車麵館 (已結業)

天時暑熱到灣仔內街食車仔麵😋車麵店鋪頭細細間，堂食位亦唔多，但都有好多人排隊。見到門口嘅人龍就知一定無伏🤩，排左一陣就入得。我嗌咗兩個餸麵，素腐皮春卷魷魚麵。野飲方面原本諗住嗌橙茶，但賣曬，唯有嗌一杯涼浸浸嘅檸茶。春卷真心好食同足料，魷魚有少少韌，不過都幾惹味。飲完檸茶，有九成飽，啱啱好。朋友嗌左豬大腸麵，佢都大讚洗得乾淨同幾入味👍呢間店雖然細細間，但勝在用心經營。各位下次黎灣仔一定要試下。