book左7點2位，個呀姐帶左我地入去坐啦
然後我同男朋友放低啲野，叫定個重慶雞煲，就去拎出面啲自助熟食
拎拎下見到有第2個呀姐係我地個位度指指點點
咁我同男朋友就即刻番去睇下乜事啦
原來個呀姐諗住俾2個人坐我個位
咁我就勁驚異咁講話: 下 呢2個位我地架喎
然後個呀姐仲勁唔好態度咁罵我地: 入左黎就同我地講嘛，亂咁坐
我講:下 你地有個呀姐帶我地入黎坐架喎
然後佢口歪歪咁瞄住咀走左
我心諗: 唔係電腦入好哂架咩?點解可以溝通得咁唔好?
然後我就好驚佢連個雞煲都冇落單啦
於是我好聲好氣咁問另一個嬸嬸個雞煲有冇落到單
點知佢就串咀，又好唔耐煩咁講: 雞煲要煲熟先俾你架嘛!
不過算啦，全間野都係呢啲姐姐黎
想食服務就唔好黎喇
火鍋料方面，一般啦
滑牛好食
其他就....
自助熟食方面，
蒙古燒豚肉ok 不過其他就... 填下肚咁囉
甜品就按人頭計，一人一件
意外地個pancake好味
不過個香燈奶凍就
( 上面個間韓舍仲平啲抵啲態度好啲)
