kittyyy0313的个人专页

最近同朋友們去左上環嘅HONJO食飯。呢度主打fusion日本菜。餐廳環境寬敞，裝修別緻，有英倫風，好啱喺到慶生或慶祝各種特別日子！黎呢度食佢哋嘅omakase menu。同一般omakase有別，以fine dining嘅形式，有多達13道courses。喺開始omakase之前，仲會有welcoming drinks同埋佐酒小吃枝豆。welcoming drinks係即場調製，可以揀cocktail或mocktail。今次揀左mocktail，係Jasmine base搭配pineapple等清爽水果元素，好refreshing！飲完嘢之後就會帶去omakase嘅特別corner享受10多道美食佳餚。呢個menu嘅13道courses包羅萬有，無論係海鮮、肉類、魚類、主食、甜品等都食得到！混合日式同西式，fusion異國風味相當特別！每一道都有chef簡單介紹所用食材同做法。珊瑚沙律。海藻沙律配柚子松露dressing。酸爽清新得黎有層次，蓮藕唐揚好脆，配搭三文魚籽，增添鹹鮮風味！炙燒三文魚薄片。炙燒過嘅三文魚油脂豐富，魚香突出，但配搭酸甜芒果可以balance返個油脂油膩感。帆立貝。呢個帆立貝鮮甜得黎，配搭松露洋蔥同埋柚子醬油啫喱，仲有濃厚煙燻香，味道豐富！海蠔。呢個生蠔好新鮮。有濃厚鮮味，配味噌sauce同埋crumble，有鹹甜鹹甜嘅風味！韓風牛肉串。呢個牛肉串有啲似日式嗰啲免治雞軟骨，不過變左牛肉同埋韓國風味。韓式辣椒醬dressing配garlic mustard，特別惹味！炙燒和牛。chef即席炙燒嘅和牛。和牛入口即化，肉質好軟嫩，柚子胡椒可以提味，惹味得黎又唔油膩！吞拿魚。呢個吞拿魚混合埋牛油果同埋三文魚籽，好飽滿嘅吞拿魚牛油果卷咁，好滿足！大蝦。King Prawn蝦肉爽口，牛油香菇汁濃郁又唔搶，牛蒡蓉好香口，成個配搭好夾。竹。又一道好特別嘅tempura。炸竹筍蟹肉，爽脆得黎有啖啖有一絲絲蟹肉。紫蘇葉增添清新，黑飛魚籽提鮮。豚角煮。主菜之一豚角煮入味得黎肉質又夠腍。脂肪比例啱啱好，四川胡椒微辣，白蘿蔔爽脆解膩！烤雞肉。雞肉雖然唔算好嫩滑，但係佢個紫蘇蛋黃醬好加分！炒飯。炒飯入面材料都唔少，有牛肉、風乾火腿、蔥、溫泉蛋等，灑上金箔更顯矜貴。抹茶蛋糕。最後嘅甜品都唔馬虎！抹茶海綿蛋糕鬆軟濕潤唔甜膩，Baileys cream酒香濃郁。以呢個甜品作結好滿足。…查看更多

每次香港想食韓國炸雞首選都會諗起Terrace in seaside。每次都好回味佢哋嘅濟州柑橘炸雞之餘，佢哋都會不時推出新嘅限定菜式/甜品，每次都有驚喜！今次又搵左個Happy Friday約朋友去食炸雞。半半炸雞，可以一次過試到兩款口味。必點一定係濟州柑橘炸雞。甜甜酸酸嘅柑橘醬同炸雞簡直係絕配，好清新嘅口味，柑橘味好突出！另一款口味揀左韓國經典款甜辣炸雞，好惹味嘅甜辣醬，完美包裹著每一件炸雞。炸雞整體都炸得外皮香脆，內裡雞肉保持嫩滑同juicy。呢份炸雞都幾大份，仲有埋沙律同薯條，啱晒多啲人share！拉出一絲絲芝士排骨鍋。芝士控唔能夠錯過嘅芝士排骨鍋。店員會幫手將每一條排骨都捲滿芝士，成個畫面幾治癒。排骨本身已經有一定嘅調味，而且肉質好軟嫩，配埋芝士好好味！仲有四件紫菜飯糰。呢個排骨鍋仲有個辣嘅版本，食得辣嘅可以試！玫瑰醬八爪魚豬五花肉意粉。呢個韓西fusion嘅意粉，配搭嘅玫瑰醬係好creamy嘅韓式辣醬cream sauce，微微辣嘅味道特別惹味！五花肉同八爪魚份量都幾多，選用嘅五花肉唔會太肥！甜品試左新出嘅 比初戀還要甜的蜜瓜窩夫。賣相已經覺得好靚。一份有4件窩夫配新鮮蜜瓜、新鮮雜莓、蜜瓜cream同埋蜜糖。啲窩夫有一定厚度，好鬆軟同食到蛋香，啲蜜瓜cream好甜同好突出嘅蜜瓜味，有啲似平時飲嗰啲蜜瓜豆奶嘅味道。但係配窩夫係幾match！本身個配搭都已經甜，所以就無再另外落蜜糖。兩杯特飲，濟州柑橘乳酸梳打好啱打卡，有黃色同紫色嘅漸層，入口清爽refreshing，乳酸部分酸甜突出。青柑柚子梳打會比較酸爽啲，更加減膩！…查看更多

今個禮拜就係母親節。決定提早慶祝母親節！今年選址喺中環大館入面嘅「1862 BAR DE TAPAS Y VINO」。見到推出左專為慶祝母親節而設嘅Mother’s Day Set Menu，呢個餐夠3-4個人食，包含多道地道嘅西班牙菜，由appetizers, salad, 各款salad到mains同甜品都食得到，好豐富，又好味！先有1862田園沙律。呢個沙律入面嘅蔬菜新鮮又爽脆，salad個dressing酸酸地特別開胃，好清新refreshing！跟著就係好吸引嘅Ham Platter。一個platter可以一次過食到晒西班牙黑毛豬火腿、風乾牛肉、黑毛豬豬頸肉配Manchego Cheese同埋迷你麵包條去配搭。啲ham真係好高質，鹹香十足之餘，仲充滿油香，配Manchego cheese一齊食味道層次好豐富！然後有3款Tapas。煙燻鯷魚蒜蓉番茄多士。呢款tapas我個人係最愛。脆脆嘅多士上係酸甜惹味嘅番茄他他，蒜香十足，鯷魚獨有突出嘅魚香，鹹香滋味！西班牙青椒。外脆內軟嘅青椒，帶有青椒嘅清甜，唔錯！黑毛豬火腿球。每粒火腿球都好飽滿，炸得香脆，咬開就有滿滿嘅黑毛豬火腿忌廉餡，鹹香嘅火腿同忌廉嘅balance啱啱好。主食少不了有西班牙菜必食嘅Paella。呢個餐廳招牌嘅Paella有好多款式嘅海鮮，面頭鋪慢各款海鮮，例如大蝦、蜆、青口、帶子等等，而且海鮮都幾新鮮鮮味，大蝦都好爽彈！底下嘅海鮮飯吸收晒海鮮精華，鮮味十足。1/4隻西班牙乳豬配燒菠蘿配原味肉汁。呢個suckling pig都係當晚喜歡嘅菜式之一！乳豬皮脆肉嫩，肉味仲好濃厚，配原味肉汁同埋酸甜多汁嘅燒菠蘿，增添風味！好味！最後甜品有兩款，用platter送上，仲用朱古力寫左HAPPY MOTHER’S DAY字樣添！雪糕三文治用左西班牙甜點常見嘅Churros夾住芒果同士多啤梨雪糕，冷熱交融，Churros以呢個形式呈現都幾特別。另一甜品係聖地牙哥杏仁蛋糕伴杏仁奶油醬。呢個甜品雖然比較乾身，但佢個杏仁味好突出！整體呢餐都好好味，4個人食都食到好飽，母親大人好滿意。…查看更多

PHI Coffee & Pancake係每次想食soufflé pancake嘅時候都會首選諗起嘅一間。而家元朗YOHO都有分店，啱晒我呢個住新界西嘅人。一於約朋友黎食。呢間分店喺YOHO二期，環境算寬敞舒適，有多款口味嘅pancakes，不時仲有期間限定嘅口味選擇。另外仲有多款主食如意粉、risotto等同好多款式嘅咖啡/茶類！cafe黎講選擇真係好多。今次點左個開心果帶子意粉。非常特別又創新嘅一款意粉，好少見會將開心果元素加入意粉入面。而佢一啲都唔違和，意粉sauce好creamy，有淡淡開心果嘅果仁香，但又唔會好搶，仲食到開心果碎碎嘅口感，仲有蘑菇等食材增添風味！香煎帶子都幾鮮。另一款係蝦哈哈甘筍意大利飯。第一啖已經好驚艷嘅risotto。risotto好creamy但意大利飯口感唔會太軟爛，甘筍特殊嘅清甜味道好突出，食到番茄醬嘅味道，酸甜酸甜嘅味道減低risotto飽膩感！入面有蝦肉、菠菜、蘿蔔仔等食材，整體係一個好好味嘅risotto。Pancake點左款從未食過嘅新口味-春日香橙焦糖燉蛋梳乎厘。賣相好靚好fresh！梳乎厘pancake係一如以往嘅鬆軟，好重空氣感。配搭好重橙味嘅橙cream、Lotus餅乾碎、蜜柑同埋黑莓果肉，仲有胡蘿蔔造型嘅白朱古力作點綴。最特別係有一個用橙皮整成嘅creme brûlée，呢個焦糖燉蛋好香滑，仲有橙嘅清香，好味！飲品點嘅開心果咖啡都唔錯。咖啡香濃之餘，都飲到濃厚嘅開心果味，面頭有層奶蓋，層次好豐富，整體唔會太甜。人見人愛花茶。入面有多款唔同嘅花同埋果乾，味道清雅又帶有淡淡花果香，養生之選！…查看更多

Weekend Brunch @ Quiero Mas 🇪🇸食過Quiero Mas好多次，每次食完都好滿足，因為呢度嘅西班牙菜好正宗，性價比好高，Weekend Brunch menu亦會定時更改，保持新鮮感! 呢日有埋風琴live performance ，好有氣氛！上次食weekend brunch印象最深刻就係有大大穫seafood paella任食（到而家都回味緊…😛），今次黎雖然冇咗，但$298有1道welcome snack + 6款tapas + Main + Dessert，真係超抵！呢日嘅welcome snack係salmon toast，三文魚好肥美，油脂豐腴。Tapaslate of Spanish HamHam油潤芳香，口感細膩。Crystal Tomato Bread蕃茄新鮮爽甜，配香脆嘅多士簡單但好味。Scallop Ceviche 帶子鮮甜，口感柔軟，底下墊有香滑嘅牛油果mousse ，酸酸地好開胃。Gambas, Garlic-Chilli Prawns大蝦好大隻，新鮮彈牙，蒜香十足！啖啖肉都好滿足！Broken Eggs with chorizo炸得香脆嘅薯條沾上半熟蛋汁及炒香過嘅蘑菇片，充滿風味！Truffle & Cheese Bikini Bikini係我最鍾意嘅tapas，烘得脆口嘅多士夾住熱熔芝士，加埋香氣撲鼻嘅黑松露，食完好幸福！Main: Suckling pig Suckling pig係呢度嘅招牌，同平時食開嘅suckling pig唔同，呢度會將豬肉拆肉後再拼起來，雖然食落確係啖啖肉，但個人反而覺得食落口感比較散，個人鍾意肥瘦相間嘅乳豬肉多D。不過乳豬皮烤得好脆！Fish煎得香脆金黃，魚肉嫩滑。Desserts:Churros with chocolate dipChurros即炸，上枱時仲係熱騰騰，蘸上香濃嘅朱古力醬，甜而不膩。Basque burnt cheesecake芝士蛋糕口感香滑，甜度適中。…查看更多

最近多左黎荔枝角食野，今次就食下台灣嘢。去左呢間小有名氣嘅「黑布小巷」。平時呢度lunchtime座無虛席要等位，所以今次就dinner時段黎食！呢度有多款地道台灣美食提供，牛肉麵、滷肉飯、蛋餅、吐司同夜市小食都食得到。吐司係呢度必點！慢烤雞腿芝士蛋吐司。好足料又豐富嘅烤吐司！慢烤雞腿嘅雞肉好嫩滑仲有豐富肉汁。流心嘅雞蛋同芝士雖然好邪惡，但好味。食兩件已經好飽肚！紅燒台式牛肉麵。紅燒牛肉湯好濃厚但唔會過鹹，牛肉煮得好腍又入味，麵條有韌勁有彈性。食得辣嘅一定要落佢個蝦米辣椒油，落左之後惹味好多之餘，蝦米仲好提鮮！蛋餅味道選擇有幾款，點左份芝士吞拿魚粟米蛋餅。份量好大，而且又係勁足料！蛋餅入面嘅餡超飽滿，滿滿嘅吞拿魚餡，粒粒粟米增添口感，熱溶芝士充滿鹹香！建議多啲人share蛋餅。另外點吐司/麵可以優惠價加配小食同飲品，點左份花枝丸，都好彈牙鮮味！飲品點左比較養生嘅黑糖雪耳枸杞同黑糖紅棗桂圓，兩杯都唔會太甜！最後再食埋佢哋嘅三色圓甜品，煙韌嘅三色芋圓配黑糖桂圓杞子玫瑰糖水。滿足。…查看更多

最近多左喺荔枝角搵美食，今次就黎左PAUSE IT食lunch。呢間分店採簡約風，採光度幾好。午餐時段有lunch set menu，另外都有a la carte menu，drinks menu上無論係咖啡定非咖啡類嘅選擇都有好多。今次就點左Lunch set。包括左餐湯/沙律，自選一款主食同埋咖啡(可以補差價揀其他飲品都得) 當日餐湯係粟米忌廉湯。幾濃厚creamy！主食揀左忌廉菠菜蟹肉扁意粉。中意食好creamy好濃稠嘅忌廉意粉，呢個就會好啱口味，佢個忌廉意粉sauce好濃好creamy，意粉好掛汁，有絲絲蟹肉，食到蟹肉嘅鮮味！不過意粉sauce好杰身嘅緣故會比較膩。另一款意粉喺a la carte menu到點嘅松露忌廉雜菇蝴蝶粉。呢個蝴蝶粉嘅口感好有韌度，松露忌廉汁同樣係好濃郁，有好突出嘅松露香。雜菇嘅味道都好濃厚！creamy得黎唔會太過稠身，呢個好好味！飲品揀左兩杯熱飲都有好靚嘅拉花。伯爵茶鮮奶咖啡有淡淡伯爵茶嘅茶香，同咖啡嘅balance啱啱好。黑芝麻拿鐵嘅芝麻味都好出！…查看更多

最近食到一間好好味嘅西班牙菜，喺上環嘅西街一條斜坡上「El Vaso de Oro hk」，小小嘅店但係生意好好，平日都係全場滿座，今次坐左去outdoor嘅area，反而更有風味！呢到無論係食物選擇定食物嘅賣相都好吸引！有多款tapas選擇，味道正宗之餘，仲有啲平時較爲少見嘅tapas或者daily special menu。試左幾款tapas都大為滿意。賣相精緻之餘，每一款都好好味，而且份量亦唔少！Potato Salad with Tuna Belly係比較多人點嘅一道，果然唔錯！佢個薯仔沙律口感軟密又細滑，而且調味得好好，仲混合左吞拿魚肉，味道好豐富亦好開胃，配麵包脆片一齊食好夾。Classic Wagyu Beef Tartare都係必點嘅開胃前菜之一。個生牛肉他他同樣係經過調味再混合多種食材同醬料，口感同味道都好豐富，酸酸嘅調味好開胃好refreshing！完全無生牛肉嘅任何腥味，反而仲好滑好惹味。食嘅時候配搭特製牛油同Toast，別有一番風味。BIKINI。呢個三文治超足料！烘得香脆嘅麵包，配上熱溶芝士同鹹香嘅風乾火腿同黑松露醬，香口滋味得不得了！一份有4件，建議多啲人share，我地兩個人每人食兩件真係好飽肚。Potato Omelet。薯仔奄列算係較為常見嘅西班牙菜，呢度嘅出品無令人失望！尤其係入面嘅薯仔餡好濕潤，但同時保留左薯仔微微爽脆嘅口感，好似食緊薯仔千層咁，好味！Fresh Artichoke Confit。呢個係daily special，第一次食呢種名為Artichoke嘅蔬菜，口感非常特別！有少少似椰菜花頭嘅口感，但係會再硬身啲。以烤焗嘅形式呈現，配搭火腿、芝士同埋南瓜蓉等，味道一啲都唔單寡！Seafood Paella係每次食西班牙嘢必食嘅一環。呢度嘅Paella以親民嘅價錢食到好高嘅水準！先係海鮮份量不少，而且都好新鮮，重點係個飯，吸收左海鮮嘅精華，非常鮮甜之餘飯粒濕潤得黎保留口感，出色！…查看更多

好耐無踏足跑馬地呢一帶，今次過黎食一間手pasta店 「Aedes Wine & Pasta Bar」。每日新鮮製作各款pasta，店員一開始用tray介紹每一款pasta同佢嘅煮法。認識到好多唔同類型嘅意粉，尤其係6款手工意粉，全部都睇落好好味，有啲造型仲好特別添！除左意粉仲有幾款appetizer同dessert。Ham Croquettes有驚喜！熱辣辣仲有爆餡效果嘅Croquettes。火腿忌廉餡好creamy仲有火腿嘅餡香，配搭Garlic Mayonnaise有好突出嘅蒜香，特別香口惹味。重頭戲嘅pasta揀左兩款餐廳手工做嘅意粉，其中一款Pappardelle Bolognese。係用左特別扁寬嘅手工意粉，煮到al dente嘅口感，軟硬度恰到好處，個蕃茄base嘅意粉sauce配搭濃郁嘅肉醬同Parmesan Cheese。好濃厚嘅sauce，意粉好掛汁，好好味！另一款係造型超特別嘅Malloreddus Melanzana。加左薯仔製作嘅手工意粉，口感特別煙韌！同樣係蕃茄base嘅意粉sauce，再配搭茄子、Burrata Cheese。呢個sauce濃厚得黎亦唔會太膩，雖然無肉，但整體完全唔覺單寡！最後甜品叫左個Basque Cheesecake。呢個芝士蛋糕都係homemade，份量估唔到都幾大！原個嘅cheesecake 3-4個人share都ok。口感好smooth好軟滑，仲有濃郁嘅芝士香，表面嘅海鹽焦糖甜度啱啱好，係好出色嘅Basque cheesecake！…查看更多

上環法國小酒館「Nissa la Bella」。餐廳環境都幾有氣氛，成個用餐環境幾好幾舒適。提供多款法式料理，今次就試左好幾款，每款嘅味道都唔錯，質素幾高。前菜點左法式蒜蓉牛油焗蝸牛。呢個蝸牛真係好香口好濃蒜蓉牛油香，仲有其他香草嘅味道，味道豐富！蝸牛肉質爽嫩，每隻都沾滿香草牛油醬，大滿足！法式檸檬汁漬鱸魚魚生。呢個鱸魚魚生非常開胃清新！有檸檬嘅酸爽，鱸魚嘅鮮味，連同其他食材如蕃茄、青瓜等，增添左口感，係一個好清爽又好好味嘅前菜。主菜食左法式燉鴨腿配燴豆蓉。鴨腿都幾大隻，而且燉到好軟身又入味，輕輕一叉已經甩骨。配燴豆蓉同牛油汁，醬料配搭上好夾，但唔會太濃味。side dish必點黑松露薯蓉。佢哋嘅薯蓉真係非常綿密又有奶香，黑松露味道好突出！最後甜品係法式泡芙配雲呢拿雪糕。個泡芙好出色，口感好鬆脆，入面夾著雲呢拿雪糕，食嘅時候再淋上朱古力醬。朱古力嘅苦中和返雲呢拿雪糕同泡芙嘅甜，好味！…查看更多

佐敦呢間「神燈海鮮酒家」黎過好幾次，每次要同屋企人或者一班朋友gathering都會諗起呢到。呢到主打粵菜，menu上嘅菜式選擇非常多，試過好多唔同嘅菜式，基本上每一道都好有水準。質素相當高，賣相味道火候鑊氣兼備。而且環境寬敞，坐得舒服！今次同朋友又過黎食飯。一開始會有份小食，琥珀核桃。核桃好脆，又甜甜地，好重核桃香，食唔停！點左即燒乳豬，例牌嘅size夠2-4個人share。呢個乳豬皮燒到好脆好香，但係完全唔覺油膩！乳豬肉非常嫩滑，嫩到好似唔係食緊豬咁，配砂糖同甜醬好味呀！即燒伊比利亞叉燒皇。呢個叉燒真係好驚艷，絕對係當晚嘅highlight！每件叉燒都有一定厚度，叉燒肉質又係好腍好嫩，仲好juicy。而且半肥瘦嘅比例，特別鬆化。蜜汁調味恰到好處，唔會過甜或過鹹，出色！星洲麥皮蝦。一份有6隻大蝦，每隻蝦都好大隻好厚肉，蝦肉新鮮，肉質厚實有鮮味。麥皮好香脆，又甜又辣，配蝦特別香口惹味！香汁鴨舌呢個係前菜。調味上又啲微辣，都幾惹味，鴨舌好滑，會令人食唔停口，係唔錯嘅佐酒小吃。最後再黎個大富豪炒飯。雖然呢個炒飯嘅食材都比較簡單，都係蟹子、蛋白、菜等，但係佢炒得好乾身，粒粒分明，同埋好有鑊氣！…查看更多

最近食左一間好高質嘅中東菜，中環嘅「BEDU。尤其係佢哋嘅weekday lunch menu真係好抵食！合理相宜嘅價錢食到3 course，而且每一道都好好味，由前菜到甜品都出色！Set Lunch一開始會有個Mezze Platter。有Smoky Hummus配pita bread同埋pickles。個Hummus好重香料味，豆蓉本身好軟滑！重煙燻香好惹味，配軟熟嘅Pita Bread好味。Appetizer有兩款選擇，兩個人黎食一人試一款。Seven Spiced Baby Squid。實在太好味！魷魚仔好鮮甜又好嫩，好爽口唔韌。底層有Basil Hummus 好重Basil香，特別香口，同頭先嘅Hummus一樣咁軟滑，加左Parsley等香料味道更豐富！另一款係Crispy Falafel全素嘅鷹嘴豆炸餅。雖然係全素嘅炸餅，但口感同味道反而更似肉餅。底層嘅Pinenut Salsa好加分。仲有甜甜酸酸嘅Pickled Mango作配搭！Mains揀左蕃紅花牛油烤雞。呢個烤雞的確出色，難怪綜觀全場有8成食客都會點呢個雞。烤雞本身無骨，肉質好嫩好滑！有牛油香氣同淡淡嘅炭燒香氣同中東嘅香料香氣。隔離嘅Zhoug Salsa有比較重口味同刺激味蕾嘅香料味，同個烤雞一齊食反而好夾！另一個mains點左咬加$30嘅Roasted Duck Leg。黎到個賣相好吸引。好大隻鴨腿，個鴨腿燒到鴨皮金黃，但鴨腿肉本身好軟好嫩好腍，輕輕一叉就叉開嘅嫩。不過佢個Mujaddara rice更有驚喜！富中東風味嘅扁豆燴飯口感同味道都好豐富。最後嘅甜品可以揀咖啡/茶或是日甜品或者升級特色甜品，一場黎到緊係要試下特色甜品，果然好好味，必點。核桃杏仁焦糖千層酥餅。3塊千層酥夾著雲呢拿雪糕同埋大量核桃果仁，最後再淋上焦糖醬。佢哋嘅千層酥真係非常酥脆但又唔會一切就散。核桃果仁好香口又增添口感，焦糖嘅甘苦同焦香同雲呢拿雪糕係絕配，好滿足嘅甜品。另一款甜品係Creamy Sweet Labneh。係一款乳酪奶凍搭配無花果、開心果、紅雜莓同核桃油。個乳酪係好濃稠好重奶香嗰種乳酪，加左核桃油有種特殊香氣，鹹甜鹹甜咁，整體酸酸甜甜，好開胃又好colorful嘅甜品。如果揀左甜品嘅話可以另加$30點返咖啡/茶。咖啡幾香濃！…查看更多

上星期難得天氣轉冷左幾日，把握時間去打邊爐。今次去左尖沙咀嘅「香香宮煮」，餐廳走宮廷風華麗路線，連卡位都分左唔同「宮」，有延禧宮、坤寧宮等，好有創意。仲有兒童宮廷服俾小朋友換裝影相添。火鍋湯鍋選擇多，每一款都好吸引！今次試下昭陽公主椰子雞湯鍋。呢個湯鍋真係好足料，入面有豐富多樣嘅材料，用左新鮮椰青水配三黃雞，再加入蕃薯蜆去提鮮，味道好清甜滋潤之餘，雞嘅精華亦滲透到個湯入面，而且個湯好清唔會好油膩有負擔，未打邊爐之前飲左好多碗湯。入面嘅三黃雞肉質爽嫩，吸收左椰青水嘅清甜，就咁沾火鍋醬已經好好味！另外點左竹笙去配搭呢個椰子雞鍋。用黎索湯真係一流。打完邊爐之後就正式開始打邊爐。艾莎公主牛肉寶盒。一次過試到唔同款式嘅牛肉。一上檯嗰下仲自帶煙霧效果，啱晒打卡。有頂級安格斯牛肉、手切本地牛肉、新鮮牛展、頂級雪花肥牛、牛黃喉、牛肉粒同埋牛舌共7款牛。牛肉質素普遍都高，牛味突出有油脂香，油脂分布平均，唔會太過油膩。好中意牛黃喉特別嘅爽脆口感。伊比利亞橡果豬。比起其他一般嘅豬肉肉質更加細嫩，同樣油脂分布平均，肉味濃厚！香香宮煮響鈴拼盤都係必點。拼盤有兩款口味嘅響鈴，分別係原味同埋黃金。黃金係鹹蛋黃味，每款有3件！響鈴係即炸，所以特別酥脆！鹹蛋黃嗰款雖然會膩啲，但係真係好惹味同香口，鹹蛋黃嘅鹹香滋味無窮。松露芝心墨魚丸。手打嘅墨魚丸好彈同好鮮，有淡淡松露香，咬開仲有流心嘅芝士餡，口感同味道都好豐富！打邊爐再配搭清潤嘅竹蔗茅根黎解膩。竹蔗茅根真材實料，又唔會太甜。…查看更多

黃竹坑嘅THE SOUTHSIDE商場上年開左之後都係第一次黎，原來呢度有好多餐廳選擇。今次就約朋友黎左「山洞食堂」食韓燒。餐廳環境寬敞，座位舒適，即使係韓燒店舖但都無刺鼻嘅油煙味，而食物質素都幾高！無論係肉類嘅質素定韓國料理嘅味道都令人滿意。仲有5款韓式前菜可以refill添。呢度有套餐提供，不過今次就覺得單點唔同菜式試下！韓燒方面點左宮·牛宴。呢個牛拼盤可以一次過試到5款唔同部位嘅和牛，包括和牛肋眼上蓋、和牛牛肋肉、極上牛小排、和牛外裙肉同埋和牛三筋肉。和牛肉味濃厚，油脂香好突出，肉質鮮嫩！尤其係牛肋眼同埋牛小排，油脂分布平均，有入口即化嘅感覺！濟州活鰻魚。店員會幫手燒，店員將鰻魚燒到皮脆肉彈，特別香口好味。魚皮微脆，但係魚肉肉質又嫩又爽彈，沾上甜甜嘅燒汁更加好味！水果醬雞頸肉都係必點。雞頸肉呢個部位比起一般雞腿肉更爽口，好中意佢獨特嘅口感，但肉質保持嫩滑。燒過之後仲有炭燒香。醬汁醃過帶點甜味，唔洗另外點醬已經好好味！其他韓式料理嘅選擇都唔少，神仙雪濃湯係唔錯嘅選擇！奶白色湯頭有淡淡牛肉鮮味，清淡而不單寡，加埋泡菜更有提鮮嘅效果。韓牛泡菜炒飯。炒得乾身，調味上好豐富，有泡菜嘅微辣同韓式辣醬嘅微甜，韓牛嘅油脂香都滲透到炒飯入面，好味！食韓燒配搭梳打飲品係絕配，青檸青瓜梳打同西柚乳酸梳打都好清爽好飲，夠解渴解膩！…查看更多

早幾日黎左旺角分店嘅「柞木炭家」食韓燒。呢度環境幾寬敞同舒適，而且重點係完全無平時韓燒店會有嘅油煙味，食完都唔怕成身油煙味呢點好加分。仲有幾款韓式前菜可以refill，當中包括燒芝士粟米。今次點嘅係Special Menu。呢個套餐好豐富，仲可以一次過滿足想食韓燒同韓國美食嘅願望，成個餐足夠3-4個人share。韓燒方面有個和牛盛合、牛舌、五花肉、挑骨雞翼、水果醬油雞腿肉同埋鰻魚。肉類嘅款式多，份量都好多，而且高質！每款肉都起碼有4塊！和牛同鰻魚店員都會幫手燒，唔怕唔識處理浪費啲食材。和牛以壽喜燒嘅形式。燒到半熟，再沾滿壽喜燒甜甜嘅醬汁同生雞蛋蛋液，肉質好軟嫩。燒鰻魚都係好令人印象深刻。店員燒到皮脆肉嫩，火侯恰到好處，鰻魚口感好爽脆，搭配燒汁更加惹味！除左燒肉之外，仲有3款韓式美食。包括海鮮煎餅好多海鮮，好香脆！傳統石頭鍋飯。入面有好多款唔同顏色嘅蔬菜，麻油味好出，辣椒醬可以根據個人喜好落。半半炸雞。有兩款口味，原味同甜辣醬，原味配蛋黃醬都好惹味，雞件好大件，而且外脆內嫩滑又juicy。佢哋嘅梳打飲品搭配韓燒都好唔錯！柚子檸檬同青瓜青檸都好清爽解渴，果味好出，酸甜好飲！…查看更多