NBBboy的个人专页

做完手頭上的工作，已經過左午餐時段，就去附近搵食啦，行過門口見呢度下午荼唔錯，又抵食，就入去。入到去都有6、7成坐滿，未知食咩好，但眼見都多人食呢個餐，就試下，有3個餸可選，我要左雞扒腸旦，重有一件奶醬厚多士，超抵。先喝點湯，好濃味又足料，小小酸小小辣，帶一點甜👍雞扒用香草煎香好味，腸旦一般貨，厚多士外脆內軟，好多醬，一流，再加多杯茶。比我平時午餐仲豐富。…查看更多

今次因為朋友話要嚟呢度食，話呢度出名，我已經同朋友講已經轉左人做已經好難食，但大部分人都一樣，人地話好食就會覺得好食，就會去試既然繫咁就算啦，和他們去吃，食過就知啦!今晚８點左右，去到門口只見到小貓三兩，已經知道出事，如果是以往已經有一堆人等緊，去到攞咗張飛，等左一陣就入到喇，仲要一次過好多人入去，原來入面有好多空臺，唔知咩原因要我哋等咁耐，算啦坐低就諗住食啦一坐低餐牌都未有，已有人放低餐飽，仲有人拎住餐湯問我地要咩湯，個包凍嘅又硬，要咗忌廉湯，奶水一樣，都叫野食時，只問我地要西冷定肉眼，唔講仲以為呢度得兩種選擇，每樣要左一個，好快就到，湯都未飲完嘩😱，超大煙，塊鐵板真繫燒到紅色，仲問我地要咩汁要左黑椒汁，超大煙，但唔香，得個辣字，塊扒第一眼繫好大塊，但一食落口，無味又梅，好似食緊山竹牛肉，一食就知繫梳打粉作怪，無非繫要令塊扒大ｄ同霖d，但唔講都唔知繫食緊牛肉，食左兩啖就冇食，杯餐茶勁細，要加錢先有正常大，離譜，當然冇加，好快就走，相信唔會再來食…查看更多

都食過附近好多餐廳喔，最平一定繫金鳳，但金鳳近年呢，質素一直走下啵，已經冇去食了，見到呢間金翠餐廳話繫前金鳯主理就試下。今日兩個人食午餐，去到已見門口有人排隊，等左一陣，入到去一坐低就問我地飲咩湯，叫左紅湯白湯各一，先講紅湯，材料十足火候夠，酸酸甜甜小小辣，十分惹味開胃，出邊難得一飲，到忌廉湯，奶味十足，唔似得一般似面粉水。最重要嗰包仲要繫熱辣辣十分美味。都主菜來啦。叫咗臺式肉燥飯同紅腸雞扒飯。先講肉燥飯。唔知繫咪正宗。但十分惹味，食得出架左好多炸紅蔥頭，個老水又夠味，正唔正宗已經唔重要最緊要好食。到個雞扒飯。燒汁肉味好濃，雞扒加咗少少香草去調味，非常好味，紅腸一般貨色。每個餐都有小量椰菜，照顧到客人嘅需要。杯餐茶就正常，大杯。收呢個價錢有呢個質素超值。雖然個個員工都好似好急好忙，但知道他們是準備一ｄ高質素野食比大家，加上又多人等，我地都好識做，食完就走，留番ｄ位俾其他人。而且呢度好家庭式，個個都叫老板娘做大家姐，連一ｄ熟客都一樣叫大家姐，十分親切，現在很少有。知道呢度夜晚主力食牛扒，下次有機會一定嚟試下。…查看更多

約咗人喺太子等，就喺太子食午餐，見呢一間多人，又去食左個午餐，有湯有包有餐飲，以為唔錯。羅宋湯味道嘛嘛，材料不足，似番茄汁加水，個餐包又唔熱，飯來到份量十分少，朱扒又硬又鞋，覺得無味，餐飲細又有多冰，可能因為主力做遊客生意，下次唔會再來吃。…查看更多

呢度前真繫叫做雙喜臨門，轉左手之後試下，見到裝修於唔錯，餐牌都多左好多新野，叫ｄ大路野，炒飯炒面啫啫雞生炒骨等。炒面炒飯算正常，有獲氣有味道，但啫啫雞同生炒骨就出事啦，啫啫雞唔知用左咩醬去煮，十分怪味，又冇乾蔥頭同蒜頭，只得洋蔥，同雞，生炒骨好硬，個甜酸醬又唔好食，最好食都算繫個炒面。可能繫新開張，有待進步。…查看更多

去開太子食飯，食完飯想搵ｄ甜品食下，行過見到一間唔繫咁起眼嘅甜品鋪，見門口ｄ相唔錯，入去一試，坐低發現環境唔錯，即刻靜靜地傾下計，叫左個士多啤梨拿破侖，即叫即整，等左約十五分鍾，估唔到喺太子都有咁上嚇水準嘅甜品鋪，賣相一流，使落去士多俾哩新鮮，拿破侖仲有少少暖，加上雪糕好好味，拿破侖唔太松又唔太硬，加起來一流，又睇得又食得。👍下次同人去太子食甜品又多個新蒲點。…查看更多

平時都有食開，但隔了一段時間無來，今次就再次幫襯，叫了幾個小菜。唔使好耐就來咯，但一來到我地幾個嘩一聲。份量真繫少咗好多。再食埋佢，味道唔同左。叫咗生炒骨。份量少之如，覺得唔好味。啲肉又炸得乾又細粒，仲有個啫啫雞煲。好淡冇味。配料又詐唔香。仲有個炒面。淡而無味。有無煱氣。唔知繫咪轉咗師父呢!…查看更多

今日行過先知有間新嘅點心開咗。抱著試探啲心態入去。裝修唔錯。有龍井同普洱茶，叫左個柴魚花生粥，估唔到又綿又有味。值得一贊。仲有叉燒腸，即叫即拉。腸粉皮好薄。見到入面嘅叉燒。食得出新鮮。但好像剛開張不久。有ｄ混亂。希望下次再來會好啲。…查看更多