kiwis的个人专页

朋友生日食飯，選了圓方這間餐廳。食物還可以。但服務很一般，價錢偏貴。但係冇辦法圓方的餐廳基本上都係偏貴。泰式燒雞半隻$198真的有點偏貴，燒雞腌得幾好幾入味，味道不錯但雞肉有少少乾。燒雞送糯米飯。糯米飯質素很一般感覺很硬。食咗一啖就食唔到。咖喱蟹肉，咖喱調味唔錯，但係蟹肉真的少得可憐。要食到最後底部先搵到少少蟹肉。但係蟹肉質素幾好，不是冷藏貨。泰式大蝦炒金邊粉只有三隻蝦感覺真係唔係好大隻，仲應該係雪藏貨。炒粉味道幾好但係上枱嘅時候已經唔係好熱，有啲溫溫吞吞。鯰魚伴青芒沙律-青芒沙律調味幾好，很正宗，伴脆鯰魚爽脆加酸酸辣辣很開胃。但鯰魚很快會淋要即時食。總體來講食物質素都算可以，菜式擺碟都幾靚。但服務真的有待改善，服務員偏冇禮貌。兩個人要$1000左右埋單，以呢個食物質素都幾貴。但係地段問題冇辦法。圓方普遍上嘅餐廳都係偏貴…查看更多

粵來順-之前一直有食質素唔錯，但係近呢幾次去食唔知係咪換咗廚師，好似食物質素有下降。金沙桶蠔-一直覺得佢做呢個蠔做得唔錯皮夠薄，鹹蛋黃都好香。但今次食完全唔係嗰回事，皮太厚筷子一夾成塊皮會甩落嚟。鹹蛋亦都做得唔夠香，有啲浪費左啲蠔😩金絲銀枊-因為之前一直做得唔錯嘅嘢。今次呢個完全大失所望。啲蝦子太少，啲魚麵線同之前比而家真係好粗鞋又冇魚味。吵得一啲都唔香。呢個芝心球第一次食覺得味道都幾好，夠彈牙，但係中菜芝心通常都係唔係好夠芝士味。呢個係預計之內冇乜好投訴。呢個小炒王係今日做得最好嘅一味餸，抄得都幾香口啲腰果夠脆，有蝦乾，蝦、魷魚等配搭都幾豐富。總體來講： 我個人認為唔知係咪換咗廚師，啲餸菜做法有改變。其實除咗個小炒王其餘啲嘢真係好一般，對於今餐飯有啲失望。…查看更多

小朋友想食甜品，見到HeSheEat食主菜食主菜，甜品有五折優惠。都幾抵食所以去試吓佢地既晚餐。HeSheEat漢堡-三重芝士加黑松露蛋黃醬，雖然冇乜黑松露味，但是味道唔錯。漢堡肉冇乜肉汁和肉味所以大打折扣，薯條幾脆口感唔錯，沙律冇食所以不能評語，整體感覺還可以。墨魚汁意大利麵-調味同埋魷魚其實一般般，魷魚唔太彈牙，意粉有少少偏軟。不太推介。香煎雞胸溫泉蛋意大利粉-雞胸味道還可以，雖然一般處理意大利飯，飯心都會偏生，但係呢個意大利飯都真係太乾太硬，味道很一般，我哋食咗三份一就冇食。奶昔幾濃味，但個人來講有啲覺得忌廉太多。同埋用膠杯感覺大打折扣。開心個心太軟-心太軟同雪糕做得多幾好，唔算會太甜，心太軟外層焗得幾好外邊有少少脆裏面夠熱。朱古力忌廉班cake卷-班cake都好濃朱古力味加上裏面嘅忌廉好咁加上裏面嘅忌廉口感幾滑，再加上Berry做嘅雪糕酸酸地，甜品整體真係做得唔錯。整體來講：佢嘅甜品真係做得唔錯，但係晚餐主菜真係有待改善。但係兩個大人一個細路，四百幾蚊連晚飯甜品，性價比都高。如果想食甜品為主，我會推介再來。…查看更多