JoeyLam8763的个人专页

今日同朋友行街，又想食西餐，見到呢間西餐d價錢唔係好貴，價錢都算合理，所以就決定去呢間餐廳dinner啦。叫咗個小食先，墨西哥粟米片，雖然係小食，但都幾大碟，d粟米片好脆，加埋蕃茄粒＆肉醬＆沙律醬，都幾好食。炸魚薯條，我好鍾意食炸野，所以點咗呢個菜式，魚同薯條炸得好脆，唔會好油膩，魚都好嫩滑，唔錯。柚子德國咸豬手，份量都好大碟，原來已經切好晒一件件，又幾方便，個皮燒得好脆，食落又唔會好肥膩，點埋個柚子汁，又幾特別。…查看更多

今日同老公去診所產檢，之後行下街睇下野，就返屯門食晚飯，見疫情好叔啲，就出去食雞煲啦！太耐冇食啦！上openrice睇紅橋有間佳記都ok！今晚一於試試先！🤤好彩我地早到，6點就到，去到冇咩人，坐坐下話咁快就已經full晒啦！二人可以揀1個小食，我揀左皮蛋，唔太辣，都幾好食！我地揀左招牌雞煲，個汁好杰，好濃，雞亦好入味，佢地最好就係可以無限加雞，食完唔夠喉再encore！😋食完雞煲，我地嗌左肥牛、鵝腸、粟米、午餐肉、蝦滑仲有牛柏葉，全部都係打邊爐必食嘅！佢地仲有任飲，一般可樂、烏龍茶等等，不過最驚喜係竟然有椰汁，我仲飲左兩罐！🤭🤭我同老公已經決定左，等我坐埋月，一定會encore嘅！👍👍…查看更多

今晚同老公&家姐姐夫慶祝父親節，為左就我呢個大肚婆，所以揀左近我返工嘅地方 - 長沙灣《名煌金閣》我地揀左佢地出名嘅魚米之鄉 - 大沙巴龍躉 + 豉椒鵝腸 + 咸蛋黃金沙骨 + 椒鹽鮮魷 + 香辣鮮橋頭爆豬雜 + 蟹肉金絲炒飯《豉椒鵝腸》- 非常入味，鵝腸亦好爽脆《咸蛋黃金沙骨》- 咸蛋黃炒蝦就食得多，配金沙骨真係第一次食，估唔到出奇地夾，肉質仲好淋，咸蛋黃亦非常香口，非常正《椒鹽鮮魷》- 呢個同出面大排檔真係冇得比，出面通常都炸到好乾，但呢度嘅鮮魷仲好淋好嫩，好食👍《香辣鮮橋頭爆豬雜》- 入面有豬肚豬腸等等嘅豬雜，配上尖椒，非常惹味《魚米之鄉》- 終於都到左主角出場啦，魚非常滑，個湯配埋脆米簡直冇得彈，我同家姐都食到停唔到口🤤《蟹肉金絲炒飯》- 炒飯夠乾身，非常香口《生磨杏仁茶》- 杏仁茶好滑，冇渣，好香，完美ending…查看更多

老公好鍾意食牛，今晚去左屯門區出名多野食嘅虹橋覓食，見到有間牛扒屋，一於試試先！我地望望餐牌，揀左美國穀飼牛柳同岩石美國黑豚肉眼！可能我地早食飯，餐廳未算多人，環境寧靜，good！首先嚟左個餐湯，係我同老公鍾意嘅忌廉湯，仲有粟米粒，正！前菜係生蝦刺身&和風玉子燒胡麻沙津，仲有兩件蜜瓜！主菜嚟啦！首先係老公嘅牛柳，佢地都係放上塊燒熱左嘅岩石燒，肉質好嫩，石燒嘅好處就係你鍾意幾熟就幾熟，任你話事！仲有我嘅黑豚肉眼，不過豚肉就一定要全熟啦！😎不過都好林，一啲都唔硬！最後就有杯水果茶，完美嘅ending！…查看更多

今晚想食魚生刺身，梗係去食放題啦！貪佢咩都有，可以喪食魚生，聽同事介紹旺角嘅御滿屋，所以今晚就去食啦！熟食區已經好多野食，好豐富呀！魚生刺身都好新鮮好靚，甜蝦係連埋頭㗎，蝦膏超鮮甜，正呀！竟然有鵝肝食，唔錯唔錯!至愛雞腎，好爽脆呀！牛肉，好生，啱晒我嘅朋友！😎串燒，放題必食，都係好高質，讚！👍仲有其他熟食系列，全部都好好食，真係冇介紹錯！吞拿魚蓉+海膽壽司，一啖一粒，食多多都唔怕呀！食放題最怕就係新開張時啲食材高質，但後來就越做越差，但御滿屋開業都唔短日子，竟然仲keep到咁高質素，真係好抵讚！good！👍…查看更多

老公知我不嬲都好鍾意食辣野，尤其係之前喺深圳食過嘅麻辣乾鍋，比佢發現荃灣新開左間 - 十二味，都係一樣食麻辣乾鍋，於是就帶左我去食啦！用二維碼落單，非常方便！我地嗌左5個餸: 田雞 / 鮮蝦 / 肥腸 / 嫩牛肉同埋五花腩，咁多餸當然唔少得要白飯啦！我地淨係嗌左小辣加麻，味道已經非常夠，完全係我心目中嘅味道！👍第一次食麻辣田雞，原來好夾㗎！仲有蝦，肥腸同五花腩都係必揀嘅餸，牛肉亦非常嫩滑，讚！👍食辣野當然唔少得加多寶，清下熱氣！…查看更多

今晚同老公慶祝生日，一於去食放題，老公揀左《至尊滿屋》，仲要喺瓊華，食完仲可以去行街街！呢間好多野食，有熟食區，就算啲食物未到，都可以食住其他野等麥樂雞+炸薯角，薯角好脆，掂！👍炆冬菇，好有媽媽的味道！刺身好新鮮，我勁愛甜蝦，因為佢係連頭㗎，可以食埋佢啲蝦膏，好正呀！😋壽司款式都好多仲有我最最鍾意嘅海膽手卷，好足料呀！🥰老公點左女人養顏之選，冬菇花膠，好正呀！😋牛舌串燒，必食食完仲一人一客movenpick雪糕，好滿足呀！🥰🥰…查看更多

今晚朋友們話帶我《去滾》😨，我係女孩子嚟喎！滾唔啱我喎！哈！係邊爐果隻滾呀！你諗多左啦！😂一去到裝修好特別呀！坐得好舒服！係一個一班朋友食飯傾計嘅好地方。今晚朋友發板，首先有個《韓國人蔘山藥烏雞湯》，我地可以先飲湯，之後先加湯打邊爐。呢個湯好啱我呢啲女士飲，個湯好濃，好鮮，好肯定係冇味精，正，我飲左2碗呀！😋打邊爐有自助調味架，醬油係自家制，唔會死咸，仲有日本麻油，加埋啲蒜蓉辣椒簡直正呀！《火雞姐搞唔餃》&《百花齊放蔬菜拼盆》《火雞姐搞唔餃》其實即係手剁牛肉餃，皮非常薄，正！《A5野崎牛後肩肉柳》勁大塊，入口即溶，好滿足呀！《黑毛豬豚肉》肥瘦適中👍《冰豆腐》浸落啲湯度，索晒啲湯，好入味呀！《蒜片牛肉粒》牛味好濃，好香！《臘腸冬菇滑雞煲仔飯》呢個飯非常正，非常足料，為呢餐飯劃上完滿嘅句號！…查看更多

發覺而家好興石燒牛，價錢大眾化，對我地呢啲牛魔王真係天大喜訊，因為以平民價錢就可以食到靚牛。今日就同朋友嚟旺角《磊犇》，所有牛扒餐都淨係收扒錢，白飯、湯、飲品都不另收費，我朋友揀左磊牛扒300g，而我就食牛肩肉300g。飲品方面就有自家製嘅飲品: 洛神花山渣茶 / 菊花茶 / 綠茶喺門口買完餐，就拎住呢個機入去搵位坐就得㗎啦！部機一響，你就去取餐處自己攞餐，非常方便白飯同麵豉湯都係任添㗎！我的牛肩肉300g朋友的磊牛扒300g裡面係得1成熟，所以你要切開佢，慢慢煎到你想要嘅生熟程度，呢個就係我鍾意石燒嘅其中一個原因，你想幾熟就幾熟！👍等我下次再去發掘其他石燒牛先！😋…查看更多

之前喺鋪頭，見到有客拎住雞翼山嘅外賣，聞到香味已經覺得好正，一直好想去食，難得今日放假，約左同樣非常喜愛雞翼嘅朋友仔去食呀！去到門口，見到鋪頭唔算大，有一行企位同一行長凳，好好彩我地有凳坐我地嗌左3款雞翼 - 港呢D友情萬歲檸茶 / 韓式蟹皇蟹籽oppa / 黑松露蒜香武士⭐港呢D友情萬歲檸茶⭐食落酸酸甜甜，好開胃⭐韓式蟹皇蟹籽oppa⭐一啖雞肉一啖蟹肉，好fresh⭐黑松露蒜香武士⭐好香蒜味，估唔到可以同紫菜match到加18蚊可以有特飲，我地揀左《野莓伯爵冰茶》，食完雞翼飲，可以消除油膩感，good！👍雞翼山果然名不虛傳，真係好好味，下次我會帶老公嚟食㗎！…查看更多

一直對台式火鍋念念不忘，當你一行入去店入面，充滿住好香嘅麻辣味，未食都已經流晒口水🤤老鍋台式火鍋，一出電梯已經見到貼滿晒明星嘅相，信心保證！😌我地揀左麻辣鍋，鍋入面仲有鴨血，正呀！肥牛充滿雪花，牛味濃，正！😋皮旦貢丸＆魚皮餃，貢丸入面有皮旦，仲好多汁，好新穎，魚皮餃都好食！台式臭豆腐，好脆好香口！甜不辣，啲魚肉好煙韌，點埋甜辣醬就very good！新竹米粉，好彈牙邊爐必備娃娃菜，啲菜索晒啲麻辣汁，好正呀！😋打完邊爐，飲返枝冰凍嘅綠茶同烏龍茶，簡直完滿！…查看更多

老公不嬲都鍾意食雞煲，我記得同事有介紹深水埗開左間豐鍋雞煲幾好食，於是約左老公收工過嚟食。我地2個人，嗌左半隻雞小辣，好香呀，小辣剛剛好，個汁好濃，就算係雞胸亦都好滑，真係冇介紹錯！👍食半隻雞點會夠喉，嗌埋肥牛+魷魚+娃娃菜，食完雞煲再打邊爐肥牛肥瘦適中，食落仲好有牛味👍手工炸魚皮，真係成塊魚皮，外面好似有啲淮鹽，咸咸地，又好脆口，堅好食。打邊爐點少得凍飲，我嗌左藍蝶雪梨，老公嗌左水蜜桃梳打，我果杯雪梨，好滋潤，老公果杯水蜜桃就好fresh，不錯不錯！😌…查看更多

朋友知我係牛魔王，所以佢一知道荃灣有間平民價錢嘅石燒牛即刻要約我嚟食。呢排個個都唔願出街食飯，所以我地只係等左一陣就有位啦！一入餐廳，好濃郁嘅牛味，未食已經覺得正。睇睇餐牌，果然非常親民，我同朋友揀左3個餐 - 《牛橫隔膜腹肉》+《牛側腹扒》+《日本A5和牛腹》，今次一定非常滿足！🤤我地仲加左30蚊要埋薯條+飯+可樂+沙津！✌首先嚟左前菜，薯條係粗薯條，啱啱炸起，熱辣辣，正！👍沙津就加左煙肉，好有咬口，仲有配左好多沙津醬！主角到啦！大大塊牛扒放喺熱辣辣嘅石板度，廚師會預先將牛扒嘅表面煎封，鎖住肉汁，客人可以根據自己嘅喜好，喺石板度繼續煎到自己想要嘅生熟度。牛橫隔膜腹雖然牛味唔係太重，但入口好嫩，仲好甜，好juicy，而牛側腹就重牛味，各有各好食。佢地仲可以去自助bar攞岩鹽嚟點，或者點紅酒牛肉汁＆阿根廷青醬，我自己就鍾意紅酒牛肉汁，青醬真係太草青味，我自己本身麻麻！😌個飯亦好特別，表面有紫菜同芝麻，非常香。最後就係日本A5和牛腹，超嫩滑，只要點少少岩鹽就已經好出色，真係入口即溶，雖然好飽，但真係忍唔住要食晒佢呀！今餐真係好滿足呀！以呢個價錢食到咁高質嘅牛，真係好難得，遲啲我一定會再嚟㗎！😎…查看更多

今晚同老公撐檯腳，揀左v city嘅但馬屋打邊爐！平時一大班人一齊打邊爐就打得多，一人一煲就真係少。我地兩個都揀左《日本產黑毛和牛及北海道夢之大地豚放題套餐》+甘露鍋見個煲未到，就可以出去攞啲配料同醬料，配料有好多選擇，應有盡有，而醬料我特別拎左芝麻醬，我覺得點芝麻醬會比較日式啲！😋飲品除左罐裝之外，仲有蘋果汁，雜果賓治同埋美肌養顏水，不過我冇試呢3款自家制嘅飲品，我都係飲返我至愛嘅冬瓜茶！我最愛嘅和牛到啦！😋雪花分佈好均勻，入口即溶，好正呀！我呢啲牛魔王，當然encore左幾次啦！仲有呢個豚肉都好嫩滑，果然係非一般豚肉。😋食牛都食到飽飽地😂但點都要拎啲丸，芝士腸，雞肉同埋我每次打邊爐都必食嘅粟米。食飽飽，當然要食埋個haagen-dazs先叫做完滿啦！…查看更多

今晚又同老公去元朗覓食，老公想食小菜，所以就揀左呢間《鋒哥廚房》。好彩我地早左去，唔係太多人，可以坐到卡位，正！👍我地嗌左《蜜桃生炒骨》/《馬拉盞炒通菜》/《生炸bb鴿》/《日式煎餃子》例湯超多料，好味呀！👍凍檸茶亦不過不失！蜜桃生炒骨 - 味道酸酸甜甜，非常開胃，作為第一道菜真係好適合，平時食開都係菠蘿，今次係蜜桃，老公非常鍾意，因為佢係蜜桃粉！馬拉盞炒通菜 - 啲馬拉盞超香超夠味，I loving it！生炸bb鴿 - 到我嘅至愛，bb鴿超juicy，又係超入味，啱晒我呢啲(輪)骨怪，我食到超乾淨㗎！🤤日式煎餃子 - 其實我覺得唔係好襯小菜，但老公堅持想食，不過一食又幾好，煎得好脆卜卜呀！其實我仲有好多餸想食，但無奈我地得2個人2個胃，唔緊要啦，下次再嚟食過！😋…查看更多