kinkinchu的个人专页

支持小店！食材新鮮，好味道👍🏻原味漢堡是帶辣的，建議可在餐單標明，因是買給小朋友吃，若只買一個就中招吃不到了，幸好今次第一次食所以買幾款都不同味，而另外兩個都不辣。曲紋粗薯條也很好吃，炸得剛好，不過梅粉卻因被熱氣薰濕，所以沒能shake均勻，只有數條沾上了，但味道與薯條很夾也好吃的。食物包裝充滿誠意，包是油紙袋+錫紙盒，薯條也用錫紙袋而且保持開口抖氣保持脆度，很細心的店主👍🏻3個包只有1份加餐，大方的店主給了3包茄汁呢！…查看更多

很久沒寫食評，不過這次值得一寫。第一次光顧的黑松露生煎包底部比餅乾還硬，家中黑松露狂迷幼兒咬不開要吐出來，向店員反映即將是次惠顧的黑松露生煎包半價收費以作前次補償，讚！二次光顧均為外賣自取，生煎包早已在鑊煎好待售，下班時間即買即走，不像上海的要排隊等很久真的生煎，一如HK style：快！招牌生煎包($35/4隻)：皮脆不韌，回家吃時裡面的湯汁還是㷫的，還一咬噴汁(浪費了點湯汁)，很好吃。黑松露生煎包($17/隻，2隻起)：第一次光顧時底部超硬，但裡面的湯汁是很濃重黑松露味的，$17/隻沒欺場；是次光顧由於主動向店員表示前次不快經驗，要求挑選較新鮮煎好的，那便不會吃到超硬底了，這次的很好，軟硬適中，湯汁香濃。還會再光顧的～…查看更多

睇之前啲食評好似水準不俗，見咁近屋企一於試下，飲品奶茶、咖啡，鴛鴦都正常茶餐廳水準，其他食物全部都麻麻，但以$80任食都叫ok嘅。 呢個羅宋湯同之前食評果啲落差極大，幾乎逢湯都啱嘅我都冇encore，稀，冇味。 海南雞只有薑蓉並冇甜豉油及甜酸汁。 咖哩魚柳，咖喱汁稀淡，魚柳乾硬扁。 西多士自動少糖漿少花生醬...好似幾乎冇咁 春卷正常，但冇喼汁或沙律醬相佐。 咖哩牛腩唯一讚嘅，汁比咖哩魚柳濃杰，牛腩軟硬適中，同埋比啲部位都正常。 瑞士汁雞翼及雞脾都醃得唔入味，雞脾仲鞋肉添。…查看更多

去年已想試呢度嘅buffet，但早一個月前都full booking，今年3個月前就book定，終於食到！好耐冇食過一個整體水準都咁讚嘅buffet，勁回味！佢哋confirm booking 時話冇生蠰及龍蝦供應，完全冇expect過呢個價位嘅buffet都會冇生蠔囉，於是想轉場去快船廊，可惜太遲book早已爆滿，於是唯有照去試啦，好在冇轉到場，唔係就走寶喇！一入去見到個甜品bar，即刻令我雙眼放光！首先進攻回本食物！魚子好新鮮，即場筆出嚟擺上吞拿魚上面，味道好夾，仲有得比你揀兩款雙併又得，只要一款都得，貪心嘅我頭已輪梗係先要雙併啦〜蒜蓉鱸魚，勁好食，又滑又香濃魚味，起碼食咗三四件！酸辣帶子都新鮮，但唔太啱我胃口；蟹腳好削，不吃也罷，免嘥時間去拆蟹肉；灼蝦好肥美大隻夠味；牛扒唔奀，剛剛好，但牛味唔濃。鵝肝，煎得恰到好處，外脆內爆油，唔理得膽固醇超標都喪拎咗幾 round！帶子又厚又甜，原隻連殼牡丹蝦好正，刺身類都好新鮮好味，但我之前果日先去咗食大喜屋，所以刺身我只食咗呢兩款冇食其他〜蟹粥，推推推！勁好味！唔似澳門果啲冇味水蟹粥，佢堅係拆咗蟹肉出嚟仲有蟹粉，綿滑濃香集於一身，實在太好味！由於甜品太吸引，所以鹹食未進攻完就嚟返round先〜推介：貓山王榴槤雪糕，鍾意食榴槤嘅人一定不能錯過！好似食緊真榴槤咁，每口夾雜點點榴槤肉，好味到令人感動！榴槤小撻都好好味，充斥住淡淡榴槤香；綠茶mousse味道濃郁，比起朱古力mousse好味；蛋糕正常質素，無甚特別；心太軟以咁細細粒嚟講算做得唔錯，只係外層唔夠脆軟，但係熱住上裡層依然流心。有我鍾意食嘅印度薄脆，仲要係師父現場整，讚！巴東牛肉，味道都尚算似模似樣，唔係粗制濫造求其比啲牛肉扮係。喇沙，很好味！同喺新加坡食到嘅不遑多讓！仲有好多掛住食冇影相又好味嘅嘢食，如足料老火湯、蜜糖黑松露醬配Parma ham等等，實在令人再三回味，今年一定要再去食多次！食物會不斷補充，每個counter都企夠人，唔會話要一個人兼顧幾個counter，所以所有食物都都唔洗點排，食幾多都有，很好嘅服務水平！…查看更多

一帶到埋位呢盤刺身已喺枱面(枱枱如是), 雖然係一坐低就有得食, 但我覺得唔係太衛生, 因盤嘢唔知擺喺度封咗幾耐塵。刺身水準一般, 唔夠新鮮唔夠厚切, 同埋三文魚食到有筋...雞軟骨, 腎 --- 正常牛舌 --- 幾好芝士翠玉瓜 --- 平時我好鍾意食串燒翠玉瓜, 但佢加咗芝士後反而令到味道麻麻天婦羅蝦, 菇 --- 正常黑松露 / 三文魚籽水蛋 --- 成晚最滿意嘅食物, 水蛋蒸得好滑, 黑松露好過三文魚籽, 因為三文魚籽又係唔夠新鮮呢碟吉列真係差到爆, 因同行者唔食吉列外面層炸皮所以拆開嚟食"秘製章魚丸子燒" --- 幾好, 外皮保持少許脆身, 裡面又唔太過一pat漿, 但就食唔到有章魚"吉列廣島蠔" --- 正常"吉列北海道帶子" --- 並唔係原柆帶子，而係好似蟹柳咁卷成然後切厚片扮帶子, 真係即時o咀..."吉列鱈場蟹鉗" --- 其實我只係expect比到好似酒樓去飲果d質素已經ok, 但係...佢入面團"肉"似係魚漿溝粉整出嚟, 咬咗一兩啖都啃不下去"秘製汁金菇牛肉" --- 我冇睇真落order時以為係金菇牛肉卷, 寫咗份量2, 於是嚟咗大大碟, 其實冇必秘製汁可言, 只係炒埋一堆, 無甚特別"鹿兒島黑豚生姜燒" --- 普普通通, 不過不失蘆薈蟹籽沙律 --- 普普通通, 不過不失"蒜香三文魚骨腩" --- 差! 成碟我都搵唔到一舊骨腩, 而係比吉之島一pack買嚟專做火鍋湯底嘅三文魚中間果條骨頭, 有少少肉痴住果d, 而且仲有厚厚嘅炸漿, 基本上係無肉可食"韓風辛味三文魚頭煲" --- 其實呢個湯底唔差幾好飲, 之但係個主角魚頭...成煲三四舊魚中, 只有一舊似係魚頭, 其他果d又係上段所講嘅魚骨, 仲要又係有炸漿係面, 食到漿多過食到魚肉..."蒜香牛柳粒" --- 用個鐵鍋好似石頭鍋咁熱住上, 但係汁太多蓋過咗牛嘅原味汽水、啤酒、熱茶及雪糕等係自助, 啤酒只係有獅威, 雪糕都唔錯嘅~…查看更多

一直都想試, 見餐廳經理又好有禮貌咁企喺門口sell, 於是中咗入去叫咗個4人餐, 個餐好似$668定$688, 加一, 另要每人茶位$8, 但呢$8我覺得值, 侍應會不斷添水及倒茶, 個荔枝茶飲咗成晚都仲好有味, 清清地幾好飲~但呢度d侍應好得意, 分開識落單同埋專係傳菜及執嘢兩種, 你叫錯咗唔係落單果個就會要repeat再同落單果個講, 而佢地嘅服飾同埋外貌都唔係好大分別, 所以成晚試咗幾次要repeat order.4人餐食得好飽, 坊間有d 4人餐食好似for 3人份量咁, 但呢度好足, 實夠飽!湯可以4個人都揀4款唔同味, 我要咗肉骨茶(馬來西亞), 不過不失, 朋友要嘅好似係川貝雪梨湯, 清得嚟都好甜前菜 - 咖央蝦丸：裡面爆漿, 又彈牙, 好味!前菜 - 油炸鬼：都好味, 但由於佢釀落中間果舊嘅味道同蝦丸好似, 所以相對失色.主菜 - 海南雞：唔係差, 但我會覺得kitchen 65雞味香d及滑d, 但值得讚嘅係呢度4個人上兩sets汁料, 唔會點到尾聲冇晒味主菜 - 話梅豬腩肉：腩肉幾靚嘅, 肥瘦分布得幾平均, 亦有話梅甜甜地果陣味, 但肉質略嫌鞋咗d d主菜 - 咖喱雞翼(配薄餅)：咁多味, 覺得呢味最一般, 雞翼冇乜味, 咖喱亦冇特別, 仲有跟餐果塊薄餅唔夠鬆軟每人配一碗飯, 轉油飯加$6/碗, 油飯唔算好油, 但應該可以做得再香d飲品, 轉特飲又係加$6/杯, 我飲咗香茅青檸梳打, 味道唔錯, 得意在佢係比一枝香茅好似攪攪棒咁, 有香味之餘又可用嚟篤篤吓, 唔錯, 但my friend就話似飲緊洗潔精, 可能呢陣味都係見人見志.…查看更多

星期一嘅夜晚十點島去到, 其實見到只得一枱客真係唔應該入去！4個人, 3個叫咗楊枝甘露, 諗住大路嘢冇衰啦, 點知....呢碗叫楊枝甘露??! 數埋得果十粒仔芒果, 柚子亦寥寥可數, 成碗嘢最多嘅係西米同埋淡奶! 我地要嘅係楊枝甘露嘢, 真係難以置信今時今日位處CWB嘅甜品舖, 一款咁簡單嘅甜品都可以整到咁, 取巧得咁緊要?! 呢碗嘢我只食咗幾啖真係食唔落去, 因為我唔係鍾意食西米露囉! 仲要盛惠$26一碗, 未免太過份喇!…查看更多

見佢假期日頭都企滿人，以為冇得book位啦，打去問book dinner佢話得喎, 去到見到留咗張梳化位比我地, 讚! 是晚由於落雨加上只係Tue, 去到好冷清好少人, 但反而咁樣特別舒服, 一d輕音樂加埋舒適梳化位, 坐到人唔願起身走.mushroom benedict($85) - 蛋味濃, creamy, 比flying pan好seafood risotto($128) - 全晚覺得最一般菜式, 其實唔係差, 只係其他太好, 味道好但米煮得唔夠腍salad($128) - 好豐富, 冇欺場, 但舊cheese係羊奶cheese, 唔受得羶味果d會頂唔住焦糖合桃pancake($58 or $68, 唔記得) - 全晚最驚喜項目, 真係超好食, 焦糖汁配埋合桃, OMG, 好食到暈低!!!朱古力waffle($68) - 呢款都做得好好味, 個皮食果時仲脆脆地, 朱古力味好濃郁唔係齋得個甜字Brownie+Cheese cake($38 or $42, 唔記得) - 味道都好好, cheese cake部份軟硬度適中, 溝埋brownie中和咗d甜味, 成個味道好夾Cosmopolitan($54) - 呢杯cocktail溝得好好飲, 有帶有酒味嘅柚子果汁, 清中不失酒味. 由於happy hour超抵飲, $54係買一送一, 即2杯價錢, 超值!全店不設加一, 侍應服務又十分好, 以後一定會多多幫襯~…查看更多

最近轉咗喺黃埔返工, 好開心地不斷有得試小食肆.呢間雖然係自己經營嘅小店, 但服務同埋質素都好優質, 睇得出佢地嘅誠意.呢度叫個包HKD 20-29不等, 可選擇$12加餐, 有埋薯條(可免費轉薯格)及汽水一罐, 若然你唔加錢要餐都唔會遭人白眼, 老闆娘仲會自動比杯暖水你, 非常親切.食物質素我覺得好過出面好多大brand(e.g. Triple.....), 唔會將價就貨, 絕不欺場, 完全覺得物超所值. 試勻晒佢咁多款包, 最鍾意都係招牌牛肉漢堡, 其次係雞, 跟住魚, 田園齋包都好惹味, 唯獨豬唔係太好, 因為好似腩肉咁一條條夾左入去個包度, 感覺同漢堡唔太match.至於薯條, 亦都炸得好好味, 有薯仔味唔會唔知自己食緊乜嘢混合物, 薯格都炸得好味, 但相對調味料較多唔及薯條咁重薯味.基本上呢間店入到去真係會有驚喜, 介紹左唔少人去食, 食完都會心掛掛想再去食. 呢類良心小店, 有得食就好食喇, 唔係因間比d大財團唔覺意加d租就圍唔到皮然後結業...希望佢地會生意興隆, 做到開分店啦!…查看更多

自從第一次嚟呢度就愛上呢間pub, 原因係佢d beer好有質素, 而且價錢公道.最愛佢隻belgium beer, 9.2%(圖右上有個8字果款, HKD 44/bottle), 自從第一次嚟時叫bar tender介紹有冇strong and tasty beer佢介紹咗呢隻後就每一次嚟都一定會叫! 愛死了~ 上次去試多兩隻佢9%嘅beer, 始終都係呢隻最好味, 不過右下Leffe 9%都唔錯(冇呢隻咁霸道咁strong), Long Island就麻麻喇, 太多冰, 好淡味.逢周二呢度有款taco, 只售HKD 9.9, 好抵食! 粟米片亦係免費提供(第一次嚟時係pop corn, 之後每次都係粟米片), 不過個sauce就略嫌淡味, 自己加d鹽同埋tabasco後就會好味好多(佢呢度支tabasco唔知點解比出面其他餐廳果d辣好多, 加辣時要先就住黎試下先). 雞翼係HKD 88定98, 雞中翼及雞槌各5件, 價錢都fair, 味道亦不賴.Happy hour(至9pm) magaritas HKD 29 only, 但就較得略為"啃", 飲開淡味嘅人應該會飲唔到, 而happy hour果隻mexico beer味道亦只係麻麻, 建議比多少少飲正常beer好過.上次生日朋友請, 2個人好似飲咗4定5 round, 埋單都HKD 500唔洗, 抵!…查看更多

6:30pm去到，唔洗等位，服務員個個都笑容可掬，叫堪茶唔會行你真係即刻去拎茶壺，讚！叫水煮魚時，由於係辣菜，再三強調辣度怕我地食唔到，再讚！水煮魚 - 佢個名堂好似叫水煮淡水老鼠斑，原來即係桂花魚。抱住一試心態，意外驚喜~ 同埋佢墊底果d係雞絲粉皮果d粉皮，比起好多用木薯粉墊索味及清爽好多，冇咁飽滯排骨菜飯 - 黎呢度一定會食既例牌菜，若然豬扒冇咁甜會更好，但鬆軟度就剛剛好回窩肉炒年糕 - 係好油膩，但我鍾意，味道剛剛好，伴炒既腩肉亦好靚…查看更多

友人們都知我貪吃並嗜辣，介紹我食此間滷味，是日路經旺角即順帶一試.招呼的店員好有禮並大方，主動話拮d比我地試(好有誠意地)，拮親都大大舊，毫不孤寒，並稱食物冇添加味精(食完雖然係辣但冇口渴的)，讚！試左翼尖及鴨腸，兩樣味道都醃得好到位，辣度好夠，鴨腸好爽脆，鹹辣度好適中。其實好想買一大堆返家做餸，但是日為逛街日所以只買了鴨腸即食($20=70g)。店員細心地幫我剪短d鴨腸以便街頭即食，邊逛邊食邊覺得越食越辣，而的確辣味只係食果時有唔會維持好耐，所以都好痛快，不過建議可以在秤重量後再加返少少醬汁，因為稍稍覺得乾身左d，若能拌以些許醬汁應該會更好！另外由於買既係鴨腸，所以腸隙中夾雜了椒粒，若可以改善埋呢點會更好。…查看更多

朋友盛讚話呢間好好味，又去試，又係失望而回，全餐西式齋實在不慣，份量雖唔細，但食完唔得滿足囉…先來個湯，甘笋齋湯，好稀，且飲落味道怪怪的，差我叫左個漢堡飽餐，揀蘑菇汁，裡面係純菜冇扮肉嘅漢堡，仲夾埋d薄荷葉在內，真係食不慣，反之夾生洋葱應該會好d，並且食唔到蘑菇汁味雖然我唔太鍾意食，但睇得出店主係好比心機去經營，裝修及服務都好好…查看更多

據聞牛角要等好耐位，一放工馬上仆到去，奇蹟般我只等左20分鐘就有位了，因為前面有7張2人枱d人都行開左，我有得執死雞，太幸運了!牛舌 - 韌而不脆口(無論燒得長d定短d時間都試過，都係咁)牛肋肉 - 唔錯(做緊半價，每枱限叫一碟)腹胸肉 - 叫左蒜蓉味，有點似食緊金鳳牛扒加蒜蓉感覺，唔錯海鮮辣泡菜豆腐湯 - 呢個鹹到你痴肺，亦都唔辣，辛辣麵d湯都比呢個好飲銅鑼燒 - 係有點得意，跟佢地指示兩面各燒20秒，但係外面係微脆而中間d雪糕都仲係好實，雪糕應該需再溶多d先適宜食王樣豆腐 - 味道幾好，醬汁微辣幾醒胃好味，豆腐亦好滑牛角沙律 - 中規中矩醬汁 - 有3款，唔覺得十分特別，其中一款超鹹…查看更多

周末的soho, 大部份餐廳只提供all day brunch, 由於怕brunch唔夠飽, 難得呢間周日都仲有set lunch, 而且都只係$78/set, 於是揀左呢間服務 - 前菜沙律都等左接近十分鐘先至有, 餐廳唔係多人, 唔知點解沙律都要等咁耐環璄 - 樓底高, 白色既牆同埋開揚既環境, 好有回到歐遊時d歐洲餐廳既感覺沙律 - 醋油味道適中, 唔會過酸, 而沙律菜裡面既甜菜頭亦好好食, 一般前菜沙律較少食到甜菜頭主菜 - 原隻檸檬汁魷魚配薯角, 真係原隻魷魚上, size都唔細, 但薯角就只有十舊唔夠, 大食的我份量略嫌不夠, 隻魷魚整得好嫩唔韌, 檸檬sauce亦調配得好好味, 微酸醒胃. 朋友要既主菜係紅咖喱汁西冷牛扒蒜香飯, 塊西冷就好似大家樂果d細size, 仲係只得一片, 我嚐左一口, 無甚特別, 蒜香飯原來唔係混入蒜蓉, 而係見到原粒蒜頭在內, 不過據友人說味道都唔錯, 佢個配菜係燒茄子, 反而覺得燒茄子比主角西冷扒來得好味, 燒得唔會過乾, 亦冇被燒烤味蓋過原來味道甜品 - 焦糖布甸, 呢個甜品頗好味, 焦糖汁甜度適中, 而布甸軟硬度亦剛剛好, 讚!飲品 - 兩個都叫左凍檸茶, 淡而無味, 冇茶味冇甜味冇檬味, 不過呢類餐廳都唔指望杯COT會好好味, 只係冇諗過會冇味成咁, 只係似一杯茶色既凍水咁整體以$78+10%響soho區食到呢d餐, 算係好抵食.…查看更多