LunaLunaa的个人专页

同朋友仔喺V Walk商場，行行咗幾個圈，但又未到食飯時間，個肚有少少餓，想搵啲野食食住先，就同朋友周圍搵下，睇下有無啲小食，食住先！去到奇華門口見到好多一包包蛋糕/餅類，一齊揀咗幾款喜歡食嘅！我地同時都揀咗牛油蛋卷同杏仁條。跟著就邊行邊食，細細包，都幾方便！牛油蛋卷鬆脆，蛋香味濃，甜度適中，而杏仁條比牛油蛋卷更加鬆脆，應該係以鬆化嚟形容比較切貼，上面啲杏仁片嘅杏仁香都很突出。食落甜甜脆脆。兩款小食都可以一次一次，唔洗拎嚟拎去～…查看更多

輕食又飽肚最好嘅選擇都係華御結，喺正商場出入口好方便，趕著出去做野，無時間坐低食飯，揀返2個又當一餐！今次買左一個飯糰一個玉子！鹽醬雞腿肉飯糰感覺好健康，入面有件雞腿肉，雖然話係鹽醬，但唔會好鹹，連埋飯食味道就啱啱好！好鍾意佢地個包裝，好易包到，唔怕紫菜會淋曬，咬落去仲係脆嘅！厚切一口玉子燒真係好厚切，食落啲蛋好軟身，好似有啲空氣感，會蛋味，甜甜地又有啲濕濕地嘅感受，份量都幾多下，所以食完都幾飽肚下！…查看更多

喺V walk，行咗一陣覺得肚仔有少少餓，就入咗大家樂，叫咗個上湯浸娃娃菜同一哥芝味厚切焗豬扒飯食！見到熱騰騰嘅豬扒飯，即刻食慾大開！打開娃娃菜，上湯鮮味，娃娃菜夠淋身，仲有少許菇菜，非常啱我口味。再睇睇個豬扒飯，聞到陣陣芝士香味，豬扒上面有好多芝士同菠蘿，配搭嘅顏色好搶眼，睇見真係令人食慾大增。食落酸酸甜甜，茄味濃郁，豬扒咬落軟腍有肉汁，味道非常濃郁，飯亦粒粒分明，但不會太硬，有芝士同肉香，配搭得真是天衣無縫，可謂色香味俱全，好有水準。…查看更多

屋企人返屋企前去泰昌買咗盒蛋撻返嚟~!皇牌蛋撻熱辣辣，啲蛋漿好滿，脹卜卜好可愛！咬落蛋撻皮好脆，蛋漿有陣陣蛋香味，甜道適中，好食！！另外仲買咗我最鍾意嘅蝴蝶酥！只要買任何野加$10蚊就換到喇！屋企人當然無執輸，換咗一包嚟食吓！因為係我的至愛，急不及待咁，即刻開嚟食！咬落好脆，鬆脆到一拎上手都怕佢會鬆開！表面有糖粒，味道夠甜！好好食！最鍾意夠甜嘅蝴蝶酥！甜味仲帶到陣陣嘅牛油香，食下食下，一食就無咗半包！…查看更多

屋企附近個新商場終於開咗喇！主要都係餐廳為主，真係超開心！！不過因為今日已經食飽咗，試唔到其他野住，今日就去買住杯野飲先！其實商場都有幾間台式飲品舖，不過我想飲一芳好耐㗎喇！好想試下佢個黑糖珍珠鮮奶！見人地飲嗰杯好多珍珠好多黑糖！有半杯都係黑蚊蚊嘅黑糖珍珠！好吸引呀！！因為都怕肥，知道無得揀甜度，所以叫咗中杯開心下就算！真係滿滿嘅黑糖珍珠！黑糖味都幾重！啖啖都係珍珠！一開始直接試咗個底啲黑糖，先再慢慢搞匀嚟飲～！…查看更多

腩肉雞肉清湯，加份蒜泥白肉真係個好好嘅組合！腩肉同雞肉可以放埋落碟蒜泥白肉到！啲腩肉厚身啲，仲有口感過原本嗰啲！雞肉同個蒜泥都好夾！依個組合每次都好快食晒！連啲汁都撈埋！正！…查看更多

中午同同事去遠少少飲茶，味道不過不失。流沙包唔太靚仔，表面皺晒又硬硬地，入面唔多流沙。蛋散唔算好鬆脆。鴨腳紮叫做好少少，但件芋頭好白色唔夠入味。不過價錢唔貴，平平地食下，無得要求太多…查看更多

好似旺角同葵芳都有分店，上次喺旺角食無咁多芝士，葵芳分店原來多好多！真係拉到絲㗎！仲有啲火炙味！好正！牛柳粒都幾多粉，味道都幾好，又唔算太老同太硬，有啲咬口咁啦，整體黎講都幾好食！…查看更多

近排食米線忍唔住都會加多碟蒜泥白肉，之前食好似都無咁多蒜泥，依排好似加多咗所以米線唔再加炸醬，用蒜泥黎送米線食仲惹味！！仲試咗杯新野，黑色粒其實係龜苓，但個味似涼粉多啲。玫瑰味就清清地，都ok…查看更多

見新餐廳又咁多好評，早幾日去咗試下食飯時間竟然唔多人，心諗都驚驚地，係咪唔好食，不過最後都入咗去其實價錢都唔算平，牛扒有幾款，有分200g同300g，百幾至二百幾都有。沙律吧同飯係任食嘅。但一入到去都覺得幾煙下，越坐越焗，越大煙，冷氣又唔夠！塊扒上黎時係好夠熱，但我諗佢控制得唔太好，甘本未夠時間切，個底已經燶咗！佢有隻碗仔俾人放肉，放落去切又唔夠位，放上石切又搞到老晒同黑晒，好唔user friendly⋯最好食到成頭汗，食完即走…查看更多