阿秋的个人专页

由佢開業到而家，間中都會黎幫襯下。初初真係又平又好食的，亦都無咁多人，唔駛等好耐。但自從米芝連推介過之後、就次次黎都要等成個鐘，但未搬鋪前都仲算抵食好味。事隔一排發現原來細鋪搬大鋪，夜晚10點唔駛等位又好餓，諗都唔諗就入左去，坐低後見到好多鬼佬同遊客就知出事，有個疑似經理掛住同鬼佬吹水，而其他店員就十分忙碌、寫好點心紙就叫左位侍應來，果位女侍應就只係舉起手指示意我係咪一個人，我話係一個，佢就點一下頭，再問佢要杯茶，佢又點一下頭，完全無出過聲，又無笑容又黑口黑面，嘩，呢d 係乜野服務？最後想點個芒果卷帶點回家，另一位侍應就皺晒眉而又好唔耐煩咁話無啦賣晒啦。真係呢⋯⋯無咪無囉，駛唔駛皺眉呀。點解個個侍應都咁既面口，無一個友善。點心已經無以前咁好食，茶芥每位6蚊但只係有色既茶，完全無茶味，快餐店茶包都好飲過佢。咁多年來，第一次有下次唔會再黎既想法。…查看更多

幾年前, 呢度仲播緊MTV既時候, 我可以話佢係好食過譚仔好多。但近幾年, 水準每況愈下, 一次比一次差, 而家直情係差到不能接受。中午時份, 客人不多, 枱上果份疑似宣傳菜單, 又大份量又中份量, 幾百字, 我睇黎睇去都睇唔明。拎張點餐紙,要個小鍋米線, 畫左幾樣配料,交俾阿姐, 侍應既服務態度一向唔好, 麵檔一間, 唔會有期望。不消幾分鐘, 碗米線0黎啦, 我要多莞茜多蔥, 嘩, 得果兩"執",搵阿姐補多0的俾我都係多兩"執",同以前比爭得遠。夾多兩"住"米線, 唔係0麻, 夾出0黎真係芽菜多過米線, 大份量原來就係咁, 間直係呃$ ! 乜都縮水, 但價錢又愈來愈貴。如果我嚮張點餐紙圈住走芽菜, 會唔會多番0的米線? 我唔知。 但相信唔會有下次。…查看更多

牛頭角食肆本來就不多, 近月開了一間新的茶餐廳, 小妹就分別試過他們的早餐及午餐。早餐 ----點了個沙嗲牛肉面配炒蛋厚多士。沙嗲湯一點也不像沙嗲, 湯底竟是米黃色, 很淡, 還有辣椒, 個人認為這個只是變辣了的清湯底, 不像沙嗲。炒蛋很不夠滑,煮法似玉子蛋, 牛乳味是有的, 但就沒有蛋味, 如果以"滑蛋"來做賣點實在不行, 麵是大光面, 沒什麼好說。厚多士份量足, 但牛油太多了。午餐 ---- 點了個芝士汁雞扒撈丁, 芝士汁味道尚可, 只是雞扒味道有點偏濃偏咸, 跟芝士撈丁不太夾。份量可再大份多一點, 小妹食量不大, 也完全不覺飽。餐廳整潔光猛, 只是枱椅太密, 人多時有點逼。店員態度親切有禮, 服務也很好:)。 飲品大大杯的, 食物價格也未算很貴。於牛頭角這個小地方, 有客流不難, 但如要客人一再光顧, 食物品質真的要改善一下呢。 …查看更多

此店於淘大迄立多年, 小妹多年前只食過一次LUNCH, 但已毫無印象, 今次就試下食晚飯~蕃茄濃湯肥牛烏冬: 碗很大, 感覺很KING SIZE, 但實則份量正常。蕃茄湯不夠濃, 但味道OK, 手打烏冬夠滑但不夠彈牙。鐵板牛肉: 端上枱時香氣撲鼻, 份量也很多, 牛肉味道偏淡, 加上醬汁會好吃一點炸蝦餅: 一般, 醬汁好味什錦魚生飯: 這個魚生飯裡面有很多薑, 平常魚生飯都唔會有咁多薑亦都唔係放呢種薑, 感覺好詭異! 白飯偏酸, 魚生粒也不夠鮮。此店裝修簡單, 比較親民, 食物水準算不上出色, 但倘算有誠意, 價錢合理, 服務也不錯, 難怪咁多年仍可以嚮淘大站得住腳:)…查看更多

平時好少踏足長沙灣，食店有好多但吃日本料理的既就唔多，小妹是晚特別想食日本０野，行行下見到呢間，就諗住試試。點知呢間０野真係唔多掂。餃子雞亦：預左佢得２隻，碟０野０黎到俾佢嚇一跳，勁ＭＩＮＩ　ＳＩＺＥ，咬２啖就係左，咁就＄２８，勁唔抵！麵豉湯：勁咸，飲左一啖就無飲豬軟骨鍋：豬軟骨唔夠＂林＂，咬落去好似食咁雞軟骨咁牛肉壽喜燒鍋：成個鍋都搵唔到一片完整既肥牛肉，全部都係牛肉碎，但就勁多金姑同配菜手打烏冬：不夠彈牙，湯底雖然似係豉油湯，但係甜的本來想食吉列豬扒，但見到隔離枱食，塊豬扒炸粉啡啡黃黃又好乾，賣相一０的都唔吸引:(期間有位廚房店員經常出入，仲不斷講粗口，都唔知做乜，有０的嚇人囉！唯一要讚既係呢間小店既侍應都很殷勤，而且洗水間後巷都好乾淨，好少小店可以保持到呢種衛生程度！可惜食物質素實在麻麻，番到屋企仲勁口喝，即使下次再經過長沙灣，都無可能再０黎幫襯！…查看更多

嚮黃埔見過呢間和光, 但次次行過都覺得好多人所以都無試過。今次約左朋友到銅鑼灣食飯, 就即管試下, 之前book左枱, 所以唔駛等就可以入座, 價錢都ok, 雖然星期五,六, 日比星期一至四貴, 但比起好多食日本網燒既餐廳呢度已經好抵, 況且仲係放題!!!侍應服務都好殷勤同好有禮貌, 但有時又覺得好煩人, 不斷咁幫我地燒肉, 仲好似被監視有無燒燶舊肉咁, 打擾左我同朋友傾計, 呢一方面佢地可以改善一下。食物方面都ok! 佢地送既一份安格斯牛味道好好, 最中意食佢既大蝦, encore左幾次~而厚切牛舌都幾好味個人認為和光好食過牛角~可以繼續幫襯:):):)…查看更多

之前去幾次都係旺角果間, 等到人都癲。見深水埗呢間新開又少0的人, 就來食下。點知0的水準真係天同地, 佢既食物質素, 普通一間酒樓都可能好食過佢, 蝦餃燒賣完全唔掂, 下次米芝蓮0的人來呢間再試食的話, 一定被除名! 服務更加惡劣, 隔離枱坐正冷氣機下面, 冷氣機滴水, 佢地叫人諗住轉枱, 0的阿姐唔想轉, 拎左條毛巾0黎放嚮枱墊住0的水滴, 仲要加句"咁咪無事囉", 真係俾佢吹脹!…查看更多

難得入荃灣就諗住搵0的好食既0野, 平時又無咩鋪頭係食薯粉, 諗住試下呢間, 點知完全唔掂, 個寬粉韌到無朋友! 可能係我0的牙有問題啦, 0趙左十幾廿下都仍然吞唔落, 連用門牙都咬唔斷既寬粉,食左幾"住"我終於投降!!!! 成碗擺左嚮度, 齋食餸, 個腩肉味道無咩特別, 但好"諧", 雞肉亦都好"諧", 墨魚丸食2粒,2粒都有墨魚骨?!總知....就係無下次!…查看更多

本來人齊先可以入座呢個安排我都可以接受, 因為有部份酒樓都係咁安排。但今日0黎呢度食飯, 拎左飛但因為未人齊唔入得, ok, 咁我等陣,等到有半數人齊啦, 諗住問下個知客過半數可唔可以入坐先, 講完晒, 佢竟然唔理我望都唔望我!! 仲嚮度整理佢自己0的指甲, 嘩,呢0的咩0野服務態度!竟然當客人透明!!! 我就當佢耳聾聽唔到再大聲0的講多次, 佢先俾0的反應我要我等多2張枱, 真係激鬼死!之後隔左一陣, 真係等到人齊但都未有枱,又問多佢一次幾時有枱。佢竟然同我講"叫左啦,過左啦, 咩你聽唔到咩,我見你仲同你0的朋友傾緊計!" 聽完呢句火都起, 首先,我地無人聽到佢叫過我地張飛, 再者, 如果你見到我地無反應係咪應該叫大聲0的呢!!!" 佢講到咁理直氣壯! 我知你呢間酒樓係唔憂做, but唔代表你都唔憂做ge,0的態度咁差, 咁唔願做知客就番歸la!! 0野食係ok 既~不過又未至於好好食囉, 不過0的服務就真係要改善下!…查看更多

見到0的食評以為好好食, 咁就book 左枱突登去試一趟!因為好肚餓!! 去到坐低就即刻叫左幾碟壽司, 壽司好快就0黎左...三文魚....超薄, 無三文魚味劍魚.....好韌...仲係咸既帶子.....厚度一般, 但一0的都唔甜, 無味象牙貝.....無味蟹棒......唯一一碟可以食出有0的鮮味吞拿魚...勁多筋, 咬唔爛食晒以上既壽司, 就發覺成口都係酸味, 0的飯落醋落得太多, 蓋過晒食物本身既味道!!即使好肚餓, 都唔足以令我覺得佢地好味! 太失望呢! 結果選擇左埋單, 我地只係坐左廿分鐘就走, 侍應問我地咁早走係咪因為唔滿意....我都只可以照直講0的壽司飯真係太酸唔好食! 之後, 就去左一條街之隔既"一平安"繼續未完既晚餐嚕! …查看更多

肚餓想打邊爐, 結果去左呢間從未去過既酒樓! 食物種類不算很多, 而且湯底亦唔特別。但食物既份量真係好驚人, 我地兩個人叫左4,5種料, 竟然用左一個面盆咁大既碟盛住一堆king size 份量既食物!!! 我地叫左一份芝士丸, 海膽丸,牛丸, 但夾夾埋埋竟然有2,30粒!!!芝士腸叫一份都竟然有成十幾廿條, 真係抵到爆! 但真係多到食唔晒, 就反而希望佢俾少0的我....! 0野飲係任飲, but全部都係under"綠力" 呢個大陸品牌, 啤酒可樂就要額外俾錢!!! 埋單每人約100蚊, 好抵呢! …查看更多

今日去左石硤尾報名考日文試, 之後搵地方食0野, 附近又無咩好食, 所以行左去呢間石硤尾薄有名氣既"西貢星" 食dinner, 結果就係超激氣!同bf兩個人叫左一個"蝦醬海鮮炒飯", 一個"干炒牛河", 一個"砵酒煙鴨胸"....之後坐嚮度等食睇電視。點知無情情有個侍應走來呆住咁問我..."小姐你係咪叫左一個'砵酒煙鴨胸' 走鴨胸? "我地當堂呆左一呆~~然後拎左個餐牌出0黎指住俾佢睇..."係 '砵酒煙鴨胸',唔係'走''鴨胸! 唔要鴨胸咁可以食咩0野呢?" 之後都唔知佢明定唔明就行開左.....以為事件完結左, 算數啦啦! 唔想勞嘈! 但當"畢畢"下"蝦醬海鮮炒飯"之際, 又有另外一個黑色衫既侍應問我......"小姐你係咪叫左一個 '砵酒煙鴨胸' 走鴨胸?"....真係無名火起, 究竟呢班人知唔知咩0野叫砵酒, 咩0野叫鴨胸! 可能我見識少, 唔知砵酒可以就咁食! 但如果有人食叉燒飯要走叉燒, 我會介紹佢食白飯!....唔該佢地熟讀一下自己餐廳既餐牌啦!!....最後, 呢碟 '砵酒煙鴨胸' 0黎左, 但我地都已經食到一半, 突然又送多一碟過0黎, 我地話已經食緊, 阿侍應似乎仲要唔信我地食緊果碟就係鴨胸, 反問我地" 真係0黎左啦咩?" 唔通佢覺得我地食緊果碟係叉燒??最後埋單無cash要碌卡, 點知收銀員皺晒眉, 原來佢將碌卡機0的紙倒轉左入搞到部機郁唔到, 眼見收銀員不斷地皺眉頭仲要"唧唧"聲咁嚮螢幕亂按,.....結果最後仲整short左部機碌唔到卡! 碌卡都俾人埋怨! 唉......真係食到一肚氣!…查看更多