TOB.S的个人专页

今日落雨咁岩滯留左係海防道，經過川上龍，見到樓下貼多左好多雜誌推介之前黎食過一次，記得都有唔辣既菜，ok唔錯因為今次有朋友唔食辣野上到去，發覺檯上面多左張新菜推介，點左醬茶鴨，篷蓮肉卷。encore醉乳鴿，炒土豆絲，辣子雞丁醬茶鴨層皮微脆，d肉好嫩，ok喎篷蓮肉卷，一睇就知係心機菜薄薄既五花腩包住蓮子，底層有梅菜，係梅菜蒸豬肉精細版 :) 幾特別經理推介岩岩入手既大閘蟹，見秋風起都係時候食大閘蟹啦 $88蚊隻，我地點左3隻，即叫即蒸。侍應好細心，話幫我地hold起其他菜，食完大閘蟹先再上，咁就唔會凍晒。雖然未係爆膏，但係師傅好勁，蒸到岩岩好，d膏好滑，肉真係好嫩，juicy !! 我估過多1，2個星期再食一定爆膏 :)點解我係屋企蒸唔到咁既火侯？><所以我地忍唔住encore叫多2隻 ^^仲有薑茶去寒 :)上次食過糯米炒蟹，念念不忘。今次又encore，秋天食糯米真係岩晒 ！ 今餐食左好多蟹，正呀 ！！…查看更多

心血來潮想食川菜，係開飯搵下有乜心水。發現e間新開的上海四川菜餐廳見個名幾特別 (川上龍)就上去試下啦。冷盤:- 口水雞- 蒜泥白肉- 川汁皮蛋- 醉乳鴿- 涼伴海哲蒜泥白肉賣相精緻！口水雞辣度適中，雞肉好滑！:)雞煲揀左中辣， 會係電磁爐上面keep住溫度，good！打開煲蓋聞到好香既辣椒同花椒味，肉質好滑，仲有淡淡花鵰味。下次再黎一定要encore！醉乳鴿都好好味，乳鴿皮好爽，食得出好香花鵰味。:)蔬菜揀左干扁四季豆，清炒土豆絲。好中意食炒土豆絲，因為平時去粵菜餐廳點唔到。四川炒辣蟹又係揀中辣，辣味入晒蟹肉，好惹味。…查看更多

想起Sevva開了家餅店在歌賦街。是日在友人家開餐，一於買幾個試試！ 店址在歌賦街尾段位置，門外有數位女士在等待選購蛋糕，又有攝影師為蛋糕拍硬照，好熱鬧。蛋糕仔一定要3個為1 set咁買，選了6個，共300元。印象較為深刻的是紅菜頭蛋糕，荔枝味蛋糕，和名字為Better than Sex的蛋糕。說真的，外型可以再精細點。店裡看到一款香橙薄餅蛋糕，外型簡單又討好，下次經過會一試。:)外帶用的盒，流露著Sevva的影子，品味與美麗並重。…查看更多

友人介紹，方認識這家餐廳。得知該店下午4點左右便關門休息，3點來到，急急叫了煎旦牛肉煲仔飯，薑蔥雞翼，仲有例湯。10隻雞翼，不消一會就食晒。好好食！用上新鮮牛肉，沒有那討厭的梳打牛味，正！配上燶邊煎旦 一定會encore，如果時間許可，最好是2點後才光顧。人少點，冇咁忙，阿姐的態度都會好d。:) …查看更多

是夜想吃清清地，清清地自然諗起壽司，想食壽司就諗起壽司廣。點了壽司煮物套餐。前菜是磯燒鮑魚 接著看到一盤新鮮壽司迎面而來，每款魚生都蠻新鮮，不錯不錯 ！還有京燒銀雪魚，但魚肉偏鞋 如果可以自選壽司種類就更好啦 ！ ＊＊可能2人開飯關係，侍應態度給人感覺愛理不理。始終是比較關注大檯的客人為先，來杯熱茶都要三催四請。…查看更多

元旦日跟家人一起回港，在車內眾人已討論著去邊開飯？最後決定食八重菊。家人跟朋友早前已食過一次，我那天剛巧有約，聽他們說味道不錯，座在鐵板爐前看廚師烹調,又有視覺享受。也聞說那天回到家也快11點半了，可想而知真的是"慢食"。。。這次可以嚐嚐，嘻 廚師抬來了一盤海鮮，內有超大鮮鮑魚，在面前郁呀郁，生猛極！蟹也有郁手郁腳，活躍得很！6個人，點了3個套餐。另外點了一隻蟹，和牛一份。忘記了羊架是套餐內，還是單點的了？！蝦，帶子，前菜，炒雜菜那些都不寫了，直指來到重點。味覺，罪惡感同樣爆燈！好飽，肚皮也沒位放甜品cheesecake雪糕。。。給了3小時免費停車，但鐵板燒就要慢食的。另加1小時泊車費，＄60元。其實後來也encore了2次，點了日本大鮮鮑，下次詳談。:)…查看更多

周一，爸爸有飯聚，母親大人話出街食。想食西餐，地區遷就港島區工作的我同細佬。心水有二，Pierre/ Petrus.最後選了Petrus，貪其座位寬敞，又可以飯前先逛個街。位於港島香格里拉56樓，地理位置優越，飽覽整個九龍半島同中環。服務欣勤到位。有別於現在的餐廳，檯與檯的距離很遠，感覺自在又舒適。 點了廚師推薦的8 course dinner set，主要係想一試"黃猄肉" :)welcome 小食是i. 脆脆薄餅乾，內藏白磨菇。ii. 超香脆的puff！愛極！一點都沒有變淋，邊食邊掉碎碎，嘻。香檳果凍配魚子醬，入口淡淡香檳味，底部有超新鮮味道的海膽醬，中間還有細細粒的海縲肉，旁邊還附有一大匙魚子醬！隨個人喜好，把紫菜撕碎伴食。小小頭盤，心思極多 :):):)黑松露，薯仔切片，配香脆酥皮批 加插報導一下弟弟的頭盤，田雞腿。頭盤上來時，心裡忍不住哇了一聲。。太精緻了！牛尾清湯，湯中的雲吞內含牛骨髓。主菜黃猄肉終於上場 :)小小的2件，肉質淋軟，嬾滑。有點像牛肉，未知是否受醬汁/ 香料影響，帶了點甜味。上甜品前來了客藍芝士，味重的芝士非我杯茶。甜品外貌似意式雲吞，其實是酸咪咪的波蘿mousse，配sorbet 最後還有水果。一消飽滯感覺！ 雖然每道菜的時間相距蠻久，但完全值得。8道菜看似太多，每碟份量偏少，細嚐8菜後，份量還帶點過飽呢 這頓飯超喜歡！看得出廚師的心思，心機，手勢，用料，對食材的要求質執著，讚！:)…查看更多

早早已是柴田武的fans，家中收藏著柴田武出的蛋糕書。11月時知道chez shibata 在圓方開了蛋糕店！確實驚喜萬分！實在需要馬上出發去圓方買返幾件試下！企係蛋糕櫃前，每件都美得像藝術品，十五十六，最後買了6件返屋企品嚐。蛋糕出色不特止，服務仲好細心！ 除了會係每件蛋糕底痴膠紙固定外，仲會用卡紙圍住，以防外帶途中互相撞到。:)又有小冰袋保溫，仲有叉同紙巾。再加超厚身蛋糕盒，紙袋。只是略厭不太環保 :(每件蛋糕都造得好精緻，絕不馬虎。最喜歡那心形的respberry蛋糕，外層被霧化，內裡有respberry mousse 果肉，夾心層有牛奶mousse。很香，很滑！puff 也不錯，只是跟蛋糕比，我還是偏愛層次豐富的蛋糕！respberry macroon是第2喜歡，或許個人偏愛口感酸酸的蛋糕，感覺沒那麼滯 mocha opera，綠茶味是蠻濃的，但跟chestnut mousse cake一樣，驚喜不大。40元一件蛋糕，價位絕不算平。但值得 …查看更多

食過翻尋味，第2日再book檯食lunch 12'c 的中午，坐在窗邊，被陽光曬著。既和暖，又舒服。:)黎到發現原來冇brunch的，前一晚已虐過多款main course。咁今日就一於試試“海鮮拼盤” 每一樣海鮮都非常新鮮。龍蝦，生蠔， 大蝦，帶子，仲有龍蝦仔 另一位先生，一早起身冇胃口，只點了個龍蝦湯。。。 另外要左個煎鵝肝外皮香脆！原本想encore昨晚點過的tuna tartar，但。。。最後一份岩岩比人order左 咁點個酥皮牛肝菌吧 越寫越肚餓，去廚房找找東西食。(閃～)…查看更多

每年的一月份，一位重要人物生日，弟弟！前一天訂位，發覺現今香港愛吃愛喝的人真不少，很多高級餐廳已Fully booked!最後左搵右搵，又要有view找來新開的Wooloomooloo Prime! 一試之訂位的小姐話好full，只能夠比高身的大檯比我地。其實張檯都唔錯，高身又夠闊落，旁邊就係open kitchen，睇住廚師忙碌地為食客準備食物，grill爐又開又關的，忙得不亦樂乎。愛極那tuna tata ！酸酸的醬汁，配上帶子，牛油果，三文魚子on top。開胃到不得了！！點了4個頭盤，每人主菜各一。三文魚wooloomooloo steakdry aged rib eyes羊架Beef tenderloin "fillet cut"眾主菜水準不錯，唯獨那自家店名為名的"Wooloomooloo steak"，over cooked，肉身很鞋。肉色焦黑，為身體著想不敢放進肚子裡。 三文魚排是驚喜之作，那數片青蘋果片，中和了三文魚的油膩感！:)我的dry aged rib eyes 也肉味濃厚midium well 準確無誤。4款醬汁之中，特別喜歡那磨菇汁，用的是牛肝還是羊肚菌。香氣四溢~ 出色！:(＊唯一不滿的地方，可是那位接線的小姐，前來途中，車子遇上輕微交通意外，等待差人前來交待事發經過，簡單寫下當時情形，以致遲了45分鐘。致電餐廳，告知原因。並說我們就在還有5條街的距離。問那張檯可有還留了給我們？那接線小姐一直問："你地幾耐可以黎到？""你地幾耐可以黎到？""你地幾耐可以黎到？""你地幾耐可以黎到？""你地幾耐可以黎到？"5條街的距離，相信並花不了太多時間，想那接線小姐大慨忙瘋了以致失去距離感。只好跟她說，15分鐘吧。接線小姐才安心的告知："張檯仲留緊比你地" @@來到餐廳，那接線小姐終帶我們來到坐檯，發覺像我們這種8人大檯，另外2大張還是空空的沒人坐。至11pm結帳時也吉著。只能說，心機有夠重的。。。…查看更多

最愛這家的鴨肝！第一次來，在唔知需要預訂既情況下就食到。第二次，心存僥幸，點知冇訂就真係冇得食 第三次，老老實實打電話訂左先。這次朋友生日，9人食飯。人多好點餸，都點幾多炸野食，樣樣都美味食潮州菜必點鹵水併盤。好像叫炸蝦丸，幾新鮮彈牙飲返罐可樂先 對！提提大家，晚上10點半入座，有8折。…查看更多

某日下午，黎到caprice食lunch.由頭盤至甜品都十分滿意，服務又細心. 對住藍天白雲，與友共膳，一樂也 ！哎呀！！麵包美味得連照也忘了拍。牛肉他他最難忘是這羊柳，淡淡的羊肉，又軟又嫩，3件也厭太少。蜜桃味雪糕配cream puff清淡桃味，為完美午餐作美麗的終結。…查看更多

又想食花錦鱔，提前打電話book檯，預留一斤半花錦鱔先。（因為閒日唔一定會割鱔，最好打電話問一問。)1. 煎釀青椒，魚肉新鮮，青椒爽甜，有幾隻都辣。2. 薑蔥焗花錦鱔. 每次必點菜式。鱔粗肉厚，又夠有彈性。而且出面好少食到e種鱔。3. 清蒸和順魚。超大條，好有魚味，又滑，但比較多骨要小心食。4個人食，最後勉強完成。4. 薑汁炒芥籣，ok正常。5. 大良燉蛋白。順德傳統甜品，咁黎食順德餸緊係點返個黎食啦，order左15分鐘都未上黎，唔係一早燉好既咩？ 再催先發現阿姐拎左2碗放入微波爐叮熱。。。。？！ 而且食落係唔夠熱囉，又唔熱又唔凍，簡直難食 ！一句到尾，食順德公都係為左花錦鱔。…查看更多