cheryl_813的个人专页

平時無去開太古，都唔發現有間日式咖啡廳，呢日去左揾附近返工既朋友食飯，佢帶左我嚟Black Bear！一入去就感受到好日系嘅設計，啲野食睇落同食落都唔錯。佢哋嘅柚子蜜乳酪雪糕牛角包窩夫，外面脆脆、裡面鬆軟，仲有一球香滑嘅乳酪雪糕，酸酸甜甜組合好正！上面嘅柚子蜜糖一淋下去，帶果香，甜得啱啱好。跟住就係脆香雞翼，不得不說份量好多！外層金黃酥脆，裡面肉質嫩滑，配上特製香辣醬汁，真係一口接一口，停唔到手！呢個真係必食！仲有嗌左杯招牌黑熊特飲，咖啡愛好者真係唔好錯過！上面咖啡雪糕，下面啡，味道濃郁，甜度剛好！主食叫左香草醬燒三文魚長通粉同埋照燒汁煮牛肉高湯稻庭烏冬，兩個煮食份量好多，面底唔會過硬或者過腍，再加上佢哋餐廳調配嘅醬汁，色香味俱全，健康又美味。最後，mocha嘅拉花賞心悅目之餘，飲咗之後感覺好rich！總括而言，呢度唔單止野食高質，環境都好舒服，好啱同朋友嚟chill！…查看更多

今日遠到而嚟屯門辦事市區人入屯門原來真係好遠🥹加上天氣凍凍地就決定夜晚揾埋住附近既朋友一齊打邊爐佢話想試下一間bookmark左一排既台式點心火鍋 好似無咩地方係台式火鍋+小食+點心任食既crossover！好啱好貪心既我😂去到講真位置唔太起眼 就係小店既裝修不過依家做緊85折優惠就試試佢！我地揀咗至尊和牛火鍋餐 佢標榜用澳洲無激素牛肉湯底揀咗養生湯同紅燒牛肉湯 強烈推薦後者非常入味 基本上唔使點調味料🤌🏻啲肉雖然比較薄 但相當有牛味 而且冇太多肥肉火鍋配料有好多選擇 另外有肉燥飯俾你任拎通常做火鍋為主嘅 side dish都比較伏抱住試伏心態試點心同小食 點知相！當！驚！艷 ！小食叫左花枝丸 甜不辣 地瓜條全部即叫即整 有台灣食到既感覺點心輕輕地叫左蝦餃燒賣金錢肚上菜既時候個樣絕對比得上酒樓岩岩出爐 熱乎乎既熱氣 一直滲出令人垂涎三尺🤤食欲大增 真係幾唔錯仲有一樣嘢好特別 就係部電視可以自己投屏播野睇不過嗰晚咁啱坐唔到呢個位有點可惜整體嚟講可以encore!係性價比高既選擇…查看更多

近排身邊好多人都選擇北上消費普遍都話啲嘢好食又平又大份留港消費嘅我都盡量支持性價比高嘅餐廳💪🏻今日我喺荃灣搵到間韓國野🇰🇷🇰🇷好想推薦比愛美食嘅各位香港人舖頭裝修冇咩特別 面積都好細 但Menu有好多款式 而且價錢相當吸引所以我同朋友一個眼神交換就入咗去試吓😂果然冇失望！我哋兩個人總共叫咗四樣野1. 無骨豬手👍🏻豬手肥瘦度啱啱好 我個人比較怕肥騰騰豬手 呢個食落就無咩負擔 伴住生菜泡菜加埋秘制醬 將豬手既味道升華左 我地喺下一道菜未上已經KO左佢2. 芝士排骨👍🏻排骨偏辣 但大舊啖啖肉 上果陣熱辣辣啲芝士好似溶岩咁rich 好邪惡3. 部隊鍋呢個係正常發揮 如果1個人嚟毒毒食飯會推介 但同朋友一齊可以留肚試其他特別菜式4. 海鮮煎餅👍🏻雖然口感會有點油 畢竟即叫即整 但好少可以食到呢類煎餅係外圍偏脆身 但食到入去就好多餡料仲要係幾好食的 唔會覺得純粹多粉既感覺 整體嚟講幾滿意 可以再戰…查看更多

首先，想講路痴最好有frd帶住上餐廳😂因為個位置可能喺google map上反映得唔太清楚所以我都搵左一輪先去到🤪不過樓上餐廳永遠有驚喜！裝修好靚好有格調，咁啱嚟得早，因為隔多陣就開始full先叫個招牌椰子雞湯，一飲，只能說太地道吧！椰香雞香都好濃郁，酸酸地，有啲冬蔭公湯，好開胃入面滿滿都係材料再食左炸蝦混墨魚餅，另一個招牌，新鮮製，熱辣辣，因為混左墨魚滑，咬落比平時食普通蝦餅更彈牙！重頭戲係燒海爐魚！😍😍😍必點plsssss啲魚好滑好香，唔多骨啖啖肉，調味酸酸辣辣，令人難以忘懷既味道！依家諗起都想再食最後叫左storm同Thailand Fruity，作為小甜點綴，結束泰式既一晚…查看更多

呢排都好少出旺角 難得有野要做就唯有喺果度食餐好先再返屋企😂其實想食好野 洗咩搵藉口！台式火鍋店都幾受香港人歡迎所以最好book定位我地叫左紅燒牛肉湯底 係店員推薦既都幾唔錯 好似食緊台灣牛肉麵咁呢度所有野食同野飲都係任食 亦有一堆炸物 都係現炸既因為用app落單 仲有呢類特別台式飲品！真心必試好高質 同出面啲飲品店有得揮！真係性價比好高！可試唯獨可能安排入座方面未必做得好完善…查看更多

本來係餃子粉絲之前試過一次覺得好好食 今次加班完決定帶埋同事嚟食！先食前菜 涼拌青瓜 清新口味伴著少少辣感再嚟重啲口味既黃金咸蛋 個黃中心有啲溏心口感 味道就同平時譚x啲咸蛋差唔多 但無咁濃味呢個四川涼麵必須點 因為除左份量多夠抵食之外 真心好香花生麻油味 勁好食一個湯餃一個煎餃 食匀所有！湯餃要椰菜木菜 除左有口感之後 有菜既餃係會比較清甜而煎餃就叫左軟心粟米芝士餃 本身芝士會好膩 但配埋粟米成件事中和左 而且又係好香同甜甜地 好易入口 好快就KO左！…查看更多

買左戲飛等睇戲既同時諗住喺附近搵下野食 點知見到你間新開店 坐無虛席 就決定試試等左30分鐘左右就入得裏面空間唔算太大 人數唔多通常要搭枱 會坐得迫少少 我同男朋友決定只加一個set share重點要試下啲牛本人係薯條fan 真心中意呢間既薯條 炸得香脆又夠薯味 其實2個人share都好足夠 個湯一啲都唔hea 有誠意！好濃幾好飲肉我地點左護心肉 牛橫隔膜同牛側腹提下大家 燒果陣真係要小心控制火喉 因為一燶左就會影響肉質 睇相都知我燒得唔好😭😭但真心推介必食護心肉 啲肉質好嫩好好食其他肉都好靚 但好視乎自己燒既程度恰唔恰當整體嚟講都推介食肉獸嚟試試佢😋…查看更多

今晚我同男朋友揀左嚟呢度食補祝經念日飯💕適逢因爲撞正某啲開心事需要慶祝所以就上網搵左呢間 感覺隆重其事啲😂因為我地平時食飯都算頹！求其就一餐嚟到好驚嘆！本來諗住嚟食好野 點知食埋個靚景 成個感覺好chill好舒服😌我地嗌左1個set dinner+pasta已經好夠飽!因為係fine dining所以你可以慢慢欣賞每一道菜既味道先嚟個麵包！麵包迷表示好好食 我自己都ko左3件哈哈😂因爲好熱！新鮮烘出嚟前菜有個雞胸肉沙律同南瓜忌廉湯！個湯好濃所以南瓜味好重！飲落直頭同食緊南瓜蓉差唔多 所以好夠料Starter仲有一個新鮮三文魚食 個伴碟有心思 三文魚幾肥美！呢個份量食得啱啱好 唔會太油膩碰一碰杯🥂欣賞紅磡碼頭既海景 聽講再早啲嚟就睇埋日落🌄一定好靚食個main之前會先有6款配料介紹 俾你自由選擇用咩去食個Dry aged我地叫左7成熟 因為前排腸胃麻麻就唔太敢食住太生既 不過我覺得7成都唔會太老！食落保持到肉汁，薯蓉係第2點綴！因為好raw好有薯味呀仲有叫多左個pasta！好彩份量唔算多 如果唔喺真係食唔落😂前面太多野食啦最後dessert time!!先食cake後食Ice cream先甜完再酸酸地解甜 喺靚景下爲我地既紀念日作結推薦俾大家！…查看更多

喺呢頭上完堂 諗住求其覓食醫飽肚就算啦！點知俾我搵到呢間cafe 門面都幾唔起眼 店入面大概有十幾張4人枱但平日夜晚竟然都坐無虛席！好多人喺度談心聯誼鬧市就係需要多啲呢類環保既地方俾人傾下計宣洩一下生活上既不快 分享點滴呢度要自己去cashier買野食先再坐低我同呀妹一齊開心share招牌all-day breakfast👍🏻除左覺得啲食物有少少攤凍左之後 整體味道都幾唔錯！炒蛋真係有種好creamy既口感 之後叫左蟹肉黑松露扁意粉 同樣問題都係有少少唔夠熱 但蟹肉既份量都幾足料 而且意粉幾入味 味道加分！配埋一個榛子咖啡，甜甜地爲今日忙碌既一天作結…查看更多

今晚同細佬兩個撐枱腳😋去左呢間別緻既火鍋放題店🍣🍲裝修簡潔 乾淨企理！火鍋料都多選擇！湯底好好味 大推番茄湯！又濃又鮮甜既蕃茄味令到啲食物好入味 🍅不得不提啲炸物同壽司！無得頂 最令我驚豔既係啲壽司 調味真係一流 忍唔住encore左好多次 大家記得要食多啲！個火鍋爐有啲似海底撈 分左4格就可以只用一格淥牛 唔洗令到其他間都有牛既油 非常貼心既設計☺啲刺身就係跟人頭俾 每款有幾隻 份量啱啱好 唔會因爲食太多刺身而食唔到其他野😋冷盤方面都好優秀，竟然有我最愛既中華沙律同泰式鳳爪🥺🥺真係surprise到我 好少見任食餐廳有泰式鳳爪 ！好多個加分位！肉類亦屬於任叫系列 個人覺得豬同牛係燒好食過放落火鍋度！特別係豬肉好好味 肥瘦適中 唔會太油膩！我地encore左好多碟豬🐷有芝士焗青口！…查看更多

招牌菜係金湯酸菜魚我地一定會試啦！呢個招牌菜做緊優惠，只要like&share佢地嘅fb page，就可以以$38嘅價錢享用到！當我地以為會好細份嘅時間，錯喇！係正常size，抵食程度嚇左我地一跳！講下味道方面，酸度非常夠，魚亦都好嫩好滑，芽菜、酸菜等配料亦都好足夠，但我略嫌唔夠辣，如果再辣多少少就一百分。另我我地仲叫左三樣菜色，分別係紅燒肉、太白醉雞同回鍋肉炒年糕。紅燒肉嘅肉質啱啱好，唔會柴但又唔會太淋，味道方面亦都控制得好好，唔會太咸，加埋少少甜味，送飯一流。太白醉雞既紹興酒味醃得好入味，雞皮既脂肪唔多，連皮食都冇問題，啲肉好淋，基本上一夾就可以骨肉分離。食上海菜一定唔少得上海年糕，嗌咗嗰回鍋肉炒年糕，年糕唔會痴牙，幾軟糯，回鍋肉冇咩特別，同平時食開既差唔多味，不過不失。餐廳環境方面，地方唔係好大，座位比較迫，如果係想一班人食飯吹水既話可能未必適合。我地兩個人總共叫左四樣餸，三百蚊都唔洗，抵食程度幾高，值得一試！…查看更多

呢一晚，因為有個項目要趕，所以同個同事ot本身諗住快食😂誤打誤撞經過呢度又咁啱有個靚仔店長向我地招手，所以就入左！佢地方唔大，但牆身貼左好多呢啲卡，張張都笑死人😂係咪想幫中環人舒壓？我地每人叫左個A+B+C組合先講餃子🥟叫左一個湯粟米豬肉餃同一個煎蝦皮韭菜豬肉餃手工制既感覺特別好食，加上連個湯都幾好飲我個人本身中意食粟米餃，加上煎得靚又香口，加分！主食就點左升級果2個，豆漿蝦皮湯烏冬同鰹魚昆布湯烏冬😋啲烏冬都好彈牙，想講豆漿果個無諗過個湯底真係有豆香！小食就點左春卷同魚片角，都係高質脆炸小食🤤勁快俾我地ko哂！食左咁多熱氣野，緊係要食返杯熱煎茶同熱紅棗茶去舒緩下，紅棗茶大推👍🏻👍🏻真材實料呀…查看更多

今日同男朋友紀念日知道我不嬲都中意食韓國野🇰🇷所以又帶我嚟多次呢一間餐廳！男朋友點左杯藍莓乳酪奶昔 酸甜交織 酸係嚟自藍莓 甜係嚟自乳酪 幾好飲 雖然對於平時唔太好太甜既我嚟講 一開頭飲唔係幾受到 但之後發現無佢唔得😂😂我點左提子碳酸水 幾解渴但對比起奶昔會無咁特出主菜叫左2款 呢個係泡菜豆腐牛肉鍋！睇下咁紅冰知有幾辣 然後就知杯野有咩用啦😂真係辣 但裏面有豆腐 粉絲 茹同牛肉 雖然辣但個人嚟講覺得味道係唔錯唔少得食原味無骨炸雞 超好食呀！！香脆不在話下 啖啖肉 啲醬汁都配搭得好…查看更多

好耐無嚟過杏花村啦記憶中既地方係充滿希臘、童話式既style今次嚟到果然一切都無變但發現一間充滿少女風既cafe就係個木馬都夠你打卡🦄食物款式好多 無論你餓定唔餓 嚟到一定會揀到野想食！因為我同一個小鳥胃朋友嚟 所以我地嗌得唔算多主食只點左呢個黑松露野菌薄餅 係厚批嚟 我個人嚟講覺得薄餅一定要厚批要有口感 而且新鮮焗好既就算幾厚 咬落依然會鬆脆黑松露同野菌份量都好足 基本上每一啖都會有今日既是日蛋糕係千層蛋糕 超好味！每一層都食到心思 奶油平均分配喺每層然後個皮薄得嚟又唔會一咬就冧唒爛唒！高質！…查看更多

咁啱放工嚟到灣仔人來人往之間 見到轉角位有呢間點心點 仲要老闆親自出嚟宣傳同迎客 默然地有種親切感 所以同客人決定嚟試老實講 我通常都喺酒樓先食點心 未試過去小店因為覺得點心好花時間 花功夫 小店好難有資源做到有質素既點心但以小店嚟講 呢度既食物種類都算幾多呢個口感相當豐富 入面蝦粒好多 俾一層脆脆包住 再俾一層腸粉包住 配埋自家醬油 我俾5星呢碟其實好抵食 都好有創意 有脆皮蘿蔔糕 但一個人食一舊已經好足夠 因為每舊咬落去都係滿滿蘿蔔絲 好易會有飽滿感強推呢個！因為真係好食 真係做到流心效果 唔會變成一舊餡 出現未溶狀態👍🏻👍🏻👍🏻本身都好中意蝦餃 個皮都夠薄夠靚 唯美中不足就係黑松露唔算太濃郁重口味之選 因為金錢肚已經好味 再加秘制沙嗲汁！令有好有胃口！我個客都食得非常津津有味👍🏻…查看更多