JessChan3938的个人专页

屋企人响呢個商場番工，咁耐冇食過泰國菜，所以就喺呢度食飯等埋屋企人收工，啲碗碗碟碟都幾有特色，係價錢嚟講就稍為貴啲，整體來講佢哋嘅嘢食都唔錯，唯一稍為要改善嘅就係服務，如果服務能夠改善就最好，整體呢餐飯嘅感覺都唔差！生蝦～爽口、醬汁特別(有別於其他地方食到嘅）泰式無骨鳳爪～爽脆、酸酸，甜甜，唔會太過酸春卷～夠脆冬陰功湯～見呢個湯會有蠔仔喺入邊，但係味道就淡咗啲泰式炒牛河～不過不失炒菜苗～靭少少泰式海南雞～好味道，好快清碟🤣🤣菠蘿肉碎炒飯～呢個都好食飲品～三色冰、龍眼冰、鴛鴦檸檬梳打，味道都OK、杯都幾靚…查看更多

同班死黨難得約齊腳去打邊爐，我哋又咁多計傾，限時對我哋嚟講唔得啦，俾我搵到呢間冇限時，仲要係任飲任飲嘅，問完佢哋即刻book枱啦😆⋯⋯地方好大不過唔會要行好遠攞嘢食，眼見佢哋有兩個位置係可以攞嘢食嘅，咁啲食物都好豐富嘅，有鵝腸、水魷魚、牛柏葉、飲品等等係自己攞👍🏻牛肉、蝦、鱔片等等係手機落單，落咗單唔係等好耐就有嘢食啦，不過都有問過啲服務員，唔想用手機落單可以點樣，佢哋話有紙可以劃嘅唔覺唔覺已經坐到佢哋閂門，原來我哋由6:30坐到11:00喇，我哋成班女仔又真係太多嘢講啦🤣🤣🤣今晚食得開心又舒服，佢哋又唔會話夠鐘趕你走嘅，當然我哋坐到人哋閂門，係有少少唔係咁好嘅😅😅啲死黨已經話下次打邊爐嘅話，要再嚟呢度喎🤣🤣🤣…查看更多

今日中午經過呢間越式餐廳，諗住好耐都冇食過越南嘢，就入左去試下，叫左兩個午餐豬扒湯檬、生牛肉湯檬、春卷同串燒雞肉，湯檬都幾好味，不過串燒雞肉就咸左啲，第一啖就以為因爲點左醬咸，第二啖冇點醬都係咸，雖然係咁，但整體上啲嘢食都幾好既。下次有機會行過，都會黎…查看更多

以旺角同油麼地有好多嘢食黎講，有時真係花多眼亂吾知食乜好，今日中午就諗住好耐都冇黎過，所以入黎食午餐但呢餐午餐只有失望😞，我叫左蘿蔔雞翼米線餐酸辣湯底，個湯吾酸又吾辣，一睇個雞翼係整左好耐有單就俾你個種，冇孜然味兼凍既，食左廿幾分鐘個杯凍即磨咖啡仲未到，同侍應講個侍應响對講機幫我追左一次，然後又係等左成5分鐘都仲未到，凈係杯嘢飲，前後等左半個鐘，杯即磨咖啡，咖啡味欠奉、奶味欠奉、冰已經溶得七七八八(應該擺左好耐)，從未試過飲杯咁難飲既咖啡⋯以前的味道沒有了以前的服務沒有了回頭當天的一切像泡影⋯⋯…查看更多

响Facebook 見到佢地既懶人串燒幾有趣，就黎左試下環境簡約清潔整齊，一座低店員會好細心講解俾你聽，我地急不及待就寫左好多款黎燒，佢哋啲嘢食係冇醃過既，不過就會有啲調品料俾你，可以按自己喜好添加，响等啲嘢食熟之前，枱面有包焦糖瓜子俾你食住等⋯見到啲串燒自己响度轆下轆下就熟，又真係幾啱懶人，個人覺得吾好急著要放輕鬆⋯牛肉一定吾好燒太熟，其他燒到金黃色食物質素都可以既，叫左啲牛、豬、雞，菰類同腸仔類⋯3轉嘢食不知不覺間就食飽，4人以2.5小時黎講時間可以接受，但佢地見到你人多6位或者以上會有3.5小時俾你既飲品就有汽水同佢地自己既豆漿，啤酒就係額外收費，若然任飲既飲品可以加番啲茶類就好了雖然佢地得一二個店員跑來跑去，但是都招呼得幾好，今晚都見到有好多客人想食，但佢地訂枱最快要到7月中，以一間小店舗黎講都幾犀利，希望佢地保持質素，下次再黎過…查看更多

每個月都會約埋啲舊同事搵一日聚餐，呢個月就黎左呢度食，之前都食過佢地响尖東個間，原來呢度佢地係新開架，不過最特別就係呢層樓有三種食法，有放題、燒肉或者火鍋，都幾特別喎😋不過今次我地係食放題，都係講番放題先，佢哋而家新開做緊4位有條活魚刺身送，我地9個人就有2條，條魚切得夠薄都幾好食，啲刺身好新鮮，三文魚肥美、帶子鮮甜、竟然仲有長腳蟹腳😍，侍應放落枱個陣有啲煙飄出黎，靚到好似仙境咁，壽司細細粒吾會嘥晒啲嘢，不過佢啲壽司飯真係好好食⋯😊北海道帆立貝燒，粒帆立貝都吾會太細粒，雖然佢係用沙律醬去燒但係都吾會太酸，小小酸食左都幾開胃，羊架吾會太油同太乾，亦都吾會靭👍🏻，蒜片牛粒一啲都吾靭👍🏻，辣酒煮蜆啲蜆大大隻又脹卜卜😍，有兩三個同事最鍾意佢地個炸榴槤波，叫完又叫，吧枱出面有啲沙律菜、八爪魚、螺肉、西瓜、甜品、清酒梅酒，由於我地掛著傾計同食食食，好多嘢都冇相機食先😋啲侍應既服務都幾好，收柯打紙收碟都好快👍🏻雖然佢地呢度都有movenpick同Haagendazs雪糕，不過係1人1杯⋯😅，我記得佢地尖東個間係任食架😬，好彩仲有啲雀巢雪糕任食地方都吾錯，坐落吾會迫好舒服，我地人多坐長枱，佢地有幾行係卡位枱，我睇過佢地啲卡位枱都幾闊落，而且一格格有番啲私人空間⋯⋯吾錯題外話⋯去洗手間果陣會經過燒肉區，好多人响度食燒肉好似好正咁，下次約啲朋友黎呢度試下燒肉先…查看更多