or#Tm65418047的个人专页

朋友想試呢間餐廳好耐， 但佢唔可以book枱，只可以walk in , 每次經過都好多人，都食唔到所以我哋特登5:30左右就嚟到，果然真係唔使排隊， 可以直接入去裡面大概得12張枱左右，不過每一張枱都好似好細， 同麥記兩人枱差唔多大細，但係佢上面又擺咗餐牌， 又有醬油等等， 佢啲碗碟又比較大，基本上放咗喺枱上面， 真係好迫， 就來杯茶都放唔落我點咗招牌天吉丼， 已經加咗醬料喺個飯同埋個天婦羅度，佢啲醬油調味同質地幾好，加咗落啲飯同天婦羅， 令到兩者都唔會好乾，佢啲炸粉做得幾出色，真係幾薄. 裏面都有八個餸，有蝦有魚有溫泉蛋等等， 都算唔錯…查看更多

星期五想食好啲， 所以嚟到呢間酒店，酒店附近有唔少工廠大廈，呢間酒店係同區來講算係高格調午餐有唔少選擇，有中式同西式，午餐全部都配餐湯，可以揀中通或者細湯，同埋基本飲品好似檸檬茶咁，仲限時優惠送甜品，有豆腐花，紫米露或者朱古力蛋糕可以揀因為我比較鍾意食海鮮，所以揀咗香煎比目魚配虎蝦配黑松露忌廉汁虎蝦有兩隻， size唔算太大，但算有鮮味同埋煎得幾香，比目魚份量不大不少， 同樣煎得幾好， 反而個忌廉汁就唔係好食到黑松露味總括來講我覺得呢個襯比較適合女士，去買個餐湯飲品同甜品，份量啱啱好…查看更多

一直都好想食桔梗，但係睇過評語，發現評語好壞參半後來聽有朋友試過覺得好味，所以就趁閒日放假中午嚟幫襯，之前試過打電話嚟、睇吓可唔可以book位，但係講明原來下午係冇得book位嘅， 所以我哋特登預早啲12點左右就到達.因為早到，所以可以揀個靚靚位置坐 餐廳樓底真係好高， 感覺真係好舒服坐低之後， 職員都有教我哋要拎枱號出去order，要留意番淨係收八達通或現金Order 之後職員會將食物送到太曬，但係餐具紙巾等等就要自己攞我地 order 咗 軟殻蟹burger加炸魚，同埋龍蝦意粉軟殼蟹burger 原來係兩個mini burger再加4 塊炸魚， 雖然係mini burger , 但係好足料，每個 mini burger 一隻軟殼蟹啱啱新鮮炸好， 好味龍蝦意粉，就咁睇個賣相覺得好一般，雖然龍蝦肉唔多，但係味道都唔錯整體來說食物質素唔錯. 唔係快餐價錢. 但坐得舒服， 又可支持黃店 😬😬…查看更多

呢間餐廳喺油麻地，交通方便， 又喺OpenRice排名好高，有晚想去嘅時候，即興 walk in full House，見環境幾靚，所以專情book枱去試朋友話餐廳之前嗰晚都特登打電話同佢confirm個booking，同埋提我地一定要準時到，因為一定要準時交枱，只可以食個半鐘去到之後，職員都不停提醒我哋只可以食一個半鐘， 一定要準時交枱菜單第一板都寫明一定只可以食個半鐘，一定要準時交枱. 我地點咗白酒煮青口同焗爐魚配薯條白酒煮青口味道正常，但食唔出青口有鮮味， 同埋個汁略嫌比較濃焗爐魚配薯條真係出乎意料之外，冇諗過佢係用錫紙包住， 賣相唔靚.. 魚都嫌煮得老. 坦白講. 真係似去燒嘢食， 用鍚紙包完就放入燒烤爐度燒..我見其他人枱上面啲嘢食，好似好味過我哋嗰啲，唔知係咪我哋揀既食物無咁好味. 職員態度親切有禮，仲不停幫我哋添水， 值得讚…查看更多

夜晚想食日本野， 朋友喺銅鑼灣附近工作，同日下午 book 枱， 有位， 所以鎖定呢間本餐廳，一出地鐵站， 搭lift 上樓就到, 夠哂方便點咗海膽， 牡丹蝦同赤鯥刺身，刺身夠新鮮， 赤鯥係店鋪推介， 新鮮運到，好鮮味， 同都幾特別煮硯有d 辣， 好惹味， 我都飲咗少少湯, 幾正. 雞泡魚乾- 好惹味， 用來餸酒一流， 份量都 okay環境方面， 枱同枱之間都有板格住， 不過可能隔離枱客人飲咗酒，所以比較嘈， 但可接受， 因為日本餐廳都唔會太靜。總體來說，食物材料夠新鮮， 價錢唔算平， 但值回票價 …查看更多

星期五想食好啲，所以揀咗食牛角午餐時段都幾多人，好彩有同事有金會員， 可以提早攞飛， 去到等咗一陣就可以入去我哋四個人被安排坐近玻璃窗嘅卡位，非常闊落平時食燒牛肉， 我比較鍾意單點， 因為有好多部位好似牛舌等， 我唔係太鍾意食所以我揀咗牛角豚豬六品燒肉盛盒套餐$109 （未加一） 已包無限添加牛角飯，沙律， 湯， 飲品同肉啲肉真係好多，有一塊幾大既豬扒有兩隻雞翼， 兩塊雞肉， 兩塊雞柳， 兩塊豬腩肉，同兩塊豬頸肉， 可能我平日唔係食好多肉， 我覺得我真係食咗兩日肉既份量味道全部都好好， 尤其欣賞佢嘅雞翼有幫手剪開，所以煮起嚟比較容易熟牛角午餐真係好味又抵食， 下次有時間都會再嚟…查看更多

今日下午茶時間經過呢一間台式餐廳，我本身好鍾意食西多士，見呢間台式餐廳除咗台式食品如鹽酥雞，肉操飯等，竟然都有西多士食，又可以配台式飲品，所以就入咗去食本來一早諗定要食西多士，但係見到佢下午茶餐原來有炸魚薯條都幾吸引，所以都諗咗一陣， 結果都係食西多士， 下午茶餐原本西多士配普通飲品如好立克阿華田等等，連珍珠奶茶嗰陣普通飲品，成個餐$27， 但係因為我好想飲其他台式飲品，所以就加$5轉胚芽士多啤梨🍓等咗5分鐘左右， 就有得飲野，分量同就咁係台式餐廳飲杯飲品差唔多，所以加 $5 覺得都值得，味道唔算特別好飲，但都OK西多士因為即叫即做，所以要等大概10分鐘先有，味道同普通茶餐廳差唔多， 個人覺得有西多士再加台式飲品，成個餐$32都幾OK…查看更多

約咗朋友去銅鑼灣睇戲，朋友話想試呢間嘅刺身丼，所以就入咗去食，係嗰日係週末嘅中午，餐廳唔係太多人，所以坐得都好舒適可能因為週末午餐無lunch set menu, 好似夜晚咁散點， 所以就比較少人餐廳主要係做刺身丼飯，自選唔同嘅刺身配合當飯，唔同刺身當然唔同價錢雖然冇lunch set Menu，但係都有固定配搭嘅丼飯可供選擇，價錢比自選丼平少少， 如果啱食，其實都可以揀，因為佢個配搭會比較保守同中路， 又同我都好鍾意食海膽， 所以就order 咗三款唔同海膽的丼飯我買咗揀咗牡丹蝦加蟹膏丼海膽丼裏面，其中一款海膽係韓國海膽，韓國海膽出奇地好味😋， 係我哋嘅最愛牡丹蝦同蟹膏都好鮮味 雖然每人埋單都要大約$300 ， 但我地覺得都幾值得食，因為刺身質素同埋個飯嘅味道都幾好…查看更多

想食壽司郎好耐，但係朋友用過app都係長期book唔到枱，周末walk in 又要等好耐難得閒日星期一放假，特登揀咗兩點幾先去攞飛， 因為想盡快入座， 所以揀咗不論迴轉或者卡位，都會坐嘅位置， 等咗大概20分鐘，就已經有位. 攞飛之後， 我都特登成日開着個YouTube 睇， 但係我發現佢YouTube係真係要不停咁refresh，先至可以見到佢真實叫枱嘅號碼. 坐低咗， 職員就好有禮貌咁問， 之前有冇食過，如果冇食過嘅話，佢就會詳細啲介紹返啲杯啊茶包啊Wasabi啊等等係邊度攞好耐未試過食真正嘅迴轉壽司，而家有好多餐廳都改咗係order. 係迴轉壽司帶上面攞壽司，好處就係可以見到先揀如果迴轉帶無， 就可以用佢枱面嘅電子版order總括嚟講覺得佢啲食物好新鮮好味同抵食， 唔怪得平日都要等咁耐，今次因為之前食咗嘢都幾飽，所以冇見到甜品，諗住下次會再試多啲唔同款式…查看更多

以前好鍾意食Toast Box， 覺得佢嘅多士好好味，尤其係咖央多士今日來食早餐， 見佢個醒神早餐做緊特價$40連飲品， 所以就試咗早餐如果飲品係美祿或者好立克，係要加$4， 我覺得加$4玩美祿或者好立克唔係咁抵，所以揀咗熱檸水就算熱檸水有兩片檸檬，不過唔苦，都okay醒神早餐，有兩片多士， 煎蛋，有茄汁豆，另外由香腸煙肉同火腿，三選二， 我揀咗香腸同煙肉多士質素我覺得比之前退步咗，我覺得係佢個麵包唔同咗，比之前難咬 ， 同埋少牛油煎蛋係麥記豬柳蛋漢堡裏面嗰個蛋嘅款式. 味道okay. 但個人比較鍾意食只煎半邊的太陽蛋香腸幾好食， 煙肉就麻麻， 無乜煙熏味總括來講， 全個餐不過不失， 無乜特別…查看更多

近期疫情稍緩，非常懷念澳牛嘅多士同炒蛋，所以有一日喺附近工作，就入咗去幫襯可能少咗遊客，所以入到去即刻有位，夥計同以前一樣咁有效率， 我之前已經來過唔少次， 所以可以非常熟練咁order左常餐， 平時一樣我都係order 咗火腿炒蛋多士同叉燒通粉加熱華田同平時一樣，order 咗一陣， 多士炒蛋火腿就出現， 炒蛋同平時一樣都係又香又滑又熱過唔一陣， 叉燒通又出現， 夥計見到食到咁上下，就問我叫咩飲，我就order 熱華田因為真係覺得佢個多士好好食，忍唔住再添加左個奶油多. 我應該係第一次喺嗰度食奶油多， 多士一貫水準咁好， 牛油好味， 不過我真係好鍾意煉奶，如果可以再多啲煉奶，多到可以突出來就最好唔知係咪可以要求多煉奶…查看更多

朋友搬Office到黃竹坑，上Office之前去呢間餐廳食咗早餐先舖頭樓底好高，天花裝有吊扇， 裏面燈光比較陰暗， 感覺比較悠閒入到去先喺收銀處落order， 之後佢會比個牌客人， 如果係咖啡之類，就好似Starbucks咁行過去咖啡處度等攞，如果order 食物的話，就好似大家樂咁，等顯示牌出現你訂單嘅數字，然之後就去food counter 攞如果係樽裝飲品好似果汁咁，就自己直接去雪櫃攞Order 咗果汁同牛角包🥐配炒蛋樽裝果汁一貫樽裝果汁水準， 牛角包配炒蛋， 味道唔錯， 但好似成五十蚊我覺得份量比較少，唔值呢個價錢如果只係講食物嘅話，我覺得餐廳唔值呢個價錢，但係如果係想搵個地方Hea下又坐半日的話， 咁都幾舒適…查看更多

睇見黃之鋒介紹，所以就book 咗星期六下午幫襯，之前睇過其他食評一坐低已經被店內嘅裝飾吸引 ，睇得出餐廳好有心機佈置，餐具方面，每隻碟同杯都有啲唔同，好有驚喜係食午餐嘅關係，所以有午餐Menu點咗西班牙豬肩肉， 要咗9成熟， 同大啡菇炒蛋西班牙豬肩肉份量十足， 仲配埋薯條， 驟眼睇以為係牛肉漢堡， 9 成啱啱好唔會太熟薯條夠熱， 好味😋大啡菇配炒蛋， 兩樣都好味. 不過因為佢上枱時， 我哋仲忙緊食過豬肩肉同薯條， 所以食既時候稍涼， 我可以遲少少先上枱，會更加理想食完兩個午餐，其實都幾飽， 但係因為真係好想食甜品， 所以點咗朱古力同芝士蛋糕， 兩樣都好滑同甜度剛好， 就算我哋食完午餐都覺得幾飽，但係都食得落. 😆😆😆有啲可惜係原本想叫蘋果批，但係因為我哋想order嘅時候，已經2:30 ，職員話蘋果批已經賣晒， 下次想食真係要早啲order…查看更多

請試Gram 嘅Pancake 好耐，之前去日本已經想試， 但次次都因為唔夠時間而去唔到，知道佢喺尖沙咀開舖，已經好想試，但係之前聽聞要等好耐，同埋食厚 pancake 計準時間， 所以遲遲試有個早星日去開The One，經過呢間鋪嘅時候， 見唔太多人等位，所以決定一試等咗大概半個鐘，已經可以入座，入座之後第一時間order厚身pancake，因為都要等多20至30分鐘， 同埋係限量嘅每人有最低消費，商場好凍，唔想order凍飲，所以order 咗法式多士法式多士order 咗一陣就到. 份量味道都唔錯厚身pancake 就真係要大概20分鐘後先到Pancake 真係幾鬆軟， cream 又夠滑， 空氣得來又唔只得陣風. 都飽肚. 整體覺得唔錯 ，下次經過， 唔駛等太耐， 都會再食…查看更多

夜晚約咗朋友喺黃埔附近食飯，所以下午茶就揀咗喺黃埔附近嘅呢間新酒店餐廳環境都幾舒適，我哋坐緊窗口位，望出去都見到一片綠色草地，因為疫情關係，非常留意同隔離枱嘅距離，因為餐廳地方較大，所以同隔離枱嘅距離都幾遠，食嘢同影相都幾安心按原定計劃整咗個兩人下午茶，全部食物味道都唔差， 但有冇話邊款特別好食. 酒店來講，食物質素有少少失望 ，因為真係講唔出有邊款係特別好食值得一讚係餐廳職員服務都幾好， 雖然佢哋大部份時間都唔喺枱附近，但係一遞手佢哋就會過嚟， 效率都幾高…查看更多