effyfayfay的个人专页

平時下午茶都係食茶仔或者連鎖店，今日去試間喺屯門新開的熱狗專門店。店內地方不大，但算坐得舒服。熱狗種類幾多，仲有奄列同意粉選擇。肉醬汁味道ok，薯角即炸，幾香脆。奄列內有炒香的火腿及芝士，但芝士味不算濃。原本點了辣肉腸肉腸奄列，但結果來了火腿，試不到辣肉腸有點失望！特飲可加五蚊轉鮮果梳打系列，可揀一款果汁及兩款果粒，味道似糖水多啲，無咩果汁味，好在唔太甜。四五十蚊一個下午餐算有點貴，間中歎下就無妨。…查看更多

朋友介紹嚟九龍城食意大利菜，餐廳環境不錯，幾有情調。有兩層，如果人數多可以預訂坐上層。有Set Dinner可點，會較經濟，但我哋又想試廚師推介，所以點了一個餐，加其他自選。點好餐，就會有麵包送上。黑松露忌廉汁帶子牛肝菌意大利雲吞黑松露加鵝肝菌幾香，帶子味就唔夠重。白酒煮新鮮紐西蘭大蜆原本想點青口，但老闆娘說這個季節沒有青口，改了做大蜆，一樣煮法。原來用大蜆煮都好好味，好厚肉，味道鮮甜！焗西班牙黑毛豬最想試這個黑毛豬，果然無揀錯，肉質鮮嫩，面層微微炭燒味，肥瘦位適中，油香味重！焗美國頂級西冷扒食完豬，再食牛扒感覺得有點‘漏’，牛扒比較有啃口，我個人比較喜歡黑毛豬的油香。餐甜品可選Tiramisu 或者Creme Brulee, 好味！…查看更多

今晚相約朋友來到這間位於亞士厘道盡頭的意大利餐廳，這裏環境幽靜，裝修得很有特色，可以好好享受一餐浪漫的飯聚。一坐下便會有暖暖軟軟的麵包送上，配上橄欖油和黑醋。前菜點了脆炸小魷魚配蒜香辣番茄醬小魷魚炸得很香脆但不油膩，沾少少微辣的茄醬，很滋味！暖意式半生和牛薄切和牛片一定要夾著芝士薄脆一起吃，味道更佳！ 手做幼扭繩粉配羅勒青醬及手撕雞扭繩粉是Homemade 的，咬起來煙煙韌韌，口感很好，配合羅勒醬及松子，味道幾夾！主菜是細火慢燉羊小腿配春季蔬菜及薄荷乳酪羊小腿之前已慢燉了4小時，所以非常軟諗，本身已煮得很入味， 沾少少薄荷乳酪醬，味道更出!甜品必食Tiramisu 賣相很好，咖啡味都幾濃，不會太甜，好食！餐廳氣氛浪漫，店員很親切有禮，適合情侶拍拖或知己好友飯聚。…查看更多

經住奧海城的朋友介紹，來到這間西班牙餐廳晚飯。餐廳內環境寬敞，裝修別致，適合同朋友邊傾邊食。我最欣賞它的光線充足，不會黑沉沉，可以看清楚食物的內容。一坐下，便有一碗脆片奉上，承惠$40一碗，可以任添的，沾上酸甜的沙律醬，脆脆酸酸的幾惹味。餐牌款式同一般西班牙菜差不多，有沙律丶小食丶意粉丶Pizza、扒類選擇。由於第一次嚟，我們多數選標有👍🏻的廚師推介。古秘魯海鮮沙律$108海鮮粒粒撈上香草橄欖油，味道幾清新，個人喜歡再加幾滴陳醋，酸酸哋幾醒胃😋龍蝦汁大蝦海鮮闊條麵$138龍蝦味都幾重，寬條麵中隱約食到一絲絲龍蝦肉。大蝦煎得好香，而且配菜有幾多海鮮。最欣賞裏面有加了半生蒜片，夾起來食更香！炭燒西班牙黑豚肉$248店員推介我們吃八成熟，因為他們的豬是以漿果餵飼，可安心食用。果然，出來效果很好，肉質很鮮嫩，充滿油香，還食到陣陣炭燒味，非常美味!建議如果喜歡吃嫩的可選八成熟，喜歡有點趙口的就選九成吧。芝士焗釀大菇$88大磨菇內釀滿煙肉洋蔥，面層蓋着芝士來焗，熱辣辣，味道很香口。如果芝士味再濃一點就更好了！我們還點了無酒精的MocktailCinderella $68 / Pussy Foot $58兩杯都係酸酸甜甜味，都好味！邊飲丶邊傾丶邊食，不經不覺就食到很飽了😋！…查看更多

食好啲去食廚師發板omakase，假日去一定要預早book位，店舖不大，座位不多，師傅慢慢整，客人慢慢品嚐，所以午市只做一至兩輪客人。師傅會逐款介紹食材，感覺很好。內有金箔，很矜貴！鰻魚是日本直送，師傅自己燒，表面燒得脆脆的，非常好味！拖羅很肥美，新鮮！師傅會配搭不同的醬汁和配菜，提升魚生鮮味！十分新鮮，還會動的！帶子很厚肉，非常鮮甜！裝飾也很美，捨不得吃！海膽鋪得滿滿的，師傅很不吝嗇！甜品有日本蜜瓜，好清甜！…查看更多

悠悠閒閒去嘆個甜點下午茶，來到這間日本厚燒蛋糕店。店子少少，座位不多，很容易便會坐滿。今次試了最傳統的蜂蜜蛋糕和宇治抹茶蛋糕。厚厚的雞蛋蛋糕，面層有少少脆，好香雞蛋味。新鮮焗起暖暖的，揸上牛油及蜂蜜上面，香甜很好味。抹茶蛋糕也是厚厚的，很香抹茶味。蛋糕上配上雪糕及紅豆蓉，凍凍暖暖的，很特別！綠茶蛋糕會配上綠茶醬，加入後令茶味更濃！蛋糕全是即叫即焗，每個都要等上15至20分鐘，要有時間才可慢慢嘆呢！…查看更多

小菜就食得多，今日來試吓火鍋，不是任食的，要逐碟計。六點鐘去攞位，六點半已經坐滿人。雖然食物是散叫逐樣計，但有些款式價錢不貴，例如蘿蔔片、白菜餃、韭菜餃、炸魚皮等等都只係$8碟，可以試多啲唔同款式。8蚊一碟，有六大隻，可以試多幾款。炸魚皮都係8蚊 ，好大碟，抵食！安格斯肥牛，$188碟蒸燒賣平時酒樓食得多，今次試吓火鍋燒賣。燒賣吸晒啲湯，比平時蒸的惹味😋打邊爐必食墨魚滑，幾爽口彈牙！美中不足是人手不足，食物很遲才上齊，要有點耐性😑。…查看更多

今日lunch想試新野，來了這間在街角位的咖啡店，門口看價錢像有點貴，但原來不收加一的，午餐有沙律或餐湯揀，主菜加飲品，價錢也算可接受。前菜沙律份量不少，蔬菜新鮮配上隻炸蝦，幾有心機。甘筍湯味道都算濃，幾好味😋午餐款式種類頗多，有意粉丶熱狗丶漢堡丶沙律⋯選擇。沙律款式比較特別，自家配搭的，外面不常吃到。黑松露溫泉蛋集菌意粉意粉加了雲耳丶香葱，感覺有點中西合璧😅熱情果汁大蝦沙律醬汁酸甜醒胃，份量算適中，適合想瘦身女生。最後少不了來杯即磨咖啡，啡味夠濃，好飮😋美中不足是座位少，而且要坐圓櫈，不夠舒適😣…查看更多

來了朋友推介的這間火鍋店，地方比較難找，裝修簡單，有點大排檔feel，湯底種類很頗多，配答幾特別。食物種類雖然只得兩頁的餐牌，但款式齊全，有些更有自家限定，如黑椒豬肚丸、芋頭臘味餃、炸醬餃。海鮮方面，最好請店員推介時令的，我們點了象拔蚌、聖子王和大蝦。蟶子和象拔蚌很新鮮，味道很鮮甜。大蝦比想像中大隻，夠厚肉，蝦膏很多。我們一行8人，埋單只是千六元，如果不介意坐圓櫈，實在抵食！最後點埋個麻醬擔擔麵，大滿足！…查看更多