dddttt的个人专页

第一次黎朗壹廣場揾野食，但冇咩選擇，入左呢間鋪。落單個陣，見到叫凍檸茶個度冇得選甜度冰度。問左員工，佢話個qr code 選唔到嘅。:(但之後冇再幫我同廚房跟進。問左2次，個女員工完全唔回應我。最後杯飲品黎到甜到飛起我都廢事再同佢講，直接係openrice 反映，希望大家唔好再中伏同埸見其他顧客都有其他落單問題，個女員工呆下呆下咁，完全處理唔到。例如，黎錯左野飲，個員工拎走左人地成個餐例如，叫左加底，但貌似冇加，問個員工佢到底有冇加到個陣，佢都係唔識答例如，大部份顧客都被漏單，唔追冇得食野食質素普通，但問完都完全唔理顧客嘅呢種服務態度，令人唔想再黎…查看更多

今日叫左蕃茄湯麵，加夜市排骨酥同唔知咩卷。本身仲以為夜市排骨酥即係係炸豬扒，唔係都算，可能係我理解錯，但竟然個排骨酥係有骨嘅，仲要係大粒嘅骨。加12蚊，得3粒有骨嘅豬肉粒粒。蕃茄湯麵雖然個味道okay, 麵條份量都多，但餸真係太少了。:(最離譜嘅係，炸嘅野食竟然放入湯麵度？！成舊炸野變到淋patpat, 難食到不得了係咪洗多隻碟嘅成本都要慳？唔會再試！希望餐廳可以重新檢討下呢個唔合理嘅做法！錢唔係咁慳嘅！…查看更多

今日叫左北京填鴨，紅油炒手同生煎包等左半個鐘都未有野食生煎包要等都合理紅油炒手都要等咁耐？然後問個侍應，佢話北京填鴨要等45分鐘心諗：要等咁耐，你餐牌唔寫？何況將軍澳分店15分鐘已經上到菜，2間分店分別咁大？滿心期待嘅北京填鴨40分鐘後終於上菜但鴨皮唔夠油香，鴨肉鞋口，同將軍澳分店差好遠然後我地等緊甜品個陣，黎左樣我地冇落單嘅菜講左好多次我地已經取消左，但侍應堅持話我地係手機落單，係我地錯，態度惡劣食到一肚氣，又等得耐，食物質素又唔好，永不錄用…查看更多

本身見到openrice咁多like，抱住好大期望去食。先黎松葉蟹腳，唔好講冇鮮味，係直頭冇味然後安康魚肝，得沙律醬味蟹膏正常發揮海膽ok但3款軍艦都有同一個弊病就係塊紫菜又淋又腥個腥味完全蓋過食材嘅味炙燒左口魚邊好食平成卷，冇味大拖羅同中拖羅肥美無筋炙燒帆立貝過熟赤蝦黏口，但冇回甘仲叫左明太子雞翼，唉，唔脆嘅雞翼真係好失色仲有鰻魚壽司多骨又唔肥美總括黎講，好味嘅款式唔多，最慘係冇諗過三文魚三味個2件普通三文魚同三文魚腩都可以完全唔肥美咁嘅質素，性價比低冇下次喇…查看更多

之前食過將軍澳同旺角分店，都覺得Goobne好食，但係屯門呢間分店實在令我太失望叫左2樣野食，half half 蜜糖雞拼BBQ醬同蛋卷個雞真係好有問題，話明half half，但係2隻味嘅雞撈埋一碟，完全分唔到咩味打咩味。仲要啲雞唔似其他分店咁熱辣辣Juicy滴雞汁，皮又唔脆蛋卷同其他分店嘅味都唔同，似隔夜員工not well trained, 成班似炒散唔識收錢落單serve客人落單個陣本身叫左米酒，但話冇酒牌（但餐牌冇遮住含酒精嘅飲料），fine，叫沙冰。等到食完一半野食都未黎野飲，一問之下先知原來冇冰咁點解冇人通知客人？斟水都唔識，正常應該拎起客人水杯去斟，但係呢度啲人唔係。仲要個壺嘴貼住左杯嘴咁斟，疫情之下更覺嘔心。好心未train好員工整野食同serve人就唔好開鋪啦…查看更多

見兆禧丸新裝修，開左個美食廣場 ，晏就去左個度試試。入面多數都係啲冇得堂食嘅小店，見呢間有得坐，就去試下啦。叫左個蠔仔泡飯，啲魚湯冇魚味，得個鹹字，食完仲要好口乾！啲蠔仔唔多兼好細粒我寧願俾貴少少，俾啲好質素啲，飽滿啲嘅蠔仔俾我囉啲飯淋到一pat野咁，一啲都唔開胃都算，啲湯暖嘅，唔係熱辣辣真係第一次食泡飯啲湯唔係現拎出黎真係頂唔順，好聲好氣同左個職員講，話個湯唔熱，搞到啲蠔仔好腥，問佢可唔可以換個碗或者拎過碗湯黎，起碼等我放得入口先但職員態度勁差，開口第一句就話：睇落仲出哂煙架喎！換過碗係冇可能架喇 失望，食到一肚氣，唔再理論，總之唔會再去，邊個想俾人做出氣袋就過去啦！…查看更多

今晚食到一肚氣話說今晚係紅磡覓食，見到呢間一碗小麵啲好評同負評比例好似幾食得過，咁就俾佢呃左入黎鋪面都幾細下，不過都 ok 嘅侍應基本上剩係識講普通話(識講先好去呀咁呢我就叫左"一碗小麵加底"($55+9)同口水雞($38)佢好快就上左碟口水雞面頭全部辣椒黎底係一堆菜然後啲所謂嘅雞呢，佢竟然俾一堆骨我入面有雞腳，雞翼尖，雞頸，雞骨碎，雞肋骨一望到真係 o 哂咀講真，用38蚊買堆俾狗啃嘅骨?當我地係咩同個侍應嘈左陣，佢肯換碟新嘅俾我地見到真係得啖笑無錯係冇哂啲雞腳雞翼尖，不過俾我地嘅就係得一片仔肉嘅雞肋骨或者咁形容成碟野啲肉加埋仲少過一隻雞中翼再講碗麪，麵質同湯嘅稀稠度就似食擔擔麵湯底係真心唔錯嘅，不過食完會超級口渴(你懂的一句講哂啦，冇下次!!!!!…查看更多

琴日稔住同男朋友行上大三巴，但見天氣嚴熱，斷估愈行上去啲凍飲就愈貴，所以稔住係斜路中段買杯野飲先行行下見到呢間大聖豬扒包，佢大大隻字貼出黎講話" 特價賣5蚊一杯沙冰(有草莓，檸檬同唔記得係咩)。見到咁平，我地梗係仆倒去買啦。點知佢講話5蚊個啲賣哂 得番20蚊一杯嘅芒果流沙冰。咁我地睇佢貼出黎個杯沙冰圖都幾好樣，咁都照買啦。 :點知佢最後出到黎嘅成品係完全同張相唔一樣佢所謂嘅沙冰，係芒果味調味劑 加 細粒嘅冇味冰(唔係碎冰，只係細粒)，簡單啲黎講，就只係一杯芒果味冰水，認真大伏It was really hot when my boyfriend and I were heading towards the Run is of St Paul's, so we planned to buy an iced drink. On the way , we were attracted by a big canvas written "special offer : $5 per iced fruit drink ( strawberry , lemon and xxx flavor) ." That's why we decided to buy drinks there. But then when we made an order, the shop assistant told us that the special priced drinks were sold out and only have mango iced drink left($20). As we found that it was really hot, we still ordered the drink. And the final product was the one that made me extremely angry. The so call mango drink was actually a mixture of artificial mango flavor chemical substance together with small ice(not really small though). To make it simple, it was actually a bottle of iced water with mango flavor. It was TOTALLY DIFFERENT from the picture shown on the canvas !!!!!…查看更多

今日同男朋友去左愉景灣玩，然後見到呢間賣pizza 好似好吸引，於是就諗住夜晚食呢間行左陣，我地見今日都幾多人，怕間餐廳夜晚會好full, 於是我地就打去訂枱。一打去，電話筒傳黎嘅係意大利口音嘅英文，然後男朋友仔傻豬豬咁同佢講左句中文: 唔該我想訂枱電話對線個個人呆左陣，然後講: What's that?笑到我死sorry for 1999, 重點其實係叫你地有心理準備，係外國人嘅地方，唔識英文，係去唔到嘅回正題，我地叫左一個大嘅招牌pizza 同牛油果3文治稔住貴價野通常sell精致同用料，所以相對細份d，於是揀左大size pizza，沒計啦，兩個都係大食友麻，點知黎到出哂事，個pizza係成四人份量既size，唯有頂硬上，食到爆肚都食埋佢，好彩既係，個pizza又好好食，最後都成功搞得惦佢~~~然後到個牛油果三文治，今次呢個唔洗揀size，份量岩岩好，仲有好脆既厚切薯條做伴菜，用料方面好新鮮，三文治入面既蔬菜有層次，唔會1 pat野咁，洋蔥仲好甜，值得一試，不過價錢就有d偏貴，貴過個pizza，份量就少好多環境黎講，book檯果陣可以揀indoor or outdoor，想浪漫既可以揀indoor，因為燈光比較暗，仲有燭光既襯托，製造到個極浪漫既氛圍，想感受下異國風情既可以試outdoor，吹住夜晚既海風，海水既味道配上本身已經好味既pizza同三文治，個風味直頭係錦上添花！最後提一提大家，呢間野食夠一定金額，可以攜單去船飛換領處，換取免費船飛~…查看更多

第一次食呢間野book左7點2位，個呀姐帶左我地入去坐啦然後我同男朋友放低啲野，叫定個重慶雞煲，就去拎出面啲自助熟食拎拎下見到有第2個呀姐係我地個位度指指點點咁我同男朋友就即刻番去睇下乜事啦原來個呀姐諗住俾2個人坐我個位咁我就勁驚異咁講話: 下 呢2個位我地架喎然後個呀姐仲勁唔好態度咁罵我地: 入左黎就同我地講嘛，亂咁坐我講:下 你地有個呀姐帶我地入黎坐架喎然後佢口歪歪咁瞄住咀走左我心諗: 唔係電腦入好哂架咩?點解可以溝通得咁唔好?然後我就好驚佢連個雞煲都冇落單啦於是我好聲好氣咁問另一個嬸嬸個雞煲有冇落到單點知佢就串咀，又好唔耐煩咁講: 雞煲要煲熟先俾你架嘛! 不過算啦，全間野都係呢啲姐姐黎想食服務就唔好黎喇火鍋料方面，一般啦滑牛好食其他就....自助熟食方面，蒙古燒豚肉ok 不過其他就... 填下肚咁囉甜品就按人頭計，一人一件意外地個pancake好味不過個香燈奶凍就:(( 上面個間韓舍仲平啲抵啲態度好啲)…查看更多

今日星期六食set lunch叫左個b餐洋蔥汁豬扒意粉(唔記得個名但係咁上下)加10蚊有隻生蠔叫左2隻先黎沙津同甘荀忌廉湯(應該係除非唔係)同牛角包做餐包沙津個汁幾特別啲菜唔苦好fresh個湯好好飲牛角包好酥化又唔油膩然後生蠔出場唔腥唔鹹唔太重海水味但好新鮮嘅感覺仲脹卜卜岩我口味意粉真係抵食，竟然有2大塊豬扒個洋蔥汁甜甜地好好味環境好正，不停播歌唔會悶又唔嘈仲有高清大電視有室內同室外坐，室外係個小花園(放心有太陽傘)服務好，侍應笑容好仲會主動不停收碟好少可見到餐廳由頭盤到主菜甜品都好味，重點係價錢唔算貴!…查看更多