葡萄牙月桂的个人专页

同朋友黎荔枝角上堂，落堂已經差唔多9點，見呢間拉麵鋪開到10點半，就過左黎食。我哋嗌地獄麵同流心芝士蝦餅。地獄麵冇想像中咁地獄😆拉麵用左曲麵，曲麵掛湯，個人認為呢個組合冇特別驚喜，可能係因為唔夠辣，好似食完都頂唔到鋪辣癮😆配料方面溏心蛋好香醬油味，而且掌握得啱啱好，係我鐘意嘅熟度，要俾個like 👍海帶同荀都幾好食，叉燒一般。至於流心芝士蝦餅麻麻地，冇乜蝦味，味道偏淡。二零二零年七月最後一日晚市堂食，食完呢餐，都唔知幾時可以再出街食晚飯😪…查看更多

可能我見識少，因為從來都冇諗過有大排檔開係商業大廈🤣見到呢間大排檔個陣覺得好驚奇，樓上仲有一間叫妹記嘅大排檔。一出lift，就見到女人街食飯有限公司嘅一對大龍鳳，店入面仲有霓虹燈招牌同舊式閘門。不過最令人有驚喜嘅係細節位，好似係地下嘅痰壺，窗邊嘅綠色窗框同枱上面嘅舊式保溫壺，真係有種時光倒流嘅感覺。（不過水壼重手同有少少熱，帶小朋友黎食飯要留意下）裝修令人有驚喜，食物就整體一般。我地嗌左個餐有屋邨三鮮、龍蝦麵，同葱油雞。先講屋邨三先，呢個認真麻麻，三鮮冇乜味，淨係食到甜麵醬同芥辣味，有一種食之無味，棄之可惜嘅感覺。龍蝦麵一般，但要讚下師傅有砍開龍蝦鉗，食個陣只要輕輕一剥就食到啖啖龍蝦肉。葱油雞係三樣餸之中最好食，雞肉滑一滑，送飯一流🤤…查看更多

店仔細細，枱嘅數目係10隻手指數得曬，但係大家一定要黎一次堂食，唔係講笑，因為你只要俾蔗渣嘅價錢，就可以食道燒味嘅味道🤤呢度要scan枱面QR code落單，menu選擇貴精不貴多，主打蕃茄麵同冷麵。湯底，麵底同餸都通通有得揀👍我地嗌左蕃茄牛肩胛刀削麵同埋雞肉梅子素麵。蕃茄麵湯底落足料,蕃茄味十足，加上牛肩胛肉味香濃，直頭食到舐舐脷😋雞肉梅子素麵非常高質，首先個擺盤已經令人食指大動。梅素麵食落有梅嘅酸，同埋小麥嘅香甜。雞肉一啲都唔鞋口，配埋清爽嘅冷麵汁簡直係透心涼，夏天食一流。最值得試嘅係漬蕃茄，黃色蕃茄試過就知有幾好味，同素麵配搭一甜一酸，食過返尋味。點解一定要黎食堂食？因為靚仔店員會好細心咁擺盤同介紹食物，又會同你傾計，問下野食啱唔啱食😍蕃茄仔咁好食，咁再加埋一流嘅服務，遲啲有返晚市堂食一定要食多次😋…查看更多

我留意左呢間餅店好耐🤤ig book左兩次先成功訂到抺蛋卷蛋🤩（其實我之前叫開蛋卷/瑞士卷，最近先改口）值得一讚嘅係攞卷蛋個陣，姨姨好貼心主動俾埋冰袋👍返到屋企個卷蛋都唔會溶。抺茶卷蛋抺茶味香濃，唔會得個甜，忌廉夠曬creamy👍下午茶嘆返件簡直好似上左天堂咁，好有幸福感😂😂😂蛋卷仲用左稀少糖整，食完都冇咁大罪惡感。PS稀少糖係一種由植物提煉出黎嘅monosaccharide (單糖）但唔會被人體吸收，所以以佢係零卡路里，夠曬健康…查看更多

天時暑熱到灣仔內街食車仔麵😋車麵店鋪頭細細間，堂食位亦唔多，但都有好多人排隊。見到門口嘅人龍就知一定無伏🤩，排左一陣就入得。我嗌咗兩個餸麵，素腐皮春卷魷魚麵。野飲方面原本諗住嗌橙茶，但賣曬，唯有嗌一杯涼浸浸嘅檸茶。春卷真心好食同足料，魷魚有少少韌，不過都幾惹味。飲完檸茶，有九成飽，啱啱好。朋友嗌左豬大腸麵，佢都大讚洗得乾淨同幾入味👍呢間店雖然細細間，但勝在用心經營。各位下次黎灣仔一定要試下。…查看更多

為左食壽司郎，你可以去到幾盡？我就book左兩個月台先有得食，等到頸長🤤食壽司可以用平板落單，非常方便。平板一次最多可以叫4碟野食，落完單好快就有野食，所以唔使一次過落曬單，食到第三碟左右再落就差唔多👍雖然限時1個鐘，但絕對唔會唔夠時間食。壽司方面我最鐘意蝦三味同海膽紫菜包。蝦三味有赤蝦，甜蝦同熟蝦，蝦肉一d都唔腥，好味！海膽紫菜包嘅海膽大大舊，好鮮甜！呢度嘅茶碗蒸都好好味，茶碗蒸除左有海鮮配料之外，仲有我好鐘意食嘅白果😋雖然等到頸長，但我都會繼續等😍兩個月後再戰😋…查看更多

駱駝漆大廈出名多野食，今日就嚟咗11樓五月星牛肉麵🇹🇼食lunch。鋪頭標榜冇味精，唔會食到頸渴！lunch 有好多選擇，可以揀主菜，小食同埋飲品。之前食過招牌菜紅燒牛肉麵🙈，所以今次我就嗌咗個名好趣緻嘅👍試管鹽酥雞，麻辣鴨血同埋珍珠奶茶。呢個餐有得揀白飯/滷肉飯。食台灣菜緊係要試下滷肉飯啦😌。試管鹽酥雞真心好食👍，食落好鬆化（呢個形容詞好似形容緊餅乾😂）外層炸漿薄，雞肉食落唔會太鹹，但會令你keep住想食🤤🤤🤤小食同飲品就中規中矩。麻辣鴨血好辣🌶️🔥，辣到要飲多幾啖奶茶解辣。如果唔係好食得辣嘅人可以直接嗌其他，因為我呢個平時食開辣嘅都唔係好頂得順🤣。講返杯珍珠奶茶，唔太甜，但珍珠煮得有d淋。滷肉飯冇預期中好食。酸青瓜唔錯，可以中和滷肉嘅油膩！滷肉加入肥瘦豬肉，但甘香有餘，份量不足，食到一半變左食白飯，如果有多d汁撈飯會好d🙈。…查看更多

之前黎親都見到長長人龍，所以今日特登揀左平日黎食下午茶😆一入到門口即刻有員工幫我度體溫，之後仲好體貼提我邊d位近冷氣風口，值得一讚👍呢度嘅員工由帶位都收銀都好有禮貌，大家同聲同氣，互相尊重👍我嗌左吉列魚柳餐$51，有吉列魚柳，碗仔翅同凍奶茶。食物方面質素唔錯。吉列魚柳脆卜卜，魚肉好嫩唔鞋口。碗仔翅味道幾好，如果落埋胡椒粉麻油醋會更加好味🙈奶茶重奶味，配埋碎冰，有舊式茶記feel 😍絕對有下次😋…查看更多

呢排好想食burger，上網見到好多網友推介，所以就過左黎試下。MOO MOO係一間好有格調嘅漢堡包店，未行入去已經見到霓虹燈招牌，好靚🤩呢度係先落單，然後攞完食物再自行搵位坐雖然鋪頭唔大，但有室外坐位。不過今日天氣熱，揀左坐入面，有冷氣嘛我同男朋友嗌左熱帶之堡（The Tropical Moo)同滋味雞堡(The Sexy Chick😂)熱帶之堡超級juicy😋滋味雞堡唔係好食到辣味，但雞肉嫩滑多汁😋但兩個包都唔會死鹹，吃得出食材原味。重點係食完都唔會覺得好頸渴👍…查看更多

同朋友黎食下午茶，但tea set售罄，唯有嗌其他我哋嗌左芒果冰磚，超級芒果狂熱，芒果蜜糖吐司同埋幾杯特飲呢度嘅芒果香甜冇乜渣,啱曬我呢d芒果迷啖啖芒果，好幸福啊一定要嗌芒果蜜糖吐司好好食，香甜芒果同多士好match其他甜品都好好食，不過我都係鐘意芒果蜜糖吐司多d雖然地方唔大，但望落好闊落，我哋坐卡位，坐得好舒服同朋友傾傾下計就坐左2個幾鐘店員都好nice，但上甜品唔夠細心，整瀉左少少呢方面有待改善…查看更多