金翠餐廳 (已搬遷) 新店位置

做完手頭上的工作，已經過左午餐時段，就去附近搵食啦，行過門口見呢度下午荼唔錯，又抵食，就入去。入到去都有6、7成坐滿，未知食咩好，但眼見都多人食呢個餐，就試下，有3個餸可選，我要左雞扒腸旦，重有一件奶醬厚多士，超抵。先喝點湯，好濃味又足料，小小酸小小辣，帶一點甜👍雞扒用香草煎香好味，腸旦一般貨，厚多士外脆內軟，好多醬，一流，再加多杯茶。比我平時午餐仲豐富。