Leon Yip 34的個人專頁

本著支持小店的心態來幫襯。餐廳佈置和餐牌別有心思，座位寬敞舒適，值得一讚👍 食物方面質素頗為參差，甚至係一啖砂糖一啖💩🍝蟹肉蟹籽明太子意粉：明太子味道濃郁，有不少蟹肉🤤🦞龍蝦汁海鮮飯：大失所望😵- 龍蝦汁唔突出無鹹鮮味- 海鮮只得4小粒魷魚圈同3粒蝦仁，我唸喺工廈$128+10%的海鮮飯就算唔期望有帶子至少都可以有連殼的蝦/蜆/青口？- 撇除份量，味道除咗鹹就係鹹，毫無食物原味；仔細睇睇根本煮到燶晒柴晒，咁都照樣上菜…🥶另外值得一提係餐廳收加一服務費，但由我地入餐廳開始一直近乎self-service：自己搵位、自己斟水、自己落單🫡 真心覺得我要收返服務費睇得出餐廳放了不少心機在裝潢和餐牌設計，希望日後在食物質素上都可以投入同等心思，方能對得起客人期望和人均$150+的價錢。…查看更多

好少喺旺角食西餐，見到呢間喺OpenRice有大量正評就不以為意訂位，點知就中晒伏🥲喺我地入座之前有三位男士想walk in，但receptionist卻頗為不友善咁話：無位啊😤！今晚無訂檯就無位！明白呢度係「高級餐廳」只接受reservation，但佢咁樣語氣直接趕走客人俾人印象真係差啲。我地入座時成間餐廳其實得三四成客，但被安排搭檯，而張檯同凳大細係似食碟頭飯嘅地方咁逼😦。喺我地要求下server先不甘情願咁俾咗另一張檯我地。(諷刺嘅係，一個鐘頭後我地走嗰時其實間鋪都係得五六成滿，嗰時已經無限聚規定入座率，所以唔太明白點解無得walk in同要搭檯🥱)一坐低侍應就即刻攞起支裝水問我地still or bubble，我地答tap water佢就即刻一副你係cheap客嘅樣話：我地得熱水；然後就大動作、大步伐咁行開斟滾水俾我地，係熱到出煙嗰隻🌫。雖然班crew全部都有著四正衫褲，但每個人嘅言行舉止只係令我唸起茶餐廳或者澳牛😵‍💫體驗到呢度非凡服務質素之後，我地已經心裡有數呢度係咩檔次，無乜心情叫嘢食🫠。食物整體黎講細份、味道正常👌但overpriced。龍蝦湯極鹹，蓋過鮮味/龍蝦味。我地request多塊麵包配龍蝦湯，但被告知$10份，平日去開呢個價錢定位嘅餐廳一般都任添，估唔到呢塊咁柴嘅麵包會同客人計住😅以呢個價錢喺灣仔、金鐘、將軍澳甚至圓方都可以食到質素服務好幾級嘅西餐🍽，但我地就R爆頭都唔明點解咁多人鐘情呢度🤔睇返原來正評十之有九都係Level 4用家，配以專業攝影、恰到好處的caption同Emoji🙂明晒！…查看更多

總結：呢餐充滿儀式感嘅吉列牛俾到我地久違嘅去旅行感覺；可惜職員態度奇差，加上鋪內較嘈吵，影響整個體驗。我地order咗東京風牛排鍋膳套餐（加一後$242），牛肉份量足，但偶有一兩塊有根。炸牛塊配合滑蛋，十分下飯。另外我地叫咗極上和牛M9後腰脊（$314），份量比想像中少，而套餐上嘅時候唔會連煎pan上。如果直接食，牛嘅生熟程度類近rare ，所以我地食咗兩啖都要問職員攞個pan黎煎。隨餐附上多種醬料，我地最愛食法係將煎香嘅牛肉沾上溫泉蛋，頗惹味。套餐包飲品同甜品，飲品石榴荔枝特飲味道OK。甜品我地叫咗抹茶紅豆流心蛋糕，隨蛋糕附上gelato，蛋糕唔算流心，雪糕texture唔太gelato。另外溫泉蛋其實可以煮得流質啲，宜家蛋黃有啲凝固。以人均消費$278而言，食物質素整體一般；不得不提職員態度配不上此價位，語氣粗魯而且不甚殷勤，奈何用餐過程需要不斷搵職員（例如問職員上綠茶、落單order套餐、request煎pan、添菜），令呢餐原本充滿儀式感嘅日本嘢失色不少。…查看更多

一家人帶爺爺嚟海洋公園，想佢坐得舒服啲所以決定嚟海龍王餐廳食午餐。我哋預早一星期訂位，但嗰時成個公園嘅餐廳都已經full booking，於是當日正午我哋準時用Gulu 攞飛，最終喺晏晝兩點鐘入座。全靠侍應姐姐貼心安排，我地一行八人可以坐喺最近水族箱嘅兩張檯，欣賞各式各樣嘅海魚喺眼前來回追逐。我嗰檯四個人嗌咗三個套餐，每個套餐包湯、小菜、時蔬、甜品、白飯同飲品，加埋已經夠四個人食。我地另外加咗$15叫杯啤酒。而我地叫咗嘅三個小菜，包括紅酒燴和牛面頰、黑松露蝦球同醬燒鱸魚，賣相同味道都OK，以遊樂場黎講算唔錯。其中最推薦醬燒鱸魚，表面鬆脆而肉質依然鮮嫩，而且份量好足。其他食物黎講係玉桂蘋果芭菲幾有驚喜，除咗擺盤有隻企鵝仔幾趣緻外，食落唔止香甜亦有雪糕清涼口感。整體黎講，主題公園嘅餐廳一般都係快餐自助形式而且人山人海（尤其疫情期間海洋公園同迪士尼都唔係開晒全部餐廳），但喺呢度就可以坐定定等上菜，同時欣賞海洋風光，算係值回票價。而且到訪當日雖然係星期六，但公園各項機動遊戲，包括動感快車、熱帶激流、越礦飛車、滑浪飛船等都唔開，所以慶幸有喺水族館食呢餐，算係我地旅程嘅highlight。…查看更多

聽朋友介紹喺九龍灣有間唔錯嘅al fresco餐廳，趁今日黎開Megabox順便過嚟試菜。我哋一行四人行完街晏晝五點幾黎到，嗰時仲未多人，職員姐姐可以俾我地坐露天最近圍欄個位睇風景。我叫咗杯凍mocha，幾香滑，打卡一流。但值得推介係女朋友杯Mocktail Strawberry Frozen，$68超·大·杯，試咗啖好香士多啤梨味。我地嗌咗Nacho同牛仔腸，特別鍾意佢腸仔有咬口同肉味濃，配埋茄醬我忍唔住連續食咗三條。喺夕陽下遠眺維港對岸，寫意咁飲嘢食嘢，同一街之隔商場入面嘅熙來攘往恰成對比，我地好似置身繁囂鬧市中嘅綠洲，享受慢活。同行朋友之後叫咗支Rose一齊飲，佢仲嗌埋隔離餐廳嘅生蠔黎食，幾鮮甜有酒店水準。之後再追加兩個海鮮熱盤，牛油焗帶子最鍾意反而係佢塊蒜蓉包，沾埋牛油、帶子嘅醬汁，鹹香中帶有鮮味。而兩款焗蠔分別係蒜蓉牛油同煙肉，煙肉幾足料，但個人都係鍾意生蠔鮮甜啲。朋友想試吓佢迷你Ham & Cheese Platter，$108原來都有Blue Cheese一共三款火腿兩款芝士，不過可能係Mini Platter關係未有配水果。最後我地都飽飽地，唸住share個Main，侍應姐姐介紹我地食一塊T骨 (餐牌無寫㗎，好彩有問recommendation)，好香燒烤炭火味同油香，肉質都算鮮嫩，但下次黎會叫五成熟，相信會仲好味。總括黎講，感覺呢間餐廳係九龍灣嘅hidden gem，唔係朋友介紹都未必識黎，好彩價錢同水準成正比，俾多少少可以chill住享受好legit嘅一餐。…查看更多