Tam kwok wai的个人专页

今日去文化中心看表演，順便找間餐廳食晚飯，看到一間店名很文青的餐廳，名字叫牧羊少年與他的浮萍，店內環境很濶落，氣氛很輕鬆。首先，叫了煎北海道帶子 配奶油南瓜烤菇意大利飯，飯身很有質感，軟硬適中，感覺很juicy ，帶子很大粒和彈牙。之後是海膽黑魚子醬蟹肉貓耳朵粉，海膽非常新鮮足料，魚子醬非一般普通貨色，而貓耳朵粉出面餐廳很少有，是一碟很出色和特別的pasta。再來烤加拿大豬鞍配 烤新薯及火炙栗米 伴芥末籽蘋果醬，這件豬鞍非常厚身爽口，很有肉味。而火炙栗米 伴芥末籽蘋果醬簡直是有畫龍點晴的效果，令這碟主菜再上一層樓。只可以用三個字形容，正！正！正！最後到了甜品時間無花果合桃焗流心芝士撻配焦糖脆脆，是一個很有心思的製作，芝士做到很滑和有流心效果，外表很香脆。覆盆子奶油霜 配糖漬草莓及蛋白脆餅，效果很creamy 和很有香草莓味。而侍應都好細心。因為今日外面大風，侍應都問需唔需要杯暖水先，和會不停有人加水，服務態度真係好好👍。以食物質素，分量和服務，這個價錢真係超值，性價比超高。…查看更多

今晚收工同閨密去九龍城覓食，預祝佢生日，唔想又食泰國嘢，經過呢間日本嘢，見到有個二人套餐大家都覺得幾啱食，於是試吓。前菜— 野菜條伴鯷魚醬侍應介紹鯷魚醬係由多春魚同沙甸魚製成，野菜有爽脆青瓜、甘筍及白蘿白，沾醬後味道即時提升了。松葉蟹肉青蘋果蟹籽沙律松葉蟹肉鮮甜，青蘋果絲清爽，蟹籽份量很足，醒神開胃。原隻活龍蝦（刺身+甲羅燒）冰鎮擺盤很有心思，龍蝦一半開邊作刺身，蝦肉晶瑩剔透，肉質爽口彈牙，味道鮮甜，加上海量級的蟹籽，沾上山葵及醬油後令人大快朵頤。龍蝦頭甲羅燒龍蝦另一半作甲羅燒，將龍蝦肉、蟹膏伴以醬料在龍蝦頭上燒來吃，配以梳打餅吃，鹹香味更突出。剌身壽司盛合磯煮鮑魚（1）～鮑魚肉鮮嫩彈牙，不會炆得過久；黑松露帶子壽司（2）～黑松露入口超香，帶子厚肉鮮甜；赤蝦刺身（2）～赤蝦非常大隻、肉質結實彈牙三文魚刺身（2）～三文魚呈粉紅色，脂肪紋亦分佈均勻；火炙左口魚刺身（2）～經過火炙後魚油味好出，兼且入口即溶，很滑溜。油甘魚刺身 （2）～油甘魚肉質爽口，每一口都充斥着魚油氣味，味道甘甜鮮美。酸汁白子（另點）正值入秋時分，又是吃白子的季節，日本人視為保身養顏嘅珍品。鱈魚白子其實是精囊，口感綿綿滑滑，沒有半點腥味。櫻花蝦炸豆腐沾滿櫻花蝦嘅外表令炸豆腐更酥脆，加上陣陣蝦香味，令本身幼滑嘅豆腐更有鮮味。煙燻串燒（自選3款）牛舌心、雞翼、伊比利亞豬肋條串燒用日式燒肉嘅方法煎到四、五成熟，最後入鍋放在鐵網上，鍋底放滿櫻花木碎，等煙燻將啲肉燻熟，逼出油香。上枱嗰刻，鍋蓋一開始，聞到陣陣嘅煙燻香，好有風味。蜆湯野菜湯配稻庭烏冬新鮮蜆配滑嫩豆腐、春菜和雜菌，蜆湯不用加鹽已十分鮮甜，加上稻庭烏冬麵條薄而幼身，兩者很匹配。日本卷蛋2件甜品有巨峰提子味及香蕉朱古力,又靚又好味。完美的一餐😍…查看更多

今日去開太古廣場。順便找間餐廳食晚飯，看到一間很西式的中菜餐廳，就試吓。入座後見到special tasting menu，個價錢和菜式都好合心水。首先，叫咗杯Grapefruit and Guava Cooler 這杯飲品非常高水準。之後就來點心，分別有擔擔湯包，黑松露蝦餃, 胭脂帶子餃。擔擔湯包非常之特別。湯包是做擔擔麵的材料。有少少微辣，非常香。黑松露蝦餃很爽口和鮮味，應該用新鮮蝦製作。胭脂帶子餃的帶子很大粒和鮮甜。再來就來椒蜆蜂巢芋角，很清爽，沒有油膩感。黑椒和牛酥，味道非常香和酥化。之後來主菜，塔香米椒和牛肉。只可以用三個字形容；正，正，正。非常香滑、牛味重而不羶，配合米椒令味道再次提昇。另一款是石燒大澳蝦醬唐生菜，很濃蝦醬味，香而不咸，而蝦乾更加是亮點。再來是飯或麵二選一，因為開始有些飽，所以揀咗蝦球炆伊麵，蝦保持一定質素，爽甜，麵感軟硬適中，個汁不膩。最後來個開心果乳凍做ending ，個乳凍很滑和很濃開心果味。每次來餸時，侍應都好細心介紹，和會不停有人斟茶，服務態度真係好好👍。以食物質素，分量和服務，這個價錢真係超值。正價比超高！…查看更多

呂宋芒椰木蓮凍 $62呂宋芒奶昔雙皮奶 $59椰皇湯圓燉雙皮奶 $69合桃杏仁糊 $39.一向好鍾意食芒果甜品，亦都鍾意杏仁，呢間係旺角嘅甜品舖就啱晒我！今次仲試左新出嘅木蓮凍系列，呂宋芒椰木蓮凍份量好大，食落好豐富，最中意係木蓮凍，佢嘅口感好似仙草咁但係有冇仙草嘅苦味，配上爽口嘅椰果同煙韌嘅芋圓，口感好有層次，芒果都好鮮甜！另一款芒果甜品——呂宋芒奶昔雙皮奶同樣好多芒果，味道鮮甜，雙皮奶好奶滑！不過相比之下，更喜歡椰皇湯圓燉雙皮奶，原個椰皇上，賣相更吸引！而且奶皇湯圓好好食，冬天食暖暖嘅雙皮奶真係好正💓另一款合桃杏仁糊都好啱呢幾日咁凍食，食落好滋潤，好滑，真材實料嘅味道！呢度嘅甜品真係唔錯，下次會encore！…查看更多

今日終於試到很多朋友介紹位於銅鑼灣「磯野水產」日本食店。因為是替老友慶祝生日，所以幾日前訂位時已叫店長預留一些新鮮海產食材當日做刺身，由於食材是每日新鮮直送，店長話當日再告之有什麼時令海產。店長在處理水產前會呈上食材給我們看看，有象拔蚌、大虎蝦、活鮑魚和活北寄貝，象拔蚌還在噴水，非常新鮮。首先，師傅將一條象拔蚌兩食，切成薄片做刺身，象拔蚌膽則做壽司，入口滑溜如玉子豆腐般。另外，我們選了浜燒方式煮大虎蝦、活鮑魚和活北寄貝。浜燒過的大虎蝦烤得傳來一陣陣焦香脆，，蝦肉非常彈牙。活鮑魚經浜燒後肉質很煙韌，鮮味更突出。活北寄貝浜燒後用昆布湯汁盛著，完全品嚐到海水嘅鮮味，肉質爽口彈牙。因為我地都覺得呢間食物水準高及有質素，所以再點了兩份午市套餐，價錢也十分合理。首先是「磯野壽司盛盒」，壽司種類多樣化，包括有赤蝦、八爪魚、磯煮鮑魚、黑松露帶子、三文魚、油甘魚、鰻魚、火炙左口魚。魚肉十分新鮮嫩滑。接著是「鹽燒牛小排丼」，牛小排的份量很多，牛肉味很重，很滿足。這是一間食物質素高及有保證的日本海產食肆，服務態度亦很好，我地都好滿意，非常盡興的一晚！…查看更多

沙田新強記雞粥（大）提起沙田雞粥，一定諗起新強記，D懷舊感覺返晒嚟！粥底口感香滑軟綿，很有底味，雞肉有鹹香味，新鮮嫩滑不嚡口，且份量也不少。新強記燒鵝王（例）嚟到新強記招牌燒鵝亦係必食之列。鵝皮脆香，肥瘦分佈適中，食落有鵝味，肉質不韌不乾。金牌燒乳鴿（兩隻）招牌乳鴿上枱時已每隻一開四，方便食用。BB乳鴿皮薄，炸得香脆，肉雖不多但肉嫩汁多，個人不愛蘸淮鹽，乳鴿底味已鹵得剛好，不會過鹹。菠蘿生炒骨呢味經典家常小菜酸甜可口，最啱呢個炎炎夏日食，老少咸宜。排骨炸得爽脆肉嫩，糖醋汁甜酸度造得恰到好處，再加入菠蘿及燈籠椒，除了賣相吸引外，佐飯亦一流。椒鹽脆豆腐簡簡單單嘅硬豆腐外皮炸得金黃酥脆，加上椒鹽後更是美味可口。金銀蛋浸時蔬呢味家常小菜消暑清甜，青莧入口嫰滑，加入蒜粒、皮蛋粒及咸蛋黃粒，更加惹味。瑤柱蛋白炒飯個人最喜歡呢度嘅炒飯，飯炒得粒粒分明很乾身，不油不膩，蛋白滑溜不過老，有瑤柱香味。…查看更多

100%全血和牛筒麪 $138黑色湯底選用大量牛骨、豬骨、鷄腳、雜菜等熬煮而成，味道極為濃郁。嚴選澳洲100%全血和牛 ， 牛肉片和鹵水牛腱，難怪格外腍滑；泰國手打牛肉丸亦爽口彈牙，搭配酥脆炸豬皮及吸附滿湯汁的檬粉，材料豐富，多層次口感。泰式炒金邊粉 $128Pad Thai 係每次食泰國嘢必點 🇹🇭 呢度嘅pad Thai 好靚，上面鋪上格仔蛋皮，配料有蝦、魚蛋等等，份量都幾大，而且炒得很香，加埋青檸汁、糖、花生，更加入味！泰式奶茶班戟配泰式奶茶雪糕 $88pancake係類似蛋糕口感，淋上泰式奶茶醬好好味，如果可以更鬆軟就好。泰式奶茶雪糕係重點，好有泰茶香！…查看更多

嚟到海港城，見到呢間以海南雞為招徠，外賣仲有8折，一於試下。招牌海南雞 （全隻）$338配雞油飯及雞湯（各兩碗）果然是招牌貨，除了份量大、件頭多，鷄皮爽口彈牙，肉質鮮嫩，食落亦好有雞味。海南雞配上三色醬 - 黑色醬油、薑蓉和辣椒醬，就更加突出雞嘅鮮味。雞油飯米粒分明，香味十足。再呷一口雞湯，感覺香甜清新。炒貴刁 $98用上油麵同河粉一齊炒，以黑醬油為主要醬料，再配上參巴辣椒醬，令味道在鹹甜中又帶點辣味。主要材料包括臘腸、炸肥豬肉、蝦仁、魚條、雞蛋、豆芽、韭菜，口感豐富，很惹味！沙嗲拼盤 $168 （有雞、牛、豬）12串-可選3款沙嗲拼盤我地揀晒牛、雞同豬肉串，原來用自家調味及醃製12小時，唔怪得之咁入味。肉串外層烤得焦香，再沾上粒粒花生沙嗲醬後，真是令人停不了口！…查看更多

焦糖香蕉班戟 $98Caramelize banana pancake 焦糖香蕉是個不敗配搭，炙燒過的糖衣脆卜卜的配上香蕉已很美味，微暖的班戟質感厚實，灑上核桃粒粒伴入幼滑忌廉，淋上楓糖漿後更加可口。雜果朱古力班戟 $108Mixed fruit chocolate pancake班戟有雜果如士多啤梨🍓、藍莓🫐、橙連皮🍊及奇異果🥝配搭，感覺健康，伴已輕盈忌廉及濃厚朱古力醬沾食，單是擺盆已叫人賞心悅目💓💓…查看更多

多芒西米 $42多芒小丸子 $45多芒楊枝甘露 $45抹茶紅豆小丸子 $48.一向好鍾意食芒果，所以去到即刻決定點多芒系列，真係超級多新鮮芒果粒，芒果仲要好甜，真材實料，三款都好好味，特別鍾意食多芒小丸子，因為好有咬口！抹茶紅豆小丸子同樣有小丸子，所以都好有口感，佢用左8.6豆乳抹茶，豆乳味同抹茶味都好出，飲落好滑，再加埋紅豆嘅點綴，正！見到佢仲有其他小食同埋好多唔同口味嘅豆漿，下次經過一定要試吓，好似好好味咁！…查看更多

都有一排冇食過金鶴，好掛住呢度嘅拉麵。 黎到金鶴梗係要食佢嘅招牌雞白湯拉麵 （$98） 啦，尤其係佢嘅湯底，精心熬製，入味得黎又冇油腻感，忍唔住飲晒佢，飲完都唔口渴。仲有爽口嘅拉麵同埋半肥瘦嘅豚肉，令人食唔停口，炸過的牛蒡都很吸睛，咬落 薄脆易入口，仲好啱打卡添！北海道極濃蟹湯拉麵 ＄138 （＋＄10跟餐有小食及飲品） 一向都好鍾意食海鮮，每次去北海道都忍唔住食佢嘅蟹，而家冇得去旅行，食住呢度嘅蟹湯拉麵頂頂癮。濃蟹湯底鮮味，蟹肉份量十足，但又唔會有腥味，食完都唔會覺得好膩，好掛住日本呀！ 茶辣八爪魚 ＄48 濃郁嘅芥辣同新鮮八爪魚好夾，十分彈牙及爽口，食完完全唔夠喉，好正！…查看更多

今日放工，見呢間西班牙餐廳門面都幾有聖誕氣氛, 一於食埋晚飯至返。西班牙炸薯仔 $88薯仔粒炸得香口，上面有帶蒜香味的蛋黃醬和辣汁，是一道非常醒胃的西班牙tapas。西班牙薯仔蛋餅 $88蛋餅的主角是蛋和薯仔，加上洋蔥和橄欖油， 雖然配料簡單，已可製成又厚又圓的蛋餅，特別之處是上面再鋪滿意大利巴馬火腿，多重質感，絕對是驚喜。西班牙燒乳豬 $288乳豬皮烤得甘香鬆脆，肉質鬆化，脂肪豐腴肥美。餐廳坐位舒適，侍應服務態度不錯，是一個不錯的聚腳點！…查看更多

今日行經九龍城，見到呢間燒臘舖有大個牌寫住係西班牙黑毛豬叉燒（限量發售），全部自家現場製作，全部新鮮出爐，一於試吓，今晚灼碟菜就食得。西班牙黑毛豬叉燒 $198/斤西班牙黑毛豬叉燒表面有光澤邊位有少許焦燶，叉燒是半肥瘦，豬肉味濃，有咬口。燒肉 $98/斤本來想買豉油桶子鷄（$100隻），但已售罄，所以買了斤燒肉，燒肉肥瘦均勻，外皮夠脆，肉質鬆軟，不會過鹹。燒鴨 （下庄）$128及 紅腸 $88/斤此外還點了燒鴨（下庄）及半斤紅腸。 鴨腿肉瘦而不嚡，越嚼越香。很久沒有吃紅腸了，今晚懷舊一番😅呢度D燒味味道不錯，價錢親民，是不錯的斬料之選。…查看更多

今日去完戲曲中心，見到呢間拉麵店門面好有日本feel，都有一排冇食過拉麵，今晚一於食番碗。金鶴.鷄白湯拉麵 $98餐牌寫湯底用赤鷄熬製6小麵而成，呈奶白色，一於試吓，先飲頭啖湯，果然鮮味濃，稠度剛好，沒半點油腻感，連一向不飮拉麵湯的我都不知不覺喝到底😅，但絕不黏口或口渴。拉麵彈牙，雞肉瘦滑不嚡口，豚肉是一貫的半肥瘦，肉質嫩滑👍炸過的牛蒡很吸睛，咬落薄脆易入口，還有溏心蛋及大片紫菜，配料豐富😋😋瀬戶內海-𧐢湯拉麵 （期間限定）$138呢個絕對係濃雞白湯嘅升級版，湯底同樣是奶白色， 加入瀬戶內海𧐢嘅精華，鮮味倍增，非常濃稠，鮮蟹肉份量十足🤩🤩，拉麵口感彈牙。鹽燒雞軟骨（2 串）$48雞軟骨不嬲係我至愛，椒鹽平時就食得多，今次試吓鹽燒先。雞軟骨調味不錯，烤得很惹味😍好彩早D入嚟食，之後陸續都有人來光顧，呢間性價比高，味道不錯，推！…查看更多

嚟開荃灣，想食西餐，呢間有意外驚喜！餐包（黑松露牛油）（跟餐）籃內三個餐包都各有特色，有硬身、軟身及一塊薄片多土，上枱還是暖乎乎的，焗得香脆。本身對黑松露感覺一般，想不到搽上黑松露牛油又幾夾喎。西蘭花忌廉湯（另加$45可配是日餐湯/沙律及咖啡/茶）忌廉湯呈微綠色，很健康的感覺，口感濃郁creamy，味道剛好。香煎蟹餅伴沙律配油醋汁 $148蟹餅都幾厚幾有份量，呈金黃色，外皮很酥脆，切開後是一絲絲蟹肉、洋蔥末及芹菜末，濃郁的口感實在令人回味無窮。沙律菜夠新鮮， 配以酸酸甜甜的油醋汁，用清爽一點的口味平衡番濃香的蟹餅味道。香煎比目魚配菠菜忌廉汁燴天使麵 $148比目魚外皮煎得香脆，肉質保持細嫩，拿揑得很好👍天使麵煑得軟硬適中，十分彈牙 al dent，時間及火喉控制得相當好，菠菜忌廉汁香濃但不膩，麵條本身幼身可均勻混合菠菜忌廉汁，吃起來更美味。烤美國極佳級肩胛牛扒（可配黑椒汁/紅酒汁/蘑菇汁/芥末籽汁）$268我點了六成熟的肩胛牛扒配芥末籽汁，肩胛扒肉質偏向結實但肉味豐富，配合芥末籽汁少許辛辣口感，再伴以有咬口嘅芝士忌廉薯菜，食慾大增😋侍應服務態度親切，很有家的感覺，難怪目測食客大部份是熟客，回頭度甚高🤩餐包（配黑松露牛油）西蘭花忌廉湯香煎蟹餅伴沙律配油醋汁香煎比目魚配菠菜忌廉汁燴天使麵烤美國極佳級肩胛牛排（配芥末籽汁）…查看更多