上完湯底之後好快就黎左頭盤肉，最好食當然係澳洲和牛啦，每一執都切到薄薄一大塊，浸一浸就食得！牛味好重，入口口感都好嫩滑
另外呢個餐都有伊比利亞豚梅肉可以食，雪花比較多，但相對地口感唔會鞋，食落都唔會覺得好油膩！
蔬菜、丸同麵食都係自助隨便拎，推介韓國拉面，口感好彈牙！有d特別d既就要係qr code落單，例如年糕福袋，入面舊年糕好大份，外面既豆皮好甜好好食，但驚食多舊會好濟
出面仲有d熟食，竟然有和牛咖喱配珍珠飯，真係忍唔住要左碗，d牛腩炆得好軟好入味，咖喱又甜又香，配飯好正！
仲有d炸物炸到好香脆，過下口癮都唔錯，仲有shake shake薯條！
甜品有任食movenpick同一大個雪條櫃，好滿足呀！
