RoniK的个人专页

估唔到得咁少食評。今晚第一次去食，細細間，唔多檯，但好多人訂檯食飯，可能係星期六啦。我地叫咗三杯大腸、鴨、冰梅腩排、西蘭花炒斑腩。大腸同鴨都好出色，另外兩款都ok但未到好正嘅地步。最like嘅係食身上檯時超級熱！鴨同大腸都好香！大腸畀晒全條你，由頭到尾，連無肥糕嘅部分都有畀埋我地。斑腩就較淡但有畀蠔油我地，蠔油勁咸。服務都唔錯，有禮貌，又好快手。要讚佢地嘅碗筷好乾淨，平時連鎖餐廳嘅碗筷都唔太乾淨架。…查看更多

通常一般獲米之蓮星嘅餐廳都係普普通通，可能因為咁所以我都無乜expectation, 亦因此覺得原來哩度嘅食物質素都幾ok喎！我地叫咗5個餸，有咕嚕豆腐(普普通通OK 啦)，銀杏百合蜜糖豆 (百合好新鮮，唔太油，幾好)，容龍牛柳 (其實即係中式牛柳，不過佢地用靚牛柳，好有牛味，而且幾厚肉！), 煙燻倉魚沙律 (雖然哩個餸係喺佢地十大signature dishes 之一，但以為佢地專登整哩個餸畀外國客人，點知佢地又煙燻得恰到好處，唔太濃味，有時d餐廳會煙燻到煮燶咗咁架嘛，但佢地控制得好好), 最後一個餸，嘩，等咗一個鐘先有得食，就係蒜蓉排骨蟹肉糯米飯喇！等咁耐係值得嘅，隻蟹好新鮮，又多肉，糯米飯加蟹汁一齊食好味到不得了！！！講明先，我地係平日星期三去食晚飯，唔知星期六日會唔會因為人多好忙而質素有差別架。服務不過不失，但可以改善。總括來講餐飯好有驚喜，哈哈！…查看更多

我地叫咗set dinner for 2, 頭盤有mango salad, mushroom cream soup (very rich 同好多料，正！), 主菜係 rib eye (我地叫medium但比較生，有需要可要求再煮熟少少)，另一主菜係海鮮扁意粉(勁好味), 甜品應該係佢地自家製，紅豆豆腐cake, 好特別，未喺其他地方食過。服務要讚，好細心，可能同星期一唔多客有關啦，我一去到已經知我喺邊個，帶我去相關嘅檯，唔駛check booking. 又見我大肚主動問我熱水好唔好，抵讚！今晚人唔多試唔到其他野食，會再來試試！…查看更多

無意中發現有哩間餐廳，見食評ok, 加上近日香港市區情況，所以就喺屯門慶祝3周年紀念。我地揀咗招標set dinner C, $528/person +10%, 有3個前菜，包括刺身小龍蝦(OK ), 鵝肝custard (幾特別), 大磨菇(好味 )。我地經openrice訂檯，送咗一隻鮑魚(公眾假期都有係估佢唔到嘅 :) )(味道ok), 我地都揀咗牛肉湯，好香，幾好飲！主菜叫咗黑毛豬rack with apple sauce, 肉質有少少似豬頸肉，但無咁油膩。甜品包喺set入面，但得揀，無論賣相定味道都失望 :( 最後飲品喇，我叫嘅earl grey 係twining, 所以ok. 老公叫coffee, 佢話好飲！環境ok啦，可能今晚人多，full house, 有d嘈，但起碼檯同檯之間距離唔太近，唔會聽同人地傾計先。Waiters 當中只有較年長嗰位男侍應喺每次放低食物時有講嗰碟係乜野黎，另外嗰幾位後生嘅唔知係咪新人定替工，放低時一句野都唔講，其實咁多個courses, 客人好多時會唔記得自己叫咗乜，有介紹會好好多。另外一讚佢地有將碟預熱，令食物無咁快凍，值得一讚！ :)…查看更多

朋友介紹哩間火鍋, 一行十人一早訂左檯, 分兩個鍋一個係胡椒豬肚湯底, 老闆叫我地開始前要試下個湯底, 真材實料無味精, 雖然唔多食得辣, 不過我都試左, 幾正喎另一個係冬瓜盅湯底, 老闆話燉左2個半鐘架~~ 哩個好清甜, 而且有好多料, 有金華火腿, 大蝦米等等, 試埋冬瓜皮, 好鮮甜呀!我地叫左好多野食, 牛肉粒 (比較重牛味, 不過有根), 牛肉片 (無根, 不過牛未無牛肉粒咁明顯), 魚, 支竹, 鳕魚豆腐 (好好味呀!), 豬腰 (新鮮), 手打墨魚/蝦丸, 芝士波 (勁好味), 響鈴 (好脆, 無"鎰"味)種類唔算多, 不過quality好, 好味又新鮮本身唔多檯, 所以客人亦唔會多, 環境唔嘈, 傾計都好舒服!…查看更多

今之揀左宴係專登上openrice睇有咩特式嘅日本菜, 多謝各食評人貢獻, 哩次真係試到好野我地揀左海葡萄, 不過無之前嘅食評講嘅甜味, 反而係淡淡地, 少少海水味, 有個酸汁俾你點哩食山芋梅子八爪魚 - 我鍾意梅子, 所以哩味不得了:), 食到尾開始覺得勁酸, 哈哈, 嗜酸嘅朋友唔可以錯過昆布菇豬肉 - 熱時好好食, 凍左就差尐, 所以要趁熱呀!!四式刺身 - 新鮮, 不過唔算驚喜哩個酸汁用料特別, 味道非一般, 不過我唔知用咩料, 總之好味, 配個魚好特別 我地係星期三去, 有好多日本人去食, 令我地覺得哩間應該係一間正宗嘅日本餐廳 我地由7點食到11點, 無人催我地埋單, 好好呀!!!…查看更多

我地訂左檯, 所以唔駛等位~~我地左肉眼扒, 夠熱夠juicy, 味道一流 Fat Chips 應該係新鮮炸, 夠熱又唔太咸 $168+10%, 星期六只係$98 (我下次會星期六去)另外叫左個鐵板雞味道亦相當唔錯~~叫左Pineapple Tequilas Smoothies 亦都好飲~~另外食到一半時有個waitress問我地尐野食O唔OK, 其實幾surprise, 因為無expect酒吧會care哩樣野, keep it up~~…查看更多

3點鐘想tea, 去左新開嘅Outback睇下有無tea set, 無, 不過仍然有lunch set.我地企係門口好耐都無人理 (門口明明有兩個staff, 不過掛住傾計, 唔望我地)好快有湯, 麵包同salad湯只係微暖:(麵包夠熱, OK :)salad嘅菜唔係太新鮮兩份主食都夠熱同埋好味熱咖啡唔熱, 係暖嘅......凍檸茶, 好淡........可能係平日加上tea time, 人唔多, 唔嘈, 不過8成staff都好似發緊夢咁, 無乜笑容, 咁都有少部分Staff係OK嘅好明顯員工需要train up下~~…查看更多