iFOOD_ProMax的个人专页

開返晚市後，keep住有好多飯局😂今期最抵飯局可以話係位於元朗雞地嘅麻辣doi 雞地一向都出名多美食，今次哩間喺一個愛辣嘅朋友點名要食嘅，就試下佢夠唔夠辣！🐟酸菜魚片(大盤）中辣除咁酸菜魚，仲有烤魚！由於今日唔想食有骨嘅魚，所以叫咗酸菜魚片！中辣好夠辣、酸菜亦都好充足！完全啱哂我口味😍🩸毛血旺有少少失望，因為竟然喺用豬紅🥲我以為會有鴨血食… 除咗豬紅，仲有魷魚、牛柏葉、菜、午餐肉🐓口水雞雞夠滑，味夠香！哩個唔錯蒜泥白肉由於味覺太靈敏😂有極少臭豬味，所以食咗一塊我就冇食了！因為唔重，所以朋友們就食唔出！哩間價錢好抵，質素都OK，又唔趕人走！同朋友聚會可以試試啊😍📍元朗鳳攸南街3號好順景大廈地下10號舖…查看更多

iFOOD_ProMax 今次嚟到長洲探訪朋友，順便四圍覓食（重點）🤣一直以來對長洲的觀念都係「大魚蛋」「炸雪糕」「串燒薯仔」等等，之後就係踩單車同埋游水，甚少都會使使尋找其餘嘅餐廳，畢竟食小食可以配搭長洲風味同埋風景，別有一番風味。今次一反常態，趁着早餐時段，完美避開所有小食的誘惑，行到到中央附近，嚟到呢間以裝修白色為主調的Cafe，試吓新事物！餐牌選擇唔多，主要都係麵包，少量甜品，沙律為主，唯一比較吸引我的就係呢個奄列套餐了。奄列套餐包嘢飲，亦可配多士，更加可以選擇配菜之後再加配菜。今次就叫咗蕃茄，蘑菇，同埋煙三文魚（減肥）上菜模樣尚算吸引，味道一流！蕃茄同埋蘑菇都好足粒，略帶鮮甜，其甜味並冇蓋過煙三文魚的鮮味。反而煙三文魚需要額外加$6來講，只有兩小片，有點不太化算。牛油多士配少量煉奶就同一般茶餐廳分別不大，個人認為未去到要山長水遠入長洲特以嘗試的水準。但係單輪遠離繁囂的心態Hi個Tea/嘆個早餐，呢個質素就剛剛好👍🏻P.S 餐廳有分室內和室外座位，如果夏天可以入室內涼冷氣，春天/秋天就建議坐出嚟感受一下海風！🥰📍長洲中學路16號地下…查看更多

辛苦返左大半日工，梗係要去食返啲甜品滿足下😍今次朋友帶到去深水埗行街放鬆下，去舊區影吓懷舊相片，睇吓皮革咁樣。突然幾過呢間迷你毛Minimal，裝修同附近的舊店截然不同，即刻已經吸引咗眼球。門外望入去見到一對對情侶，都係叫同一款甜品，大大嚿圓軲轆，結果都係忍唔住入去一齊食啦🤣二話不說即刻叫一個所有人都叫的意大利芝士蛋糕😍5分鐘就有，連個碟都係凍的。望落非常鬆軟有彈性，上方同圓周以Tiramisu粉末做點綴。切落去第一下已經感受到非常軟熟，裏面主要以朱古力餡料為主，有輕微酒味和咖啡味，並以Cream緊緊包住，每一啖都非常有邪惡感！甜品控必食！😍📍深水埗鴨寮街121-123號地舖…查看更多

係貓貓呀😍iFOOD_ProMax 的小編作為徹徹底底的貓奴，必須要去朝聖，拜一拜貓貓大人下午茶時段依然幾乎爆滿，可見各位貓奴已經被徹底地馴服。由於太多貓貓，餐牌都已經吸引唔到本奴隸，快速叫左個即磨黑松露芝士野菌大啡菇忌廉意大利飯。一邊同貓貓玩，影下相咁，野食好快到🥰 個意大利飯超香，尤其黑松露味更為濃烈。而且非常大碟，應該足夠2個標準女仔食到飽。可惜的是整碟意大利飯味道都比較單一，即使有少少辣味間中衝擊一下味蕾，整體來講味道依然不算非常突出。不過以貓貓嚟計，呢間餐廳絕對係滿分🥰大量貓貓周圍跑，打交，偷野食，訓晏教。貓奴小編滿足度Max 🥰 Cute Cute 📍旺角彌敦道566-568A號僑建大廈2樓…查看更多

雖然小編鍾意食日本嘢，但由於日本嘢真喺唔平嘅關係，有時都要食啲平民版日本菜過下口癮！餐餐omakase真喺應乎唔嚟🥹雖然小編好想….嚟到黃大仙嘅壽司郎，第一次喺壽司郎點熱食，叫咗個春季限定嘅「濃厚蟹拌麵」$32！嘩，細碗到呢😂好似葵廣啲撈面咁少碗麵好多汁，食唔出係咩汁😂不過面頭有好多蟹肉🦀都Ok嘅另外叫咗個同樣春季限定嘅「炸水牛芝士」$17!??? 食落就一般般最後都喺食返壽司😂生食比熟食好食好多下次嚟壽司郎，唔會再叫熟食了🫣食到超飽，下午茶連晚餐，兩個人埋單都係$500蚊左右💸抵食呀！📍黃大仙龍翔道110號豪苑G3樓翔盈里5號舖…查看更多

成日見到人出post食彩色小籠包，都會好好奇到底係咩味😂😂今腐有朋友要求想試下，一於一齊去感受彩虹的味道🌈店舖位於旺角雅蘭，地點絕對係方便，喺雅蘭入面亦都有幾間餐廳，下次可以去試下😆由於一早book咗位，可以直入！但入到去發現都唔係太多人，唔洗book位都得！ -兩個人叫咗:.肉碎欖菜四季豆$85正正常常，屋企炒嘅味道🥹.李白醉雞$85味道都夠入味的，但喺啲雞就比較鞋….蟹粉炒飯$128哩個性價比超低🤣啲飯又少，個蟹炒亦都一般般，但價錢好貴.特色皇朝小籠包(8粒) $118最好食應該喺哩個，皮夠薄，餡夠多汁，可惜啲味太特別，個人唔太喜歡，估計原味的小籠包會好食好多😂😂.哩間我估計唔會要翻食，因為質素一般，但價錢貴！性價比不高！-📍旺角彌敦道639號雅蘭中心2樓203及205號舖…查看更多

元朗好多omakase，「寿司の神 」喺我喺元朗食嘅第2間omakase 一如以往都係食晚餐，因為晚餐質素普遍較好Omakase真喺唔平，一年可能只會食1-2次🥹好想食多啲呀！今次叫個$1600/位嘅set 佢嘅配菜好好食😋啲醃牛蒡同醃蒜粒 壽司嚟講，乜款都有😋貝類魚類都有🐟啲魚好鮮甜好新鮮！😵😵😵最後師傅話啱啱底北海道海膽好靚，開咗比我地睇👍🏽最後忍啱住口每人叫咗一件！多謝$140/件！大約喺哩個價😂我都唔係好記得！ 食物質素goodgoodgood 🍣服務質素goodgoodgood🧑‍🍳如果價錢再抵啲就更好了💸📍元朗馬田路安寧大廈20-30B七號地舖…查看更多

iFOOD_ProMax 係疫情底下，偶爾都會買下外賣去郊外野下餐咁今次經過黃埔花園的壽司郎大排長龍，既然都冇可能等到堂食，就決定左直接買外賣盛盒Set B。三人份量Set B有火炙羅勒三文魚，火炙芝士三文魚，火炙左口魚裙邊，火炙帆立貝，火炙鰻魚，火炙牛肉，火炙鯖魚，火炙赤蝦（各3舊）值得一提的是火炙左口魚裙邊真係非常肥美，油脂飽滿，咬口彈牙，魚油滲透落壽司飯，惹味非常整體黎講，外賣質素其實同堂食幾乎冇分別，鮮度即使係提取後30分鐘都足以保持。加上正值冬天，氣溫對於食物都有加乘😆不過夏天就建議都係乖乖排隊堂食la🤣📍紅磡黃埔天地享膳坊(第4期)地下G10號舖…查看更多

iFOOD_ProMax今次黎到尖沙咀的富士山55(拉麵沾麵專門店)Fujiyama 55 (ramen.tsukemen)😍由於前一晚係附近Staycation實在飲得太多酒，周身唔舒服，決定食番個暖笠笠的沾麵補一補！平平地叫左個特濃豚骨沾麵$88真係諗住轉下胃醫下肚就算，點知食落非常有驚喜！仲以為特濃豚骨湯會令到個麵底好鹹，會蓋過或者搶走其他食材味道。點知完全冇！豚骨味同其他食材鮮味早已融為一體，相處得非常和諧。可能因為冬天關係，麵底放一陣就好快開始變硬，好彩豚骨濃湯係用石鍋keep住座熱，將麵條放入濃湯中5秒左右，再放入口，味道和溫度都啱啱好👍🏻最後當然要加入熱湯，將剩餘的豚骨濃湯飲得乾乾淨淨🤣📍尖沙沙咀麼地道75號南洋中心地下7-8號…查看更多

今次iFOOD_ProMax 帶左個朋友黎尖沙咀Outdark(厚福街)慶祝生日🥰 由於我地兩個都好耐冇食過韓式料理，又想感受一下氣氛，就黎到呢間極靚裝修的乾式餐廳食Lunch 喇！😆由於大家都比較細食，淨係叫左2個餸：韓式炒年糕鍋配炸魷魚 $328東萊海鮮煎餅 $118呢個韓式炒年糕鍋配炸魷魚幾乎係Outdark必食之選😆先唔講味道，上菜時真係嚇死人！超級大碟，起碼霸左半張枱，當時已經有點擔心2個人食唔哂（結果係食左一半就飽）🤣店員仲會好貼心咁幫手剪開魷魚，方便我地夾到，再加上魷魚已經係炸好，點埋醬汁就已經非常可口，滿足感Max 😆至於東萊海鮮煎餅都係非常足料😍煎餅外脆內軟，海鮮岩岩好熟，餅饀軟綿綿的，口感一流！抵食！…查看更多

由於iFOOD_ProMax對咖啡都有啲要求，好少會飲商業用豆，所以去飲咖啡都會左睇右睇先行入去☕️哩間位於朗屏站附近嘅cafe ，一直都bookmark左好耐！工作太忙關係，一直都未有時間到訪！本身都已經忘記咗咁濟，突然有朋友間我去唔去朗屏食飯，先醒起有哩間🤤即刻約佢tea完先再dinner 💛半份窩夫（伯爵茶忌廉、楓糖漿配特濃朱古力雪糕）$65個忌廉值得一讚，超香嘅伯爵茶味，感覺好特別另外窩夫外脆內軟，口感啱啱好佢咖啡有好多款，但唔係每款都有供應，咁啱嗰日得獎咖啡🏆唔係我好啱我口味，所以叫咗其他款式💛水洗巴拿馬藝技$120介紹講到會有茉莉花、馬鞭草、伯爵茶、蜜糖香味 咖啡嚟到，先聞一聞🤤好香嘅花味，應該就係茉莉花味另外飲落都有啲甜甜地嘅蜜糖味但伯爵茶同埋馬鞭草嘅就唔喺太突出👍🏽👍🏽📍元朗安寧路162號金城樓地下D號舖…查看更多

今次同朋友慶祝生日，係尖沙咀附近Staycation。呢間十和田總本店Towada Sushi 大排長龍，有起碼20人係門外等位，好彩一早book定個靚位，即刻有得安排入座！😆叫左三色丼，火炙魚生飯，甜蝦刺身，火炙左口魚壽司特別講講，三色丼賣相非常出眾🥰分左3個細碗，有呑拿魚蓉，海膽，蟹膏蟹肉，打卡一流！不過魚生下的飯略酸，而魚生放係上面實在太吸引已經食哂，變左下面的飯就比較失色，就此放置了其他都唔錯，下次都會再光顧🥰📍尖沙咀金馬倫道42號華懋金馬倫中心地下…查看更多

Weekend去大澳郊遊，臨走前經過華記香脆雞旦仔好似都有啲人排隊咁，見仲未夠鐘搭船，所以就排下，睇下喺咪真喺咁好食😋因為記得睇過評價唔差好彩唔洗排好耐，15分鐘左右就到我，叫咗一個原味雞蛋仔💛好耐冇食過呀！一路等就一路好期待🤤拎咗上手，即刻相機食先😂都喺比佢涼少少脆多少少🤏點知….有啲失望 ！一底都唔平$25一底！但竟然外面唔夠脆，裏面又唔夠軟🥹好傷心！ 好失望！估計係weekend人多關係…為咗做多啲生意而令水準下降下次見到有人排隊，更唔應該排！📍大澳石仔埗街121號地下…查看更多

iFood_ProMax又黎到荔枝角覓食尋寶喇！今次有朋友介紹去呢間隱世小店 Baron 食蒜香柏士圖黃金軟殼蟹意粉！坦白講，個外表是非常吸引的🥰 工廈區$62食到金黃色的軟殼蟹係相當有驚喜，第一眼望落都賣相滿分，軟殼蟹咬落外脆內軟，處理得洽到好處，值得一讚相比之下，意粉就顯得格外普通，味道也徧淡（並唔係因為軟殼蟹較濃味，而係意粉太多但醬汁未有跟上適當比例），有點可惜。另外就係等意粉上都等左一段時間，大約都20分鐘左右，就算係即叫即炸，20分鐘都有點長。長都唔緊要，落單時侍應都冇特別提醒相關食物製作時間(例如平時叫焗飯都會有溫馨提示15分鐘等等)，變相同座的朋友叫的野食都到齊了，我都仲食緊西北風，希望下次叫其他野食會比較快上菜🤣📍荔枝角通州西街1059-1061號新光工業大廈地下A室…查看更多

約咗屋企人去大埔，早一日諗定食咩好！全家都係日本迷😂所以一致決定食日本菜，唔洗拗😂由於怕夜晚人太多，所以朝早就book定枱先叫咗兩個壽司拼盤、散叫咗少量壽司同埋小食先講下個拼盤，價錢唔貴，但質素比想像中好😲唔會薄切，而且食材新鮮另外散叫咗壽司，其中三文魚壽司厚到一個點😵整體嚟講，擺盤靚！賣相靚！環境舒適！服務一流！食物質素嘅性價比高！高質高質高質！絕對值得推介啊！📍大埔翠和里1號永發樓B座地下…查看更多