因為有訂位, 所以唔駛等就即刻可以入座, 被安排坐咗喺窗邊
我哋分別點左慢煮牛面珠墩, 同埋雜扒鐵板餐~
本身跟咗餐包同餐湯, 香草味餐包上枱嘅時候係熱嘅👍🏻👍🏻而且好鬆軟~ 餐湯分別點左洋蔥湯同埋蕃茄湯, 洋蔥湯超級好飲! 好多好多洋蔥好足料好甜~!! 個番茄湯都唔錯, 都係好足料, 感覺好清新👍🏻
慢煮牛面珠墩, 啲牛肉煮得好霖好滑, 好食!
雜扒餐個鐵板真心熱! 食到尾段D扒都仲可以keep住個溫度~
最後叫埋甜品芝士餅同埋熱咖啡加凍香橙茶, 作為今晚完美嘅句號。
P.S. 見到前面有幾篇都話啲 waiter/ waitress無乜禮貌, 但係我哋今晚遇到嘅人服務態度都好好! 換碟速度好快, 主動問我哋要唔要添餐包, 我哋跌咗餐紙巾又即刻為我哋補上新一張, 我覺得值得一讚❣️
1
