懶羊Jim的个人专页

朋友帶我去灣仔食lunch ,因佢喜愛食Steak,去到餐廳，好warm ,裝修好似去左歐洲既感覺。先見餐牌在枱面，有個steak 套餐，諗緊之制，見到隔離枱食緊Ribs, 非常吸引，原來餐牌冇寫出來架，所以叫了個Ribs。店員先送上餐包，熱㷫㷫的，加上caramel butter & butter 搽上餐包，非常香。再來Cesar salad, 好大碟，生菜爽甜，芝士碎香。到主角出場，果然震撼，好大條Ribs 呀！而且有好多薯條，豬肋骨上滲透了燒汁，BBQ 味濃郁，肉質又入味又淋，好食，冇叫錯。餐飲叫了mocha ，冬天叫杯熱飲，暖在心頭。…查看更多

今天同朋友去觀塘工廈食lunch , 見到餐牌好多選擇，尤其是有多款創意反卷，點了自選湯麵拼卷物，$88 可以滿足三個願望，叫了醬油烏冬，外賣碗湯同烏冬分開裝，太好了，溫泉蛋夠溏心喎，烏冬口感彈牙，一款創意壽司-叫了火山，好似一座山咁高，面鋪的是帶子和蟹柳肉堆砌成一座山，還有大量蟹籽，口感層次豐富，反卷是青瓜、牛油果和蟹柳壽司卷，好豐厚！另一個反卷叫了費城卷，材料係三文魚，芝士和牛油果，這個套餐實在太抵了。另外追加了兩款素食壽司，叫了玉子$22和腐皮$22，兩款都甜甜地，好味。跟餐還有麵鼓湯和凍飲，實在太超值了。…查看更多

朋友帶朋友去觀塘嘅工廈到食嘢，這餐廳賣點烹調以冇味精少鹽少油，非常健康，價錢劃一，而且非常超值，沙律吧有甜品，生果同菜芯添。還可任飲，今日既住家靚湯有粟米赤小豆湯，夠清潤，沙律吧都好多選擇，喜愛有枝豆，主菜點了鹽燒鯖魚飯，驚喜好大條肉質鮮甜，完全唔腥，魚油咪香，還加了秘製蔥油，餸飯一流。另一個餐，朋友叫了香茜鮮菇炒意粉，鮮菇好多，意粉炒熟度剛好，彈牙。再食埋啫喱，大菜糕和生果，還有檸檬茶任添加。價錢非常超值$62一個餐，仲要冇加一。…查看更多

最緊見朋友在網上分享了食日式鐵板燒非常吸引，於是跟隨試下這間虎鐵鐵板燒，這日本餐廳充滿日系感覺，入到餐廳已見師傅親身幫客人在鐵板上面泡製不同菜色，好像表演一樣。看完餐牌，叫了個主廚推介套餐$980的一人前。先來個松葉蟹肉沙律，蟹肉鮮甜，加上粟米片脆脆也是甜的，雙重甜味。下一頭盤也明貴，是海膽黑松露溏心蛋，黑松露味好香，蛋黃香濃夠滑，海膽味鮮甜。之後這道菜是前所未聞的，真的未聞過由菊花去做煙燻帆立貝，好清的花香味，嗅覺同味覺一大享受。而刺身級的珍寶帆立貝更出重，口感彈牙，滲了陣陣菊花香味，緊隨襯上一小杯甚有品味的的紅酒啫喱，可用來清一清味蕾。到另一名貴菜色，活鮑魚配蟹肉海苔醬，鮑魚彈牙，鮮甜，點上蟹肉海苔汁，增加滑滑的口感，加了三文魚籽，增添更多海鮮的鮮味。再來的是法國鴨肝，賣相伴碟好精緻，鴨肝的油味好香，煎至半生熟，好滑，下面配了青蘋果可減去油膩感，還有一片焦糖青檸，非常好的配搭。之後到重頭戲-A5和牛，叫了五成熟，油脂味好香，唔算入口即溶，有啲嚼口，帶出牛的鮮味，旁邊有喜馬拉雅山岩鹽及日本碳鹽黑色，可供調味，或配上獨子蒜片，好香口，伴菜是燒野菜，好香口。再來清酒煮馬刀貝，好清甜，簡單得嚟都唔錯。最後炒飯，簡單得來也加了松葉蟹肉，飯粒炒得好乾身，甜品是雪葩，叫了椰子和芒果味，令這晚更完美。…查看更多

去深水埗買電子產品，見到基隆茶餐廳外牆甚有色彩，原來這店位於超過七十年樓齡的大廈，可見充滿歷史痕跡。 而且係黃店，所以支持下。叫了西多士拼雞翼下午茶餐，有花生醬餡的西多士點上糖漿，好味，雞翼都好脆。下午茶餐的炒粉麵都好抵食，就叫咗碟乾炒黑椒牛肉烏冬，熱㷫㷫，有鑊氣，牛肉夠腍。再叫多個叉燒滑蛋飯，叉燒都多，下午茶，真係抵食，好味道。…查看更多

銅鑼灣這間火鍋店食材新鮮，裝修有特色，地點夠高級，食物賣相都好好，先經過走廊有個自助醬料區，可自選醬料，最正有炸蒜片。今時同朋友四位，店員推介可選四人套餐HK$1480，餸菜豐富，包括一個小食，鴛鴦湯鍋、肉類拼盤、蔬菜拼盤、什錦拼盤和冰豆腐。個名有來歷，野崎手握蝦卷，皮脆，肉質有濃濃的鮮蝦味。鴛鴦湯底，想飲淡湯又唔想太重口味，呢度有蕃茄豬骨薯仔湯，就啱曬，又健康，蕃茄味又開胃，粟米夠甜，有四大件，又有薯仔同蕃茄，食湯渣都半飽。而沙爹湯底，都好惹味，仲有豬皮好彈牙，蘿蔔夠清甜。冰豆腐，口感軟綿，豆味香濃。什錦拼盤有飛魚子鳕蟹柳、手剁牛肉餃、沙拉海鮮包和豬肉丸。豬肉丸好鮮甜，肉味濃郁，好彈牙。蟹棒釀了飛魚子，好滑。而牛肉餃，饀料好結實有啲爽爽地，好似馬蹄或沙葛。另外包芯醬爆丸。肉類拼盤有乾冰伴碟，賣相好好，拼盤內有手切A5野崎牛肩肉、至尊天九牛腩頭、至尊寶崩沙腩、牛脷芯和黑毛豬肉。薄切牛脷芯，入口爽彈，牛肩肉，肉質好淋，牛肉味香，夾埋炸蒜片食，一流。另有牛腩頭，牛味更濃，有嚼口。黑毛豬肉，豬肉加肥肉各半，口感同樣滑嫩，還有什菜併盤，包括生菜、菇、粟米和黑木耳。套餐非常豐富，又可飲滋補靚湯，肉類併盤食材又高質，座位環境都好舒服呀！…查看更多

周圍食肆都推出優惠，見掌壽司都做了午市訂枱特價七折，真係好抵，如冇訂枱都會有八折架。叫了刺身定食$168再七折，真係好抵，魚生質素好高，這定食有帆立貝、赤海蝦、三文魚、油金魚和海膽，全部都有兩片，除了赤蝦，而且是厚切。麵鼓湯有海帶同豆腐。海膽新鮮又甘甜，茶碗蒸，嫩滑的雞蛋，加上鮮菇，日式調味的味道，赤蝦好巨型，爽口。飲品方面我便選了蜂蜜生姜茶，好滋潤，有生姜絲，飲完口嚨好舒適。牛肉壽喜燒湯鍋$128 七折，牛肉份量好多，唔會好肥，肉質有嚼口，牛肉味突出，湯味夠甜，肉味配了鍋中的蔬菜，餸飯一流，白飯有少許黑芝麻點綴，好食，配菜還有枝豆，大愛。。甜品選了Haagen-Dazs 杯裝雪糕，好落本喎！…查看更多

朋友介紹，尖沙咀有間日本串燒店專食豬，而且非常高質，我同朋友都愛食豬肉，於是跟呢位朋友一齊去試下。見有一張長Bar 枱，主要係用來燒烤的，吧枱上放了不同的豬擺設，非常別緻。沙律叫了蒜子蕃茄$28，有香蔥、醋和蒜味，好開胃。叫了刺身盛盒5款$298，有名貴的海膽、赤蝦、三文魚、帆立貝和油甘魚，食材好新鮮，魚生厚切，好肥美，赤蝦好大隻。期待已夠的豚肉串，即刻叫了幾串先，呢串係西班牙夾心肉$38一串，燒烤可以燒出肥膏，令外表香脆，中間層夾心肉，帶出豬肉的鮮甜味。再見到一串個名好特別，讀左幾次先讀到，白金豚肉林檎紅薑卷$38一串，白金豚肉肉質好淋，林檎原來係蘋果，好創新的配搭，好夾。再來是白金豚肉流心蛋卷$38一串，流心蛋加埋櫻花蝦同薄豚肉片，豬肉片好香脆。食左幾款豬，試下另一樣先，見到有白鱔串$52，當然要試下，鱔的底部都燒得好脆，魚肉又厚又彈牙，鱔味好濃郁。紫蘇豬肉卷$32，紫蘇葉襯埋豬肉原來又幾好食喎。另一類的豬肉烹調手法，月見免治豬肉串$58@，滑蛋加免治肉味，口感好滑，加上濃味燒醬汁，好惹味。日本青椒芝士豬肉卷$36，青椒加芝士都好夾喎，兩樣都好濃味。叫埋串燒必食的燒雞翼串$32，雞皮燒的香脆，雞肉唔會乾。煙燻豬腩$64，未食已聞到好香味煙肉味，彈牙。最後叫了燒菠蘿$32@，好驚喜有成塊脆焦糖，菠蘿味好似蜜糖般甜，又多汁，好好食。飲品叫了杯乳酸梳打。…查看更多

牛肉控的我，去和匠食牛大餐，套餐名好獨特，叫牛魔再現$630，包左三款牛肉，以日式燒肉方式，前菜叫了個香蒜牛油黑松露焗雜菌$78，用錫紙包住，令菇保持濕度，牛油同黑松露味好香，有金菇、雞脾菇、鮮菇和靈芝菇。另外叫了磯煮鮑魚$98，醃漬過，好入味，口感煙韌，味道甜甜地，名貴冷盤，還有配菜牛蒡，有啲人蔘味度的牛蒡，真係又好食又健康。飲品叫了Passion fruit soda, 夠清涼，passion fruit味清甜。店員送上牛魔再現，好期待，牛肉質素好高，店員幫忙燒牛小排，詳細講解三種肉如何燒法，建議我們燒牛小排時，見到有血水滲出時才可反另一面，果然非常香脆，肉味香濃，店員介紹可蘸燒汁。然後再試美國牛角切，店員教路放下後，用夾碌下佢，等六面都可燒到，目的先鎖住水分，肉質都很彈牙，肉味夠鮮。最後可燒日本產A4和牛肉眼，店員建議放下後，燒到個火爐搶火，稱為Magic moment,先反轉，時段其實好短，一反轉見好靚的格仔紋，入口即溶的口感，牛脂香味濃，放在最後食果然冇錯，因薄切，又唔會太肥膩，店員介紹可蘸柚子醋，一解和牛的肥膩感，又帶出牛肉甜味。店員服務真係好週到。再叫碗和匠海神稻庭烏冬$96，裡面有多款海鮮，有一大隻帶子、魷魚鬚、魷魚圈、八爪魚鬚，蝦和粟米，配上豬骨湯底鮮甜，烏冬又彈牙。非常滿足的一餐。…查看更多

日本濱燒香港有好多間，但食材又新鮮，服務又好都算呢間磯野水產，這裡的濱燒同日本菜式，真係可以媲美置身日本的餐廳。叫個前菜鯷魚醬$34，係用了多春魚及沙甸魚製成的鯷魚醬，醎香味濃，點蔬菜好夾，清爽，店員介紹今日有個白魚湯$48，果然冇介紹錯，真係好清甜，夠滋補養顏。菜方面，叫了炒枝豆$68，用左調味醬汁，好惹味。最期待海鮮濱燒，叫了味噌虎蝦$198,店員在店中間的長枱有幾枱濱燒爐，不停幫客人燒海鮮，我見佢地燒虎蝦好有心機，又灑鹽，又放味噌醬，控制火喉相當專業，好大隻，夠爽口，面鋪了卜卜脆的鮮甜蟹籽，口感多層次。另一濱燒叫了味噌蟹甲羅燒$88一隻，因我非常喜歡味噌味道，較重口味，有好多新鮮蟹肉，可以夾埋青瓜片，夠清爽，夾梳打餅又夠脆口，食完濱燒想即時叫杯酒餸下，叫了杯烏龍茶割燒酎$58，有whisky酒香味，清清甜甜，唔會太啃。燒自家製一支干雞翼$118/4 隻，好香脆，面有芝麻香，燒得剛剛好，啲雞皮油脂咇曬出來，令雞皮更加脆口。再叫本店推介的磯野壽司盛盒八款$328，可以一次過品嚐八款高級壽司，分別有赤蝦刺身，黑松露帆立貝壽司、海膽軍艦、磯燒鮑魚壽司、和牛壽司、三文魚壽司和吞拿魚腩壽司，真係好滿足。好似未夠飽，叫埋稻庭冷烏冬$68就剛剛好，加埋隻鵪鶉蛋好滑，還有wasabi同香蔥放埋入冷麵醬汁食，好爽口。好滿意，捧住個肚走。…查看更多

今天去了潮州飯店日日香，因為我很愛吃滷水鵝。一坐下，店員奉上靚茶一壺，仲係免費添，服務。很好。餐廳座位寬敞，點了招牌的滷水鵝脾飯$88，都好經濟，好大隻鵝脾，鵝油味香，肉質滑嫩。配菜還有酸菜、炸花生、豆卜。另一碗叫了滷水雙併-鵝肉墨魚片飯，墨魚片夠爽口，鵝肉都好似鵝片咁，每片都啖啖肉，真材實料，還可蘸滷水汁和醋，充滿潮式味道。加了中湯每盅$10。足料，以燉方式好入味，夠滋保，材料有烏雞、瘦肉、南北杏等。覺得未夠喉，見到滷水豬腩肉$28，超抵食，叫埋先，腩肉肥瘦均勻夠淋，保留豬肉鮮味，又唔會太咸，底下還有豆卜，好大碗。還有甜品售賣，綠豆餅可試食，味道似太陽餅，因太飽太滿足了，下次一定要試下。…查看更多

今日想食濱燒，相信這間都算係銅鑼灣數一數二，就算而家疫情，入到餐廳都依然坐滿人。先叫前菜～沖繩風沙律$138，以前要去旅行先食到，估唔到而家響香港餐廳都品嚐到，主角沖繩海葡萄口感卜卜脆，有海水咸味，加埋沖繩苦瓜，天衣無縫，唔苦，清新，配搭了多款魚生，有三文魚、油甘魚 、帶子、魷魚，加上沙律醋，酸味味的，這間出名海鮮日本空運海鮮，當然要叫多啲海鮮啦，有西班牙活生蠔$136/2隻，非常吸睛，好巨型，又肥美，店員燒得好有心機 八成熟，保留滑溜同生蠔肉汁及礦物味，南非活鮑魚$196/2 隻，上枱時還活生生的，店員有心機地燒，食時口感好彈牙，鮑魚鮮甜味好出，店員介紹可蘸醬食，有海鮮醬，柚子胡椒，七味味噌醬，北海道鱈場蟹腳濱燒$196，用火槍夾功燒，蟹腳又粗壯又長，好多肉，一梳梳肉，蟹味好鮮甜。北海道帆立貝$276/2 隻，店員有步驟細心幫我地燒，先煎開裙邊，再拎入廚房洗淨，之後一隻用清酒燒，一隻用牛油燒，燒至7成熟，清酒好清甜，牛油燒又香，又爽口。再叫了個福井越前蟹寄世蟹鍋$298，店員教見滾起壓下材料，再煲多5-10分鐘便可進食，個湯好清甜。叫了杯巨峰梳打$38，好清新。最後叫了蕃薯雪糕$68，好甜呀！真係好似食緊蕃薯咁。…查看更多

今日經朋友介紹, 去銅鑼灣食日式串燒, 因為呢間餐廳好特別, 專門食牛內臟, 非常吸引。前菜叫了生野菜沙律$28 , 有椰菜, 甘荀, 青瓜, 酸蘿蔔, 店員送上特色麵豉醬一齊點來食, 好濃味,  巨峰梳打$48，酸酸甜甜好開胃，牛肋條$36, 好淋, 有牛肉香味，秋葵豚肉卷$38必叫，平時食秋葵，口感滑溜，但用了串燒方式，又好脆口喎，加上豚肉肉汁，好鮮甜。雞軟骨$28, 有嚼口，用野菜包來食，口感更有層次。雞皮蝦卷$42，大蝦串燒永遠係首選，今次外面包了雞皮，原來會咁好食，再點綴了紫蘇葉，真係另人回味。叫了條燒魚，肉質幼嫩，好鮮味，牛草肚$40，即平時的牛肚，好淋，牛沙瓜$36，真係字聽過，第一次食，有一層層邊位，燒得好脆口，牛香味濃。廣島蠔$42，好多汁，牛骨髓$40，軟綿綿的口感，好獨特， 配了面頭蔥花，好香。之後叫了橫隔肌組盒$138，橫隔肌牛平時會在西式扒房食到，味道較濃，中間燒至半熟，口感軟淋，多汁。第一串醬汁是黑芝麻糊，嘩！好有趣，有糖水黑芝麻糊香味，配搭了牛肉味，好獨特，味道有層次，另外有蜜糖芥辣、Wasabi酸瓜同蒜香香蔥的橫隔肌，感覺創新，一次過滿足了四個願望。雞尾$28，唔好以為是下欄菜，今次都係第一次食，其實好香油脂香味，皮薄脆口，好香呀！和牛脂$42，平時食和牛貪佢的油脂香，今次想品嚐成塊和脂，雖然好斜惡，入口即溶，真係好香牛油味，咸牛肉飯團$38，新鮮配搭，外皮又脆又香。食完大滿足，食得出老闆同大廚都在串燒上下了很多苦功，而且好創新，選用了不同部位配上不同醬料，非常大膽及有心機之作，值得再次來食。…查看更多

經過天文台道，見到呢間裝修好chill既酒吧，有open area，對於而家疫情未受控制，每個人都想有多啲空間，呢度就啱曬。入到餐廳有個好大好grand既酒吧。店員安排坐在一個充滿草叢的型格corner,坐低後，想叫杯coffee再問店員有冇dessert介紹之製，一個外國藉的店員隨即介紹有個high tea set , 我問咁幾錢，佢竟然話HK$98, 仲包兩杯飲品，我原本想叫一杯咖啡都要$30 啦，所以咁超值，即時落單。我們選了Vanilla 同Caramel latte，Vanilla 好香，另一杯係Caramel Latte, 焦糖味濃，口感好滑隔一陣型格的甜品架送上，因呢間餐廳以墨西哥菜為主，先由上而下，食左個墨西哥粟米片先，上面係濃味的辣醬肉豆，好惹味，味道就像墨西哥肉醬味。隔離有兩款酥皮鹹點，一款的餡料是菠菜蓉，中間軟綿綿熱辣辣，好食，另一款酥皮卷裡面係腸仔，向來腸仔卷都係無得輸，好香口。中間果層有三款芝士餅，第一款好像American Cheese cake 味道，中間的有custard 味，而右邊紫色係好似mixed berries 味，酸甜味的。最尾一層係有三款macaron,但形狀係長條形，好特別，Macaron 味包括了Caremel ，Chocolate 同Strawberry 味，裡面還有果醬添。好sweet 呀！呢個tea set真係平絕香港，仲要今日星期六都有，星期一至五有都唔出奇，仲要時段好長，由12:00-6:00pm都有，真超值。下次要試下呢度既正宗墨西哥菜先得。…查看更多

Happy Friday 同朋友行完旺角想搵間餐廳食少少野，坐下，於是去了Amplifier，門口有條好搶眼的LED螢幕樓梯，入到餐廳，見到裝修好Raw，以磚為主牆，又有不同攞設，坐低後被台上的live band吸引住，原來餐廳逢星期四至六都有live band或有歌手自彈自唱，為餐廳增添左不少氣氛, 啱曬同朋友暢談，坐一個晚上。先叫了新鮮藍青口配白酒忌廉汁$178，呢個菜式係餐牌見到已非常吸引，估唔到上枱時，同相差不多，份量都多，藍青口好大隻，蘸上濃濃幼滑的忌廉汁，有微微的香酒味，加上洋蔥粒，非常好食，旁邊伴了多塊餅乾，非常脆口，用嚟點湯汁，好夾，索曬入多士好好食。再叫了個香煎鵝肝$128，好厚，外脆內稔，鵝油香味濃，還伴了蘋果蓉醬，配搭得非常好。再叫了杯熱奶茶，好滑，茶味都出。…查看更多