kumagarden的个人专页

之前未食過,見佢外賣$50,有野飲,就買左個糖醋雞球加西洋菜蜜,見堂食都多人排隊心諗唔會太差呱?等左10幾分鐘先有,外賣要加2蚊都算,反正唔想堂食,嘈到拆天。返到OFFICE打開見到個樣好似OK,又有一大塊包裝左既紫菜,以為好正,點知一拆開,成塊都係淋晒,好核突,完全反胃,諗坐食下個飯會唔會高質D,點知一食落去,頂,咕嚕肉咁既味既,完全唔係咩日式糖醋STYLE囉,我不如去買2餸飯啦頂你。D飯又係爛PAT PAT咁,完全無可取之處,都算,飲下西洋菜蜜唔會伏啦呱?點知淡到水咁,真係唔想做就出聲,你可以話配清茶我無咁嬲囉。總結,食肆無心造真係唔好做啦,唔好俾垃圾人食,係咁。…查看更多

星期日去到,見咁多好評,叫左個鯛魚濃湯粉絲,不過未試到野食之前,已經等到發夢咁,佢地做唔切真係唔好接咁多單啦,話等30分鐘,我覺得OK先俾錢,但最後等左50分鐘,我覺得真係你一早同我講50分鐘,我唔會等囉,接埋接埋ORDER根本出唔切,真係堂食都唔使等咁耐。都算,以為你慢工出細貨,黎到食落個湯真係唔知想點,唔知用左幾多調味料,D人講咩濃既魚湯味,我真係唔知D魚味係邊到黎,魚片係多既,無骨,味道OK,但粉絲都唔係咩貴價貨,可以俾多少少囉。多謝晒D人網上既好評令我中大伏。…查看更多

侍應態度懶散,完全沒有禮貌可言,送餐時不理會食客正在進食中,直接遞到"面前",真的差點倒在面上~黑椒汁雜扖飯 + 魚湯蘿蔔:首先說那個雜扖飯,正確來說不能說是雜扖吧,材料只有1條腸仔 + 1隻超多炸粉的雞翼 + 1塊豬扖 + 1隻蛋只得1塊扖都可算是雜扖?先說黑椒汁,完全不知所謂,全沒有黑椒的味道,只是一PAT很咸的汁~那隻蛋,超乾身,唔知煎完放左幾耐~豬扖先至係主角,超厚,又乾又硬,食完包保消化不良~魚湯蘿蔔好硬,唔稔身,完全唔入味~到賣單,係收銀到,又係差不多質素既態度,遲遲唔收張單,要你企係到等,佢繼續做野,好啦,好似做完,收左你左單,俾左錢等找錢,佢又做佢既野,完全唔理你企係到,可唔可以找埋錢俾我走呢???成個餐40幾蚊,完全唔值,無論食物質素同服務態度,反正服務成咁,我去食FOOD COURT好過~:(…查看更多