影片
更多
2021-09-04
176 浏览
一早起身，即刻睇吓附近有乜嘢嘢食，見到呢間新加坡食品餐廳，有好多人推薦佢嘅招牌菜，加上因為佢食物平民價錢，啱晒我呢啲學生，所以我就落去試吓。我覺得幾驚喜嘅係，佢為咗減少接觸，所以每張枱都會有一個用木板雕刻嘅QR code，供應比客人自助落餐，我覺得呢個係一個幾窩心嘅設計。當我落咗餐之後，原來佢嗰個收據都會有一個QR code落單。不過我覺得唔係咁良好嘅係，佢會將食具擺喺收據上面，雖然話就話係啱啱用熱能打印出嚟，但係我始終覺得唔係咁衛生。佢首先第一樣出餐嘅食品係飲品，我嗌左怡寶白咖啡，咁因為我係嗌熱飲，所以呢個係免費嘅。佢唔似平時茶餐廳咁樣，平時茶餐廳嗰啲係冇乜味道嘅平民咖啡，因為我平時飲開超特濃嘅咖啡，但係呢個咖啡，令我有驚喜，佢都會有奶嘅味道，但係鮮奶唔會蓋過咖啡嘅味道。接住落嚟嘅係食物，佢呢個招牌菜，係分開兩個器皿咁樣裝嘅，賣相都唔錯。而佢呢個滲滲系油面加米粉。佢嘅豬扒比我想像中厚，我望到佢嘅煮法，應該係用油鍋好熱嘅油，將醃好咗嘅豬扒，擺落去炸。為求鎖返住啲肉汁，佢會做到啱啱熟既程度，我覺得呢個幾好。但係唔知係唔係因為豬扒有厚度唔平均嘅狀況，我一開始食嘅時候，頭幾舊幾滑，去到下面個
一早起身，即刻睇吓附近有乜嘢嘢食，見到呢間新加坡食品餐廳，有好多人推薦佢嘅招牌菜，加上因為佢食物平民價錢，啱晒我呢啲學生，所以我就落去試吓。
我覺得幾驚喜嘅係，佢為咗減少接觸，所以每張枱都會有一個用木板雕刻嘅QR code，供應比客人自助落餐，我覺得呢個係一個幾窩心嘅設計。
當我落咗餐之後，原來佢嗰個收據都會有一個QR code落單。
不過我覺得唔係咁良好嘅係，佢會將食具擺喺收據上面，雖然話就話係啱啱用熱能打印出嚟，但係我始終覺得唔係咁衛生。
佢首先第一樣出餐嘅食品係飲品，我嗌左怡寶白咖啡，咁因為我係嗌熱飲，所以呢個係免費嘅。
佢唔似平時茶餐廳咁樣，平時茶餐廳嗰啲係冇乜味道嘅平民咖啡，因為我平時飲開超特濃嘅咖啡，但係呢個咖啡，令我有驚喜，佢都會有奶嘅味道，但係鮮奶唔會蓋過咖啡嘅味道。
接住落嚟嘅係食物，佢呢個招牌菜，係分開兩個器皿咁樣裝嘅，賣相都唔錯。
而佢呢個滲滲系油面加米粉。
佢嘅豬扒比我想像中厚，我望到佢嘅煮法，應該係用油鍋好熱嘅油，將醃好咗嘅豬扒，擺落去炸。
為求鎖返住啲肉汁，佢會做到啱啱熟既程度，我覺得呢個幾好。
但係唔知係唔係因為豬扒有厚度唔平均嘅狀況，我一開始食嘅時候，頭幾舊幾滑，去到下面個幾舊，有出現過熟既狀況。
當我準備食完嘅時候，我周圍喺度望，我望到呢個鐘。
咁我一開始以為佢係假嘅，但係得我望返手機嘅時間，原來佢係真㗎，呢個鐘都幾得意🥰🥰
幾可以俾人望到時間，又可以做裝飾🥰
张贴
