namnamv3v的个人专页

因為最近好想食麻辣湯，上網搜尋四川串燒，搵到呢間放題，特登揸車去食。放題時間係120分鐘，第一次落單，上菜時間正常，食物都冇乜野特別。第二次落單，等咗唔知幾耐，佢終於拎野食過嚟。跟住我繼續第三次落單，佢同我講「你地要走啦，已經遲咗2分鐘」我想講，第二次嗰啲野食，全部都未穿好，求其穿。最後，我影咗一張相，合共食咗77串，2個人埋單$526。我計佢$88有20串， 88*4=352。覺得抵唔抵食，自己諗。…查看更多

一早起身，即刻睇吓附近有乜嘢嘢食，見到呢間新加坡食品餐廳，有好多人推薦佢嘅招牌菜，加上因為佢食物平民價錢，啱晒我呢啲學生，所以我就落去試吓。我覺得幾驚喜嘅係，佢為咗減少接觸，所以每張枱都會有一個用木板雕刻嘅QR code，供應比客人自助落餐，我覺得呢個係一個幾窩心嘅設計。當我落咗餐之後，原來佢嗰個收據都會有一個QR code落單。不過我覺得唔係咁良好嘅係，佢會將食具擺喺收據上面，雖然話就話係啱啱用熱能打印出嚟，但係我始終覺得唔係咁衛生。佢首先第一樣出餐嘅食品係飲品，我嗌左怡寶白咖啡，咁因為我係嗌熱飲，所以呢個係免費嘅。佢唔似平時茶餐廳咁樣，平時茶餐廳嗰啲係冇乜味道嘅平民咖啡，因為我平時飲開超特濃嘅咖啡，但係呢個咖啡，令我有驚喜，佢都會有奶嘅味道，但係鮮奶唔會蓋過咖啡嘅味道。接住落嚟嘅係食物，佢呢個招牌菜，係分開兩個器皿咁樣裝嘅，賣相都唔錯。而佢呢個滲滲系油面加米粉。佢嘅豬扒比我想像中厚，我望到佢嘅煮法，應該係用油鍋好熱嘅油，將醃好咗嘅豬扒，擺落去炸。為求鎖返住啲肉汁，佢會做到啱啱熟既程度，我覺得呢個幾好。但係唔知係唔係因為豬扒有厚度唔平均嘅狀況，我一開始食嘅時候，頭幾舊幾滑，去到下面個幾舊，有出現過熟既狀況。當我準備食完嘅時候，我周圍喺度望，我望到呢個鐘。咁我一開始以為佢係假嘅，但係得我望返手機嘅時間，原來佢係真㗎，呢個鐘都幾得意🥰🥰幾可以俾人望到時間，又可以做裝飾🥰…查看更多

食材分量多，佢唔會得幾舊魚，同埋佢係用真魚，唔系用魚柳，刀工幾好，食唔出有骨味道合適，酸菜魚唔會太難，唔會太酸，麻辣魚，可以選擇麻同埋辣嘅程度午餐好優惠，所有水煮魚或者酸菜魚都係$68 ，仲要唔洗加一一人食魚煲，一個人岩哂，值得一試…查看更多

平日飲開個啲東陰公湯，一系就太酸，一系就太辣，不過e間就味道岩岩好，仲加左奶，佢會用個煲，煲住比客人食，好細心。泰式牛肉炒芥蘭吾會好重味，味道岩岩好。蝦醬炒飯個份量好大，味道岩岩好，蝦醬吾會搶哂啲味，佢個個蛋炒到好鬆軟，好好食。因為平時香港人食開既口味好重，所以大多茶記會落好多味精，但系e間就會用天然香料吊味，所以我好鐘意。e間鋪全部員工都系泰國人黎，到最後有個員工仲請我地食甜品，應該系椰子整成既甜品黎，味道好香椰子味，但系又吾會太甜，口感似大菜膏。仲有樣野好值得講，佢啲碗洗得勁乾淨，完全摸吾到有油。…查看更多

2點幾個時，有啲肚餓，行行下，估吾到大全街開左咁多食店，入到redrice，我點左3重芝士雞扒焗飯加柚子蜜桃薏米水。個飯好重芝士，拉得岀好長既芝士絲，味道偏咸，不過尚可接受。柚子蜜桃薏米水，其實佢淨系得柚子蜜既味道，不過好創新，idea幾好，加上賣相吾差，值得推介👍🏻…查看更多

琴晚同屋企人食飯，我叫左個5成熟肉眼，我老公叫左個8成熟牛柳。咁湯黎先，得1個湯，就系白湯，okay.咁都照嗌，湯無咩未，包1般，咁我老公個個牛柳到左先，我老公1切開，講左聲，哇，乜8成都咁生既，我個心諗，死啦，8成似4.5成，咁5成咪系刺身？咁之後肉眼到左，有半塊系熟既，有半塊系全生仲見血既，之後我心諗，死啦，點食？之後我叫佢整熟小小，佢整到似9成熟咁，所以我無食咁走左，啲員工態度又吾好，真系吾會有下次。…查看更多