waichingchen1403的个人专页

呢日想去食甜品 見舖頭都靚靚囝囝就入咗去食 入到去之後坐尾位近隔離三聯書局 隔離盞燈好刺眼 想忽視佢嘅存在都唔得 搞到我哋想專心食都唔得 真係頂唔順 食到一半急急腳就走咗 我哋有向商場投訴 希望盞燈可以暗少少 唔好影響其他客人…查看更多

放工就走左過嚟食喇，好正喎十八樓雞煲就開喺十分樓🤣環境幾好，牆壁有香港特色嘅佈置，靚！叫左個中辣雞煲，唔係太辣。雞件就偏細件，都多骨，不過肉質就適中，個人認為雞煲醬幾好味，不過就雞煲而言就唔夠滿足，呢個價位就冇話要求咁高啦。然之後，火鍋嗰方面可以手機落單，好方便，火鍋食材都幾齊全，亦有簡單基本嘅海鮮（蜆、蝦、魚），飲品種類都多，湯底冇乜特別，但食材都新鮮，所以整體嚟講都唔錯，都好食！但係乳酪雪糕成日都畀人吱曬，對於好想食雪糕嘅我有啲不滿，之前幾次嚟都食唔到，今次終於食到！！(￣∇￣)…查看更多

喺希慎廣場個food court嗰度兜咗一圈，見到呢間都好多人排隊，冇得去台灣都想食下台灣嘢食，就諗住試吓啦！排隊真係排長龍咁，同埋等嘢食都等咗15分鐘。我就嗌咗一個百芳牛肉麵，台灣嘅紅燒牛肉麵真係我嘅最愛，呢間啲牛肉麵食完都會諗翻起台灣嘅味道，上面仲有蘿蔔、白蘿蔔同埋滷蛋，非常足料，同埋呢一間值得稱讚嘅係，牛肉夠足料，同埋食落口感啱啱好。食台灣野點少得手搖飲品，叫咗一杯珍珠奶茶，珍珠好多好多，但係冰都好多，奶茶都OK。整體來講都唔會太貴。…查看更多

嗰日跑完步，就諗住幫襯下。平時經過成日都見到南記粉麵都冇入去食過，原來都幾好食。以呢個價錢來講有埋嘢飲仲有三個餸嘅米線都算係合理。如果要攞佢嚟同譚仔比，我會想食南記粉麵多啲。啲牛腩味道好正，又香又多汁，同碗麵個湯底好夾，我就嗌咗麻辣，個湯底好食過譚仔啦，牛丸同肥牛都唔錯，牛肉唔會話好多筋，口感都還好，以呢個價錢來講已經算唔錯，下次都會再食！但係就覺得嗰度環境唔太好，望落好多部冷氣，但其實坐喺個座位度就好鬼死凍，一行去排隊嗌嘢食嗰位，又好鬼熱，佢啲冷氣好奇怪，唔係成個Area都係一樣溫度，食嘢嗰陣冷氣仲要吹正個頭，食完真係嗱嗱聲走。…查看更多

入到餐廳裏面，整體環境都幾好，偏向文清藝術feel。望咗下餐牌，最吸引我目光嘅就係安格斯牛肉鍋同埋香草吉列牛，於是我就決定咗嗌呢兩樣嘢食，可以加$35升級做套餐，可以選擇要刺身定係沙律，在送埋個湯同埋嘢飲。當嘢食送到嘅時候其實非常之震撼，因為望落好似好大份咁。香草吉列牛一放落去燒，啲香味即刻標晒出嚟，味道都唔錯就，啲香草味啱啱好，唔會冚過牛肉啲香味，肉質都幾嫩，配埋佢比嘅白飯食，都夠飽。啲服務員嘅服務質素幾好，佢哋見到過火開始細嘅時候，有主動幫手換過燃料，咁細心值得稱讚。而男朋友食嗰個牛肉鍋，我個人就認為湯太過清，可以再濃多少少，牛肉份量好足，入面嘅配菜都唔錯，食完都非常飽肚，整體上食落都好滿足，而且買單二百幾蚊十分之抵！！…查看更多

原本以為大排檔乾淨程度麻麻地，但去到發現環境唔錯，幾乾淨呀。人流唔算多，大部分都係一堆人嚟食。呢個係第一碟上嘅餸，啲蜆好新鮮吖， 佢仲保留咗原本嘅新味，幾好食。家常菜，係一碟炒四季豆。 佢炒得好香，而且有鑊氣，食落去嗰下，哇！正吖！海鹽香煎牛柳粒，佢食落去唔會乾爭爭，啲牛柳粒多汁同埋好好味，而且雞髀菇都入味，呢碟值得推荐，一定要試。 脆炸茄子，佢嘅味道口感都好特別！好少食炸茄子，而且佢一放入口就覺得好香口，側邊嗰啲麵粉同平時嗰啲唔同，而且佢係上面加咗啲芝麻醬，第一次食到啲咁特別而且好味嘅嘢。總括而言啦，呢間大排檔值得你哋嚟試下。…查看更多