九鬼居酒屋 (高街)

营业中

休息中

火炙左口魚邊壽司大推！好味到令我愛上咗左口魚！經炙燒嘅左口魚邊充滿魚油甘香，入口嫩滑，出面包住紫菜除咗增加咗脆口口感仲可以解解油膩。香葱拖羅蓉小卷去完日本食拖羅食上癮，小卷滿滿拖羅蓉好豐富又夠肥美，食得出用料好新鮮！串燒：雞皮/雞腎/雞軟骨/汁燒雞肝/鹽燒牛舌心嚟到居酒屋當然要叫串燒，除咗食材好高質，亦食得出師父嘅心機！汁燒雞肝絕無腥味好香口，牛舌配上柚子胡椒更惹味，款款Juicy！自家製免治雞肉棒居酒屋必點雞肉棒，雞肉混合雞軟骨比例啱啱好，點埋生蛋同甜醬油味道濃郁。季節野菜沙律呢個前菜我由頭食到尾，食下串燒再食沙律fresh一fresh就識食啦！凍日本素麵以為係普通素麵？其實內有鮮甜海膽加三文魚子！配埋個好清甜嘅湯汁，天氣熱時整返碗爽啦！