香港嘉里酒店大堂茶座

夜晚約咗朋友喺黃埔附近食飯，所以下午茶就揀咗喺黃埔附近嘅呢間新酒店

餐廳環境都幾舒適，我哋坐緊窗口位，望出去都見到一片綠色草地，因為疫情關係，非常留意同隔離枱嘅距離，因為餐廳地方較大，所以同隔離枱嘅距離都幾遠，食嘢同影相都幾安心

按原定計劃整咗個兩人下午茶，全部食物味道都唔差， 但有冇話邊款特別好食. 酒店來講，食物質素有少少失望 ，因為真係講唔出有邊款係特別好食

值得一讚係餐廳職員服務都幾好， 雖然佢哋大部份時間都唔喺枱附近，但係一遞手佢哋就會過嚟， 效率都幾高

1