SuperNormal (淘大商場2期)

今日同朋友行街，又想食西餐，見到呢間西餐d價錢唔係好貴，價錢都算合理，所以就決定去呢間餐廳dinner啦。

叫咗個小食先，墨西哥粟米片，雖然係小食，但都幾大碟，d粟米片好脆，加埋蕃茄粒＆肉醬＆沙律醬，都幾好食。

炸魚薯條，我好鍾意食炸野，所以點咗呢個菜式，魚同薯條炸得好脆，唔會好油膩，魚都好嫩滑，唔錯。

柚子德國咸豬手，份量都好大碟，原來已經切好晒一件件，又幾方便，個皮燒得好脆，食落又唔會好肥膩，點埋個柚子汁，又幾特別。