真係外賣仔的個人專頁

今日係我女人生日，咁梗係要帶佢去食吓D好野，女人話無論如何都一定要去祟光買個袋先，所以就當然要係返附近食先得喇！上網搵左陣就搵到呢間靚靚地既火鍋店，真係岩晒一向喜歡食中菜既女人，問左佢後佢都話好~買完袋後我已餓到反艇，於是就快步拉住女人行，電梯一打開味道未算大真係好，環境更富中國清雅古尚風格，座位都很闊，感覺幾舒服，之後當然就係喪叫食物先得喇！我地叫左個芫茜皮蛋拼麻辣湯底另外仲order了海蝦、香菇貢丸、手打牛丸+牛肉拼盤，每碟份量都好足，食物質素仲好新鮮，望得出食得出係新鮮野黎！蝦肉彈牙又味鮮，貢丸唔會全部係粉，食得出入面既菇香味道，牛丸更超爽口又牛味濃郁，食得女人都話超級好味~~~碟牛肉拼盤更係不等之了咁爆正！無論是牛頸脊，還是肥牛粒，甚至係牛脷片都是超濃肉香，肉質結實無根，每食一啖都覺得係享受緊！總括黎講性價比高，可以再黎食過…查看更多

冬冬地人人都食火鍋，我梗又要食火鍋！食火鍋都已有30多年經驗的我來講，唔同種類既火鍋都已食過！最愛首選麻辣！其次就係藥膳同粥底係冬天有7成日子我都會打食火鍋，今晚夜又是一個火鍋的晚上此餐廳屬新開不久，在網絡上都有不少傳媒報導過，同都有好多食家推介，所以就去了一食招牌三黃雞果然真係幾好食！雞唔老仲好滑+入味，我揀左辣汁，個醬辣得來幾鮮，雞的份量都好多，夠3個人食有凸，隨後也點了我最喜歡食的粟米、秀珍菇、金菇、雞脾菇等，全部都吸收晒醬汁的味道，好味之餘仲好合我口味。以後食飯的名單中又多一家餐廳選擇真係好！…查看更多

我個fd好鍾意食中菜，今日要拎旅行手信俾佢，於是就同左佢去尖咀新開既米芝蓮星級福建菜度聚吓食吓同派手信~~~~~~~~~~~~一入去就已經比間餐廳吸引住，覺得幾高級，設計都幾靚，係咁既環境下食飯心情的靚好多！前菜我地揀左招牌菜之一既九層小腸，層次豐足既大腸一層套一層，見得出係心機菜式，口感煙靭又彈形，完全無大腸本身的臭味，師傅手功一流！完完全全就係功架十足的最佳表現！！同時我地見好多枱都叫左蟶子，我地就梗唔執輸又叫埋一份！呢款花雕蒸蟶子係出面好少見，蟶子味道鮮甜又粒粒都咁肥美，份量都好足，花雕嘅香味更加會令人食欲大增，係食完一粒會不停想食落去芫荽令呢碗風味蟶溜更加香，入面嘅椰菜花唔會太硬，蟶子嘅甜美唔會因為浸過湯而少咗用蟶子去煎蛋堅係第1次食！啖啖都原蟶子肉，口感好豐富，蛋既份量都好適中，蟶子唔會甩出嚟，味道清甜，單係咁食都好鮮味呢碗鹵麵好惹味，有蝦米嘅香同海鮮嘅甜，麵煮得啱啱好，唔會淋到爛，入面仲有白菜、菇同豆卜等，豐富又易入口超級大食既我地另外仲叫咗個簡單嘅薑蔥炒蟶子，完全食到蟶子嘅鮮，而且只係微辣，所以唔食得辣嘅人都食得，我朋友就食到手指大動！是夜開心又滿足，人生應該每日都如此才對吧…查看更多

夏日炎炎，但係又想食啲辣嘢去出吓汗，其實就當然係我真係好like食辣！行經此餐廳門口，見裝修唔錯又幾乾淨，咁就入去食喇！店舖好光亮，座位格局亦都好整齊，餐廳夠乾淨，冷氣都開得大，好涼爽~餐牌有好多嘅嘢食，仲有一人一鍋添，不過今次叫咗其他，下次先試下呢個重慶麻辣雞煲真係好辣，但係辣得好惹味過癮，個半隻雞好嫩好滑，都無我最討厭嘅雪藏味，正！海蜇有好多芝麻灑咗响面，令啲海蜇更加香口，而且佢嘅份量都好多，口感冰涼透心~~我仲叫左碗痴心小麵，有肉醬同花生碎等，仲有少少汁响底，啲麵爽彈之餘有少少辣，都幾開胃，幾好食~杯羅賓(利賓納+菠蘿雪糕)凍冰冰，仲有雪糕响上面，可以順便當食埋甜品。朋友叫既金牛入面有柚子蜜同雲呢拿雪糕，呢個配搭好清新，甜得嚟唔會覺得膩。…查看更多

前日已經約好CC出嚟食飯，不過個日仲未諗好要食乜嘢。今日晨七咁早打電話過嚟，問我今晚食乜，我攤喺床到碌咗下手機，就揀咗嚟呢間餐廳食火鍋！因為我都你剛病好，都係食返清淡為主，湯底要左野生菌菇湯底，入面有紅棗、菇…味道鮮甜，可能係落咗好多紅棗，唔洗點落味，個湯底就已經好夠味兩個人食得都唔多，驚點得太多食唔晒，就點咗份豬紅，墨魚丸仲有豆卜。啲豬紅煮完真係超好食吖！！！豬紅食落口感嫩滑，放落個湯底到，會令到湯底嘅味道更加濃郁。墨魚丸口感彈牙，食落唔會有食麵粉丸嘅感覺，墨魚仔大粒大粒喺入邊。我食嘅時候再配埋自己match嘅醬汁，有紅辣椒、青辣椒、芫茜，豉油等等，味道就唔會太寡又更好味喇…查看更多

同同事一齊做野加班OT遲咗收工，費事翻屋企食出前一丁，佢就話不如去附近食個粉，我話可以喔，反正都夜，於是就去左公司附近既呢間食店食D野先返屋企來到過左飯市，已經無需要等位，我就比較鐘意無甘多人。可以坐耐D，如果好多人，我就想食完走，太吵了。原本我係諗住食個粉就算嘅，但係同事就話不如唔好食粉食干鍋同小食，所以就叫左呢碟燒烤三拼，貌似唔錯，甘反正都係餓，我覺得幾好食，裡面有蜜汁豬頸肉、香草雞翼、燒汁豬扒，每種都無同風味；豬頭肉嫩滑，甜甜地滑滑的，豬扒就分量多，好嚼頭，豬扒都是新鮮，香草雞翼就全部都有香草，睇佢烤得好似有少少焦，但係食落又唔覺，有D香草味道都好清，雞肉夠滑！我地2個都好鐘意食辣野，所以仲叫埋呢個麻椒黑草羊腩幹鍋，係招牌菜黎，麻椒不會好辣，更偏向麻辣，川味十足，好多肉，羊腩都炆得好霖，分量多，配料都好豐富，加埋秘制香料，食落齒頰留香，唔會好辣，一般廣東人都可以接受得到！可能本身都餓緊，所以覺得特別好味！下次可以再來食過，今餐滿足而歸！！…查看更多

唔知點解最近出街食飯成日都打邊爐食到我都已經厭，係我熱烈的抗議下，今晚終於轉食泰菜係車上諗左一陣後，BB就話食泰國野就梗係要去九龍城，於是我地就係網上搵左一陣後，就開車去左這餐廳，入內後感覺都幾光猛舒服，坐下安頓後，更發現原來每日都會有一款$ 1菜式，都真係幾抵是日的$ 1特價菜就是泰式炸蝦餅，咁平就定要食喇~到枱後個樣都好OK，有成6件，蝦肉彈牙又鮮甜，且更炸得十分香口，真係超好食！就算俾正價食都覺得OK為了就怕辣既女朋友，所以在半就半迫之下就叫了椰汁青咖哩雞同薄餅，細味下椰香濃郁，口感滑溜，雞件嫩滑，香料適中，廚師煮得十分好！薄餅則熱辣的同時更脆卜卜，淨食都覺得好好食，我們就用了來點咖哩汁食，超級好食，係令人愈食愈想食，堅正！我就叫條香料燒焗鰂魚，單係個樣已經爆得！魚肉好嫩滑，微咸得宜，皮則炸得似炸魚皮，點埋餐廳既特製醬汁食就更是正啊超鍾意飲椰青的女朋友更叫左2個椰青，我都飲左佢半個，好清甜潤喉，唔怪得佢叫完一個又一個…查看更多

系太子落咗車，好不自然咁就見到呢間腸粉店，米芝蓮推薦嘅餐廳吖！！！因為已經系夜晚啦，所以食腸粉嘅人相對中午嚟講都算比較少嘅。。...招牌第一拉腸，入面有幾多蝦，不過我最唔滿意嘅一樣系，個腸粉竟然放蔥！！！我嘅人生之中絕對唔可以有蔥出現嘎！！即使佢再好食，有蔥都會影響我對佢嘅味覺判斷。不過腸粉皮光滑，口感唔錯，而且價格唔貴。鴨腎菜乾豬骨粥，煲得好夠火候，味道啱啱好，鴨腎帶動曬成碗粥嘅咸味，不過齋食鴨腎就太鹹啦···…查看更多

一到週末某人就會吵著要嚟蓮香樓，個個星期都咁嘈著我，太煩啦。。。位於中環惠靈頓街附近，店鋪本身唔遠，不過行起身都幾攰。朝早8點到，等咗10分鐘就有位啦。都係公公婆婆過嚟飲早茶嘅多。蝦餃可以話系最具人氣嘅點心，皮薄蝦夠厚，一啖要落去真係好滿足。馬拉糕好大一舊，內餡有少少肥肉，個人真係好唔鐘意食到少少肥豬肉，見到都會覺得反胃··蒸排骨口感軟軟地，肥瘦啱啱好，而且用雞汁淋過蒸嘅，味道有滲入去。牛肉燒賣口感彈牙。…查看更多

排咗個幾鐘頭買左熊仔餅，買完就直接上客家好棧，食個lunch。店面唔大，系隔離商場嘅電梯上去，點咗個四人套餐，同一個冬瓜湯配蛋白炒飯，另外我又加多咗個金錢肚。不過上菜速度實在太！慢！啦！將近一個鐘，到最後食完排骨同金錢肚都未上，唯有打包。蛋白炒飯系比較濕嘅，感覺都幾多油，唔夠乾身·· 乾炒牛河嘅芽菜好食，牛肉唔多，粉嘅話都ok，不過有啲咸。:):):)鳳爪一籠入邊都幾少野，蒸嘅時間唔夠，無果種唔洗點咬都會爛嘅感覺。呢碟野....連食佢嘅胃口都無啦…查看更多

路過，并唔系專程嚟食嘅，但係見到招牌有老店嘅架勢就入嚟試試。點咗個招牌嘅窩蛋牛肉飯，菠蘿包同埋田雞煲仔飯。環境就係港式茶餐廳，做嘅主要都係街坊生意。窩蛋牛肉飯系砂鍋煲飯配上牛肉碎，上面再打個生雞蛋，食嘅時候我鐘意邊撈勻邊淋豉油，點知其實一啲都唔好食！！！...菠蘿包一句講曬，唔好食！無人地其他鋪頭菠蘿包新鮮出爐嘅香味，而且一啲都唔鬆軟，酥皮又唔夠脆····我都唔可以稱之佢為菠蘿包田雞飯望落去就唔值個加，田雞味道好淡。…查看更多

朝早起身突然好想食甜野，就過嚟北海道牧場餐廳，試下佢地嘅waffle，順便食埋個早餐。結果就真係得啖笑啦點咗個比利時朱古力waffle，配北海道牛乳雪糕，我另外加咗一個牛奶雪糕蘇打。soda嘅泡沫入面竟然有蟲仔！！！后嚟再整過杯俾我都無點飲。waffle等咗半個鐘都未上，一睇單，根本無落到！oh shit..再點個早餐套餐、一杯牛奶。通心粉味道就係普通味道，反而牛奶味道仲ok，系新鮮，不過無濃郁嘅奶香味。蛋可以有分幾成熟，煎得唔錯。…查看更多

泗益系赤柱市場道，民政中心對面。門面比較隱蔽，左右兩邊都有鋪頭賣野，唔留心好容易就會miss咗佢。大排檔環境真係唔可以有太大期待，而且夏天無空調，真係好難頂！點咗沙爹牛肉蛋公仔麺，牛肉嘅份量都算ok，25蚊嘅野算系咁啦，都唔可以俾咁多要求佢，畢竟咁平。湯底就係用公仔麺嘅調味粉嚟調嘅，食得出！腸仔煎蛋，17蚊。同自己屋企煮嘅幾乎無分別，根本唔值得我po圖。咖央西多士，呢個系入邊最好嘅！！！蛋味夠香，入面系花生醬夾心，無一般糖漿咁甜。。奶茶同鴛鴦~比較甜，飲到後面已經飲唔落··…查看更多

天頭咁熱，行街就好似焗緊桑拿咁....好想坐低嘆下空調，飲杯冰鎮奶茶~~~終於忍唔著入咗北角呢間潤記茶餐廳，去到嘅時候人都幾多下，唯有同人地拼檯啦~~環境系典型嘅茶餐廳，可以見到廚房，店入面癡咗好多特色菜、推介菜之類嘅，點咗凈雲吞、牛腩麺套餐、南乳豬手。~凈雲吞，雲吞粒粒都好大，好好食！！入面嘅鮮蝦有唔少，好新鮮好彈牙，湯底喺清湯，加咗少少韭黃~~~牛腩麺，牛腩鹵得好入味，比較好咬，可以話系啖啖肉吖！！麺系好彈牙嘅竹升麺。~南乳豬手，燜得入味，夠爛。不過個人覺得比較偏油膩。:):):)~奶茶 。奶茶口感醇厚香濃，可以自己加糖~~…查看更多

龍景軒一般去之前都要提前一個星期book位，靠窗口嘅位置仲要睇運氣。！！行入去餐廳，可以見到餐廳入面好高level嘅豪華裝飾，餐具都好精緻！！~~ 點咗chef推介嘅幾樣點心。-鮑魚雞粒酥-肥滿嘅鮑魚，成口奶味，一啖接一啖食得好過癮，系我覺得點咗咁多樣裡面最好食嘅！ -瑤柱菜苗帶子餃-翠綠色嘅餃皮，入面嘅料好足。 -松子叉燒菠蘿包-我覺得相對平時食開嘅平價菠蘿包嚟講，比較油膩，叉燒嘅味道唔錯，有啲偏甜~~ -龍太子蒸餃-飽滿完整嘅蝦仁入口味道豐富，成個蒸餃嘅賣相都好特別，滿滿嘅蝦味。 甜品系楊枝甘露，搭配免費嘅棗味甜品。另有一番味道 …查看更多