asd0008的个人专页

今日同媽媽黎到海之戀入面既牛牛日式火鍋放題，我地要左個lv3既澳洲和牛放題，呢到係一人一鍋既，所以我同媽媽分別揀左膠原豬骨鍋同藥膳麻辣鍋，咁就可以試下唔同味啦！上完湯底之後好快就黎左頭盤肉，最好食當然係澳洲和牛啦，每一執都切到薄薄一大塊，浸一浸就食得！牛味好重，入口口感都好嫩滑另外呢個餐都有伊比利亞豚梅肉可以食，雪花比較多，但相對地口感唔會鞋，食落都唔會覺得好油膩！蔬菜、丸同麵食都係自助隨便拎，推介韓國拉面，口感好彈牙！有d特別d既就要係qr code落單，例如年糕福袋，入面舊年糕好大份，外面既豆皮好甜好好食，但驚食多舊會好濟出面仲有d熟食，竟然有和牛咖喱配珍珠飯，真係忍唔住要左碗，d牛腩炆得好軟好入味，咖喱又甜又香，配飯好正！仲有d炸物炸到好香脆，過下口癮都唔錯，仲有shake shake薯條！甜品有任食movenpick同一大個雪條櫃，好滿足呀！…查看更多

屯門愈開愈多任食燒肉，佐賀燒肉谷都開左右段時間，今日就同朋友去試一試因為朋友係海洋愛好者，所以我地叫左個lv3澳洲和牛海鮮放題，可選擇既任食海鮮種類都幾多一開始都會上左牛既頭盤同海鮮既頭盤，擺設都落左心機，打卡勁靚！牛肉仲會好貼左咁標籤埋你睇，咁食完就知想encore 邊款啦推薦和牛牛胸腹肉，雖然中間有筋，但切出黎有少少厚度，但燒完之後肉質軟嫩，口感一流，而且和牛級數食落牛味真係香好多！Lv3 可選海鮮真係令人驚喜！作為唔點食海鮮既我非常之開心有鰻魚食，鰻魚燒完外皮香脆，搽埋燒肉汁食揀直就係日本食到既燒鰻魚呀！呢到其中一樣好吸引我既就係有得任食日式小食，竟然連芝士年糕都有，芝士味好香！焦糖番薯都好正，我同朋友兩個食到停唔到口！另外都幾鐘意佢可以自制紫菜飯最後一定要食甜品收尾，朱古力雪糕勁香濃，仲有得燒綿花糖好正！…查看更多

趁天氣仲未轉熱，今日同媽媽係旺角牛氣打邊爐，我地揀左個Lv5豪州極上和牛加海鮮放題湯底我地要左黑蒜豚骨湯，大大個豬骨係正個鍋中間，一睇就知個湯底幾入味一黎就上左碟澳洲極上和牛加海鮮拼盤，和牛既擺盤好靚，唔會太肥，雪花岩岩好，厚薄切得好均勻，每件都係淥一淥就食得，牛味十足而lv5先有既日本九州和牛肩胛肉眼就雪花比較多，顏色好粉嫩好靚，一睇就知好新鮮，食落反而唔會覺得好油膩，入口即溶仲有牛小排同美國極黑牛都非常推薦！海鮮方面一開始會上頭盤，唔夠食既話鮑魚花膠等都係任叫，全部都好爽口彈牙今期係草莓季，所以都有唔少期間限定，就例如有好特別既自家製草莓醬做火鍋點醬，仲有一系列草莓甜品，每樣都好正，推薦草莓雪米糍，唔單止打卡靚，滿滿既草莓醬令到雪米糍口感更豐富！…查看更多

天水圍好難得有打邊爐放題食，見到天鳥居酒屋新推出火鍋放題，我就約左朋友去試。本身呢間居酒屋食物質素都幾高，所以我地都幾期待我地要左個極上安格斯牛小排套餐放題，都係三百幾蚊，係一般食到牛小排既價錢我地要左個胡椒豬骨鍋，睇得出落足料，湯味濃，加埋胡椒味好暖身佢會先上左頭盤肉、刺身同海鮮，每樣野睇落都好新鮮，刺身食落去全部都好鮮甜，尤其係帶子，好可惜剩係頭盤送，想食要比錢再叫肉類方面，牛當然推薦m7澳洲和牛同牛小排，不過估唔到豬都咁值得推介，佢個鹿兒島茶美豚肉眼不錯，唔會有騷味，但又有豬肉既味道，咬落唔會好un,幾乎做到牛肉既口感，所以我地都encore左我地黎呢到食其中一個原因就係可以任食日式小食，即時叫左個芝士年糕，呢啲真係得日式放題先食到，另外仲叫左黑松露薯條，黑松露醬非常香濃；係日本好鐘意買可樂餅食，叫左個牛肉薯餅，完全係懷念既可樂餅味道！野飲出面有凍櫃，茶、汽水啤酒任飲，甜品都好不錯，仲有抹茶蕨餅食，真係好日式！…查看更多

平時成日去旺角既安平燒肉，質素都唔錯，今日咁岩同媽媽係荃灣附近行街，晚餐決定試下荃灣既安平燒肉，我地叫左個「澳州M5和牛吃到飽」吃到飽套餐，食燒肉唔食和牛就冇咩意思澳州M5和牛非常嫩滑，油花分佈平均，輕輕燒至兩面表皮冇血紅色即可，咬落去入口即溶，但略嫌當晚既和牛切得有啲薄，比較容易痴爐，燒完可能會一分為二每枱都會送一碟牛舌心條，食落非常彈牙但又唔會好un，肉質好爽除左和牛，個人至愛三角牛肩肉，食落去都比較嫩既部位，快熟又易入口，而且充滿牛香出面亦有生菜提供比你包肉食，將燒好既似肉點一點台上面提供既黃金醬，再加d安平黃金泡菜，味道會更有層次出面拎飲品同蔬菜既位置提供左白飯、櫻花蝦、海苔、香蔥同滷水汁比客人自制台灣櫻花蝦伴飯，餐廳仲貼左張教學教大家要點整，客人可以根據教學調整口味同份量，想食幾多就幾多，滷水汁勁香，自己忍唔住加多少少撈飯安平燒肉一大特色就係可以任食台式小食，除左鹽穌雞，個人推薦金沙翠玉苦瓜，平時我都唔係好食苦瓜，但佢外層炸到好酥脆，面頭仲淋左我好鐘意既咸蛋黃醬，食落又香咸又脆卜卜，好正！最後當然要食安平先有既甜品作結尾…查看更多

天氣轉涼，最岩打邊爐！雖然平時好鐘意食任食火鍋，但質素通常都一般，至在食得過癮，但同媽媽食就想食好啲，今日同媽咪近近地去左元朗雞地既大滾友滾滾佢首先揀湯底，我地要左半隻花膠雞湯鍋，天氣凍最岩飲返碗熱辣辣既雞湯暖下身！雞湯係係入面已經煲好拎出黎，冇湯渣，個湯都非常濃郁，個湯出到黎先係你面前落花膠，勁吸引!雞湯點少得雞，半隻煮好左既雞分開上，比你當邊爐配料落，想食先淥，咁啲雞就唔會煮到老哂，肉質保持鮮嫩！我地兩個人要左個細既牛肉拼盤，每款牛都有啲，分量都唔少，每款有5-6件個人最鐘意安格斯牛，肥瘦均呈，食落好有牛味我打邊爐都幾鐘意碌豬，因為脂肪會多少少，食落香口樹，我叫左個伊比利亞橡果豬，啲雪花望落好靚，同肉一半一半，食落油脂感唔會太誇張，易入口唔會un,好正打邊爐又點少得響玲，我地叫左個即炸黃金響玲，黃金姐係咸蛋黃，即炸係可以即食唔洗浸的，第一條就咁食，咬落去酥脆，充滿咸蛋香，第二條浸湯吸到雞湯之餘仲保留到咸蛋香，超正我地仲叫左個手打蟹子鮮蝦丸，鮮蝦肉睇落好有光澤好新鮮，碌完啲蟹子仲可以好好保留到係粒丸上面，蝦肉味好正媽媽比較鐘意食菜，所以我地都叫左個大滾友雜菜拼盤，超大份，仲有好蟹菜既選擇，每樣都好新鮮，吸雞湯好正野飲我地叫左一渣竹蔗茅根，平時我唔點飲因為好驚竹蔗味，但媽媽想飲，估唔到飲落幾清甜，飲蔗糖水，唔會女大陣竹庶味，飲落有下下邊爐火既感覺最後鋪頭準備左熱木瓜雪耳糖水比我地，勁窩心…查看更多

最近天氣轉凉，真係好岩食燒肉,今晚同左朋友去屯市既炑八食韓燒個爐係好韓式既圓盆爐，可以食任食爐邊蛋同埋粟米芝士🧀，超滿足上完蛋同芝士就好快上韓式配菜同一大碗沙律，沙律係配左醋醬，食落會酸酸地幾開胃作為牛魔王，我地當然燒左個風味牛肉拼盤先啦，呢個拼盤會有齊牛前胸肉，蔥蒜牛五花，牛小排同牛舌，兩個人share都好夠, 啲牛肉睇落幾新鮮，雪花分佈都唔錯燒完牛換左個板就燒梨汁雞腿肉，雞腿肉切到細細件，都幾易燒熟，燒完真係勁香，平時食韓燒好少會燒雞，但呢款雞腿肉真係好香燒完雞腿肉後，店員幫我地換板燒炑八厚切五花腩，佢地都好專業，見我地唔係好識燒就幫我地燒，仲教我地每邊要燒幾耐咁樣，燒到出黎外脆內軟，勁香我地仲叫左個韓式水冷麵，諗住可以解下膩，個冷面仲配左芥末醬同一個酸酸地既汁，食落幾開胃芝士泡菜煎餅中間勁大份芝士，趁熱食仲會拉絲，勁香食到差唔多我地就點左個夾心棉花糖配朱古力威化餅當甜品，店員會提供竹籤比你，好似平時bbq咁燒棉花糖，之後夾埋朱古力威化餅，啲朱古力同棉花糖融埋一齊，好正飲品方面我地叫左柚子檸檬梳打同荔枝梳打，兩杯都好fresh，而且杯野都好靚…查看更多

緣聚係元朗重新開張，之前一路都冇食過，聽啲街坊話重開之後食物味道同質素都唔錯，就約左班fd去試下依加好多放題店都係qr 落單，呢到都唔例外，用qr 落完單，啲野食已經勁快上台刺身既選擇都幾多，我同班朋友比較鐘意食蝦，啲赤蝦好大隻好鮮甜呀！個人比較鐘意熟食，所以叫左一堆串燒炸物首先串燒邊面極推薦牛舌，佢有返咁上下厚康得黎又好軟，唔會係咬極唔爛果隻，調味都做得好好豬頸肉串燒都好香，應該都算係放題少有，啲豬頸肉又唔會太肥，唔錯炸物方面呢到有啲比較少見既幾值得推介炸蝦多士炸得好香，好貼心咁配埋泰式甜辣醬，點黎食味道更有層次呢到竟有有朱古力炸彈，一路都好鐘意呢啲炸彈類，可惜平時見既多數係榴連，唔食榴連但鐘意朱古力既人要試，外層炸到香脆，入面一咬啲朱古力流哂出黎！另外炸芝士年糕好正，芝士加煙un控必點！緣聚隨左有個雪糕櫃外，仲有一堆用心制作既甜品，亦都係點解我地揀黎緣聚推薦朱古力心太軟，朱古力味勁香濃，同真係做到流心，唔係食到太飽一定再encore!…查看更多

秋天開始黎啦，呢啲天氣令人成日都好想打邊爐，今日同媽媽係尖沙咀行完街就去左牛気打邊爐，連鎖日式火鍋黎講個人真係最鐘意食牛気，就算係最低lv 既肉都好有質素，但今日係同媽媽食，就食好啲，叫左個Lv4 黑安格斯牛+SRF極黑牛海鮮放題，湯底就要左個秋季限定既野菌藥膳湯好快就上左湯底，野菌藥膳湯非常清甜，但唔會話好重藥材味，好容易就帶出食物本身既鮮味仲送左一盤特上有機菇菌盛盒比我地，有啡、白磨菇同秀珍菇，全部都係同本地菇場合作所出，每件都大大隻，用黎打邊爐咬落去真係勁多汁牛肉方面個人最鐘意SRF美國極黑牛，啲雪花勁靚，肥瘦均勻，厚薄適中，碌一碌薄薄一片入口即溶，牛味都好重頭盤仲送左一兜海鮮，全部都好大件，我同媽媽最鐘意食蝦，大隻之餘口感勁彈牙出面仲有好多丸同菜可以自己拎，全部都好新鮮我仲叫左個明太子三文魚丼，明太子勁香，好正最後一定要叫返個楊枝甘露，出色過出面糖水鋪，忍唔住encore多杯，出面拎既豆腐花都勁好食…查看更多

朋友係外國返黎，難得見面，我地揀左一間中環既阿根廷扒房，一路食一路傾計一行入餐廳已經覺得環境好有情調，感覺好岩比人放工黎到慢慢飲杯野，食個靚晚餐放鬆下自己 黎到阿根廷菜既餐廳，當然要試下傳統阿根廷小食，我地要左個*Carbe* beef Empanada ,佢係一個似餃子形狀既炸面團，入面放入左免治牛肉再配以蕃茄莎莎醬，外層非常酥脆，入面餡料非常之香，加上少少辣，配埋個醬非常惹味 主菜我地叫左個Rib Eye ，要左Medium, 上菜用既擺盆都好特別， 中間係一塊鐵板，拎到牛扒上菜果陣都仲係熱辣辣，左右兩邊放左唔同既醬，得你可以試下多款風味。如果啲醬唔岩，塊rib eye就咁食都好香口，外層煎到微焦，入面肉質口感嫩滑，牛味都好重，果然係高級既扒房 我地仲叫左個意粉Langostino ，佢係由阿根廷鮮蝦蓉配濃湯醬煮成，上碟後侍應仲會即場幫你磨芝士碎上去，想要幾多就幾多，佢會磨到你ok為止，將所有野攪拌一下，每啖意粉都充滿蝦既香味，濃湯醬令到意粉食落更滑溜我地驚唔夠飽又叫左個Thin Cut Fries, 佢唔係單單普通炸薯條比你，仲加左Fresh Parsley同 Garlic Oil，炸到好香脆，配牛扒唔錯係咁有feel既餐廳食飯，我同朋友忍唔住叫左兩杯Mocktails chill下朋友要左杯Shierley Temple ，佢入面係Rose Lime juice, Grenadine同ginger ale ，飲落好香石榴香，都幾特別我就揀左Del Jardin ，入面係Orange juice, apple juice 加ginger beer ，係人人皆宜既口味，飲落少少似fruit punch，唔知飲咩叫呢杯實無錯！…查看更多

係厚福街呢間小黑糖都開左好幾年，每次行過都會好想飲返杯呢排好興泰奶，而泰好喝歐蕾珍珠都係排行榜No.1,所以我自己就要左呢杯；另外我都叫左杯黑糖珍珠厚鮮奶帶返屋企比媽媽飲，因為媽媽夜晚唔飲茶驚訓唔著，咁鮮奶就岩哂佢泰好喝歐蕾珍珠可以自選甜度，我就揀左半糖，而黑糖系列冰塊係固定既，飲落就係正宗泰奶味，非常解喝。飲之前搞均左黑糖珍珠，所以泰奶本身半糖之餘仲會有黑糖既甜度，個人覺得可以再少甜啲，不過半糖都仲ok 珍珠方面我覺得簡直係小黑糖既招牌，煙un 度適中，唔會太軟太硬，每一粒都比黑糖包裹住，好正忍唔住偷飲左媽媽杯黑糖珍珠厚鮮奶幾啖，呢杯都係黑糖系列，所以都係冰塊固定，呢杯半糖反而岩岩好，因為鮮奶本身冇咩甜味，奶味香濃，入口順滑，唔飲茶類可以試下呢杯…查看更多

今日同朋友黎到海之戀新開既Yadllie Plate食野，之前已經成日去旺角果間食，今次見就近開左間就黎試下感覺呢到同旺角食果陣既menu有少少唔同，首先一定要食炸雞，我地就叫左個蜜味乳酪粉無骨雞，食落唔會真係話乳酪味，但啲粉酸酸甜甜咁幾好食😋之前一路都係食半半炸雞，今次食無骨雞真係幾好食，外層炸到好香脆，咬落去又啖啖肉作為肉食獸既我地仲叫左個驚喜二重奏，可以食齊肉眼牛扒同炸雞，啲牛扒會剪好哂比你，大概5成熟就上台，你可以用佢個石板再燒到你想食既程度，作為主打韓國菜既食肆黎講，個牛扒真係好唔錯，好嫩滑勁易入口，而且牛味都好夠。而炸雞係係平時食開有骨既，依然係咁好食，有種焗過既香我地仲叫左香辣芝士八爪魚，呢款印象中旺角分店冇的，店員會成個爐上台，係你面前幫你芝士炒八爪魚，呢款真係驚喜到我地，啲八勁彈牙好爽口，芝士落左勁多一路食一路拉絲，佢果種辣醬仲勁滋味，愈食愈辣但停唔到口我地仲叫左個芝士蟹子蛋捲，入面係多到爆出黎既蟹子加上芝士，蛋捲面頭唧左啲茄醬味道層次更多最後叫左個黏糕雪冰，好香濃既奶香，黏糕好煙un ，作為結尾好令人滿足野飲方面，唔飲酒既可以叫梳打，我朋友杯巨峰乳酸梳打幾好飲，賣相仲好靚我就要左個柚子米酒，唔會話好重酒味，甜甜地仲重柚子香，好岩女仔飲…查看更多

元朗雞地幾乎集中哂元朗好食既餐廳，今日帶左媽媽去食係雞地既碼頭上魚，地理位置好方便易搵，雖然係二樓，但門口好大個招牌好易認呢到除左有實體menu外，仲會提供個qr code比你落單，方便快捷，菜既款式非常多，最後諗左好耐都係揀左個老壇酸菜魚二人套餐，食到我地最想食既酸菜魚同時仲有好多小菜，套餐價$448， 包脆皮炸BB鴿、夫妻肺片、川北涼粉同香辣回鍋肉，散叫既話應該會貴好多落單後好快就上左菜，首先係香辣回鍋肉，肉用左五花腩，切到薄薄地，食落非常爽口仲有油脂感，配炒既娃娃菜都非常鮮甜，真係忍唔住一啖又一啖跟住係夫妻肺片，平時好少食，唔係好知係咩部位既肉，但啲肉幾爽口，配埋牛柏葉口感唔錯，調味都唔會太咸，辣辣地幾香口之後好快就黎左主角酸菜魚，酸味同辣味都好夠，啲魚肉既數量勁多，食極都仲有，肉質非常嫩滑，配菜都唔少，最緊要有我最愛既寬薯粉，爽滑彈牙川北涼粉都勁香，呢碟應該係全台最辣，勁過癮，鐘意食川粉涼皮既朋友可以一試最後脆皮炸BB鴿炸得幾香，同平時食既差唔多水準，鐘意食乳鴿可以叫值得一讚，呢到啲姐姐服務態度都唔錯，比人感覺幾舒服…查看更多

今日同班fd黎到旺角既平昌食韓燒，一入到去接待我地既係韓國人，感覺比人非常正宗我地揀左個大君御膳，剩係最低價位已經好多選擇一坐底店員已經好快人咁幫你開爐，加爐邊蛋，上配菜，啲蛋勁滑勁香，食完可以再加添不得不提，呢到上order速度真係幾快，無論係要燒既肉定係煮熟既韓或料理，仲唔會有漏單既情況出現。我地叫既肉好快已經黎左可以即刻燒，比較推咗係調左味既牛同豬，真係好入味，唔洗點醬已經好好食，個人最鐘意辣調味烤牛肉同豬梅頭片，啲肉好嫩之外，個味好似平時我鐘意既辣炒豬肉飯，配飯真係一流呢到仲有燒鰻魚，真係幾好食，encore左一次呢到既韓宗料理都唔會馬虎，味道真係非常合格，同係出面單點既味道一樣，個人幾鐘意個海鮮蔥餅，外層煎到好香脆，但咬落去煙煙unun 食到最後仲可以去雪櫃拎雪條，任食的，因為有兩隻想食既味，最後仲食左兩條雪條食緊既時候不斷傳來歡聲笑語，仲成日有好蛋人合照，好多人都成班fd黎聚會，圓台既設計可以坐到好多人呀…查看更多

見旺陸開左間泰金鍋，成世人都未食過泰式邊爐，今日就同媽媽去左試下一入店門已經好有泰味，咁多台既湯底香湧緊出黎。好多湯底選擇好難揀，最後係店員既推薦之下揀左泰金冬蔭功鍋同埋青檸椰奶雞湯鍋，話哂都係泰式邊爐，當然要試下啲泰式湯底我地要左個b餐澳洲產極選肩胛牛小排，可以唔急點肉先，因為一開始店員都會為你上左啲肉先，可以食完再點。個人真係幾鐘意佢個牛小排，雪花望落肥瘦均勻，切到厚薄適中，淥一淥就食得，仲好有牛味除左肉之外，QR code仲可以叫到其他火鍋配料，尤其係炸物，呢到竟然有炸豬皮任食，平時食船面果陣都只係配少少比你咋另外叫左沙嗲串燒，一定要試！個沙嗲醬超香花生味，啲串燒豬同雞一樣咁出色呢到比較特別既係有流水蝦，先將冰放入冰桶，再加少少水，然後用夾捉蝦，啲蝦都幾生猛，媽媽大讚淥完既蝦食落好有鮮味另外熟食都有唔少選擇，個人勁鐘意食生菜包，呢到都有得任食甜品有成個雪條櫃任食，仲有啲泰式甜品，仲可以自己整珍多冰總括嚟講，真係非常滿意，平日黎晚飯時間都座無虛席，睇黎真係唔係幾受歡迎…查看更多