LeungLeungWan的个人专页

今日去咗想試去嘅串Grill，次次經過廣華街分店都大排長龍，所以今日去佢另一間分店。座位好闊落4人枱可以坐到6個人，乾淨又企理，職員都好關心食客，上串燒嘅時候會順便問你有冇其他需要。適逢就尼萬聖節，鋪頭都推咗2款期間限定嘅食物，眼球同手指🤣睇得又食得自助燒烤就唔多講啦，唔使時刻擔心野食會燶而不停轉位，最適合啲好似我咁嘅懶人😁至於食物款式方面，都係正常嘅BBQ會燒嘅野。但大家有冇燒過和牛呢😏燒烤和牛同平時嘅和牛比係唔同啲嘅。不過我比較鍾意食其他，牛舌唔少少膻少少嚼勁；雞軟骨就擺係嗰爐上面燒耐啲，外面脆脆地裏面少少軟；仲有平時唔多鋪頭會有嘅燒雞皮，搽返啲鋪頭嘅秘製醬汁，燒完👍推介~豬嘅表現都唔差，食落去冇咩膻味，唔使點嚼總結全晚嘅肉都係新鮮嘅，鋪頭唔會預先幫你落好多調味料，等食客可以食到食材本身嘅味道。如果大家要調味嘅話，我建議係撒啲調味粉再燒，咁會入味啲最後就係燒甜品，棉花糖、雞蛋仔、菠蘿，經典永遠冇得超越。我最鍾意燒雞蛋仔，外脆內軟，配埋半融化嘅棉花糖同凍冰冰嘅雪糕，真係無得輸。…查看更多

早幾日早收工同同事嚟到位於銅鑼灣嘅燒鬼食放題～估唔到5點半入到去已經有幾枱客人！餐廳都有十幾枱坐位，而且座位都算幾闊落，坐得都舒服。烤爐係用日式網燒爐，每個爐頭上面都有個抽油煙機，咁就無咁焗放題套餐我就揀咗牛海姬，除咗有8款頂級美國牛肉外，仲有多款雞肉、黑豚、海鮮、蔬菜、前菜、壽司、和食、麵飯湯同8款刺身！上菜速度都幾快，而且望落同食落牛肉肉質都唔差，刺身以燒肉放題嚟講都出奇地新鮮好味！牛肉方面，最推薦嘅係牛舌、牛胸腹、牛板鍵香蔥薄燒！刺身極度推薦：魷魚、甜蝦、帶子，超級鮮甜！其他食物都好有驚喜同質素，尤其係天婦羅，新鮮即炸好脆口～前菜嘅辣味貢菜帶子裙邊都好開胃，一定要食！…查看更多

最近同女朋友慶祝生日就去咗位呢間居酒屋，種類款式都幾多，價錢合理，雖然座位唔多，但都唔算太逼～裝修都幾得意，竟然係用富士山做主題，係香港都幾少見🗻當中我最中意嘅係清酒煮日本大蜆，非常驚喜，蜆肉同蜆湯都超級鮮甜！另外九件壽司都值得一試，壽司係師傅手握嘅，所以口感非常好，而且又新鮮～絕對比得上omakase！松葉蟹味噌甲羅燒伴燒鱈魚脆片都令我好印象深刻，甲羅燒好食就一定架啦，估唔到配埋鱈魚片可以更更更好食！感覺都無咁膩～西班牙伊比利亞黑毛豬叉燒配半熟溫泉玉子呢個fusion菜都幾出色，係高質素嘅叉燒，再配日式食法，都幾得意😝千府一品厚切牛舌芯真係好厚切，啖啖肉又好咬口，韌度剛好🤟🏻串燒燒白鱔免治雞肉軟骨餅兩款串燒都可以點蛋汁食，免治雞肉軟骨餅更係師傅手打，食落口感幾特別！日本水果冷蕃茄無諗過師傅可以將一道平凡嘅菜式整得咁好味！蕃茄超juicy又甜初戀富士個杯身係出面好流行既富士山杯，上面用泡泡槍打左個泡泡，反曬光閃閃下咁，拎黎打卡一流宇治抹茶十勝紅豆布丁個抹茶布丁都係富士山造型，上面用cream扮山上既霧，食落抹茶味夠濃～…查看更多

星期日Family day成家一齊出咗旺角去支持良心小店，串Grill自助燒烤專門店！見到門口都好多人排緊隊，好彩一早Book jor位😛等咗陣就入得量完體溫搓搓手之後就坐低落單啦～食物款式都唔少架😋有豬牛雞海鮮小食蔬菜都有！每次點完都好快上到菜！食物質素唔錯，完全對得住個價錢🥰小店仲有個List suggest要燒幾耐，跟住燒一定無錯架啦！另外，飲品都係放題任拎～食下食下就夠鐘，真係非常滿足！好味又抵食！…查看更多

因為武肺關於，原本打算今年Al去嘅日本旅行取消咗，咁唯有食翻餐好味嘅日本野當補數😕嚟到位於尖沙咀嘅南瀛水產，店舖都幾大，裝橫都落足心機非常靚同有Feel👍🏻而且食物款式都多，最基本嘅刺身同燒物都有，而且仲有即燒海鮮、炸物、火鍋👍🏻酒類飲品都多到數唔曬！當中我最難忘嘅係柚子啤酒🤣好味到食完即刻去咗買罐柚子蜜翻屋企自己溝嚟飲🤣🤣🤣食物質素同價格成正比，雖然價錢方面唔算平，但絕對有質素保證！前菜刺身/卷物雲丹蚧肉卷即燒海鮮蚧味噌甲羅燒活鮑魚、帆立貝炸物唐揚炸雞土佐豆腐燒物花魚一夜干香蒜牛舌南瀛玉子燒最後就食埋火鍋日本豚肉鍋…查看更多

其實都唔係第一次食牛大人，但每一次都係非常滿意，令人回味😛牛大人都幾難book到，因為太受歡迎，真係要預早好多先book到🙈大家真係要注意呢一點！湯底有9款，全部都幾特別，仲可以加錢轉鴛鴦鍋，不過我就咁揀咁紅燒牛肉鍋🤣套餐有3款，揀咗極上和牛，因為有我最愛嘅牛小排！醬料飲品同常見嘅配菜都係自助區自己拎嘅，而肉類、海鮮同特色台式小食就係用手機落單嘅，落單之後都好快送到～不論係咩肉都好，唔好滾太耐就要拎起，唔係嘅就會鞋架啦🤣牛肉好靚好鮮甜，而且仲送每人兩粒和牛丸，非常鮮甜😌…查看更多

其實好耐無食烤魚鍋，一直都好想再食，又咁難得搵到間黃嘅烤魚店，緊係即刻沖去食！疫症期間難得一見嘅爆場，生意極旺，同時都係質素嘅保證😛魚方面都有3款唔同價錢嘅魚可以揀，龍躉、三刀、多寶，咁我地就揀左最貴嘅龍躉😜之後再揀埋味道，有6款味，招牌香辣、泡椒、麻辣、蒜香、豆鼓、鮮椒，咁我地就揀咗泡椒😌仲送3種配菜，不過我地都另加咗寛粉等咗都一陣先有得食，鍋身扁平非常易夾餸！魚肉口感爽勁而帶啲滑😌唔係果種一夾就爛嘅魚肉😜辣得嚟唔會過辣，但就非常過癮，由於配菜份量都幾多，都食咗好耐先差唔多食曬，無諗過食魚都食到咁飽🤣真係超滿足！…查看更多

元朗美食多，除左打冷大排檔，好多小店都高質架！🥪芋見紫薯吐司 $43一聽就知係超邪惡嘅嘢😍一邊係芋泥，一邊係紫薯😍芋泥本來就好Smooth，黏黏地口感好rich，再配埋味道超濃嘅紫薯，口感同味覺都豐富致極🥰不過道好易膩，一人半塊就剛剛好😆🍚魯肉飯+炸物 $59魯肉飯比想像中大份好多😂味道唔錯，幾Juicy同油香感都唔錯！😌炸物方面，都係即炸非常香脆！甜不辣口感煙韌唔錯！幾特別！😉☺️…查看更多

前幾日同女朋友慶祝周年紀念日，緊係要食翻啲好西🥰女朋友就最鐘意食日本野，所以就有咗佢嚟呢間位於銅鑼灣嘅居酒屋，就係SOGO隔離交通超方便！坐位都算幾闊落，裝修別致！鯛魚薄切鯛魚份量多，好嫩，好香魚肉味又好有口感，真係食極停唔到口！溫泉蛋水菜沙律呢個沙律辣辣地幾香口，仲有溫泉蛋，比起平時食開都幾特別！炭燒上牛舌女朋友最愛就係牛舌，呢款角切牛舌厚厚地，好有口感，仲好香炭燒味！稻庭烏冬烏冬好滑，清清地唔錯！…查看更多

前排聽朋友講有間火鍋店好抵食，就同左女朋友試試，平日7點半離座先$188一個人，而且仲要係任飲任食靚牛同配料！我同女朋友都超滿意！我地叫嘅係安格斯牛肉，仲有其他級數嘅牛都可以叫，但價錢就會唔同，我個人認為呢個餐已經好高cp值！安格斯牛肉入面都仲有好多款唔同部位嘅牛肉可以揀，個人就最推薦牛小排，唔會太肥但夠爽口彈牙，仲好鮮甜👍🏻另外都有好多得意嘅台灣小食可以叫，更有魯肉飯！出面好少火鍋店有！醬料係自由配搭，都有好多選擇👍🏻👍🏻…查看更多

今日行完沙田新城市掃完貨，唔太肚餓但又想搵個地方坐下。揀左7樓食肆個層一間食拉麵既我武者羅。同平時食拉麵既小店唔同，依間拉麵店地方寬敞又乾淨，位又夠多唔洗點等。佢主打都係較清淡既海鮮湯底拉麵，同一般太濃或者咸既豬骨湯底唔同。岩曬啲想食拉麵又想食得健康既人！淺蜊潮拉麵海鮮味甜嘅拉麵濃厚咖喱味增沾麵個沾麵醬勁辣🤪🤪中意辣嘅朋友可以挑戰下👍🏻👍🏻唐揚炸雞🍗好脆口，味道唔錯👍🏻👍🏻👍🏻…查看更多

平時同朋友出去食日本野都係去放題或者平平地咁食個定食，今次有同事提起去食omakase 會別有一番風味，所以就係尖沙咀搵左間都受歡迎既黎試。佢大部份台都有一個卡位既area，所以會有私人空間咁食，唔洗同隔離台你眼望我眼咁食。不過亦因為咁，位唔算多，食之前記得要電話預約。鮟鱇魚肝食落好似鵝肝咁濃郁，但配番佢酸酸辣辣既漬物，又唔會有太膩既感覺。鮫鰈魚薄切新鮮既刺身食到啖啖甘香。因為佢係薄切，所以食到佢個種彈牙既口感。鹽燒活鰻魚同平時既蒲燒唔同，鹽燒既鰻魚食到脆口既外皮同鰻魚本身既味道，比想像中特別。黑豚肉西京燒煙煙韌韌既黑豚肉，食落好似豬肉乾咁每啖有肉汁滲出，記得要趁熱食。火炙左口邊魚平時未試過既壽司，食落口感類似火炙三文魚腩咁充滿油脂感，但因為係白身魚，唔會有三文魚咁膩既感覺。鯖魚壽司食落好滑同鮮甜，平時中意食燒鯖魚既人一定要試。海膽壽司塞到滿滿既海膽軍艦，食落甘甜，入口即溶，食完個下回甘味令人水都唔想飲住！！鱈魚白子天婦羅薄薄既天婦羅衣，唔會有食到成口粉既感覺，配埋入面既白子滑滑口感，真係外脆内軟，配埋天婦羅汁食落順口唔會太濃味。魚湯烏冬店員介紹依個係佢地既招牌菜，完全無落其他調味，只係靠魚肉煲出黎既鮮甜，用黎收尾做最後一道菜就剛剛好。本來以為omakase 既份量會食完都唔太夠，但原來跟住佢個上菜節奏，唔覺唔覺就會飽曬。仲可以試匀曬濃郁同清淡鮮甜既菜式，果然別有一翻風味。…查看更多

終於有機會懲罰別天神呢間咁黃黃黃嘅拉麵店了！去到夜晚9點半舖頭仲係好多人排緊隊，我都等咗陣先入得～果然係深黃店！成間店都係連儂牆，完全充滿力量💛而且仲有防盗資料咭套任大家拎，非常窩心🥰豚骨湯麵套餐(拉麵、餃子、沙律) $105🍜豚骨湯麵嚟到日式拉麵店梗係要食食最傳統嘅豬骨湯拉麵！睇嚟落足豬骨嚟煲個湯底，湯頭奶白色，鮮甜又濃郁🥰拉麵份量比想像中多好多，仲配埋木耳好正😋.🥟餃子套餐包有4隻餃子，其實真係會好飽😂但見煎得咁好味，就唯有飽都照食👻.🦞小龍蝦蟹子沙律意想唔到咁好味，咸咸甜甜又清新嘅感覺，沙律份量爆多，兩個人分都要食好耐先食得晒.🍜蝦味噌豚骨湯麵 $85超多櫻花蝦，湯底比較濃，咸咸甜甜嘅蝦湯非常惹味，份量同樣多！今次呢個拉麵就唔跟木耳，但就有好多粟米粒，添加鮮甜度～.強烈建議大家可以一試牆上面貼住嘅自行調製隱藏口味！特辣真係會越食越上癮😍.大家有時諗唔到食咩，真係可以一試別天神，又唔算貴又飽，最緊要係夠黃💛…查看更多

前幾日同女朋友仔Happy Friday 就去咗食呢間新開業無耐嘅好西！平時女朋友好少會打邊爐，因為覺得坊間大多火鍋店質素太差寧願唔食，但呢間佢睇完Menu已經勁想食！雖然肉類唔係任食，但正中女朋友嘅心水，因為單份叫嘅肉先係最新鮮最靚，新開業期間仲半價，勁抵食！我地一人叫咗一個拼盤，分別係頂級豚肉同煽牯牛，店家將兩份拼盤放埋一齊牛嘅部位款式好多但每個部位都只得2片肉，而豚肉只有4個部位但就好多片，各有各好食！牛部位多，有好多好得意嘅部位名都未見過！平時食開都係普通嘅美國雪花肥牛，今次呢啲唔同部位嘅靚牛肉，真係食得出啖啖肉都同平時食嘅味道、口感好唔同！非常鮮甜！而且又較厚切，非常軟腍腍，勁正！豚肉都好鮮甜又夠肥美！另外+$68有任食火鍋配料+任飲！我本來以為係普通嘅火鍋配料，點知又係勁高質質素！尤其係手工餃，完全係外面食唔到嘅質素！超鮮甜！…查看更多

前幾日放工同至同事去左觀塘一間工廈餐廳食！餐包坐低無耐就有餐包食，脆脆地唔錯！炭燒美國特級牛肉眼扒12安士份量for4個人岩岩好，好香炭燒味而且又幾juicy，真心唔錯！燒美國豬斧頭扒 未見過豬扒都可以整得咁靚🙈勁厚身，但燒得好均勻，唔會過熟或過生，食落都唔會好乾，口感有啲似雞肉，而且仲好香添！太大份食得好飽😂😂煙三文魚薄餅 勁好味，超多三文魚！炸魚薯條即炸非常脆口，而且份量都算幾多蘋果撻同平時食開嘅蘋果撻有少少唔同。呢個係成塊酥皮底，上面鋪滿一篇篇嘅酸甜又軟腍嘅蘋果片，都算幾開胃～朱古力心太軟 唔知係唔係焗得太熟，所以唔算好流心。但朱古力味都幾濃郁😛走果時先見到原來星期六晚有任食紐西蘭西冷扒，只係每位 $298，以呢間餐廳嘅牛扒質素來講，$298任食扒真係好抵！…查看更多