泰昌餅家 (V Walk ) (已結業)

屋企人返屋企前去泰昌買咗盒蛋撻返嚟~!皇牌蛋撻熱辣辣，啲蛋漿好滿，脹卜卜好可愛！咬落蛋撻皮好脆，蛋漿有陣陣蛋香味，甜道適中，好食！！另外仲買咗我最鍾意嘅蝴蝶酥！只要買任何野加$10蚊就換到喇！屋企人當然無執輸，換咗一包嚟食吓！因為係我的至愛，急不及待咁，即刻開嚟食！咬落好脆，鬆脆到一拎上手都怕佢會鬆開！表面有糖粒，味道夠甜！好好食！最鍾意夠甜嘅蝴蝶酥！甜味仲帶到陣陣嘅牛油香，食下食下，一食就無咗半包！