清萍的个人专页

食物環境只屬一般，無甚特色或特別好食的食品，舒適度亦只是一般cafe的程度，但驚喜的是音響非常一流，喇叭及M也是一等一的貨色，老公對這方面有興趣，所以也略懂一二。晚餐算抵食，$48有一個主菜外加飯/意/薯菜，另有一杯咖啡，凍飲加$5，單叫一個意粉也是$48，飲品大約$35-$45，不抵食。可能人手不多的關係，等菜上檯的時間也比較耐，不過服務不錯，女侍應們的態度親切友善，算是一個可以放鬆同朋友傾偈的地方。…查看更多

我超鍾意食壽司都係咁話，這裡的壽司絕對唔掂，千祈咪放入口，魚生新不新鮮已是其次，而是魚生都可以做得難食真是很難得，而壽司飯居然是又暖又乾的，亦是一絕，看到蓋著壽司的膠蓋都被飯的蒸汽蒸得朦朦朧朧的，連上面的魚生都變得暖暖的不生不熟，唉‧‧‧以為款式很多很新穎，貪得意試一試，怎知卻令自己腸胃受罪，真是罪過罪過。由於自己不吃海膽，所以沒有親自試過，但我的其他家人都說海膽ok，但不可連飯吃，但舊飯捏得太實，飯本身又太腍，而且沒有醋飯味，實在令人倒胃。另外壽司師傅太年青，工藝不熟練，而且求其，不但不求味道，連賣相亦欠奉，見到舊卷物壽司爛了亦推出俾客人，連放番好亦慳番，非常失敗。相反侍應們的招呼都不錯，做足基本工夫。臨走居然見到大排長龍，何解？難道香港人的口味變差了？其實無論價錢多便宜，咁難食的壽司真係絕對制唔過。…查看更多

一直想來這裡試試，終於昨晚決定在此家庭聚會，誰不知去到才發覺已經結業了！(By editor : updated, thx!)…查看更多

我係去西洋菜街分店的，這裡並無自助餐供應，只有散叫小食或晚餐。昨晚上去唱K，居然唱K有晚餐送，雖然每個只需$15，但有得送當然開心啦。點了鰻魚烏冬、白汁海鮮焗飯、茄汁豬扒焗飯，每一款的味道都不俗，鰻魚汁濃烏冬煙韌，白汁軟滑海鮮不算少，茄汁惹味豬扒少少香脆，雖然份量不大，但觀其味道賣相都幾吸引。其實一直覺得Neway 的食物以如此低價都算物有所值，食物的質素味道算中等，選擇都尚算多元化，而且長時間觀察下來，每間分店的品質都保持得不錯，都幾難得。唯一要彈的地方是桌頭太低，要烏低身食都幾辛苦。…查看更多

星期日，本來想試城寨風情，但六點鐘去到己滿座了，九龍城的星期天果然不同凡響，一家六口唯有轉去不用等位的添樂園。第一次在這裡食紅豆冰，原來都好得，紅豆當然無樂都咁多，但份量亦不算少，而且起沙，味道不會太甜，本人叫了兩杯，真是好味道！另外又點了北菇田雞煲仔飯加潤腸，這個好得，潤腸夠粉，北菇有兩件，田雞好靚夠肉味，煲仔飯的豉油調較得非常惹味，飯焦勁脆勁香，老字號舊式餐廳果然不會令人失望。…查看更多

突然“戚”起條筋想食韓國燒烤，記得呢度介紹過此韓燒店好得，所以同老公來試下，六點幾鐘去到，只有一檯客，因為得一個侍應，佢又唔得閒理我地，所以自己搵位坐。打開餐牌都幾“驚喜”，因為價錢都幾貴，點了一個珍寶牛肋骨﹝一百五十蚊﹞，一個石頭鍋飯﹝一百蚊﹞，一個羊肉﹝九十幾蚊﹞，本來仲想試個煎蔥餅，但見到隔離檯個餅的份量都幾大，所以放棄了。三個菜連十四個前菜一次過一齊上檯，何其壯觀，好彩我一早有心理準備都無咁驚，相反我老公就嚇到成個呆左，哈！我專登唔同佢講會咁大陣仗，嚇下佢！牛肋骨異常好食，入口即溶，肉味夠，鮮味夠，即使燒得過熟亦一點不影響牛肉質素，從未食過咁好食的牛肉燒烤，這個非常值得推介。羊肉比較起來當然會遜色一點，始終一分錢一分貨，但已經好過很多其他韓燒食肆了，肉質鮮嫩，入口淡淡羊羶鮮肉香味，不錯不錯。石頭鍋飯，熱辣辣暖入心脾的一鍋石頭飯，如果冬天食一定更正，料足少少香辣惹味，賣相討好，色香味俱全。前菜雖然多，我同老公雖然只得兩人，但一律清倉，食得十二分飽，飯後兩人拍拖散步幫助消化，一齊回味此餐的美味，原來這個價錢很值得。另外非常慶幸自己早去，因為七點後已爆滿再爆滿了。…查看更多

說來慚愧，去過這兒很多次，卻是第一次試麻薯波波，怎料一試傾心，尤其剛剛新鮮出爐，個皮有點兒脆脆韌韌的，中間的麻薯又暖又滑又香軟，真是欲罷不能，要一食再食。另外，又試了日式番薯麵包，但可能已經攤凍了，所以覺得只是麻麻地，但中間的番薯很甜，我諗如果是新鮮出爐會比較可口。芝麻卷尚算可以，麵包幾香軟，芝麻味很香濃，如果麵包可以加點牛油味會更不錯。…查看更多

這裡的生牛肉湯河好掂，我老公每次都要食兩碗先夠皮，並非因為不夠大碗，而係實在太好食啦。另外燒豬肉撈檬好正，豬肉燒得剛剛好，有少少脆焦，好香好濃味，撈檬的酸辣味非常惹味，不會太辣，我唔太食辣都食到，蒸粉包不俗，蒜蓉包是極品，即叫即做剛出爐好香好脆，一份有四件份量不算少，但因為太好食所以經常要搶，總括來說這裡的價錢不貴，雖然環境比較殘舊，衛生只屬一般，但食物卻是一流。…查看更多

我估唔到隻蝦真是這麼大隻，所以三十五蚊都唔算貴，而且味道真係一流，夠新鮮夠爽口，好有蝦味，正！三文魚壽司和蛋壽司價錢雖然平，但是都沒有失水準，三文魚很新鮮又夠大件，蛋壽司份量足而且煎得好好味。但酸梅海蜇手卷我只係食了幾口便放低了，因為實在酸得太利害。其他各款壽司印象不深，但都算幾抵食同幾好食，以後不用去元字輩的壽司店浪費金錢了。…查看更多

真係超級好味道，麵包面層焗到卜卜脆，好似食緊薯片咁，入面軟軟韌韌好有質感，合桃焗得又脆口又香濃，提子又夠多，真係食過翻尋味。好似都係七、八蚊。…查看更多

個包係切開一半，可以睇到包中間的餡料，而個包面就撒滿白芝麻，賣相都幾吸引。未咬落已經知道一定好香芝麻味，一咬落去果然有勁香濃的芝麻味散發出來，除包面外，包中間亦有一點點的黑芝麻，增加麻香外亦增加了口感，火腿是切碎的坐落麵包及芝士之中，芝士味不及芝麻味濃郁，但連埋火腿個味真係好夾，好好味，包面硬硬地，再加埋芝麻好有咬口，正！…查看更多

五寶湯丸：奶黃做餡的三款湯丸個皮不夠煙韌，粉了一點，但芝麻及花生餡的二款湯丸都好好味，我諗我下次會剩食芝麻或花生做餡的湯丸，好食好多。紅豆沙黑珍珠：原來此黑珍珠不同彼黑珍珠，我以為是珍珠奶茶的黑珍珠，而且紅豆沙比例少了點，又被黑珍珠溝稀哂，此糖水令人有點失望。埋單廿幾蚊，價錢好合理，會再幫襯，但下次會試其他，今次是自己叫錯野食，相信其他糖水會好味D。我係去佐敦店的，店員都幾殷勤友善同好笑容，但太多偈傾，同埋傾偈時都好大聲，食一食糖水知道哂人地D家事。…查看更多

同同事一行七人到此吃午飯，其實食物質素真的不差，但每碟的份量都太少，大家分不到多少來吃，但係又無理由每款要雙份，價錢屬一般，不算好抵食。最深印象是香茅咖喱朱扒飯，好香椰汁味，好香香茅味，朱扒炸得好脆，很值得一試。其次是甜品香芒黑糯米以及豬頸肉沙律。服務不錯，午市人手都尚算足夠，但好HARD SELL 月餅，先知原來這裏也是美心集團的。埋單不清楚多少，因為有同事走，所以是公司請客。…查看更多

這裡人手很不足，但由於服務員的工作態度殷勤、有禮，令人感覺親切舒服，就算等得不耐煩想催單都不好意思。一般食品都幾抵食，剌身壽司手卷熟食等一應俱全，但因人手不足要等幾耐下，其中松皮牛肉手卷，泰式生奄蝦手卷超級好食，我柯打了幾次都覺得唔夠喉，但壽司就只屬一般，但魚生份量好足，送的甜品是手磨紅豆沙，不太甜都好好味道。…查看更多

昨晚同老公各自行動，好開心終於可以實行我的減肥大計，食麵包當晚餐，唔洗食咁多，誰不知當我獨自慶幸既時候，其實不幸正暗暗蘊瀼當中‧‧‧無花果合桃包：七蚊，外面硬內裏軟綿綿，剩係食個包都好好味，無花果都唔細粒所以無須要太多，果肉略帶微微的甜味，為個沒甚麼味的包包點綴，果肉中又有好細粒我諗係無花果核增加口感，又有大大粒合桃，食落仲好有合桃的香味，成個包好有咬口，多層層次，而且仲好健康，很值得試試。肉桂提子包：七個半，初頭食幾好食，提子又夠多，肉桂亦都好香濃，但食到一半開始會覺得漏，有少少食唔哂，但鍾意食甜包包的人會很喜歡吧！我本人覺得不過不失，如果有人share的話會更好食。當臨返屋企之前，同老公會合，佢先話俾我知原來佢同同事去食車品品！去食車品品居然唔預我！！實在太過份啦！！谷鬼氣！所以又走去食了個糖水同多一杯雪糕，咁又肥了兩磅，以為可以減到肥，點知得不償失，仲要無得食車品品！！！…查看更多