南記粉麵 (朗盈商業大廈)

营业中

休息中

嗰日跑完步，就諗住幫襯下。平時經過成日都見到南記粉麵都冇入去食過，原來都幾好食。以呢個價錢來講有埋嘢飲仲有三個餸嘅米線都算係合理。如果要攞佢嚟同譚仔比，我會想食南記粉麵多啲。啲牛腩味道好正，又香又多汁，同碗麵個湯底好夾，我就嗌咗麻辣，個湯底好食過譚仔啦，牛丸同肥牛都唔錯，牛肉唔會話好多筋，口感都還好，以呢個價錢來講已經算唔錯，下次都會再食！但係就覺得嗰度環境唔太好，望落好多部冷氣，但其實坐喺個座位度就好鬼死凍，一行去排隊嗌嘢食嗰位，又好鬼熱，佢啲冷氣好奇怪，唔係成個Area都係一樣溫度，食嘢嗰陣冷氣仲要吹正個頭，食完真係嗱嗱聲走。