為食妹係我的个人专页

中午同朋友一齊出街食飯，朋友話想試下呢間新開黃店，上去open rice 睇過menu 都幾吸引，主要食日式丼飯，所以就決定揀呢間餐廳。上到去餐廳，位置不多，大約十幾個位，三個人分別叫左溫泉蛋牛肉丼，灸燒豚角煮丼，牛肉湯咖哩定食，個個餐都有漬物同湯或茶。比左錢落單後，等左一陣就有餐送到，我食個個係溫泉蛋牛肉丼，味道幾好，朋友都覺得佢地個飯都唔錯，份量適中，而且只需$58一個套餐，十分之平。雖然位置唔多，如果係附近返工都可以叫外賣試下，真係唔錯架。…查看更多

約左個係荃灣住ge 朋友食飯，佢推介左呢間餐廳，餐廳裝修好靚，環境唔錯，朋友話平時好多人排隊，可能係疫情所以間餐廳未至於爆滿，我地叫左個非常山竹，白玉玉鴿，流心燒賣，黑金流沙，荷花蒸飯，非常山竹真係成粒山竹噤，好得意，白玉玉鴿就好抵食，$3x一隻乳鴿唔係度度有，係略嫌有少少油，流心燒賣同黑金流沙係最滿意ge, 可能我最鐘意食流心野，兩個人食仲要打包半個飯走，最後再叫多個甜品，得意小豬，賣相真係好可愛啊…查看更多

星期日行街時噤岩經過見到呢間桔梗，見到排隊人數唔算多，所以走去食個下午茶，只係排左15分鐘，都算快，入到去個環境真係好靚，好文青feel, 可能係下午茶，menu 上食物種類唔算太多，最後叫左杯桔梗奶昔，特製雞翼，同埋一份三文治（唔記得個名），桔梗奶昔酸酸甜甜好有驚喜，特製雞翼超級好味，仲要係新鮮炸起，三文治都ok ge, overall 都食得好開心，終於試到呢間餐廳，下次會預約晚餐，試埋其他類型嘅野食.…查看更多

同朋友一齊食生日飯，好彩有預約，如果唔係應該有排等，入到去環境有少少迫，但因為坐窗口位，所以問題唔大，每人最低消費係$100，用餐時間係90分鐘，點左巴馬火腿拉絲水牛芝士手工薄餅，即磨芝士黑松露野菌大啡菇忌廉意大利飯，惹味雞扒手工竹炭漢堡配薯角，西班牙紅蝦東𤅀蟹籽墨魚汁扁意粉.，食物味道不俗， 樣子都十分吸引，坐低無幾耐就有隻貓貓走左去我老公個背囊上面訓覺，好可愛。另一隻黑貓就一直訓在檯上，有時望下風景🥰…查看更多

因為間間分店都好多人排隊所以一直都無食過壽司郎，三月份時終於都透過app 預定到5月份星期五15:30的booking，所以同老公請假去食，順便清下d 假期，當日我地準時到達，門口已經人山人海，同職員講聲已經到達後，等左3分鐘就有位，有一個鐘用餐時間，用pad 落完單後d壽司🍣好快就到，食落都幾新鮮，而且價格便宜，20碟大約$250，炸物都好好食，壽司郎真係值得一試，但暫時唔會考慮排隊，因為朋友係兩星期前同一間分店walk in, 要由一點等到三點😪…查看更多

本身無諗住去呢間餐廳，因為原本想去個間餐廳原來未開，所以去左附近睇下有咩其他餐廳啱食，行行下見到呢間英倫風🇬🇧cafe, 裝修好靚好舒服，好適合打卡，所以決定入去試一試，最後兩個人叫左個，Oldish Tiramisu，All day breakfast同Iced mocha，all day breakfast 好好味😋，兩個人食都飽飽地，甜品oldish tiramisu 好有驚喜，值得推介🤤，係個冷氣有d凍🥶…查看更多

見到OpenRice 個營業時間係10:30，所以專程10:30去食個早餐，行到身水身汗，但原來11:30先開門營業，轉左食另一間cafe, 唯有等下次再去幫襯la…查看更多

食完晚飯一路散步一路睇下有咩甜品好食，行到去西營盤第三街見到呢間餐廳，有d有特色的甜品，所以決定入去試下，見到佢個menu d 相都好吸引，所以叫左個推介的日式蕨餅抹茶心太軟伴抹茶雪糕，另外想食朱古力，所以叫左個朱古力流心梳乎厘（雲尼拿雪糕），製作時間都比想像中快，日式蕨餅抹茶心太軟伴抹茶雪糕有好濃的抹茶味，朱古力流心梳乎厘（雲尼拿雪糕）真係做到流心效過，兩樣甜品都食到我Lam Lam 脷，下次一定會試埋其他推介…查看更多

第一次黎呢間餐廳食，見open rice 上的評分幾高分所以預訂左呢間餐廳，環境幾靚幾舒服，點左杯荔枝接骨木花特飲，法式豬鞍架，芝士忌廉菠菜苗，安格斯頂級西冷牛扒（小）。荔枝接骨木花特飲好好飲，法式豬鞍架肉質好嫩，芝士忌廉菠菜苗好濃芝士味，而安格斯頂級西冷牛扒（小）也不錯，食物質數好好，而且餐廳免收加一，下次一定會再黎幫襯。最好預先 book 定檯，因為間餐廳都幾多人幫襯，walk in 有機會無位或者等好耐。…查看更多

放工同老公經過見到有間新開張的餃子店，我地見鋪頭新裝修幾靚幾乾淨就入去試下. 原來除左麵同餃子之外，仲有飯餐同素食，都幾多選擇下，最後點左個春卷河，墨魚丸河，因為唔知揀囍八方韭菜餃定招牌西洋菜餃好，所以問個姐姐邊款好食d, 佢話可以雙併最後仲叫多杯凍豆漿. 二十幾蚊就有碗麵其實真係好抵食.食後感：墨魚丸好好味，餃子最有驚喜，因為真係皮薄餡靚，同埋都幾大隻，連個湯底都好好飲啊，點完餐先發現有煎餃，下次會試下…查看更多