朱古力玫瑰，咩係覆盆子？，佢係紅莓個朋友，紅紅一串串，個樣係細細粒粒，係縮細版提子，味道微酸，咬口會0係咀內爆破，係非常有益。佢用黎配白朱古力係好明智0既事，雖則你唔會食到好明顯0既覆盆子，但咁樣就成功中和左超甜0既白朱古力，加上呢塊曲奇白朱古力份量唔算多，0係曲奇上增加味道層次之外，最仲要成塊曲奇有白色古古力樣靚好多，視覺效果加分不少。講番主角玫瑰，曲奇面上超多粉紅花瓣，真係好夢幻，睇得出係用靚玫瑰，因為我未拆開個膠袋時，不停索個袋0既香味，好似索「咩」咁，賣35蚊塊都幾貴，但係玫瑰數量黎講，其實佢都幾落本，單講呢塊玫瑰餅黎講，個價錢可接受。講到口感，呢件餅QQ 的，剛剛好，其實軟曲奇最難搞就係個餅口感質地，呢個同焗既時間掌控有關，因為時間一出問題，成個口感就唔再係貴價高檔0既軟曲奇了，可能係脆左，乾左。但我真係堅要講比大家知，唔想大家覺得物不所值，如果你要在HOMIE cookies買好大眾口味曲奇，你可會失望，因為我個人認為不值這價錢，而我個人最最最失望０既一次就係買左件檸檬罌粟子，因為佢個味等如大牌子相同口味檸檬雪芳蛋糕，而且個口感做唔到煙韌，感覺焗耐左，drydry 地。唉，果種dum心失望感受，要成２５蚊件架。總結番先，我推介有麥芽糖成份曲奇，因為佢果種香氣係出面食唔到，係堅𠒇麥芽糖，另外，都好推薦呢件玫瑰。…查看更多

咕咕洛夫蛋糕係歐洲傳黎嘅，個造型似皇冠，我又覺得似日式布甸個樣，但其實佢係一種蛋糕，d人就會好奇佢同普通海綿蛋糕有咩分別呢？如果只係得個樣係唔同，我做咩要食咕咕洛夫而唔食普通海線蛋糕。 確實呢，咕咕洛夫比起普通海綿蛋糕口感 無敢輕盈，它是一個實在而略帶鬆軟口感，無好濕潤嘅口感的蛋糕。取而代之，口感係乾爽d ，雞蛋，糖，面粉份量配搭取決於是否可以做到脫摸動作，而出到皇冠造型。口味變化多端都係咕咕洛夫無可取代的優勝地方，不同口味，顏色配搭，而冠上不同造型，令人目不暇給，呢d都係普通蛋糕做不到，而因為喺甜品世界，個靚字係好重要!講番今次我挑選的橄欖油冧酒提子咕咕洛夫，我要橄欖油而非牛油，係因為橄欖油膽固醇少d外，亦因為可以無牛油敢重油香味 ， 而冧酒提子喺法式甜品界中係常有配搭，所以好能有食法式甜品的代表性。而皇冠上的馬卡龍可以俾我享受 一個價錢兩種品嚐嘅優待感。用义吉落咕咕洛夫時，他的質感實中帶軟， 有咬口，而冧酒味道徐徐而來，跟蛋糕合作得非常自然，提子保有濕潤度無乾身。我認為食咕咕洛夫要帶cream 去增加口感，否則好寡。講到個馬卡龍，老闆係好推薦，確實他做的馬卡龍相對低甜，但都係甜食，我只可以評為不是死甜，我呢粒應該係開心果味搭朱古力，因為較細粒，我未能食真，但個口感係爽脆， 食得開心。最後，20蚊係真係抵食，因為做甜品本身食材就不便宜，加上老闆好nice ，同佢傾偈，你會感受到對甜品熱誠，途經就去支持下，佢開兩點，無人開門就call call 佢吧！…查看更多

難得星期日一家出門拜山，於是決定回程時去大圍閒逛一下，行經新裝修，主打食湯飯的《湯加》，眼見其所印刷的宣傳單張放在門口，傳單上食品樣子精美吸引，價錢相宜，於是決定坐入去試試先。進入店內，一股氣味撲上黎，應該係形形式式的湯飯味道，感覺不是太好受，看看手錶，正直下午茶時份，當然要望一望抵食的下午茶餐牌了。見到個下午茶餐牌呢，其實選擇都幾多，主打熱香餅或麪食，款款都係30元左右，包熱飲，好抵食。思考過後，但我 還是想試一下湯飯，雖然不包飲品，因為我中意食飯，白飯、三色飯、有機黎麥飯，由於最近都愛上飲黎麥茶，於是就試一下有機黎麥飯。最後，我們點了四款: 咸旦芥菜湯黎麥飯、深海魚柳拼班戟 + 凍奶茶、冬蔭公湯魚旦魚片湯米+凍檸茶、薑絲豬潤公仔麪+柚子蜜。先講咸旦芥菜湯黎麥飯，湯和飯係分開上，並非海皇粥店撈埋餸加粥果款，望一望碗湯先，內裡的芥菜和豬肉跟湯的比例大概係4:6 ，個人認為此比例恰到好處，試試湯底先，很有媽媽住家的味道，而且芥菜跟咸旦真的係絕配!芥菜呢，嫌它一棵棵上，如果細心D ，可以撕開一片片，方便D、容易D 食就更好了。芥菜爽口，如果芥菜的份量可以多番少少就更好，豬肉正常無特別驚喜，肉質都算爽口，已經不容易。因為平時食一般茶餐應呢，不時食到d 豬肉係有臭味，騷騷腥腥，勁倒胃口，真係諗緊到底係響邊到入d 臭貨豬，好彩呢間《湯加》0既豬都ok﹔再講講碗黎麥飯，因為我都係第一次和黎麥相見，事前係唔知咩樣，原來係一粒粒咖啡色小珠珠混進白米中，比例大概是３：７，如果你想食得健康，但又不愛糙米的口感，可以試下呢款黎麥飯，因為佢個口感，其實你係咬不到一粒粒清楚的珠珠，即是說，其實食完都只係白米口感。講下飯的質感，因為係湯飯關係，飯身偏硬，但我覺得硬硬地飯身撈湯先係正確做法，因為飯就不會太淋身，這樣才是有咬口的湯飯。再黎講一下碗冬蔭公湯米，個湯底其實應該係「扮冬蔭公」，碗麪黎左0既時候呢，其實冇咩冬蔭公香味，因為冬蔭公其實係講求酸同辣，加埋海鮮味。呢碗麵有微酸味加些少辣味，但如果你諗住係食碗冬蔭公的心態，你應該就會失望。其實不難想像，一間食湯飯的店家，碗冬蔭公都好難做到盡善盡美。魚旦魚片不過不失，肉質尚算彈牙，米粉屬硬身同粗身D 果款，屬於比較有咬口，但米粉屬粗身，始終未能「索」到D 湯，所以變左湯還湯，米粉還米粉，份量細細碗，真係下午茶份量。之後到深海魚柳拼班戟，其實碟食物一上，已經被班戟的賣相所吸引了。兩大件班戟+三大件魚柳，只係29元。係呢個年頭，邊度搵呢! 試一試鬆餅先，用小刀把它鋸開時，發現鬆餅都幾有厚度，大概都厚約1 CM ，而且鋸下去果下，都感覺到鬆化，試味時間，濃濃蛋香味，不太甜，趁香餅仲係熱辣辣時搽些少牛油，待牛油溶化之後，更香，更好進口﹔而最意想不到的，竟是魚柳，外脆內滑，魚肉略有鹽味，都厚約1 CM ，係好有口感，最重要係不會感到油膩，滑溜溜，個個都話好味，而且份量有3 塊，仲可以同人分享呢！大件抵食!薑絲豬潤公仔麪0既公仔麵呢，不是出前一丁，只係普通的福麵，而且個麵水浸過後，上桌時有些發脹和變得淋身，所以口感一般般。豬潤呢，其實真係唔錯! 你會見到大大片淡色的豬潤，沒有一點兒血腥味，而且非常爽口，一點也不漿口！柚子蜜都係開水沖，所以柚子渣沉曬底，飲到後面就係勁甜!講到服務質素，就別太大期望，這餐廳好明顯人手不夠，個個做到目口目面，扮睇客唔到。落單、要咩、叫咩都無即時服務，你預叫多兩次，先有人睬你。另外呢，如果你趕時間，就唔好考慮呢間，咩餐都好，閒閒地等10 幾分鐘。另外呢，建議落飲品少叫少甜、多冰呢d，因為絕對會黎錯。…查看更多

這間痴心小麪在北角開了只是幾個月，主打麪食，一向愛吃麪食的我，終於找到時間去吃吃看。見到店鋪格局，主要四人座位安排，店內的側面是單丁一排。一個人午餐的我，走進店內就被安排叫去坐單邊位了，侍應似乎不PERFER客人選座。單邊位向著路人，每人行過都會望下你個食相，而且穿短裙的女仕更是不方便。用手搬開張椅子，這感覺都幾難受，因為張椅子好像石頭一樣重，搬開椅子後，手指關節位很痛，椅子又硬又重，坐好位置後，我與後面的食客背對背，但我們距離不足10 厘米，而侍應卻不停在我們身後的隙位穿插，其實真係覺得好厭惡。看一看餐牌，其實選擇都幾多，而見得到老闆在取名上也很花心思: 誘人的涼麪、勾魂鮮椒涼麪等等，見到個痴心小麪套餐，好似都幾多豐富，仲有一杯蒿麥茶送番，但如果你是愛凍飲一族，就不是太抵食，因為每杯都要加5元或以上，這樣你的痴心小麪套餐就要五十幾元先可以落到樓。看一看紙上介紹，店主推荐痴心小麪。它是這樣介紹: 痴心小麪的乾伴麪，就是沒有太多的湯頭，充份攪拌後，碗底的佐料與麪條完美融合，每一條都香濃。紙上的文字描述很到位，但是真實味道否如文字所言這樣好吃呢? 即管叫個套餐：痴心小麪+野獸白玉豆腐+蒿麥茶﹔選擇野獸白玉豆腐的原因係被個名同相片所吸引。麪來也，眼看個樣好都幾豐富呢，上面有片生菜，又有少量「鹽西」伴碟，視覺上加左綠色，所以賣相取勝，但如果係好肉類人仕就未必開心了，因為比例上，豆類、花生很多，肉碎比例上少，而肉碎的醬汁很多，所以口感會變左濃濃的肉醬味，其實味道太濃，醬料太多，反而無左肉碎的口感。麪上有很多豆類，我不確定是何種豆類，但口感似蓮子，所以內面是軟身。花生碎口感則香口爽脆，用肉眼所見，其實豆和花生都係無咩特別味道，是用來撈起整個麪再吃。 根據紙上介紹，痴心小麪是乾伴麪，就是沒有太多的湯頭，所以我會講究醬汁與麪的比例，先把麪撈一撈，醬汁結結的，這碗麪真的是沒有太多充滿水份的湯頭，因為它畢竟不是湯麪，可是醬汁太多了，碗麪已經變成深啡色，但依然還有一小碗醬料在麪底。可想而知，其實醬汁太濃，味道太重的結果，就是要不停喝水。還有，這碗痴心小麪是有一隻辣椒，我係可以食到少少辣，但當醬汁太多時，辣味比想像中要多呢！評一評它的辣，就是酸、麻、辣，是1:1:1 的比例，再加咸。所以說，如果你愛好多口味混在一起，痴心小麪可能係你大愛。但個人覺得太多了。至於麪的口感，本身近似日式拉麪，但比日式拉麪「淋」身，沒有了彈牙的口感，其實吃的時候，都係一大撮咁食，因為你根本分不開沾左厚厚醬汁的麪條，當加左花生、豆、肉碎、醬料之後，成碗麪都係以「lup」口為主，間中食到有少少花生的爽脆。 再來試試野獸白玉豆腐，賣相好精緻，今次的醬汁看得出較能流動，並不結身，味道方面，醬汁味道是豉油+ 蠔油+ 甜味。豆腐就是從冰箱拿出來的百福滑豆腐。我覺得成件事問題所在，始終係醬料味太濃，結果就係食不出原材料的味道，變相就係滿口的醬料味。食呢餐麪，真係要不停「樸水」。所以，這餐附送的蒿麥茶係明智之舉，因為它能解咸。當你食到又麻又辣時，飲一口濃濃麥味清新的蒿麥茶，係好舒緩之事，而且係一大杯。 總的說，不會番轉頭再食，主要口味不合，店內狹窄，以48 元午餐不包凍飲來說，都屬中價，食品尚算合理，但環境各樣真係要改進一下。…查看更多

今日因為公事關係，到達九龍灣Mega Box 附近的商業大廈，快快辨完公事，正值３時下午茶時間，行一行平時不會願去的Mega Box。雖則話九龍灣地鐵站有免費巴士坐去，但老實果句，巴士短等５　到１０分鐘，長要等１５分鐘以上，這樣費時的事情真係好少做。行一行食肆幾層，原來下午茶選擇都幾多，價錢合理。墾丁茶房，我眼球好快就被眼前寬敞舒適的木製餐桌所攝住了，放眼望去，餐廳裝修很花心思。一張張大圓梳化餐桌，一片蔚藍色，門口有些掛畫，也有一部電單車擺設。如果你選擇倚在餐廳的一旁坐下，看下去會是白茫茫的溜冰場。這間餐廳，「食景」也不錯。 看一看掛在門口的上午茶餐牌，相片上的食物，樣子好像很不錯呢！好快我就鎖定一茶餐：　貢丸米線＋花生醬厚多士＋泡沬奶茶。食物好快就到了，已經餓了肚子好一會的我，看到濃濃牛肉湯底配上米線，加一粒貢丸，再有些少芽菜，和肉碎，樣子好像不錯。我心想要把份量最勁的貢丸放到最後一面品嚐，米線的份量太少，不過這是下午茶份量就算了吧，米線挺爽口的，芽菜也是鮮甜爽口，湯底就是出前一丁牛肉湯味，肉碎無特別，係腍口的口感，但湯底不算重味精。以這價錢來說，不算十分美味，但絕對可以接受。由於份量少，所以好快我就試貢丸，一口咬下去，貢丸原來變壞了，立刻吐出來。這間店的食材看來不怎麼新鮮! 連忙告知店員，店員也沒有幫我做跟進工作，只是收走了。我認為算了吧，食飯時不想動氣，但好明顯服務一般般。到花生醬吐司了，由於本人非常怕熱氣和喉嚨痛，所以我要求不要烘烤的多士，只要白麪包，它的白麪包是厚身的，不怎麼鬆軟，也不是最新鮮。眼見花生醬上有不少黑色的一點點，圖片也清楚可見，還想要試試是不是台灣進口的花生醬特別些，又或是焦糖口味的花生醬呢？一口咬下去，只是普通超市買到的粗粒花生醬喲! 好奇之下，問問店員，店員跟我說:「一般花生醬都有。」我仲好奇回應﹕「下，一般花生醬會有嗎?」過了好一會兒，終於有回應了:「不好意思，小姐，黑色一點點是烘烤機上的碎屑，只是附在你的麪包上，我換給你吧！」 我當場O 咀，又無想要發爛，可能是環境真的舒適，令人動不上火。最後，試埋熱奶茶，是台式口味，但略嫌泡沫不夠，而奶和茶味都較淡，可以再濃些。雖然這間店的食物水準低低，但我最後還是留多成大半個鐘，傾埋個電話先走，因為環境確實不錯，店內不多食客，其實幾舒服。…查看更多