baby_cuckoo's Profile

星期五中午在店內食咗兒童餐，意粉。星期六約下午一點想再幫襯，門口戴眼鏡侍應哥哥就話係老闆指示，星期五下午及星期六日必須打邊爐先可以坐喺餐廳入邊，否則就要坐出去food court位置食:(佢平均消費百幾蚊一個飯/pasta，竟然迫客坐出food court！最重要嘅係···當時餐廳入座率唔夠兩成！！我哋一行四人，三大一幼童，侍應堅持話至少要order兩個邊爐set先可以進內用餐!嘥氣，我哋轉身就走咗！叫佢搵空氣埋單打邊爐啦…Read More

親戚特登預早訂咗去呢間「江湖小棧」食母親節飯, 一心支持黃色經濟圈, 準時到達嘅時候, 門口已經有好多人排緊隊等位~ 依家黃店立場都好鮮明~ 門口玻璃大大隻字印住「支持政府就唔好幫襯」不過黃店身份唔可以當飯食, 不愉快嘅情況就由等入座開始. 明明已經訂咗位, 仲早左5分鐘到達, 都仲要喺門口等左半個鐘, 而且我哋唔係唯一訂咗枱都要等嘅人, 眼見仲有其他人都係訂咗位, 要坐喺門口呆等😖😖呆等到咁上下嘅時候, 有個女侍應同我地量體溫, 諗住有得入去啦就行入餐廳, 頂！原來張枱都仲未得! 又叫返我哋出門口等, 咁量體溫黎做乜?終於入得坐低咗, 不過啲座位好唔舒適👎🏻 我哋係六人枱, 佢係將D臨時椅加咗係個四人枱嗰度, 問題係嗰啲相向臨時椅好化學, 坐後邊嗰個一郁就郁到你, 食食吓上面冷氣機又滴水落嚟, 真係食都食得唔安落!!!😖快快手點左菜, 可能因為天氣熱喺出面等得耐, 又可能係因為啲位唔好坐, 我哋都比平時點得少咗嘢食~ 就係下圖嘅煲仔飯, 餸菜仲有個紫菜魚腐湯咁上下嘅嘢, 個女侍應兩次埋黎同我哋講, 「六個人叫兩個煲仔飯唔夠個喎」.. 真心吹脹~ 如果真係唔夠, 我哋食食吓就會加單㗎啦! 勁煩~依間野啲嘢食味道偏鹹, 我唔識分有味精定無味精, 不過食完就覺得幾口渴, keep 住要飲水囉🤔🤔Anyway, 絕對絕對無下次!…Read More

o係「江湖小棧」食咗個唔係咁愉快嘅母親節飯之後, 攞車途中見到呢間叫Sweetheart嘅糖水舖就忍唔住入嚟, 食返啲甜品開心下~一入門口撲面而來嘅就係椰皇嘅香味, 未食都已經覺得好吸引!!佢個Menu好靚, 封面做咗laser cut, 可惜唔記得影相, 大家去嗰陣時可以留意下甜品種類好豐富, 睇完一輪我哋分別點咗椰皇蛋白桃膠同埋椰皇八寶兩款甜品都好好食👍🏻👍🏻 椰皇嘅香氣好濃郁, 蛋白桃膠好滑, 椰皇八寶入面有好多唔同嘅材料, 口感非常豐富😋😋呢間甜品舖值得推介❣️❣️…Read More

之前成日經過都無機會食, 今晚終於的起心肝訂咗位, 好彩有訂位~ 如果唔係至少要等一個鐘😅因為有訂位, 所以唔駛等就即刻可以入座, 被安排坐咗喺窗邊我哋分別點左慢煮牛面珠墩, 同埋雜扒鐵板餐~本身跟咗餐包同餐湯, 香草味餐包上枱嘅時候係熱嘅👍🏻👍🏻而且好鬆軟~ 餐湯分別點左洋蔥湯同埋蕃茄湯, 洋蔥湯超級好飲! 好多好多洋蔥好足料好甜~!! 個番茄湯都唔錯, 都係好足料, 感覺好清新👍🏻慢煮牛面珠墩, 啲牛肉煮得好霖好滑, 好食!雜扒餐個鐵板真心熱! 食到尾段D扒都仲可以keep住個溫度~最後叫埋甜品芝士餅同埋熱咖啡加凍香橙茶, 作為今晚完美嘅句號。P.S. 見到前面有幾篇都話啲 waiter/ waitress無乜禮貌, 但係我哋今晚遇到嘅人服務態度都好好! 換碟速度好快, 主動問我哋要唔要添餐包, 我哋跌咗餐紙巾又即刻為我哋補上新一張, 我覺得值得一讚❣️…Read More

今日公司忙到甩肺要OT, 返到屋企都九點幾, 去到正街見呢間仲未收, 入邊得兩三個客, 估計廚房應該唔會好多單, 諗住拿拿林醫飽個肚啦, 就同老公入咗去食~ 我地5分鐘就揀好咗食啲乜嘢, 叫咗個晚市套餐, 另散叫咗個小炒"西蘭花炒斑塊"晚市套餐係藥膳雞, 味道正常, 上菜速度亦都合理點知雞同飯都食晒, 令邀請侍應催左廚房兩次, 足足等左45分鐘先等到個小炒, 好慶幸我哋唔係兩個人都叫小炒, 如果唔係真係餓死等天光😡😡🤦🏻‍♀️🤦🏻‍♀️🤦🏻‍♀️…Read More

為咗慶祝父親節, 所以去幫襯呢間未試過嘅中餐廳。 早一日左咗落訂，book左$1888套餐六人用連加一茶水，點知食到一肚氣訂咗七點鐘，我哋七點十五分去到坐低。。。等等等。。。等到八點一都仲未有嘢食先後催左三次，八點十五分終於起咗第一道菜 - 「乳豬拼盤」！唔係好明白點解燒味都要等一個鐘？！可能頭先劏緊隻豬？過咗無耐就上咗個湯，咦咪住先... 啲黑蒜同螺頭都唔見咗？原來上錯左 如是者又等多半個鐘先來返啱個湯.. 一飮之下, 媽媽同細佬都話個雞湯嘅味同金寶湯煮ABC粉嘅雞湯味道係一樣，只係加左啲色！唉...其他菜式味道都普普通通，鮑魚係罐頭嘅，條魚味道可以，不過上魚唔會幫手臨油同埋片開少少肉確定係咪熟透。最好笑係個五穀登！唔知係咩黎？原來係兩隻糭。兩隻糭上碟嘅時候係原裝上！即係連埋糉葉同埋條草繩要叫侍應佢先識幫手拆糭，真係Oh my God!!!!!#+@&€%*@!!&全單1888絕對唔值！無下次…Read More

***等左40分鐘都冇嘢食***我諗呢間餐廳係唔識合為上班族提供午餐絕對唔會有下次知道太古城開咗新餐廳, 諗住見裝修唔錯就試吓啦~ 點知第一次就出事啦!! 40分鐘都唔黎主菜, 我係絕對唔會再嚟呢間餐廳!!!!!!!!!!!!!!!!!!…Read More

今日咁岩去開馬鞍山, 唔知食乜嘢好~ 見到呢間茶樓門口冇人等位, 覺得自己好好彩, 即刻衝入去開位食飯~ 一行五人, 要咗四五個小菜, 有小籠包, 賽螃蟹, 臘味炒菜, 其中羊腩煲質素唔錯, 食物分量唔大, 其他食物質素非常一般, 侍應服務非常差劣, 落單嘅時候搵背脊應你! 叫糖水嘅時候, D侍應未聽到order就行咗去, 幾次都係咁! 9:15就趕收工, 啲嘢未食晒問都唔問就收走你🤦🏻‍♀️🤦🏻‍♀️ Horrible service! …Read More

刺身新鮮 生蠔抵食 不過就食到一肚氣文末再寫, 而家先睇相P.S. 上網訂位係多餘嘅, 佢只係比你優先權入餐廳範圍排隊/Making online reservation only grant you the priority access to this facility instead of reserving any particularly seats 仲有, 喺燒物區, 我哋排第二位(2人), 排頭位嘅個組有5人, 侍應竟然hold起2張2人位(唔係相連又唔相近), 但係又唔係叫個5個人分開坐, 齋hold起晒D位, 勁無奈…Read More

特登請假黎食六點鐘自助餐, 咁就可以日夜景都睇到啦😁地方幾靚～野食種類都好足夠, 生蠔鵝肝麵包蟹翡翠螺小龍蝦刺身甜品種類都好多！甜品有個好靚嘅朱古力fountain 同埋仲有..最特別最特別嘅榴槤味雪糕 + 榴槤味法式焦糖燉蛋✨✨✨雖然細細杯但係有榴槤肉架！熱食我就唔係好好嘅，試咗都唔錯啦～ 不過呢度好小氣啊=.= 餐飲唔包橙汁要另外加錢架…Read More

閒日放假當然要去D假期排唔到嘅餐廳啦。雖然係閒日，下午三點幾到，都要再等三十分鐘。兩人分別點左腐皮蕎麥麵同烏冬仲有一客甜品。腐皮好好食，綠茶蕎麥麵同烏冬係零綠茶味，不過烏冬好滑口感一流，最好味嘅係美景同甜品。…Read More

星期一晚7點半去到, 諗住係閒日會無咩人去, 點知, 去到已經無晒卡位, 要坐普通台坐低無耐, 就見到有人要等位 第一次黎, 梗要幫襯火焰牛柳啦等左到幾耐.. 終於黎喇!! 哇~ 大火o既程度有d似去左 Balalaika 食肉串!!參考左樓下o既心得, 我order左四成熟, 上台燒完cut開, 都仲係四成熟..我估係因為執steak比太多veggie 墊起左, 掂唔到塊鐵板.男友order 五成熟, 牛柳掂住鐵板, 燒完有七成熟. 所以燒果下要好好控制牛柳o既位置!肉質方面, 我塊四成熟真係好腍甜, 有好明顯o既玫瑰酒味道, 好香好滑, 好好食!男友o既七成熟就無左玫瑰酒味, 因為熟d, 比較上硬身, 有少少難咬整體黎講, 如果可以接受生少少o既牛肉, 不妨叫四成熟, 真係juicy好多呀~p.s. 服務態度普通, 不過我當佢係茶餐廳, 所以就不過不失啦:)…Read More

不得不引用另一位食家-香婷婷的食評, 她寫得太出色到位了! 哈! "酒店大堂的下午茶則令人大失所望，有姿勢無實際！枱太細，位太窄，人太逼，蛋糕烘餅不夠新鮮，乾的凍的硬的，侍應英文水平低，服務差，又太繁忙，茶涼了也無人侍候，基本上坐低之後就無人理會，但每天依然客似雲來，好像只得婷婷一個有所不滿！"中秋節同男友滿懷希望去食the lobby afternoon tea, 三點到達, 四時入座.不曉得是否要依從傳統的味道, 食品的味道真係很平凡, 只可以說一句: 錢都是付給了裝潢氣派, 單談食物, 一百元都不值 …Read More

今日BF 考完CFA, 6點幾.. 佢好肚餓, 咁o岩見到呢間野門口寫住$98 食60分鐘放題okay 啦~ 反正肚餓, 60分鐘都無所謂, 唔駛等位就入O左去,叫野食都好快上菜, 我本人係唔會o係無信心o既地方食生salmon, bf 就係咁叫salmon 同tuna, 我就叫甜蝦同凡立貝..點知..... d甜蝦sushi上只有一隻蝦,d凡立貝sushi只有半隻凡立貝.. salmon 同tuna 薄都算喇, bf話有怪味~ 咁我地就唔食喇, 再叫o左2,3個熟食o既手卷就走喇!! 叫埋單時~ waiteress 一埋黎就話, 唔可以食剩咁多野o家wor..話要收我地錢!!我同佢講, 覺得d食材唔生鮮, 所以唔食果個便服cashier竟然當住我面就同水吧講, 喂~ 你地check下d salmon啦, 呢個客話唔得wor.. 最後埋番原本個數就走啦!!!!!!!!!!!!如果我早少少睇到呢間野o既食評, 今晚就唔會食得咁激氣~…Read More