Sheeta liu的个人专页

黃金醬虎蝦鹹蛋黃加紹酒製成香濃的黃金醬、用來撈飯都一流呀，原隻虎蝦肉新鮮爽口彈牙，厚實口感。姐姐牛丸以手打鮮牛肉製成肉丸，肉汁香濃，肉質爽口、粉絲湯底再配上酸辣醬汁，非常開胃。青辣椒炸蠔新鮮生蠔炸得金香可口、配上青辣椒醬汁，味濃小辣，非常惹味。芽菜雞是馬來西亞舊街場的代表性美食，雞肉鮮嫩、肉滑，再加上醬油及胡椒粉，味道吸引，而底下爽脆新鮮的芽菜更加是我的最愛。細滲 肉骨茶新加坡名菜肉骨茶，有著鮮濃的肉香，配上香料的獨特香味，加上慢慢滲出濃郁而不苦澀的藥材味道，材料方面十分充足，雞腳、豬手、豆卜、金菇、五層燒肉等，我哋兩個人，叫一人份量（細滲）就要足夠，兩人以上建議叫大滲。飲品方面亦有很多特色選擇，我地就試左桔仔話梅水同埋茶啡滲，茶啡滲味道，好像港式茶餐廳的鴛鴦，味道香甜淡淡的茶味再配搭出咖啡的感覺，非常特別。…查看更多

旺角有咁多好野食，一定唔少得女人街，除左是遊客購物天堂外，更加是一條食街。今次介紹依間是我同朋友成日都會去嘅印度餐廳 - 香料印度餐廳。餐廳由印度人開設，裝修和佈置充滿傳統印度風格，今次我哋order咗素菜咖喱角，免治串燒羊肉，牛尾咖喱，香蒜烤餅及牛油烤餅，而飲品選了椰青。素菜咖喱角外脆內軟，咖啡汁加上素菜的味道非常夾，唔會太辣，很適合做前菜。免治串燒羊肉，平時食羊肉都會怕太韌太硬，但這款免治用羊肉攪碎，再以明火燒烤到剛剛熟，完全唔會有這個問題了，配上咖哩汁，味道非常特別。食印度菜，當然唔少得咖哩，這款牛尾咖哩採用黃咖哩粉，香料香味濃郁，辣味程度剛剛好，咖啡汁可以用來配上免治串燒羊肉及烤餅真係非常適合。香蒜烤餅比牛油烤餅濃味，兩款都非常鬆脆，咬落煙韌，傳統的印度人會配合咖哩汁食用。喜歡印度🇮🇳菜或咖哩的朋友記得嚟試吓😋…查看更多

今日同朋友下午茶時間經過天后，因為知道附近有幾間出名廣州雲吞麵店，就去左附近麥兆記試下，原來依間店大有來頭，係省港澳雲吞麵大王麥池煥的後人經營，我地即刻叫左一碗招牌雲吞蝦子撈同炸醬麵試下，麵質彈牙爽口，蝦子嘅味道好有鮮味，而雲吞以鮮蝦製作，雲吞皮滑爽口，有五隻雲吞，生麵同雲吞一點鹼水味也沒有，炸醬麵有許微辣，唔會太甜，麵質亦非常爽口，不過可惜份量太少，我地食完都舔舔脷，唔夠飽，下次再去天后一定會再試。…查看更多

食晏時間同朋友仔嚟到屯門搵野食，在置樂花園附近的彩華花園，除左車房多之外，仲有一條食街，有好多特色小店臨立，我地去左一間充滿日本風情的食店「留民料理」。餐廳環境氣氛很有日本風味，鐘意日本的香港人，好似返左鄉下咁。我地試左期間限定 溫泉蛋牛丼，火龍果拖羅魚蓉籽丼仲有迷你生煎包首先推介一下溫泉蛋牛丼，以秘製醬油牛肉配上新鮮的溫泉蛋，用蛋汁撈飯加上日本珍珠醋米，非常配合，仲有紫薑，積青瓜及甜蛋等配菜。而迷你生煎包，面頭加了芝麻，惹味，外脆內軟包皮，好多肉汁。朋友就order咗火龍果拖羅魚蓉籽丼，紅火龍混合了拖羅魚蓉及魚籽，淡淡的火龍果香味結合了吞拿魚的鮮味，入口即溶，口感好juicy，配菜有紫菜碎及紫薑。喜歡食日本菜嘅朋友可以來試吓。…查看更多

住在新界嘅我，平時好少出去港島，朋友介紹在天后浣紗街原來有好多隱世小店，剛好在天后附近staycation，就去搵吓好野食，誤打誤撞見到Elementary澳洲餐廳門面裝修幾有格調，就睇下餐廳有D咩食，門口侍應介紹紐西蘭肉眼扒配泰式醬汁有買一送一優惠，非常吸引，我同朋友即刻唔洗考慮就衝入去試下🐮餐廳環境優雅，水泥牆和古典透光木窗，很有歐陸風味，食物方面，採用紐西蘭採天然放牧、草飼育牛，因此牛隻不但十分健康，而且瘦肉比例也較穀飼牛隻來的高。孕婦需要重視健康飲食，紐西蘭牛肉低脂、低卡路里、低膽固醇的特色。厚厚的肉眼扒很有質感，我地order左7成熟，肉質唔會太熟，保留了肉汁的鮮味，配有泰式醬汁，有少少酸味，但唔會太辣。去開附近的朋友真係要去試下，買一送一的優惠期有限！🐂…查看更多

今次去左V citiy 嘅ABURI EN 炙・宴日本炙燒丼飯專門店試吓佢地嘅燒肉，豚肉丼同櫻花蝦拉麵，首先講吓個飯係用左嚴選鮮嫩豚肉、口感香脆，配上特製日式燒肉醬汁、以鐵板燒演繹出柔軟焦香燒肉與米飯融合的完美組合。而櫻花蝦拉麵麵質入口香濃順滑，濃濃的蝦湯，味道比豚骨湯底多了一份鮮味， 幼拉麵軟硬適中，配上特製炙瘦燒肉， 日本半熟蛋蛋汁呈半熟流心狀，配菜粟米，荀（懷孕唔食得荀，所以冇食到），和大量櫻花蝦，喜歡食蝦味及蝦湯嘅朋友就最啱！🦐…查看更多

前幾日入嚟上水影相，晚上去左上水廣場嘅八番麵工房晚餐，今次試吓組合好特別嘅泰式冬陰功同日本拉麵結合嘅冬陰功大蝦拉麵，拉麵配料有兩隻大蝦，青口，腐皮及魷魚等，配上龍龍嘅冬陰功湯底，拉麵仲可以追加炸雞球，另外亦都咁點咗中華拉麵同菇嘅串燒，中華拉麵用豬骨湯底有三四豚肉佢有洋蔥同蔥如果唔鍾意食蔥嘅朋友就記得要走蔥。食物價錢唔貴性價比都抵食，八番拉麵工房分別在沙田，元朗，大埔，尖沙咀，北角等都有分店，去開依幾區嘅朋友可以不妨試吓啦。…查看更多

今日同老公嚟到鑽石山廣場經過Ocio 餐廳，見到佢嘅裝修好特別，有日式簡約風格，非常吸睛，馬上入去試下。午餐時間我哋Order咗吉列豬扒手打烏冬，西班牙龍蝦汁手工意粉，兩個午餐都配送蘑菇湯，蘑菇湯用蘑菇蓉製成味道濃郁，飲落仲有蘑菇碎添。吉列豬扒手打烏冬的豬扒很鬆脆，肉質柔軟，烏冬亦好彈口，而西班牙龍蝦汁手工意粉，配料有青口，帶子，魷魚及八爪魚等非常豐富，味道有濃烈龍蝦味，同配料非常夾。食飽主菜，當然唔少得甜品，我地揀左奧斯密瓜窩夫做甜品，厚厚的窩夫，非常香脆，配合雲呢拿雪糕及日本直送蜜瓜，蜜瓜先甜好味，簡直100分！…查看更多

今次同男朋友去左屯門a city 嘅竹棧午餐，餐廳環境都算幾寬躺，我哋Oder左兩個午餐，分別係芝士焗蠔飯同秋葵豬肉鍋定食，首先講吓芝士焗蠔飯，濃厚嘅芝士再配上日式紅薑，蠔的份量充足有5隻size比較大的蠔，飯隨用上日本珍珠米，芝士嘅味充同飯好夾，唔會太咸，配上麵豉湯及沙律。而秋葵豬肉鍋定食的秋葵好新鮮，秋葵營養價值好高，含大量鈣，鎂及維他命C，不過好多朋友可能唔太鍾意食，薄切嘅豬肉好鮮嫩，配上有疏菜及菇類的味噌湯底同珍珠米白飯，另外每個餐更送上沙律，有營又好味😋…查看更多

假期同朋友去左愉景灣玩，晚上去左酒店附近嘅一間墨西哥餐廳Cali-Mex Bar & Grill晚餐，餐廳菜式充滿墨西哥特色，更多是一間酒吧，好多外國人去飲酒，我Order左墨西哥風味肉眼扒，濃厚的肉汁，配有墨西哥飯及黑豆沙律及辣味燒洋蔥，一個人的份量似乎有點多了，朋友order捲餅，餡料可以選牛，豬或雞，我朋友就揀左雞，捲餅是一塊薄薄的餅皮再包住墨西哥飯及雞肉，配菜是墨西哥脆脆及牛油果醬🥑，另外我地仲加左6隻炸雞翼，兩個人食到非常之飽，我地兩個今次冇飲啤酒，飲左杯雜果賓治同青檸梳打，感覺又特別又夠飽，很滿足的一餐☺️…查看更多

悠閑的日子，今日入去屯門一日遊，下午嚟到屯門市廣場UG新開嘅Beans荳子屯門分店，食Tea，我order左法式蘋果酥，入口鬆脆，好香蘋果味，淡淡果肉,仲配有雲尼拿味雪糕加配芝士薯條，粗身的薯條，食落有充實嘅口感，飲品方面，就order左玉桂茶，茶味好香，與玉桂的香味非常配合。餐廳環境舒適，係一個放鬆自己，Hea下嘅好地方。…查看更多

天氣轉涼，又係時候食火鍋，今次我同朋友食晏時間去左屯門市廣場嘅牛気，餐廳主打任飲任食午市60分鐘， 晚市90分鐘，有涮涮鍋及壽喜燒，湯底有數十款選擇。今次試下美國極黑牛放題，牛肩肉，豚肉，雞腿肉，墨魚滑，牛骨濃湯底，仲有其他火鍋配料及甜品任食，罐裝飲品任飲！牛骨湯底味道濃郁，令食物非常入味，值得推介吓美國極黑牛，薄切嘅牛肉片，充滿肉汁，入口即溶，滾1分鐘左右就食得，我同朋友食左4碟先停到口。雞腿肉都非常鮮嫩，沒有雪味。甜品方面，有乳酪雪糕同我最鐘意嘅棉花糖任食，仲可以自己玩埋一份添❤️…查看更多

在人煙稠密的觀塘工業區，食lunch的時候，真係好想搵一間好食又好坐嘅餐廳，今日同埋男同事食lunch就去依間Hei’s Kitchen試下,真係有如城市嘅綠洲，餐廳主打東南亞美食，我地order左最出名嘅招牌越式生牛河，招牌無骨海南雞飯，男同事好大食要再加配越式扎肉米紙卷及越式春卷先夠飽，而飲品我哋就揀左金桔檸檬水及泰式班蘭奶茶。首先講吓生牛肉湯河，河粉彈牙爽口，口感幼滑，牛肉鮮嫩，肉味濃郁。而海南雞飯的油飯，好香蔥油味，而無骨雞髀肉也非常入味，海南雞飯是把雞放進水中浸熟，搭配特製的辣椒醬與黑醬油，可與飯一起撈嚟食。而越式扎肉米紙卷是以薄薄的米紙包著粉絲，生菜和扎肉，新鮮健康。特別推介泰式班蘭奶茶，茶味夠濃，奶味清香，比一般港式奶茶更加好飲，鍾意飲奶茶嘅你就唔好錯過啦！…查看更多

今晚同朋友在屯門睇完戲嚟到雅都商場嘅GoGo Mall裡面有個好大嘅美食廣場，由二十多間食店組成，有日式，東南亞，港式，西式料理等。今次我地試左馬拉菜嘅馬拉公公，自己本身鐘意食辣野，對我嚟講真係啱晒！我地order左魔鬼魚配參岩蝦醬飯🍛同馳名檳城亞參叻沙海鮮米線🍜再加鮮牛油咖央多士🥪首先介紹下魔鬼魚配參岩蝦醬飯，新鮮即炸嘅魚柳食落外脆內軟，加上佢特別調製嘅蝦醬配落飯嘅味道非常濃郁，再加上茄子配搭健康又好味。檳城亞參叻沙海鮮米線，好多配料有蛋、墨魚丸、蝦豆卜等等，非常豐富，叻沙好有椰香味道，米線彈牙爽口。鮮牛油咖央多士，多士烘得非常脆口，每一塊裏面都夾住鮮牛油，咖央將多到流晒出嚟鍾意食咖央嘅朋友就唔好錯過啦。飲品方面我哋order左馬拉無糖黑咖啡，咖啡味濃，少少甜但唔會覺得苦澀。…查看更多

疫情下冇得去歐洲，唯有都在香港郊遊，當係去左旅行，今次就揀左去位於錦田嘅Muse furniture lab，品牌成立於2014年，除了是一間歐洲傢俬設計店外，更加是一間cafe的元素，而最近她們搬了新店，地方大了很多餐廳與傢俱展示的空間分開，的設計以黑色及金屬色歌德設計風格，曲雅得嚟又夠氣派，每位位都係影相位，而旁邊仲有一個歐洲式小庭園，比客人影相打卡，真係好似去左外地咁。交通方面都非常方便，可以在錦上路站乘搭64K往大埔墟方向，或251A循環線在張屋村站落，店內亦有私家車場。Cafe有最低消費的，每位$150，營業時間為1200-1700，17點last order，沒有晚餐，大家要留意。食物方面，餐廳選用新鮮食材，配上傳統的西餐烹調方法，大家可以用QR code下單。我同朋友仔就Order左煙燻火腿法式可麗餅，餅中有沙律醬同沙律菜及雞蛋，餅邊脆口，而旁邊併了煙燻火腿，味道很配合，開胃醒神。另外主菜我地就要咗蒜片辣椒欖油大蝦意粉，意粉有少少辣濃濃的香蒜味再配上四隻蒜得很香的大蝦，非常惹味，食物的賣相討好。飲品方面，我地就揀左期間限定嘅櫻花蜜桃梳打，巨峰蒟蒻梳打，蒟蒻份量好多，口感特別，飲品夠大杯，味道都好清甜。Muse Furniture Lab餐廳內有多間廂房，如果人數多又想有獨立空間，可以預先同餐廳訂房,是採取全面預約制，必需透過WhatsApp預約，不設walk-in，現階段只收現金，周二例休…查看更多