LauKardia的个人专页

想節日或者紀念日搵間有feel嘢食有好食嘅餐廳打卡兼慶祝，搵搵下見到呢間餐廳要擺盤有擺盤，要好評有好評，就try try佢啦！Steak Tartare大愛牛肉他他！牛味重得嚟夠爽滑，帶少少甜味，配搭埋隔離千層薯好酥脆，口感更有層次！Beef Tenderloin慢煮牛柳當然係口感嫩滑，牛牛腥味得嚟又Juicy，加埋香煎雞髀菇同埋薯蓉，每樣調味都平衡得好好！Captain Mojito全牛宴當然要飲番杯清爽Cocktail解下膩，香料味唔會過重，仲好fresh添！…查看更多

就嚟情人節，推介呢間餐廳畀諗緊點慶祝嘅你～餐廳行復古風，仲有個小小戶外區，有齊慶祝餐廳標配，最主要想推介佢有個性價比超高嘅優惠！每日都會有款指定菜色有半價優惠，藍青口、豬鞍扒、鴨肝二重奏等都包括係入面，除咗半價優惠，生日當月慶生訂座亦會送你招牌火焰雪山一份，兩種優惠二選一，book枱時記得睇定啦～加拿大豬鞍扒配蘋果醬我係星期二去~呢款係當日嘅半價優惠指定菜式（好抵食！），豬鞍扒鮮嫩多汁，搭配嘅蘋果醬甜甜酸酸開胃得嚟又解膩，平衡咗豬鞍扒嘅鹹香。自家特調白酒忌廉汁藍青口配薯條及蛋黃醬大愛藍青口嘅我點會唔叫埋，忌廉汁好濃郁，仲有淡淡白酒香，藍青口亦好鮮甜，加埋脆脆薯條真係滿足晒我啲食西餐必食願望法式鴨肝二重奏有香煎鴨肝配蘋果醬，同埋鴨肝焦糖燉蛋配多士，大讚鴨肝焦糖燉蛋味道好balance，我以為會好甜，點知唔太甜得嚟仲啱啱好解咗鴨肝嘅油膩感！香煎鴨肝夠厚，煎得外脆內軟，大推！…查看更多

巷仔嘅日式燒肉店，有少少似去咗日本～放假好鍾意去上環行下睇下食咩好，咁啱經過呢間新開嘅燒肉店，午市燒肉套餐包咗好多唔同嘢食，仲可以揀唔同肉類，而且係靚肉！即刻入咗去試試佢！薄切鹽燒牛舌牛舌口感有嚼勁又唔會過韌，加上少少鹽就已經好好食！我特別鐘意燒到佢外層少少脆，食落更香口！澳洲精選和牛肉質滑嫩油花分佈得恰到好處，啖啖Juicy，點少少醬油已經滋味十足！美國安格斯牛肉雖然冇和牛咁油脂豐富，但肉質同樣唔錯，味道濃郁，啱晒喜歡重牛味嘅人日本華味鳥雞肉肉質鮮嫩，燒到雞皮香脆入口外脆內軟！…查看更多

三刷呢間日式燒肉店，今次嚟到佢哋黃埔分店，燒肉繼續高質，果然係我愛店，都希望可以推到變成眾人嘅愛店～Omakase Course今次搞搞新意思，試下佢個omakase，除咗有前菜，仲有塩味盛包括塩味上牛舌、葱塩味若鶏、海老，上牛舌比普通牛舌更有爽嫩口感，腍滑得嚟又有肉汁，雞腿肉肉質同樣柔嫩；燒肉汁盛就有特上牛胸腹肉、黑毛和牛精選、野菜同牛板鍵，黑毛和牛嫩紅肥美，啖啖濃郁牛肉香氣，牛胸腹肉juicy又嫩口，油花甘腴。套餐仲包埋石燒泡菜鍋飯、海澡湯同甜品，每人都3百幾蚊咋，抵食到！！大判燒！黑毛和牛西冷一上枱睇到啲紋理已經流晒口水，和牛西冷霜降分布均勻，真正做到入口即溶，油脂豐富，就算冇點醬汁都已經充滿牛香味！…查看更多

好耐之前去過大角咀Lost Stars，好鍾意可以邊聽Live band邊食高質料理嘅體驗。雖然無得再去，但都可以去佢哋嘅銅鑼灣店，結合咗黑膠唱片概念同酒吧，成個氛圍都好chill，輕鬆一下！Mussels Pot In Creamy white Wine Garlic Sauce大讚！令本身唔係好鍾意青口嘅我都好驚喜，入口酒香、蒜香加鮮香齊晒，再配埋法包蘸汁食一流呀！Provencal Salmon Fillet男朋友就特別鍾情於呢個香煎三文魚，外皮香脆食落有啲芥末香味，加埋幼滑又充滿牛油香嘅薯蓉，唔想食得咁heavy嘅話可以揀佢！U.S Black Angus Rib Eye Steak (10 oz)嚟到我最愛安格斯肉眼扒，牛味濃郁，肉質幼嫩非常Juicy亦唔多筋，加埋佢哋嘅特調醬好好食！Crème Brulée焦糖布甸面頭焦糖脆卜卜唔會太薄或太厚，加埋充滿奶香又好幼滑嘅布甸，真係完美句號！Delicate / Whisky High BallDelicate入口會飲到伯爵茶同橙香，酒味唔算好濃，味道好fresh；Whisky High Ball就啱晒鍾意烈酒嘅男士，放工飲返杯條氣即刻Gur晒！…查看更多

又係時候同男朋友搵間氣氛好環境舒服嘅餐廳撐下枱腳，放工近近地揀咗中環呢間好多人推嘅餐廳，嘢食真心有驚喜而且服務態度非常好！AKAGAI用赤貝配搭露荀同香葱，赤貝好彈牙又新鮮，開胃得嚟加埋cocktail好夾！Shredded Celtuce Salad入面有萵筍絲、蘿蔔蓉、三文魚籽等，fresh得嚟入口有陣鮮香魚籽味。Caramelized Pumpkin好有驚喜！烤香至軟腍嘅南瓜件出面包住層薄薄嘅焦糖，食落口感真正外脆內軟，有啲似拔絲香芋hahaCharcoal Grilled Eel侍應將白鱔上枱後，會用竹炭燒香外皮，魚香湧出去啖啖滋味，魚肉爽彈Juicy!A4 Wagyu Cutlet Charcoal Sando嚟到我最期待嘅A4和牛竹炭三文治，和牛油脂分布平均，肉質軟嫩，加埋酸酸甜甜嘅醬汁，好滿足！Graff Pink / L’incomparable揀咗佢signature cocktail，前者特別用咗十王燒酌，仲加上咗點點tabasco，味道好豐富；後者入口充滿果香味，慢慢會品嚐到淡淡茶香，好清新…查看更多

成班frd去觀塘，多數都會搵間工廠大廈café食個意粉吹下水。呢間café行校園風，講緊佢哋枱枱凳凳都係用學校啲學生枱凳，好有特色～黑松露雜菌意粉睇個樣見好多cream以為會好漏，食落又無喎，黑松露仲落得好重手，香氣撲鼻！地瓜球地瓜球外脆得嚟內裡煙煙韌韌，入面仲有地瓜蓉，食落好香口！桂花白桃冰茶夏日當然要有夠fresh嘅冰茶！散發桂花獨特香氣，加埋白桃香甜果味，非常清新～大甲芋泥鮮奶有地瓜球當然要配杯台式飲品，濃醇芋香仲有淡淡鮮奶香，口感細滑又有咬口！…查看更多

極上和牛吃到飽套餐牛大人秘方麻辣湯今次湯底揀咗牛大人秘方麻辣湯，次次打邊爐都好難抗拒到麻辣鍋，味帶辛辣又惹味，聽聞用咗牛骨煲成，令湯底更濃郁！澳洲和牛M5牛肩卷油花分布均勻得嚟肉味夠濃，喺湯底拖幾吓就食得，麻辣湯加埋軟嫩嘅牛肩肉真係令人食唔停口！安格斯特選牛板腱打邊爐特別鍾意叫牛板腱，有濃郁嘅牛味又脂肪較少，所以唔會太油。花雕酒雞件跟住就到男朋友打邊爐最愛雞件，花雕酒香清香醇厚，雞件嫩滑，加埋麻辣湯令味道更豐富。台式蛋餃蛋皮包上豬肉餡，蛋餃粒粒飽滿，點一點麻辣湯當醬汁好好味！澎湖花枝漿/蟹籽墨汁漿花枝漿同墨汁漿肉質好彈牙，吸足湯底香味，加埋海鮮鮮味，味道很可以！新鮮海蝦/沙白打邊爐點少得海鮮，海蝦同沙白都係新鮮得嚟又多肉，估唔到任食都可以食到高質海鮮！酉鬼啤酒好少會喺餐廳見到嘅酉鬼啤酒係台灣啤來，帶點果香之餘酒體輕盈，苦度適中。…查看更多

難得可以同男朋友星期六晚拍個拖，又過下鋸扒癮，去到觀塘呢間好啱feel嘅餐廳，嘢食高質環境又啱打卡，bookmark定下次拍拖去啦！8安士紐西蘭肉眼扒燒大蝦配薯條厚厚嘅Medium嘅肉眼扒熟度啱啱好，肉眼牛扒高質夠腍又唔多筋，燒大蝦蝦肉結實彈牙，加埋牛扒必配嘅香脆薯條，滿足我嘅鋸扒癮～慢煮雞胸車厘茄香草醬扁意粉以為雞胸就係無味兼肉柴？nonono～呢個慢煮雞胸肉質嫰滑，加埋開胃車厘茄同香草醬，想keep fit嘅女生們可盡情食！Peach Sparkling Lemonade去到間咁啱feel嘅餐廳，當然要飲返杯！Peach Sparkling Lemonade入口好fresh，味道清新啱晒夏天飲，果味香甜酒味唔算太濃。Wild Oba Calamansi入面有White rum、紫蘇、金桔汁等，香味好獨特，加埋少少青檸汁，口味層次好豐富！…查看更多

放工飲返杯，有時都想搵間靜靜哋嘅bar，唔洗同人逼又唔會太嘈。今次介紹喺佐敦小街嘅Amuse，環境非常舒服，嘢食又好食，絕對要畀更多人認識！芝士肉醬玉米餅 飲酒當然要叫玉米餅，呢款可以揀配牛、雞或素食，酥脆微鹹嘅玉米餅配埋肉醬同大量芝士，喜歡香脆口感就要叫啦！德國鹹豬手聽聞係佢嘅必食Item，豬手啖啖肉絕無豬騒味，外皮脆口唔會又乾又硬，重點係佢唔會油膩，鹹香惹味！特色雞翼［水牛城辣汁，蜜糖芥末，威士忌燒烤］一次過食晒三款風味嘅雞翼，蜜糖芥末酸酸甜甜好開胃，水牛城辣汁辣得嚟唔會搶味，秘製威士忌燒烤濃郁得啱啱好，要嚟送口味清清哋嘅醉檸茶啱啱好！醉檸茶好啱女仔飲嘅調酒，酒味唔會嗆喉，淡淡檸檬酸味同茶嘅清香味好fresh。…查看更多

嚟到呢間近排人人話好食要試嘅大圍馬拉菜，餐牌好多選擇之餘樣樣都好吸引咁！一字骨肉骨茶真係不得了呢個一字骨真啖啖肉！一碗有四大舊，另外再有兩碗肉骨茶畀你飲，肉多之餘仲係勁嫩滑一啲都唔痴牙，唔怪之得人人大讚！辣死你嗎配生炸全雞髀生炸全雞髀炸得超級脆，外皮金黃焦脆，加埋椰漿飯、其他配菜同參巴醬，聽聞係大圍店限定，下次嚟到記得試呀！我知你啦薄餅配娘惹咖喱雞娘惹咖喱雞非常香辣，唔太食得辣的話記得要嗌定杯美碌，薄餅鬆軟點埋娘惹咖喱汁好惹味魚仔醬啦啦其實係魚仔醬撈蜆，蜆肉新鮮無沙份量又多，個魚仔醬好有風味，款款都好有質素！…查看更多

又到我嘅最愛料理日式居酒屋系列，今次試下呢間朋友介紹嘅銅鑼灣居酒屋「備長」，重點推介鵝肝多士、牛舌同荔枝豬肉卷串燒，即同大家介紹下！串燒：厚切牛舌/白鱔厚切午舌肉質咬落彈牙，加上鹹香調味，絕佳下酒菜；白鱔不過不失，記得配上備長嘅特色麵豉醬，令串燒香味更突出！串燒：雞腎/雞皮/荔枝豬肉卷雞腎入口軟滑，雞皮炸至脆爽，仲有佢哋嘅招牌荔枝豬肉卷，豬肉燒得啱啱好唔會乾柴，加埋荔枝嘅酸甜味，好特別！自家制免治雞肉捧（溫泉蛋）嚟得居酒屋點可以唔叫免治雞肉捧，雞肉加上雞軟骨嘅口感一流，啖啖肉兼有咬口，配上蛋黃同醬油嘅月見汁，正！備長卷又係大滿足之選，一道有齊海膽、碎吞拿魚同三文魚籽，講緊真係啖！啖！海！膽！性價比好高！鵝肝多士鵝肝一上枱第一個諗法係真係好大件，軟滑濃郁嘅鵝肝配上焗到金黃脆口嘅多士，實好味啦清酒煮大蜆叫得太多串燒怕油膩可以叫呢個，大蜆無沙又新鮮，而且份量都好多！鹽燒油甘魚鮫最鐘意食魚鮫，好香魚油香味，魚肉嫩滑，簡簡單單鹽燒都好好味！…查看更多

火炙左口魚邊壽司大推！好味到令我愛上咗左口魚！經炙燒嘅左口魚邊充滿魚油甘香，入口嫩滑，出面包住紫菜除咗增加咗脆口口感仲可以解解油膩。香葱拖羅蓉小卷去完日本食拖羅食上癮，小卷滿滿拖羅蓉好豐富又夠肥美，食得出用料好新鮮！串燒：雞皮/雞腎/雞軟骨/汁燒雞肝/鹽燒牛舌心嚟到居酒屋當然要叫串燒，除咗食材好高質，亦食得出師父嘅心機！汁燒雞肝絕無腥味好香口，牛舌配上柚子胡椒更惹味，款款Juicy！自家製免治雞肉棒居酒屋必點雞肉棒，雞肉混合雞軟骨比例啱啱好，點埋生蛋同甜醬油味道濃郁。季節野菜沙律呢個前菜我由頭食到尾，食下串燒再食沙律fresh一fresh就識食啦！凍日本素麵以為係普通素麵？其實內有鮮甜海膽加三文魚子！配埋個好清甜嘅湯汁，天氣熱時整返碗爽啦！…查看更多

大判燒！黑毛和牛肩胛肉燒肉必食款！燒到幾熟當然就自己控制，我就中意每邊燒10秒左右，半熟狀態再點生蛋汁，入口嫩滑多汁，男朋友就鍾意燒熟啲，有少少香脆口感，都係唔同風味！極上厚切牛胸腹柳係性價比好高嘅選擇，如果鍾意啖啖肉就要試呢款！牛胸腹柳肉質豐厚，加埋特別調味，入口有種鮮甜味道，又唔會太膩。黑毛和牛上肩肉上肩肉油脂較多，入口即融，如果怕太油膩可以加配生菜或者泡茶，解膩之餘仲可以增加一啲爽脆口感。葱鹽味雞腿肉特登燒耐啲雞腿肉，令外皮好香脆，就算燒耐咗雞肉都依然軟嫩，加埋香濃嘅葱鹽調味，正呀！辣牛肉麵最後當然要用湯麵作結！牛肉片好多，麵條做到Q彈有勁，湯底香辣濃郁，下次要試埋個冷麵！…查看更多

去完觀塘海濱打卡就同男朋友去咗海濱匯食個brunch，食咗三款菜色好好休息下，餐廳好開揚，令個人都醒神啲差足電！8安士紐西蘭肉眼扒配薯條肉眼扒肉質好嫩滑，配搭佢哋嘅紅酒醬，帶點酒香味，咬落去好Juicy，大讚佢哋個薯條，炸得香脆得嚟面頭仲有啲香辣粉，好似shake shake薯條咁～馬格麗特薄餅餅底食落好有咬勁，羅勒葉、San Marzano番茄、水牛芝士同巴馬臣芝士搭配得好啱， 仲有好多水牛芝士happy~Tiramisu咖啡味濃郁，咖啡吸收晒喺餅底到，整體又唔會太甜，食完heavy嘢再食甜品都唔會覺得膩。…查看更多