buzz_like_eat_ah的个人专页

今日放工嚟咗旺角呢間和牛見稱嘅阿久根和牛拉麵屋。總共試咗兩款湯底，分別係黑蒜油同海蝦湯，食落各有特色。☄️黑蒜濃湯慢煮A4和牛叉燒拉麵($158)黑蒜味道啱啱好，唔會太濃搶晒其他食材嘅味，亦唔會太淡。A4和牛嘅油脂分布得好好，咬落去越嚼越有味。麵質算係掛湯，不過有一點美中不足，就係麵冇硬度選擇，對於喜歡口感偏硬嘅食客可能會有啲失望。☄️香濃海老湯慢煮A4和牛叉燒拉麵（158）湯底蝦味濃郁，口味偏重，非常適合喜歡重口味嘅朋友。流心蛋加上鮮甜嘅湯底非常邪惡，食落滿足感十足。☄️雞軟骨餃子($48/4件)餃子偏長似鍋貼，皮比較薄身，裡面包住粒粒雞軟骨，口感非常好。不過建議盡快食用，否則焦香嘅表皮會變腍，影響口感。總體而言，呢兩款湯底各有千秋，無論係黑蒜油定係濃郁嘅海蝦湯，都值得一試！舖頭位置唔算多，平日夜晚6點半去到都坐得七七八八。要食嘅朋友要早少少嚟啦。…查看更多

PHI Coffee & Pancake (元朗)元朗YOHO一直都有唔少日式Café Shop進駐，見店舖裝修精緻同食物賣相幾靚咁就入咗去試吓。今次介紹嘅係位於元朗嘅Café Shop – PHI Coffee & Pancake。☄灸燒半溶芝士吐司 ($92)吐司本身厚身鬆軟，半溶芝士味濃郁加上焦糖嘅顆粒感，同Ham嘅咸味。糖份同鹽份互相制衡食落唔會好膩，罪惡感加倍。☄粉紅吞拿魚貓耳朵粉 ($112)粉紅色少女心滿滿嘅貓耳朵粉，絕對係相機食先嘅首選。意粉厚身煙韌，帶有淡淡洋蔥香，用上火龍果調色，新鮮感十足！☄經典英式伯爵茶梳乎厘 ($158)淡淡伯爵茶香味配上雲呢拿雪糕，梳乎厘本身蛋味濃郁，口感鬆軟綿密。涼浸浸清甜嘅日本蕨餅加上雪糕，作為炎炎夏日晚餐嘅收尾就再適合不過。🍹天然蜂巢棒棒冷熱咖啡 ($58)非常Iconic嘅咖啡，蜂巢同咖啡嘅配搭，對於唔好咖啡嘅朋友都非常易入口。…查看更多

平時行屯市都幾乎會經過依間燒肉店,今次終於行左入去食。今次介紹嘅係位於屯門嘅日式燒肉店 – 焼肉 焔。☄️鹽燒特上三角牛小排牛脂比例較多,入口即溶,又不失牛肉原味,食落唔會太膩。☄️香蔥牛舌外表好似牛柳粒咁,四四方方同埋係厚切,,中間有開口包著蔥。 有口感又帶少少蔥香。☄️燒日本雞肉北海道豚肉飯炭燒五花肉同雞肉,配上照燒汁同流心蛋,非常惹味。另外有胡麻豆腐、茄子和糖漬蕃茄等配菜,味道豐富。牛骨湯仲多左牛肉和胡椒香。☄️菠蘿漬鑽石和牛胸腹肉肉味重,脂肪比例較少,越咬越有味同越多汁,咀嚼感豐富,適合食肉獸。菠蘿果肉建議燒完先食,非常Juicy爽口作為甜品一流。☄️醬漬原條封門柳牛味濃郁同牛胸腩一樣,同樣滿滿嘅肉感。🍹沖繩菠蘿梳打唔會太甜同真係有菠蘿喺裏面,非常開胃🍹巨峰提子乳酸梳打乳酸同埋提子汁比例啱啱好,酸酸甜甜都幾開胃。如果唔叫嘢飲會有凍麥茶提供,非常解膩…查看更多

銅鑼灣係一眾打工仔放工覓食好去處，今日嚟試咗呢間除咗日式料理之外，仲有埋泰國嘢食嘅放題 - 瀛豐放題料理專門店☄️魚生拼盤魚生種類都幾多，包括最多人食嘅蝦、三文魚、拖羅。厚切得嚟食落唔會有筋位，鮮味十足！☄️凍海鮮拼盤包括青口、長腳蟹、螺肉同大蝦。最驚喜係有埋魚子醬同鮑魚！☄️燉湯燉湯飲落暖胃，啱晒成日大魚大肉嘅上班族。加上食完油脂味十足嘅魚生，解膩一流！☄️黃金鹹蛋薯條薯條表面有薄薄一層鹹蛋令到薯條非常鬆脆，食落鹹蛋味十足得嚟又唔會太咸。☄️泰式豬頸肉豬頸肉表面脆口又唔會好乾，個人嚟講如果有埋生菜包就好啦！整體嚟講，食物種類都幾多，最開心係有埋榴蓮雪條同埋泰式串燒，一次過滿足哂你嘅願望。…查看更多

最近去咗好耐冇食嘅炑八，估唔到宜家Menu豐富咗好多，食落都幾有驚喜！☄️長牛舌真係長到要企起身先夠高放落嚟，圍住爐邊燒啱啱好可以卷成一圈，食落有咬口，打卡一流！☄️外裙肉肉質鬆軟，醃料嘅味道又唔會蓋過肉味，非常惹味！☄️香烤豬五花肉五花肉豬味濃郁又唔會有豬嘅羶味，生菜包埋泡菜食就最啱啦！☄️韓國鰻魚 - 全份如果你鍾意鰻魚一定要試下。份量足夠四個人食，燒之前店員會幫你更換新嘅燒烤鐵板，咁就唔驚燒到痴哂底啦！☄️海鮮煎蔥餅煎餅外皮鬆脆，餡料十足！除咗海鮮之外仲有少少辣椒襯托，食落唔似一般海鮮煎餅咁單調！☄️韓國薄脆牛角酥甜品牛角酥甜品嘅雪糕口感豐富，外面係普通嘅雲呢拿雪糕，食落順滑得嚟中間夾住少少嘅綿綿冰碎，加上薄脆牛角酥同士多啤梨做成餐嘅結尾，邪惡感十足啊！整體嚟講，食物味道同質素都唔錯，想方便就腳食韓燒嘅話不妨一試。…查看更多

尖沙咀不嬲都唔少放工聚腳點，見到個名幾得意，今日就嚟咗試呢間雞煲火鍋專門店 - 香香宮煮。☄️昭陽公主椰子雞湯鍋 湯底好足料，滿滿一座椰子肉山，清新濃郁。雞肉同蜆肉都好嫩滑，蜆肉隻隻都乾淨冇沙，非常開胃。☄️艾莎公主牛肉寶盒 寶盒包括牛腱、安格斯牛柳粒、牛舌同美國雪花肥牛等唔同種類嘅牛肉。牛腱肉好彈牙同有肉味，安格斯牛柳粒口感爽口。☄️ 紫菜櫻花蝦豬肉丸 (四粒)肉丸用咗3種材料製作，分別係紫菜、櫻花蝦、豬肉。紫菜嘅香氣同櫻花蝦嘅鮮味好夾，口感彈牙。☄️伊比利亞橡果豬 伊比利亞橡果豬肉肉質爽口同豬味濃郁！☄️香香宮煮響鈴拼盤黃金即炸嘅響鈴同鹹蛋令到響鈴由外到內都係咁酥脆，表面薄薄一層嘅鹹蛋非常惹味☄️香香宮煮餃子拼盤四粒 餃子味道有4種，包括黑松露蟹、韭菜豬肉、龍蝦豚肉同蟹黃餃。黑松露餃子味親濃郁，龍蝦豚肉餃食落鮮味十足。整體嚟講，食物味道同質素都唔錯，放工想同朋友Chill吓嘅話不妨一試。…查看更多

海防道附近不嬲係一眾打工仔同遊客覓食嘅好去處。今日嚟到呢間晚市人氣都唔錯嘅打邊爐餐廳，試下佢哋嘅午餐如何。☄️川貝海底椰鱷魚湯 配 桃膠肉餅蒸飯套餐 （$78）鱷魚湯飲落清甜，飲完都唔會好口渴。飲得出係真材實料。桃膠肉餅啱啱蒸起，食落唔會太咸，完住滿足到嗰種想食住家飯嘅感覺。飯嘅份量都唔少，淨係想食飯或者飲湯嘅朋友可以單點蒸飯（$55）/燉湯（$68）。餐廳內位置都唔算少，喺附近返工嘅朋友趁住天氣仲涼涼哋不妨試下！…查看更多

今日介紹嘅係位於荃灣西嘅燒肉店 - 牛繁我地叫左Set A 超值二人套餐（$568）二人套餐非常豐富又抵食，份量岩岩好夠兩個人食。☄️蔥燒中落牛肋肉☄️木屐骨間牛肋肉☄️特上牛胸腹肉☄️ 上級和牛腹肉☄️ 薄切肩胛片（月見汁）牛肉新鮮，油脂分布平均，就咁燒唔點調味料都好好食，有牛味之餘，口感入口即溶。有醃製過嘅牛肉都好出色，醬汁又唔好覆蓋牛本身嘅肉味，相輔相成。☄️ 櫻姬腿胸肉雞肉唔韌，好嫩滑☄️蔥燒！新瀉雞皮 （$38）另外我地額外叫左份雞皮，燒完脆卜卜又非常香口，再配埋檸檬汁有少少酸，十分開胃總括而言，牛繁唔止抵食，環境都寬敞舒適，值得一試。…查看更多

今日入開屯門，同朋友諗住食少少嘢再食晚餐，就嚟試咗呢間位於屯門市廣場嘅牧羊少年咖啡館。餐廳內環境唔錯，下午茶時間人數都唔算多，所以都有幸坐到窗邊嘅卡位可以慢慢CHILL吓。☄️黑松露海鹽薯條（$68）薯條即炸呢點值得一讚，鹽嘅份量都足夠，加上黑松露醬，呢個價錢嚟講算係冇咩投訴。☄️天多利烤雞薄餅（$138）Pizza整體嚟講正正常常，少少辣味幾開胃。不過粒蕃茄唔知點解超熱，食嗰陣要小心啲。☄️香蕉朱古力窩夫配HaagenDazs雪糕（$118）兩球雪糕有得免費轉一球做HaagenDazs雪糕，份量足夠3個人分。☄️冰伯爵茶咖啡（$68）第一啖飲落有啲似黑糖珍珠奶茶，奶同啡嘅比例，奶佔得比夠重，唔太好啡嘅朋友都飲得到！…查看更多

今日趁天氣仲涼涼哋就嚟咗油庥地試呢間開咗好耐嘅 四季煲仔飯未夠7點去到已經坐咗八成人，煲仔飯款式都唔少，但除咗煲仔飯之外，現場亦都不乏叫炸蠔餅嘅客人。☄️臘腸滑雞飯 （$86）雞肉雖然唔會太多，做唔到啖啖肉嘅感覺。之不過肉身嫰滑，加埋惹味嘅臘腸同飯焦，難怪咁多人食！☄️鴨蛋蠔餅 - 細 （$72）雖然叫咗細份，但份量都唔少。蠔肉數量唔多唔少，炸粉味道都唔錯，算係幾出色！現場本地客同遊客人數都唔少，食完出去已經排滿哂人，唔想等位嘅朋友可能要早少少到啦！…查看更多

☄️豬護心肉（$158）豬護心肉食落有啲似腎，但係就有啖啖肉嘅感覺！☄️牛舌（$158） 牛舌味道正常，薄切易入口。☄️真雪花牛肉 & 喜來韓豚五花肉（$228 & $180） 牛五花同豬五花，脂肪同肉質嘅比例啱啱好，有油脂味得嚟又不失咬口。豬五花醬汁入味，唔點醬都夠哂味！☄️ 喜來烤肉（$158）喜來烤肉嘅醃味都好恰到好處，又唔會蓋過肉嘅味道。☄️ 水冷麵（$95）麵質彈牙份量夠哂多，嚟緊夏天就啱哂啦！佢地嘅抽風系統良好，到繁忙時間坐滿人都唔會好大油煙。店員定時更換鐵板同埋提供消臭劑，確保大家食得盡興又唔會成身臭賓賓！總括而言，喜來希肉唔止好食，環境都好舒適，值得一試。…查看更多

大滾友花膠雞湯鍋好足料，花膠彈牙！雞煮到八成熟，只需要滾三分鐘就食得，肉質嫩滑雞味濃郁。豉油配料拼盤款式繁多，仲附送拍青瓜小食。響鈴拼盤有兩種款式，即炸黃金響鈴表面有一層咸蛋黃，鬆脆唔油膩！傳統嘅響鈴放入湯浸完都唔會淋哂，值得一讚！牛肉拼盤有嚼勁，越咬越有牛味。伊比利亞橡果豬，肉質同脂肪比例都啱啱好，筋位爽口。蔬菜拼盤包括蓮藕、粟米、金菇、生菜、油麥菜等多種蔬菜，一次過滿足哂鍾意食菜嘅你！總括而言，大滾友嘅牛豬雞都好高水準，環境舒適，絕對值得一試。☄️ 花膠雞湯鍋 - 半隻（$328）☄️滾友牛肉拼盤 - 細 （$428）☄️ 手打鵝肝墨汁墨魚丸($72)☄️ 伊比利亞橡果豬（$228）☄️ 大滾友雜菜拼盤（$118）☄️ 大滾友響鈴拼盤（$88）☄️ 竹蔗茅根/一渣（78）…查看更多

有時食完晚飯想喺旺角搵個位食糖水都唔係咁易，咁啱比我哋喺花園街搵到呢間手搖店竟然有芋圓做配料，即刻忍唔住買咗杯嚟試！☄️芒椰小丸子（$40）最頂嗰層係芒果沙冰，下面喺滿滿嘅小丸子。小丸子煙靭得嚟又唔會咬唔爛，啜一啖就有齊沙冰椰汁同小丸子啱哂我呢啲又鍾意食又懶嘅人。☄️芋圓烏龍鮮奶茶（$33）芋圓有橙、紫兩隻色，食落大細啱啱好啱會撠住飲管。烏龍奶茶飲落茶味比較重，飲落幾順滑唔會太甜！☄️草莓の奶（$38）舖頭所有奶類飲品都用咗鮮奶製造，飲落鮮奶味好出，同草莓超夾！飲品包埋綁咗繩嘅杯套，啱哂鍾意一路行一路飲嘅人。當日我哋撞正紅雨，就算擔住遮都唔會太論盡，超感激舖頭有呢個杯套！…查看更多

最近成日都心思思想去日本，見到幾抵食，所以就試咗呢間喺康城嘅日式燒肉店午餐，順便止止我屋企長老嘅旅行癮！☄️Suki燒定食（$98）壽喜燒雜菜鍋裡面超足料，有冬菇、金菇、娃娃菜、菠菜同煎豆腐！豆腐煎過之後冇咁易散，我完全唔記得咗佢，留到最後食都仲係完整一舊！肉方面係日本牛胸腹肉，食落有咬口得嚟又唔會靭。秋冬季節食完暖笠笠就啱哂啦！☄️牛之味定食（$118）除咗枱面上嘅調味料，燒肉定食隨餐跟三種醬，包括鹽醬、生蒜同泡菜醬。三款都非常惹味，同燒肉超夾！燒肉定食有牛板肩同牛胸腹兩種肉。牛板肩油脂分佈明顯，相反牛胸腹就比較平均同有咬口。但兩款都幾重牛味！兩款定食都包有麵豉湯、沙律、中華沙律、飯同飲品。麵豉湯亦配料十足，入面有幾隻蜆仔！當日仲有埋甜品雙色日式蕨餅。一款係原味黃豆粉，另一款係抹茶粉。食落唔會太甜，抹茶味又解到油脂！飲品除咗汽水之外，仲有舖頭自家嘅樽裝冷泡茶，飲唔哂都可以拎走慢慢飲！總括嚟講，$100左右有咁嘅份量，個人嚟講真係十分抵食！嚟開康城嘅朋友不妨去試下！…查看更多

今日去開鑽石山覓食就試咗呢間位於荷里活廣場嘅人氣日式Cafe - Ocioオシオ☄️老虎蝦日式咖哩雜海鮮燴飯（$158）咖哩本身用咗多款海鮮烹調。除咗大大粒嘅章魚同大蝦之外，仲落咗好多蜆仔，加上翠玉瓜同蕃茄仔，令到口感多咗層次得嚟，食嗰陣又會有淡淡嘅海鮮香味，幾有驚喜！☄️水牛城單骨雞翼（跟餐價$58）水牛城醬酸酸辣辣，有得似食緊辣嘅蕃茄醬！雞翼表皮脆口又掛汁，加埋薯條，作為開胃或者小食都係唔錯嘅選擇。☄️綠茶大福雪山熱香餅由於係即叫即做，所以上枱嘅時候依然係暖笠笠！覆蓋喺Pancake外面嘅麻糬皮非常煙靭。切開裡面係鬆軟嘅熱香餅，加上流心嘅淡奶打卡就啱哂！雖然跟咗一球雲哩嗱雪糕，但撒滿Pancake表面嘅抹茶粉令到整體味道唔會太甜，罪惡感都減輕啲。餐廳位置闊落，就算同一大班朋友嚟都唔怕冇位。食物同餐廳裝修都非常適合打卡，經開鑽石山嘅朋友不妨一試！…查看更多